الحب الحرام
بقلمي العبوديه
البارت17
رحت عليه دار وجهه ومشه انصدمت بقيت الحگه الهاي الدرجه ميريدني لا راح اتخبل مشيت سريع ورا وصحت
عمررررررر عمررر صدك تحجي
عمررررر مو احجي وياك اوكف اوكف
وهو يمشي حتى مكلف روحه يدور وجهه عليه
كال روحي منا متفهمين انتِ كم مره كتلج ماريد اشوف خلقتج
شهلاء-بجيت وكتله اووووكف اوكف خليني احجي وياك
ماريد ابرررررر
عمر-واني ماريد اسمعج
شهلاء-جذبت بس حتى اوكفه كتلهكلشي توقعت منك بس تحجي على شرفي ابد متوقعتهه
وكف هو رأساً ودار عليه
عمر-شدتلغين انتِ بابا شنو احجي على شرفج يا كلب ابن كلب گال اني حجيت عنج بشرفج انتِ مطيه
شهلاء-الهاي بطلت تحبني عمر هو هذا حبك الي وكلامك بسرعه هيج تخليت عني
عمر-بسرررعه بسرعه
ضحك باستهزاء يا سرعه هاي شهلاء الي تخليت بيهه عنج عل عموم مستعجل اني كليلي يا ساقط وصلج اني حجيت على شرفج حتى اروح اخذ شرفه منه هالساقط
شهلاء-اعرف جذبت عليك بس كلبي يوجعني بدونك عمر مشتاقتلك والله
عمر-لتحجين بهالسوالف كاكو شي بيني وبينج بعد ماعدا هسه وكفت حتى تكليلي منو كال اني حجيت عليج
اااحجي شبيج صفنتي بوجهي
هاي انت عمر والله مااصدك
عمر-حقج لان جنت منطيج اكبر من حجمج
شهلاء-عمر اني صح غلطت بس كافي هيج تحجي وياي فدوه
عمر-انتِ شتريدين بابا مني
شهلاء-نزلت دمعتي گبل اريدك انت عمر وسكتت وعيوني جانت كفيله تحجيله الضياع الي حسيته ببعده عني
عمر-لتباوعيلي هيج الي يشوفج يگول ظلمتج
طلعتي من عيني شهلاء
جبرني خالي اروح اشتغل والله
عمر-اشششششش لتجذبين دير بالج تجذبين شهلاء انتِ تغيرتي ابد مو ذيج الاوليه لتتحججين بخالج ابد طول عمره ينبح مثل الچلب ولىتلبسي ويسكت انتِ ردتي
شهلاء-طمعت مااجذب حبيت الحياة الثانيه الشيطان وزني
بس والله بالبدايه انجبرت تتذكر شكد كتلك تعال
تعال عمر أخطب اخذني يمك جنت اعرف بداخلي كام يشتهي يعيش وتحلى بعيوني المظاهر
جنت اخاف اكره اصلي وعيشتي توسلت بيك هواي مو ذنبي حلت الدنيا بعيوني
لان نذليت وكمت اطمح اعيش حالي حالهم
جنت عايشه بصراع بس الله اليعلم بي قاطعني وكال
عمر-اشششش كافي لتغين كلامج مراح يغير شي لا عبالج انقهر من تبجين الي بگلبي شايله عنج اكبر للتوقعين اضعف مثل قبل لدموعج لا والله ابد ابد مااضعف بعد
عافني ودار وجهه يكمل طريقه
عمرررررر لتسوي هيج عليك بكلام الله والله خايفه الدنيا بدونك عافني وراح ولا عبالك احجي ويا
يعني شنوووو اسأل نفسي هالسؤال
يعني صدك بعد ميريدني لا والله مااتحمل اموت اني
شسويت بروحي ركضت وراه ولحكته شيكولون العالم خل يكولون
عمرررررر عمرررررر اوووكف اوكف كااااااافي انت شنووووو راح تروح هيج يعني عنذك عادي
وكف فجأه ودار ويخزر بيه
عمر-اااانت شبيج شبببييييج عاجبج تنهانين
كتلج مافي ولي من حياتي ماريددددج كارهج وكاره حياتي كلهه لعبت روحي من الدنيا بسببج
يعني تعرفين انتِ الانسانه الحبيتهه تضحك عليه
لج عبرتي مرحلة المنتهيه من ذني المو زينات والله
لتباوووووعين هيج ابد كل كلمه بحقج احجيهه طبج مرض عليهه هي متتفسر بغير شي اي مكرن جيبيلج بالشارع يكلج هذا الحيوان حقه بكلامه
كافي شهلاء كمت مااصدكج شلون بعد اكدر اعيش وياج فهميني راح أأذيج
شهلاء-ميخالف قابله
عمر-واني شلون لج من ورايه تروحين بالشغل المانعج منه لا والحلو تتصلين يوميه ولا عبالك صاير شي عوووفني بهمي يا شهلاء لج مكاعد استوعبج
وتحجين تحجين وياي بكل صلافه وتجذبين وتكليلي اني بالبيت وانتِ بيت ثاني بربج هيج وحده شلون اعيش وياهه
بضميرج وحده مثلج شلون اكدر ادور وجهي واروح للدوام شلون اكدر اوثق بيج بعد وارتاح لون وحده مثلج اعوفهه ببيتي شلون أأمن شمدريني من ورايه شتسوي
لذلك نعلت ابو ابو گلبي
لتلحكيني بعد انننيةسيني طلعيني من عقلج انتِ شاطره بكلشي مينخاف عليج
دار وجهه وراح مسحت دموعي بيدي
اقتنعت ماكو امل بعد
انتهينا وبقت بس الذكريات والوعود صارت منسيه
وصرنه بدال الواحد اثنين وانتهت قصتنا سويه
مشيت بهمي الثكيل والوحده تكتلني
كل العرفتهم تبروا ومااعرف شنو ذنبي
كل هذا لان حبيت اعيش
دخلت للبيت سألتني خاله مجاوبتهه
كبل لفراشي بس جبت بطانيه ودثرت روحي بيهه
اريد انهزم الديره مون مابيهه بشر
ماريد اشوف احد
...................::.:...::::::..........
سليمه-جنت اگلي بيتنجان دخل سلوم كال سويلنه جاي اني وعمر بالبرانيه
احنه كاعدين ببيت واحد احنه وبيت عمو سويت جاي وطلعت انطي الهم كل جماعتهم الغرب مااطلع يمهم بس عمر لا من الصغر احنه سوه
طلعت من المطبخ اكو منور على طول بيتنا جانبي قبل لا اوصللهم سمعت سلوم يگله حيل بيهه صدكني عمر هيج تتأدب وترجع تبوس الايادي
عمر-هو اني هم سويت هيج وين سليمه صيحهه
سلوم-شتريد منهه
سليمه-شتريد عمر
دار عليه هو وسلوم
سلوم-هاي هنا اسم الله خرعتيني
عمر-شهلاء روحيلهه وسأليهه منو ضاربهه وجهه مزورك
سليمه-هااا بعد ما سلوم خله ابويه يحرمني شوفتهه
* عمر-صدك سلوم شحجيت على شهلاء يمهم بس لا حجيت سلوم
- سلوم-لا يابه شحجي من كل عقلك چا غير هي حالهه حال سليمه
- باوعتله بحديه بس مكتله ال عمر جذاب شوهه سمعتهه كدام ابويه وعمامي تدخل هو وسبقني بالكلام وگال ال عمر خويه عوف سليمه
عمر-لا بداعة اهلج روحيلهه وذممتج ذمه بركبتج متكليلهه اني دازج ابد سليمه متجيبيلهه سيره
سلوم-عمر راح ترجعلهه من كل عقلك انت
عمر-مراجعلهه سلوم شبيك بس
سلوم-بس شنووووو امداك اي والله امداك لك بابا انت رجال شلون تقبل وحده مثلهه تمشيك
عمر-شتمشيني سلوم شبيك بابا شنو هذا الحجي رايح اني عود رديلي خبر من سلوم ذممتج متكليلهه اني دازج
سلوم-اوكف خل اوصلك بالداراجه للتقاطع
سليمه-عمر ليش كاعد تعوف شهلاء الخالتهه السمانيه مادامك تريدهه مو هم تلعب بعقلهه
عمر-سليمه دماغي يريد ينفجر وحاير هسه اني
السوته شهلاء صعب
سلوم-لك بابا متفيدك والله
عمر-سلوووووم لتخليني هسه اغلط على عشيرتك يا اخي لتلطش بالموضوع اطلع منه عوفني تره اني دين مباقي براسي سليمه مثل مكتلج ولتحجيلهه اني نفسي هسه تعبان عساني كون اروح وماارد
سلوم-اوكف خل اوصلك
عمر-ماريد رايح اني
سلوم-دتعال خل اوصلك مااحجي بالموضوع وروح امي
سليمه-لحگه ال عمر بقيت اني واگفه اباوع على سلوم وعمر واسأل سلوم ليش يسوي هيج كل همه يفرقهم
بقيت اباوع عليهم مقبل عمر يوصله يمكن هم فتح موضوع لان عمر صارت تقاسيم وجهه حاده وعصبي وجع واني على نفس مكاني واكفه
سلوم-مخبل هذا والله مو صاحي
سليمه-ليش تحاول تخلي يعوفهه وانت تعرف عمر يحبهه
سلوم-لان وحده متسوه
سليمه-لا مو هذا السبب
تقرب عليه
سلوم-شنووووو لعد ليش برأيج ها انتِ مخبله لج بابا
خليني ساكت احسن
سليمه-مو حرام عليك
سلوم-لا مو حرام لان انتِ متعرفين شي اله اكلج خالتهه
ممبقيه واحد ما استغفر الله شطبي عالسالفه سليمه
سليمه-سلوم دتشوف روحك شكاعد تحجي
سلوم-اي اشوف بابا اني عمر اخووويه ومحروك گلبي عليه نكول شهلاء مو هيج ولو اني مأيس منهه تصرفاتهه تبشر بالخير ماشاء الله بس نفترض عمر طلعهه من هاي القوقعه هم العرج دساس والعرج ماشاء الله من هسه مسيطر عليهه سليمه لتروحين الشهلاء ولا تباوعيلهه دير بالج رجلج احشهن حش وروح امي
.........................
شهلاء-مرت يومين واني بغير عالم واصلاً متغيره هواي
الضحكه مختفيه والحياة صارت بعيني رخيصه
مااشتهي اعيشهه وامنيتي صارت هي الموت
اندكت الباب فتحتهه خاله طلع خالو ماجد كبل كمت من مكاني خفت انتبهت الروحي صايره بيه خوفه
ماجد-شخباركم
شهلاء-بقيت واكفه بمكاني تقرب باتجاهي ومد ايده يريدني اسلم وابوسه بقيت اباوعله تقدم اكثر سلمت عليه وبسته
ماجد-ام فريد چاي واريده بكوب وانت تعالي گعدي هنا
شهلاء-شتريد مني خالو
ماجد-فضيهه للسالفه
شهلاء-شلون اروح بعد اخدم وخاله صارت زينه
ماجد-سهله هاي تروحين وياهه
حاولي تخلي يحبج لو شوف شنو بس فضيهه
شهلاء-فتحت عيني بكل وسعهن وعيوني تتسائل عن كلامه
ماجد-فضيهه تعبنا هواي خالتج مدبرتهه
شهلاء-منو التعبنا مو علساس الك
ماجد-لتوگفين على لساني تراقبين الحرف اليطلع مني خصميلي السالفه
شهلاء-غير افتهم شنو هو الي لازمه عليك
ماجد-خلي يصير قريب عليج وهو راح يسولفلج
شهلاء-شلون يعني قريب والله راح اتخبل يعني انطي روحي شتريد مني خالو فدوه عوفني بحالي كمت ردت اوخر بغير مكان عنه سحبني من ايدي
ماجد-متوبين لو جلدج حكج تريدين تنكتلين
سمعي الي اكلج بي واختصري مابيه حيل اگوملج وخاف من اگوملج مابقي بيج شي صاحي سمعي مني
شهلاء-مااكدر اسمع شتريد خالو راح اتخبل يعني انطي شرفي
عتني حيل وكعدني
ماجد-كعدددددي لتعيدين هذا الكلام بت النعال شنو تنطين شرفج كتلج سايري تفكرين بشرف انتِ وهذا ال اسمه عمر تتختلين ويا ببيته واحد غيري ذابحج انتٍ ويا ويحقلي عشائرياً
شهلاء-چا من شفتني اتختل ببيته مذبحتني
ماجد-لتراددين وجه البومه واذا بعدج تفكرين بهذا الفكري احجيلي حتى اختصر الطريق واحررج
شهلاء-اي بعدني اريده
طلع جهازه من جيبه واتصل واني عيني بعينه
كال وين انت. ها حلو قبل ليدخل عمر الوحدته خلص عليه وشمره بأي جوله
باوعت بصدمه جان لازم ايدي حاولت اوخرهه
لا شنو عمررررر انت شنو كله لاااااا والله اموتك بيدي
ماجد-اشششش
شهلاء-اااحجي كله ليسوي شي انت شنوووووو باوعت خاله واكفه وتباوع هم معاجبهه
خاله خاله يريد يكتل عمرررررر انت ليش تسوووي هيج اااحجي كله لا
نزلت دمعتي
ابوس ايدك خالو گله ليسوي بعمر شي
جاووووبني خالو باوع عليه شتريد اسوووي والله بس عوف عمرررر فدوه
ماجد-تعتبتيني واني مالي خلك طفله تلعب باعصابي
وترادد
شهلاء-والله مارادد شتريد اسوي شتريد بس دگله ليسوي شي فدوه فدوه خالوووووو عليك الله خااااابر
باوعلي بحديه-واذا اعترضتي
شهلاء-مااعترض والقرآن وروح اهلي مااعترض شتريد اسوي دخاابر فدوه
هنا تاكدت هو مجرم والي لازمه عليه هشام اكيد بودي للاعدام وله واحد ينطي بشرفه ويضحي بي ليش
اصلاً اني شبه ميته بعد ابويه وملطشه للعالم كلهه
واذا اريد اروح لو اعترض المن اروح
الحد مااتصل يالله ارتاحيت
كلشي ولا يصير ب عمر شي مااعرف يهددني لو صدك يسويله شي
ماجد-روحي ويه خالتج باجر ودار على خاله
وانت كليله مااكدر ابقيهه بالبيت وحدهه شوفيلج اي حجه
اني رايح هسه
ام فريد-روحه بلا رده كون
شهلاء-بعد ما طلع خاله حجت هيج وراحت للمطبخ
صحتلهه من الغرفه
حتى ماعترررضتي الاول مره اعرف انتِ جبانه اني اذا جبانه فبسببج انتِ دائماً منطيته مجال يحكمني هو منو هو مو احنه كاعدين وحدنه
كااافي همي
يا هم حاتم الي متزوجج بدون ميدرون اهله شلون كدرتي هيج تسوين خاله شو من باب من احب عمر تحاسبوني جنتوووو
ام فريد-ماريد اسمع ولا كلمه كافي ساعة السوووودا ساعه سودا والله
شهلاء-طلعت وبعدهه سويتلي جاي وطلعت بالحوش
كعدت العب بالترابه الكبال بيتنا احب العب بالتراب الزم خشبه لو حجاره وارسم بيهه گلوب لو اكتب شي
كتبت احبك عمر بقيت الوب الحد ما اجه الليل وغفيت
ثاني يوم من غبشة الله طلعت ويه خاله رحت البيت السيد هشام واول مدخلنه للبيت هو جان كاعد بالمكتب وفاتح الباب جرتني لزمت ايدي ودخلت للمكتب
ام فريد-صباح الخير
سيد هشام-صباح النور
ام فريد-ابو محمد بيهه مجال اجيب شهلاء وياي مااكدر اعوفهه بالبيت
سيدهشام-اني من ذاك اليوم كتلج جيبيهه وياج لتخليهه بالبيت وحدهه ماكو مشكله يلله خليهه تلزم الحديقه والگهوه تعينج بيهن واحسبلهه مصرف
شهلاء-ماكو داعي تحسباي مصرف بالعكس اني احب اسوي الحديقه
سيد هشام-ميخالف تشجيع الج حتى تشتغلين بحراره
شهلاء-اسويلك كهوه اذا تحب سيد هشام
نزع مناظره وكال
هشام-لا اني اروح انام لان عيوني كامن يحركن بيه
منايم من البارحه
شهلاء- واني اطلع من المكتب من كثر ما مسطوره دفرت برجلي التحفيه اخترعت وكبل درت وجهي اكثر بيت بالدنيا مخليت تحفيات
گبل خاله ضربت كصتهه بيدهه طركاعه على راسج
شهلاء-بقيت اباوع على سيد هشام
هشام- اني صاعد انام اي شي يصير ام فريد بلغيني وكعديهم ال انور وبثينه يتريكون بثينه عدهه علاج لازم تاخذه
شهلاء-طلع من المكتب واني دنكت على التحفيه الملم الكزاز مالتهه
ام فريد-انتِ شنو هالثول العندج
شهلاء-درت عليهه اكلج هو ذيج المره شكال على التحفيه الكسرتهه
ام فريد-نفس ما هسه سوه كتله ولا عبالك
انتبهي بت الزفره شنو هالثول العندج دلمي الكزاز زين خل اروح اكعدهم
لملمت الكزاز ورحت للمطبخ
كعدوا انور وبثينه ساعدت خاله من تسويلهم بس مطلعت دخلي انور وهو يبتسم
انور-يا اهلا وسهلاً ام الشوش
شهلاء-شلونك سيد انور
انور-شو مؤدبه اليوم الله يسلمج اكول شي الجبته الج جان لايك الج هواي ليش ملبستي
شهلاء-باوعتله بحديه وعصبيه بسببه عمر عافني
كتله لبسته لان بللتني ورجاءاً سيد انور بعد لتتشاقه وياي اني اشتغل هنا ويه امي اساعدهه لان متقبل تبقيني بالبيت بهاللحظه دخلت خاله شافته كلش قريب عليه هو هم من شافهه كال كهوه اريد بغرفتي
ام فريد-اني هسه اجيبلك شهلاء اريدهه تثرملي بصل
شهلاء-اول مطلع اجاي غليه بعصبيه
ام فريد-شهلاء شجان يحجي وياج هذا
شهلاء-ميحجي
ام فريد-ليش هيج قريب عليج لعد شهلاء هنه بس هاليومين ستري عليه
شهلاء-شنو اليومين
ام فريد-اخذج ونروح نهج المكان محد يندلنه بي ستري عليه وبعدي عن هذا انور
شهلاء-وخالو وسالفته
ام فريد-مالنه علاقه بيه بس سكتي لتجيبين سيره الاحد وهذا انور بعدي عنه نسونجي خاف يأذيج
شهلاء-فرحت يعني راح اخلص من خالو وخاله مبينه متأذيه من حاتم الچلب
رجعنه للبيت ارتاحيت شويه
وطلعت الم بالقواطي لان مختنكه حيل ضجت من نظراتهم الي كلهم مااعرف ليش هيج فجأه عبالك همه اهل عمر متت قهر درت وجهي ورجعت
لكيت سياره بالباب بس مو سيارة خالو اعرف سيارته تقربت شويه من البيت سمعت صوت صياح باوعت السياره يمكن مال حاتم ركضت بسرعه بس حيلي انهد من سمعت صوت خاله
باوعت حديد اكو بالجهه الثانيه يم البيت ركضت جبت حديده مال بناء لان صوتهه جان مال وحده تنكتل
واني ادخل سمعتهه تتوسل بي فدوه لا الله يخليك لا والله اسفه تترجا فتحت الباب وهو يضرب بيهه السافل بحيث خالتي الدم طالع من خشمهه ويفشر عليهه ركضت بسرعه قبل ليتحرك ضربته ......يتبع