လေးဆက်တစ်ယောက် COE အောက်ထပ် အားကစားခန်းမမှာ အသိညီလေးတစ်ယောက်နှင့် စကားပြောပြီး အခန်းထဲက ထွက်အလာ သူ ချစ်ရသည့်တီချယ်နှင့် အမှတ်မထင် ဆုံလိုက်ရသည်။
Second Semester က တဖြည်းဖြည်း နီးကပ်လာပြီဖြစ်သည့်အတွက် လေးဆက် စာဘက်ကို အာရုံစိုက်နေရသည်။ ထို့အပြင် ဈာန်ဆိုသည့် ဂျစ်ကန်ကန်ကလေးဆိုးလေးအတွက်လည်း သီးသန့်အချိန်ကို မနည်းဖဲ့ပေးနေရသဖြင့် တီချယ်ဆီကို မသွားဖြစ်တာ အတော်ကြာခဲ့လေပြီ။
စာမေးပွဲမဖြေခင် တစ်ရက်လောက် တီချယ့်ကို သွားတွေ့ဦးမည်ဟု စဉ်းစားနေစဉ်မှာ အခုလိုမျိုး မမျှော်လင့်ဘဲ တိုက်တိုက်ဆိုင်ဆိုင်ဆုံလိုက်ရသည့်အတွက် သူ အရမ်းဝမ်းသာသွားရသည်။
တီချယ်ကတော့ ဘေးဘီဝဲယာကို သိပ်မကြည့်ဘဲ သူ့ထုံးစံအတိုင်း ခပ်သွက်သွက်လမ်းလျှောက်ကာ လှေကားပေါ်တက်ဖို့ပြင်နေသည်။ တီချယ့်လက်ထဲမှာလည်း စာအုပ်တွေ စာရွက်တွေ အထပ်လိုက်နှင့် မနိုင်မနင်းဖြစ်နေသဖြင့် သူ တီချယ်ရှိရာဆီသို့ အလျင်စလိုပြေးသွားလိုက်သည်။
“ တီချယ် ! ”
သူ အော်ခေါ်လိုက်တော့ လှေကားသုံးထစ်လောက်အထိ တက်ပြီးနေသည့် တီချယ်က ပြန်လှည့်ကြည့်လာသည်။ သူ့ကို မြင်တော့ တီချယ့်မျက်နှာထက်မှာ အပြုံးတွေ ဝေဝေဆာဆာပေါ်ပေါက်လာပြီး
“ ဟယ် ! မတွေ့ဖြစ်တာတောင် ကြာပြီ သားရယ် ... မင်းနှယ့် အတော်နေနိုင်လိုက်တာ ... တီချယ့်ကိုတောင် လာမတွေ့ဘူး ... ပြီးတော့ မြတ်သူတို့မောင်နှမရောပဲ ”
တီချယ်က သူ့ကို အနည်းငယ် ဆူပြောလေးပြောလာသဖြင့် လေးဆက်လည်း ပြုံးစိစိနှင့် ဇက်ပိုးကိုသာ အသာပွတ်ရင်း တီချယ် ပြောသမျှကို ငြိမ်နားထောင်နေလိုက်သည်။
“ ဒါနဲ့ သား မင်း ဘယ်သွားမလို့လဲ ”
“ ဟင့်အင်း ... ကျွန်တော် ဘယ်မှ မသွားဘူး ... တီချယ့်ကို တွေ့လို့ နောက်က လိုက်လာတာ ”
“ အေး ... အေး ... သား စာမေးပွဲအတွက်ရော ပြင်ဆင်ပြီးပြီလား ... ဘယ်လိုလဲ ... အဆင်ပြေရဲ့လား ... မြတ်သူတို့ရော ... ”
“ အားလုံး အဆင်ပြေပါတယ် တီချယ် ... ဒါနဲ့ တီချယ့်လက်ထဲမှာ စာအုပ်စာရွက်တွေက အများကြီးပဲ ... ကျွန်တော့်ကို ပေး ... ကျွန်တော် သယ်လာပေးမယ် ”
ပြောရင်း ဆိုရင်း တီချယ့်ဆီက စာအုပ်စာရွက်တွေကို လေးဆက် လှမ်းယူလိုက်တော့ တီချယ်က သူ့လက်ထဲ အသာတကြည်လွှဲပြောင်းပေးရင်း
“ အခု သား အတန်းချိန်မရှိဘူးလား ... တီချယ့်ကို လိုက်ပို့လို့ ရပါ့မလား ”
“ ရတယ် တီချယ် ... အတန်းချိန်က ရှိပေမဲ့ သင်မဲ့ တီချယ်က လာတာ နည်းနည်းနောက်ကျတတ်တယ် ... အဲဒီတော့ ကျွန်တော် တီချယ့်ကို အရင်လိုက်ပို့ပြီးမှ အတန်းသွားတက်လည်း မှီပါတယ် ”
“ အင်း ... အင်း ... ဒါဆိုလည်း တီချယ်တို့ သွားကြရအောင် ”
အဲဒီနောက်မှာတော့ လေးဆက်လည်း တီချယ်နှင့် ရောက်တတ်ရာရာစကားပြောရင်း အပေါ်ထပ်ကို အတူတူတက်လာခဲ့ကြသည်။ COE သုံးလွှာကို ရောက်သည့်အချိန်မှာတော့ တီချယ်က အပေါ်ထပ်ကိုဆက်မတက်တော့ဘဲ ဘေးကို ချိုးဝင်လိုက်သဖြင့် လေးဆက် စိတ်ထဲ ထင့်ခနဲဖြစ်မိသွားကာ
“ ဒါနဲ့ တီချယ်က အခု ဘယ်အခန်းကို စာသွားသင်ရမှာလဲ ”
သူ့အမေးကြောင့် တီချယ်က သူ ကိုင်လာသည့် စာရွက်အထပ်လိုက်ကို လက်ညှိုးထိုးပြရင်း
“ တတိယနှစ်တွေကိုလေ ... အရင်လက ဖြေထားတဲ့ ကျူတိုရီယယ်အမှတ်တွေကို ပြပြီး ဒင်းတို့ကို ကောင်းကောင်းဆူရဦးမယ် ... ဆယ်မှတ်တောင် မရတဲ့ကောင်တွေ အများကြီးပဲ ”
ထိုအခါကျမှ လေးဆက်လည်း သူ ကိုင်လာသည့် စာရွက်တွေကို သတိထားမိသွားကာ သေချာပြန်ငုံကြည့်မိတော့ တကယ့်ကို တတိယနှစ်တွေရဲ့ကျူတိုရီယယ်ဖြေထားသည့် စာရွက်တွေဖြစ်နေသည်။
အင်း ... တတိယနှစ်တွေဆိုတော့ ဈာန်တို့အတန်းပဲ ...
စကားနားမထောင်ဘဲ သူ လုပ်ချင်ရာကိုသာ ဇွတ်တရွတ်လုပ်တတ်သည့် ဈာန့်အကြောင်းကို တဖြည်းဖြည်းသိလာသဖြင့် အခုချိန်မှာ လေးဆက် အနည်းငယ် စိတ်ပူသွားမိသည်။
ဒီကောင်လေးက သူ စာလုပ်ပါ့မယ်လို့ ငါ့ကို ကတိပေးထားတာ ... တကယ်ရော စာလုပ်ပါမလား ...
အတွေးတောင် မဆုံးသေးခင် လေးဆက်ရဲ့လက်တို့က ထိုစာရွက်ပုံအထပ်လိုက်ကြားထဲသို့ ရောက်သွားသည်။ ရုရှားမေဂျာမှာ အတန်းကြီးဆိုလျှင် ပုံမှန် တစ်တန်းကိုမှ လူအယောက် ၆၀ကျော် ၆၀ဝန်းကျင်ခန့်သာ ရှိသည့်အတွက် သိပ်အကြာကြီး မရှာလိုက်ရ။ ဆယ်ရွက်မြောက်လောက်မှာ ဈာန် ကျူတိုဖြေထားသည့် စာရွက်လေးက ထွက်လာသည်။
ဈာန့်ရဲ့ကျူတိုစာရွက်ကို ရှာတွေ့လို့ ဝမ်းသာမည်ရှိသေး။ စာရွက်ထိပ်ထောင့်စွန်းနားတွင် မှင်နီဖြင့် ရေးထားသည့် အမှတ်ကို မြင်လိုက်ရချိန်တွင်တော့ လေးဆက် သွေးတက်ချင်သွားသည်။
ဘာ ! နှစ်မှတ်ခွဲဟုတ်လား !
အပြင်မှာ ထုတ်မပြောဖြစ်ပေမဲ့ အတွေးထဲမှာတော့ လေးဆက်ရဲ့အသံနက်ကြီးက အကြိမ်ကြိမ်အခါခါ မြည်ဟီးနေသည်။ ကျူတိုရီယယ်ကျတာတောင် အဆိုးရွားဆုံးအမှတ်ဖြင့် ကျသည့် ဈာန်ကြောင့် လေးဆက် အနည်းငယ်ဒေါသထွက်မိသည်။
ဈာန့်ကျူတိုစာရွက်ကို သေချာပြန်ကြည့်မိတော့ ဖြေထားသည့်မေးခွန်းတွေက လက်ချိုးရေလို့ရသည်။ တစ်ချို့ကွက်လပ်နေရာတွေဆို အရာတောင်မယွင်း။ သို့သော် ဖြေထားသည့်အများစုကတော့ မှန်နေသည်။
သို့ပေမဲ့လည်း နှစ်မှတ်ခွဲဆိုသည့်အမှတ်က သိပ်ကို နည်းလွန်းနေသည်။ အခုလိုပုံစံနဲ့ ဒီကလေး ဘယ်လိုလုပ် စာမေးပွဲအောင်နိုင်ပါ့မလဲ။ တစ်ဘာသာကျသည်နှင့် တစ်နှစ်အောက်ရမည်မှာ အရမ်းကို နစ်နာသည်လေ။ ထိုကဲ့သို့ အချိန်ကုန် လူပင်ပန်းရသည့်အဖြစ်မျိုးကိုလည်း ဈာန့်ကို မဖြစ်စေချင်ပေ။
တီချယ့်နောက်ကနေ တိတ်တဆိတ်လိုက်ပါလာရသော်လည်း ဒီကိစ္စကို ဘယ်လိုလုပ်ရင်ကောင်းမလဲဆိုသည့်မေးခွန်းက လေးဆက်ရဲ့စိတ်အစဉ်အနှံ့ ပျံ့ကြဲနေလျက်ရှိသည်။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
စကားပြောသံတွေ၊ ဟီလာတိုက်သံတွေဖြင့် စည်ကားသိုက်မြိုက်နေသည့် အတန်းက တီချယ် အခန်းထဲ ဝင်လာသည်နှင့်တစ်ပြိုင်နက် တိခနဲ တိတ်ဆိတ်သွားသည်။
နေ့သစ်ကို စကားလှည့်ပြောနေသည့် ဈာန်ရောင်ခကလည်း တီချယ် အခန်းထဲဝင်လာသည်ကို မြင်လိုက်သဖြင့် ကျန်အတန်းသားများနည်းတူ မတ်တတ်ရပ်ပြီး တီချယ့်အား နှုတ်ဆက်လိုက်သည်။
ထိုစဉ် တီချယ့်နောက်မှ သူ မထင်မှတ်ထားမိသည့်လူတစ်ယောက်က လိုက်ဝင်လာသဖြင့် ဈာန်ရောင်ခ အံ့ဩသွားကာ သူ့နှုတ်ခမ်းထောင့်စွန်းလေးက ကော့ညွတ်သွားသည်။
ထိုလူက တီချယ်စားပွဲပေါ်မှာ စာအုပ် စာရွက်တွေ တင်ပေးကာ တီချယ်နှင့် စကားအနည်းငယ်ပြောပြီးနောက် အခန်းထဲမှ ထွက်ရန်ပြင်သည်။
အခန်းဝကို ရောက်စဉ် ထိုလူက သူရှိရာဘက်သို့ တစ်ချက်လှမ်းကြည့်လာသဖြင့် အပျော်လွန်ကာ လက်လှမ်းပြမိသော်ငြား ထိုလူရဲ့ရုပ်သွင်က မပြုံးမရယ်ဖြင့် ခပ်တည်တည်ဖြစ်နေပြီး တစ်စုံတစ်ခုကို စိတ်တိုင်းမကျဖြစ်နေဟန်ပေါ်သည်။
သူ့ကို တွေ့ရဲ့သားနဲ့တောင် တစ်ချက်လေးမှ မပြုံးပြဘဲ လှည့်ထွက်သွားသည့်လူကို ကြည့်ရင်း တစ်ခုခုမှားယွင်းနေမှန်း ဈာန်ရောင်ခ သတိထားမိလိုက်သည်။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ညနေစောင်းဟုဆိုသော်ငြား သုံးနာရီခွဲခန့်သာ ရှိနေသေးသဖြင့် နေရောင်ခြည်ဖြိုးဖြိုးဖျဖျက အနည်းငယ် ရောင်ဝါလင်းထိန်နေဆဲဖြစ်သည်။ မိုးလေကင်းလွတ်သည့် ချိန်ခါဖြစ်သောကြောင့် ကောင်းကင်ကြီးတစ်ခုလုံး မိုးပြာရောင်သန်းနေကာ တိမ်ဖြူတိမ်စိုင်များကလည်း လေနှင်ရာအတိုင်း တအိအိရွေ့လျားနေလျက်ရှိကြသည်။
ပုံမှန်ကျောင်းဆင်းချိန်မှာ ဗုဒ္ဓဟူးနေ့တစ်ရက်မှလွဲ၍ ကျန်သည့်ရက်များတွင် ညနေ နှစ်နာရီခွဲအထိသာဖြစ်သဖြင့် ယခုလိုညနေစောင်းအချိန်မှာတော့ YUFL ရှေ့၌ လူသူကင်းရှင်းနေသလို ပုရွက်ဆိတ်အုံတွေကဲ့သို့ စုပြုံတိုးနေတတ်သည့် ဖယ်ရီကားများလည်း မရှိတော့ပေ။
ထို့နည်းတူ ကျောင်းရှေ့မှာ လာလာရောင်းတတ်သည့် ရေခဲမုန့်သည်၊ အသီးသည်၊ အကင်သည်အစရှိသည့် ဈေးသည်များလည်း တပ်ခေါက်ကာ လှည့်ပြန်သွားကြချေပြီ။
သို့သော် YUFL ၏တစ်ဖက်ကားလမ်းမှာ ရှိသည့် KBZ Bank နှင့် မျက်နှာချင်းဆိုင်နေရာတွင် ထိုးရပ်ထားသည့် ကားနက်ပြာလေးထဲမှာတော့ လူတစ်ယောက်ရှိနေသည်။ ထိုလူက ကားမှန်ကို လျှောချကာ ကျောင်းထွက်ပေါက်ကို တမျှော်မျှော်နှင့် ငေးကြည့်နေသည်။
ကျောင်းလွှတ်ချိန် နှစ်နာရီခွဲကတည်းက ကိုကို့ကို စောင့်နေရတာ ယခုဆို တစ်နာရီတိတိကြာမြင့်သွားပြီဖြစ်သည်။ သို့သော် ဘယ်လောက်ပဲ ကြာမြင့်နေပါစေ ထိုကဲ့သို့ စောင့်ဆိုင်းနေရသည်ကိုပင် သူ ကျေနပ်နေမိသည်။
ကိုကိုက သူ အကြာကြီးစောင့်နေရမည်စိုးသဖြင့် ကျောင်းအကြိုအပို့ကိစ္စကို ခဏခဏငြင်းဆိုပေမဲ့ နောက်ဆုံးတော့လည်း သူ့ကို အလျော့ပေးလိုက်ရသည်ပင်။
အရင်အချိန်တွေတုန်းက လူမသိသူမသိ တိတ်တဆိတ်သာ စောင့်ဆိုင်းခဲ့ရပေမဲ့ ယခုတော့ဖြင့် တရားဝင်စောင့်ဆိုင်းခွင့်ကို ရရှိသွားခဲ့လေပြီ။
အခုနောက်ပိုင်း ကိုကိုက သူ့ကိုဆို အရမ်းအလိုလိုက်ကာ အလျှော့ပေးလာသည့်အတွက် သူ့ရဲ့ပျော်ရွှင်မှုကို ဘယ်လိုနှိုင်းယှဉ်ပြရမည်မှန်းတောင် မသိတော့ပေ။
ခဏကြာတော့ ကျောင်းထွက်ပေါက်မှ ကိုကို့အတန်းထဲက လူတွေ တဖွဲဖွဲထွက်လာကြသည်။ ကိုကို တက်နေသည်က Postgraduate Diploma တန်းဖြစ်သဖြင့် ကိုကိုတို့၊ ကိုမြတ်သူတို့လို နှစ်ဆယ်ကျော်လူငယ်လေးတွေသာမက လေးဆယ်ကျော်၊ ငါးဆယ်ကျော်ဝန်းကျင်အရွယ်အထိ တွေ့နိုင်ပေသည်။
နောက်ဆုံးတော့ သူ့ရဲ့မူပိုင်လေးကလည်း သူငယ်ချင်းနှစ်ယောက်နှင့်အတူ ကျောင်းဝင်းထဲမှ ထွက်လာကြသည်။ ပြုံးနေသည့်မျက်နှာလေးနှင့် အရောင်လက်နေသည့် မျက်ဝန်းလေးတွေကို မြင်နေရတာနဲ့တင် အတော်စိတ်ချမ်းမြေ့စရာကောင်းလှသည်။
ကျောင်းရှေ့မှာ ရပ်ထားသည့်ကားကို သူ့သူငယ်ချင်းတွေ မောင်းထွက်သွားသည်အထိ ကိုကိုက ပြုံးပြုံးရယ်ရယ်နှင့် လက်လှမ်းပြနေသေးသည်။ အဲဒီနောက်မှာတော့ တစ်ဖက်ကားလမ်းကူးပြီး သူ့ကားရှိရာဆီသို့ ခပ်ဖြည်းဖြည်း လျှောက်လာသည်။
သူ့စိတ်ထင်ပဲလားတော့ မပြောတတ်။ ကားနားကို ရောက်လာလေ ကိုကို့ရဲ့မျက်နှာလေးက ပို၍တည်လာလေဖြစ်သည်။ ကားတံခါးဖွင့်ပြီး ရှေ့ခန်းမှာ ဝင်ထိုင်လိုက်သည်အထိ သူ ကိုကို့ကို တစိုက်မတ်မတ်လိုက်ကြည့်နေမိသည်။
ဈာန်ရောင်ခလည်း ထုံးစံအတိုင်း ကိုကို့ကို ခါးပတ်ပတ်ပေးဖို့ လက်လှမ်းလိုက်တော့ ကိုကိုက သူ့လက်ကို ဆတ်ခနဲ ပုတ်ထုတ်လိုက်ပြီး သူ့ဟာသူ ခါးပတ်ယူပတ်လိုက်သည်။ သူ့ဘက်ကို တစ်ချက်လေးတောင် လှည့်မကြည့်သလို မျက်နှာနုနုလေးကလည်း အရယ်အပြုံးကင်းမဲ့စွာဖြင့် ခပ်တည်တည်ဖြစ်နေသည်။
အင်း ... ကြည့်ရတာ ဒီနေ့တော့ ကိုကို့ပါးလေးကို မနမ်းရတော့ဘူးထင်တယ် ...
ပုံမှန်ဆို ကိုကို့ကို ခါးပတ်ကူပတ်ပေးရင်း အခွင့်အရေးယူကာ ကိုကို့ရဲ့ပါးပြင်အိအိလေးကို ခိုးနမ်းနေကျဖြစ်သည်။ အစပိုင်းမှာတော့ ကိုကိုက ရှက်ကာ တားမြစ်ပေမဲ့လည်း နောက်ပိုင်းကျ သူ့ကို တားမရသည်နှင့် အသာတကြည်ငြိမ်ခံပေးလေသည်။ ဒီနေ့တော့ ချစ်ရသူလေးက စိတ်မကြည်သဖြင့် သူ့အတွက် အခွင့်မသာတော့ပေ။
ကိုကို စိတ်ဆိုးနေမှန်း သိနေသည်မို့ ဈာန်ရောင်ခလည်း ဘာတစ်ခွန်းမှ မပြောတော့ဘဲ ကားကို ကျင်လည်စွာ မောင်းထွက်လိုက်သည်။
အဲကွန်းလေထက်စာရင် သဘာဝလေအေးကိုသာ ပိုကြိုက်နှစ်သက်သည့် ကိုကို့အတွက် ကားမှန်တွေကို ချပေးထားလိုက်တော့ လေပြည်ညင်းသွဲ့သွဲ့က ကားထဲသို့ လူးလွန့်ကာ ဝင်ရောက်ကျီစယ်သွားသည်။
ကားမောင်းရင်း ဘေးကို လှည့်ကြည့်မိတော့ လွယ်အိတ်ကို ပိုက်ကာ မျက်မှောင်ကျုံ့ပြီး စူပုတ်ပုတ်ရုပ်လေးနှင့် ထိုင်နေသည့်ကိုကိုက သိပ်ချစ်ဖို့ကောင်းလွန်းနေသည်။
“ ကိုကို ”
မတိုးမကျယ် အသံအနေအထားဖြင့် ခေါ်လိုက်မိ၏။ သို့သော် လှည့်ကြည့်ဖို့နေနေသာသာ ကိုကိုက ကားမှန်ဘက်ကို ပို၍ ခေါင်းလေးစောင်းသွားသည်။
“ ကိုကို ”
“ မင်း ငါ့ကို စကားလာမပြောနဲ့ ”
ကိုကို့ရဲ့ဟန့်သံကြောင့် ဈာန်ရောင်ခ ကြိတ်ရယ်မိလိုက်သည်။ အမှန်တော့ ကိုကို ဘာကြောင့် စိတ်ဆိုးသွားရလဲဆိုသည့် အကြောင်းရင်းကို သူ သိသည်။
ကိုကိုက သူနဲ့တွေ့တိုင်း စာကြိုးစားဖို့ အမြဲဆုံးမဩဝါဒပေးသည်။ ထိုအခါ သူကလည်း ကိုကို စိတ်ချမ်းသာအောင် ကတိပေးစမြဲ။ သို့သော် အခု သူက Grammar ကျူတိုရီယယ်ကို နှစ်မှတ်ခွဲဖြင့် ကျဖြစ်အောင် ကျသွားသည့်အတွက် ကိုကို သူ့ကို ဒေါကန်သွားပုံပင်။
အမှန်တော့ ဒီကျူတိုရီယယ်အမှတ်သည် အရင်သြဂတ်လက အမှတ်သာဖြစ်သည်။ ပြောရမည်ဆိုလျှင် ထိုအချိန်က ကိုကိုနှင့် အဆင်မပြေဆုံးအခြေအနေဖြစ်သဖြင့် သူ စာဘက်မှာ တော်တော်လေးအာရုံလျော့သွားမိသည်။
ဒါတောင် အခု ကိုကိုက သူ ကျသည့် Grammar တစ်ဘာသာတည်းရဲ့အမှတ်ကိုသာ သိထားခြင်းဖြစ်သည်။ အရင်လက သူ သွားမဖြေထားတာ နောက်ထပ်နှစ်ဘာသာကျန်နေသေးသည်ဆိုတာကိုသာ သိသွားရင် ကိုကို ဘယ်လောက်ထိများ ဒေါကန်လိမ့်မလဲဆိုတာကို မတွေးရဲပေ။
တက္ကသိုလ်ရိပ်သာလမ်းတစ်လျှောက် တက္ကစီ၊ ကိုယ်ပိုင်ကား၊ ဘတ်စ်ကားများကား အပြည့်အနှက်နေရာယူထားသည်။ ထိုနည်းတူ ကားများကြား ဝင်ထွက်သွားလာကာ ခပ်သွက်သွက်ရောင်းချနေကြသည့် ဈေးသည်များ၏အသံကလည်း ဝေဝေဆာဆာပျံ့လွင့်နေလျက်ရှိသည်။
ထိုစဉ် ရန်ကုန်တက္ကသိုလ်ရှေ့နားလောက်မှာ မီးပွိုင့်မိသွားသောကြောင့် ကားကို အရှိန်လျှော့လိုက်သည်။ ဒီမီးပွိုင့်က နည်းနည်းကြာမည်ဆိုတာကို သိနေသဖြင့် သူလည်း ကိုကို့ကို ချော့ဖို့ စဉ်းစားကာ ကိုကို့ဘက်ကို လှည့်ကြည့်လိုက်တော့ သူ့ကို မကျေမနပ်စိုက်ကြည့်နေသည့် ကိုကိုနှင့် အကြည့်ချင်းထပ်တူကျသွားသည်။
“ ကိုကို ”
“ မင်း ငါ့စကား နားမထောင်ဘူး ”
စူပုတ်ပုတ်မျက်နှာလေးနှင့် ပြောထွက်လာသည့် အသံလေးက သိပ်ကို အသည်းယားဖို့ကောင်းနေသည်မို့ ဈာန်ရောင်ခလည်း မသိမသာပြုံးမိသွားပြန်သည်။
“ ကျွန်တော် ကိုကို့စကားကို အမြဲနားထောင်ပါတယ် ကိုကိုရယ် ”
“ မင်း ငါ့ကို ပြောတော့ စာကြိုးစားပါ့မယ်ဆို ... အခုကျ နှစ်မှတ်ခွဲနဲ့ ကျူတိုကျတယ် ... မင်း ဘယ်မှာ ငါ့စကားကို နားထောင်လို့လဲ ... မင်း ပြောလေ ”
အခုတလော ကိုကိုက အရင်ကထက် ပိုစွာလာသလိုပင်။ သူကလည်း ကိုကို အဲဒီလို စွာနေတာလေးကိုပဲ ပိုချစ်နေရသည်မလား။
“ အရင်လက ကျွန်တော် အရမ်းစိတ်ရှုပ်ထွေးနေလို့ မဖြေနိုင်တာပါ ကိုကိုရာ ... အဲဒီတစ်ဘာသာတည်းပါပဲ ... ကျန်တဲ့ဘာသာတွေကတော့ အမှတ်ကောင်းပါတယ် ”
“ တကယ်လား ”
“ တကယ်ပေါ့ ... ကျွန်တော်က ကိုကို့ကို ဘာလို့ လိမ်ရမှာလဲ ”
စိတ်ဆိုးနေသည့် ချစ်သူလေးကို ချော့ချော့မော့မော့ပြောကာ သေချာရှင်းပြလိုက်တော့ ကိုကို့မျက်နှာလေးက အနည်းငယ်ပြန်ကြည်လာသည်။
“ ငါက မင်းကို ကောင်းစေချင်လို့ ပြောပြတာ ... တမင်ဆရာကြီးလုပ်တာ မဟုတ်ဘူး ... ကျူတိုအမှတ်က ဘယ်လောက်အရေးကြီးလဲ မင်း သိရဲ့သားနဲ့ ဈာန်ရာ ... တကယ်လို့ မင်း စာမေးပွဲကြီးမှာ မဖြေနိုင်ရင်တောင် ကျူတိုအမှတ်လေး ကောင်းနေရင် အောင်နိုင်ချေရှိသေးတယ် ”
“ အင်းပါ ... ကျွန်တော် သိပါတယ် ကိုကိုရယ် ”
“ မင်း သိရင် ဘာလို့ ကျအောင် ဖြေလဲ ”
“ နောက်တစ်ခါဆို ကျအောင် မဖြေတော့ဘူးလေနော် ... ကိုကိုက ကျွန်တော့်ကို စိတ်မဆိုးပါနဲ့တော့ ”
“ ငါက စိတ်ဆိုးချင်လို့ ဆိုးနေတာမှ မဟုတ်တာ ... မင်းကောင်းဖို့အတွက်လေ ”
“ အင်းပါ ... ကျွန်တော် သိပါတယ် ကိုကိုရယ် ... စိတ်မဆိုးနဲ့တော့နော် ”
ကိုကို့လက်လေးကို လှုပ်ရမ်းကာ နည်းနည်းချွဲလိုက်တော့ ကိုကို့မျက်နှာလေးက ပြုံးယောင်သန်းသွားသည်ကို ဖျတ်ခနဲ လှမ်းမြင်လိုက်ရသည်။
“ ဒါဆို နောက်ဆုံးကျူတိုရီယယ်ကို မကျစေနဲ့ ... ငါ မင်းကို စောင့်ကြည့်နေမှာ ”
ကိုကိုနှင့် ပြေအေးမှု ရသွားသဖြင့် အခုမှပဲ သူ စိတ်ချမ်းမြေ့သွားရသည်။ ကိုကိုက အရမ်းချော့ရလွယ်သည်။ အကြာကြီး စိတ်ဆိုးစိတ်ကောက်နေတာမျိုးလည်း မရှိပေ။
ထိုစဉ် သူ့အတွေးထဲ အကြံတစ်ခုဝင်လာပြီး စဉ်းလဲသည့် အရိပ်တစ်ခုက ဈာန်ရောင်ခရဲ့မျက်နှာချောချောထက် ဖြတ်ပြေးသွားသည်။ အဲဒီနောက် ကိုကို့ကို မျက်နှာငယ်လေးဖြင့် စိုက်ကြည့်ပြီး
“ ဒါပေမဲ့ ကျွန်တော် Grammar သိပ်မရဘူး ကိုကို ”
“ ဟင် ! ဘာလို့လဲ ... တီချယ်က အသင်အပြကောင်းပါတယ် ”
“ တီချယ်က အသင်အပြကောင်းပေမဲ့ ကျွန်တော် သူ့အချိန်တွေ အတန်းလစ်မိလို့ စာတွေ အများကြီးလွတ်ထားတယ် ... ပြီးတော့ ကျွန်တော်က နဂိုကတည်းက Grammar ညံ့တယ် ကိုကိုရဲ့ ... ဒီအတိုင်းဆို နောက်ဖြေရမဲ့ ကျူတိုရီယယ်လည်း ကျဦးမယ်ထင်တယ် ”
“ ဈာန် မင်းကတော့ လုပ်ပြီ ”
ကိုကိုက မျက်နှာမသာမယာဖြင့် သူ့ကို ဆူသည်။
“ အဲဒါ ကိုကို ကျွန်တော့်ကို Grammar သင်ပေးပါလား ”
“ ဟမ် ! ငါကလား ”
“ အင်းလေ ... ကိုကိုက Grammar အကျွမ်းဆုံးပဲ မဟုတ်လား ... ကျူတိုဖြေတိုင်း အမြဲ အမှတ်အများကြီး ရတယ်လို့ ကျွန်တော် သတင်းကြားထားတယ် ”
“ ဒါပေမဲ့ ငါ ... ”
“ ကိုကို မသင်ပေးရင် ကျွန်တော် ကျူတိုထပ်ကျဦးမှာပဲ ... အဲဒီကျူတိုက မနက်ဖြန်ဆို ဖြေရတော့မှာ ”
“ မနက်ဖြန်ဟုတ်လား ? ဈာန် မင်း အဲဒါကို ဘာလို့ စောစောစီးစီးမပြောရတာလဲ ”
“ အဲဒါကြောင့်မို့ ကိုကို့ကို အကူအညီတောင်းနေတာလေ ... ပြီးတော့ ကျွန်တော့်မှာက ကိုကို တစ်ယောက်တည်းပဲ ရှိတာ ”
သူ့စကားကို နားထောင်နေရင်း ကိုကိုက တစ်ခုခုကို အကြိတ်အနယ်စဉ်းစားနေပုံပေါ်သည်။ ထို့ကြောင့် သူလည်း ကိုကို့ကို အနည်းငယ်ဖိအားပေးသည့်အနေနှင့်
“ တကယ်လို့ ကိုကို မကူညီဘူးဆိုရင် ကျွန်တော်တော့ သွားပြီပဲ ... အခြေခံမပိုင်ရင် စာမေးပွဲကြီးဖြေရင်လည်း ဒုက္ခရောက်ဦးမှာ ... မတော်တဆ ကျွန်တော် နောက်တစ်နှစ် ပြန်နေရရင် ဘယ်လိုလုပ်မလဲ ... ပြီးတော့ ဒယ်ဒီကလည်း စာမေးပွဲကျရင် ကျွန်တော့်ကို ကျောင်းထုတ်မယ်လို့ တစ်ခါတည်းအပြတ်ပြောထားပြီးသား ... ကိုကို ကျွန်တော့်ကို တကယ်ပဲ မသနားတော့ဘူးလား ”
အဲဒီနောက် ကိုကို့ထံမှ သက်ပြင်းဖွဖွချသံကို ကြားလိုက်ရသည်။
“ အင်းပါ ... ငါ သင်ပေးမယ် ... မင်းသာ သေချာစာလိုက်လုပ် ... နောက်တစ်ခါ ကျူတိုကျတယ်ဆိုတာကို ငါ ထပ်မကြားချင်ဘူးနော် ဈာန် ”
“ အိုကေ ... ကျွန်တော် ကတိပေးတယ် ”
နောက်ဆုံးတော့လည်း သူ့ရဲ့ဟန်ဆောင်ကောင်းမှုက တကယ့်ကို အရာရောက်ခဲ့သည်။ ဈာန်ရောင်ခရဲ့မျက်နှာပေါ်က အပြုံးတွေကတော့ ဖုံးမရဖိမရ။
ထိုစဉ် မီးပွိုင့်စိမ်းသွားသည့်အတွက် သူတို့နှစ်ဦး ခဏတာ စကားစပြတ်သွားသည်။ သို့သော် ခဏအကြာမှာတော့ ကိုကိုက သူ့လွယ်အိတ်ထဲမှ ရေဘူးထုတ်ကာ ရေသောက်နေရင်း
“ ဒါနဲ့ ဈာန် ငါ မင်းကို ဘယ်အချိန် စာသင်ပေးရမှာလဲ ... မနက်ဖြန် ဖြေရမှာဆိုတော့ အချိန်က သိပ်မလိုတော့ဘူးမလား ”
“ ဒီည သင်ပေးလေ ”
“ အဟွတ် ! အဟွတ် ! ”
သူ့စကားကြောင့် ကိုကိုက ရေသီးသွားသဖြင့် စိုးရိမ်စိတ်တို့ ဆောင့်တက်သွားကာ
“ ကိုကို ! ကိုကို ! အဆင်ပြေရဲ့လား ”
“ အဟွတ် ! ငါ ဘာမှမဖြစ်ဘူး ... အဟွတ် ! ဒါနဲ့ မင်းပြောတာ ဒီညဟုတ်လား ? ဘယ်မှာ သင်ရမှာလဲ ”
“ ကျွန်တော့်အိမ်မှာ သင်လေ ”
“ ဒါပေမဲ့ ငါ့မှာ ဘာစာအုပ်မှ မပါလာဘူး ဈာန် ”
“ အဲဒီအတွက်တော့ မပူနဲ့ ... ကျွန်တော့်အိမ်မှာ စာအုပ်တွေ အကုန်ရှိတယ် ”
“ ဪ ... ”
ကိုကိုက အတန်ငယ်ငြိမ်ကျသွားသည်။
“ ကိုကို ”
“ ဟင် ! ဘာပြောမလို့လဲ ”
“ ကျွန်တော် ကိုကို့ကို ဘာမှ မလုပ်ပါဘူး စိတ်ချလို့ ရတယ် ... ကျွန်တော်က လူဆိုးပေမဲ့ လူယုတ်မာတော့ မဟုတ်ဘူး ”
ထိုအခါ ကိုကိုက သူ့ကို အားနာသွားသည်ထင်ပါရဲ့။
“ ဈာန် မင်းကလည်း ... ငါက အဲဒီလိုမျိုးတွေးနေတာ မဟုတ်ပါဘူး ... အပြန်နောက်ကျမှာ စိုးလို့ ... ”
“ ကျွန်တော် ကိုကို့ကို ပြန်လိုက်ပို့ပေးမှာလေ ... ဘာစိုးရိမ်စရာရှိလို့လဲ ”
“ အင်းပါ ... ဒါဆိုလည်း မင်း သဘောပဲ ”
“ ဒါဆို ကျွန်တော်တို့ အခု မုန့်သွားစားကြရအောင် ... နို့မို့ ကိုကို ဗိုက်ဆာနေလိမ့်မယ် ”
“ မင်းသဘော ”
ခေါင်းလေးတဆတ်ဆတ်ညိမ့်ကာ သူ့သဘောလုပ်နေသည့် လူသားလေးကြောင့် ဈာန်ရောင်ခ သဘောကျစွာ ရယ်မောမိလိုက်သည်။ ထို့နောက်မှာတော့ ပြည်လမ်းမထက်မှာ ကားနက်ပြာလေးတစ်စီးက တရိပ်ရိပ်ပြေးလွှားနေတော့သည်။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ကျွီခနဲ ကားရပ်လိုက်တာကို အာရုံခံစားမိသော်ငြား အိပ်ချင်စိတ်တို့က ကြီးစိုးနေသဖြင့် မျက်လုံးတို့က မပွင့်နိုင်သေးပေ။ ထိုစဉ် ပါးတစ်ဖက်က ပူနွေးသွားတာကို ဖျတ်ခနဲ ခံစားလိုက်ရသည်။
အဲဒီနောက် ချက်ချင်းဆိုသလို ထိုအနွေးဓာတ်လေးက ပြန်ကွာသွားသဖြင့် လေးဆက်လည်း ပါးလေးကို ပွတ်ရင်း နိုးသွားတော့သည်။ တစ်လမ်းလုံး အိပ်လိုက်လာသဖြင့် အခု သူ ဘယ်နေရာကို ရောက်နေမှန်း သေချာမသိပေ။
ရန်ကုန်မြို့ပြ၏ထုံးစံအတိုင်း မနက် နေ့ညမရွေး ကားကြပ်လှ၏။ တစ်နေရာနှင့် တစ်နေရာကို သွားဖို့အရေး အချိန်ပေးနိုင်မှ တော်ကာကြာမည်။ နို့မို့ဆိုရင်တော့ သိပ်မလွယ်ကူပေ။ သူ့လို အအိပ်မက်သည့်လူဆိုရင် တစ်ခါတည်း အိပ်ပျော်သွားတာကိုသာ ကြည့် ... ။
လေးဆက်လည်း မပွင့်တပွင့်ဖြစ်နေသေးသည့် မျက်လုံးတွေကို ပွတ်နေရင်း အပြင်ဘက်ကို စူးစမ်းလိုက်တော့ နေမင်းကြီးက အနောက်ဘက်အရပ်သို့ ငုပ်လျှိုးကာ မှောင်လုဆဲဆဲဖြစ်နေချေပြီ။ လက်မှာ ပတ်ထားသည့် နာရီကို ပြန်ငုံ့ကြည့်မိသည့်အခါမှာ နာရီ မိနစ်လက်တံများက ခြောက်နာရီခွဲတိတိကို ညွှန်ပြနေလေသည်။
“ ကိုကို နိုးပြီလား ”
“ အင်း ... ဒါနဲ့ ဈာန် မင်းအိမ်ကို ရောက်ပြီလား ”
“ ရောက်ပြီလေ အိပ်ပုတ်လေးရဲ့ ”
ဈာန်က သူ့ခါးပတ်ကို ကူဖြုတ်ပေးရင်း သူ့ပါးလေးကို ခပ်ဖွဖွဆွဲညှစ်ကာ ကျီစယ်လေသည်။
လေးဆက် ကားပေါ်မှ ဆင်းလိုက်ချိန်တွင်တော့ ခြံဝင်းလေးထဲမှာ ရှိသည့် နှစ်ထပ်အိမ်ပုလေးတစ်လုံးက သူတို့ကို ချစ်စဖွယ်စောင့်ကြိုနေလေသည်။ ခြံဝင်းလေးကို လှည့်ပတ်ကြည့်လိုက်တော့ အရိပ်ရသစ်ပင်တော်တော်များများ စိုက်ပျိုးထားသည်ကို တွေ့လိုက်ရသဖြင့် လေးဆက် ပျော်သွားမိသည်။
ဒါပေမဲ့ ဒီလိုအိမ်သေးသေးလေးက ဈာန့်ရဲ့ချမ်းသာမှုအနေအထားအရဆိုရင် တစ်ခုခုမှားနေသလိုပင်။
“ လာ ကိုကို ... ကျွန်တော်တို့ အထဲဝင်ကြရအောင် ”
အကြည့်တွေက ဟိုရောက် ဒီရောက်ဖြစ်နေသည့် သူ့ကို ဈာန်က လက်ဆွဲကာ အိမ်ထဲကို ဂရုတစိုက်ခေါ်သွားသည်။ အိမ်ထဲကို ရောက်တော့မှ သူ ပို၍ပင် ရင်သက်ရှုမောဖြစ်ရသည်။
နက်ပြာရောင်နှင့် အဖြူရောင်ကို အဓိက အသုံးပြုပြီး Decorations လုပ်ထားသည့်အိမ်ပုံစံက ရိုးရှင်းပြီး စိတ်ချမ်းမြေ့စရာကောင်းလှသည်။ အောက်ထပ်မှာ ဧည့်ခန်းကျယ်ကြီး၊ မီးဖိုချောင်နှင့် ဧည့်သည်အခန်းတစ်ခုသာ ရှိသည်။
အိမ်အပြင်အဆင်က သိပ်ရှုပ်ထွေးမနေဘဲ အရာအားလုံးကို တတ်နိုင်သမျှ ရိုးရိုးရှင်းရှင်းဖြစ်အောင်သာ ပြုလုပ်ထားပုံပေါ်သည်။ ပုံမှန် လူချမ်းသာအိမ်တွေလို ကျွန်းသစ်တွေ၊ ရွှေတွေနှင့် မွမ်းမံပြင်ဆင်ထားခြင်းမရှိပေ။
“ ဒီအိမ်က ဆောက်ထားတာ သိပ်မကြာသေးဘူး ကိုကိုရဲ့ ... ကျွန်တော့်စိတ်တိုင်းကျ ဆောက်ထားတာလေ ”
“ ဪ ... ”
ထိုအခါကျမှ လေးဆက်လည်း သဘောပေါက်သွားသည်။ ဈာန်က ရှုပ်ထွေးတာတွေကို သဘောမကျဘဲ ရိုးရိုးရှင်းရှင်းကိုသာ သဘောကျသည်လား။ တကယ် သူနဲ့ အကြိုက်တူတာပဲ။
“ ကိုကို ကျွန်တော်တို့ အပေါ်ထပ်ကို သွားရအောင် ”
“ အင်း ”
ဒီတစ်ခါလည်း ဈာန်က သူ့ကို ဦးဆောင်ကာ ခေါ်သွားပြန်သည်။ အပေါ်ထပ်သည်လည်း အောက်ထပ်လိုမျိုးပင်။ ရိုးရှင်းသည်။ စိတ်ချမ်းမြေ့စရာကောင်းသည်။ အမြင်အေးသည်။ အပေါ်ထပ်၌ ဘုရားခန်း၊ စာကြည့်ခန်းနှင့် အိပ်ခန်းတစ်ခန်းသာ ရှိသည်။
သူ သတိထားမိသလောက်အရဆိုရင် ဈာန့်အိမ်လေးက အခန်းသိပ်မများပေ။ ဈာန် ဆောက်ထားသည့်အိမ်လေးက အရမ်းကို ရိုးရိုးရှင်းရှင်းနှင့် လှပနေသဖြင့် သူ လျှောက်ကြည့်လို့ မဝနိုင်ပါ။ ထိုစဉ် အကြည့်တို့က နေရာကောင်းတစ်ခုကို မြင်လိုက်သဖြင့် သူလည်း စိတ်မထိန်းနိုင်ဘဲ ပြေးသွားမိသည်။
“ Wow ! တိုက်တဲ့လေက အေးနေတာပဲ ”
ပီဘိကလေးလေးတစ်ယောက်လို ဝရန်တာမှာ ပျော်မြူးနေသည့်ကိုကို့ကို ကြည့်ရင်း ဈာန်ရောင်ခ နှစ်နှစ်ခြိုက်ခြိုက်ရယ်မောမိသည်။ ကိုကို ပျော်နေသည်ကို မြင်ရတာနဲ့တင် သူ ဒီအိမ်လေးကို ဆောက်ခဲ့ရတာ တန်သည်ဟု ခံစားရသည်။
ဆုံးပါးသွားသည့်မာမီရဲ့အမွေပစ္စည်းတွေနှင့် သူ့ဝင်ငွေကို စုပေါင်းကာ ဒီအိမ်လေးကို ခက်ခက်ခဲခဲဆောက်ခဲ့ရသည်။ ချစ်ရသူနှင့် နှစ်ဦးတည်း အတူနေဖို့ရည်စူးထားသဖြင့် သူနဲ့ သိပ်အဆင်မပြေသည့် ဒယ်ဒီရဲ့ငွေတွေကိုတော့ မထိချင်ပေ။
ရိုးရိုးရှင်းရှင်းနေတတ်သည့် ကိုကို့အတွက် ရိုးရှင်းပြီး လှပသည့်အိမ်လေးတစ်လုံးကို ဖန်တီးပေးနိုင်ခဲ့တာနဲ့တင် သူ ကျေနပ်လှပြီ။ ကိုကို့ကို ချစ်သက်လက်ဆောင်အဖြစ် ဒီအိမ်လေးကို ပေးချင်သော်ငြား ကိုကိုက အကြောက်အကန်ငြင်းဦးမည်ဆိုတာကို ကြိုသိနေသဖြင့် ဒီကိစ္စကို အချိန်ခဏလောက်အထိတော့ ဖုံးကွယ်ထားဖို့ သူ စဉ်းစားထားလိုက်သည်။
အခုလောလောဆယ်တော့ ဝရန်တာမှာ လေညှင်းခံနေသည့် ကိုကို့ကို နောက်နားလေးမှာ ရပ်ရင်း ငေးကြည့်နေရတာနဲ့တင် သူ့ဘဝရဲ့အဓိပ္ပာယ်က ပြီးပြည့်စုံသွားသလိုမျိုး ... ။
“ ဈာန် ”
ဈာန့်နာမည်ကို ခေါ်ကာ နောက်လှည့်ကြည့်ဖို့ပြင်ရုံရှိသေး။ လေးဆက်တစ်ကိုယ်လုံးက နွေးထွေးသည့် ရင်ခွင်ကျယ်ကြီးတစ်ခုထဲ ရောက်သွားသလိုပင်။ သူ့ခါးကို ရစ်ပတ်ကာ ဖက်တွယ်လာသည့် ဈာန့်လက်တွေက ခိုင်ခိုင်မြဲမြဲ ... ။
သူ့ကို အနောက်ကနေ ဖက်ထားကာ ရင်ခွင်ထဲ ထည့်ထားသည့် ကောင်လေးက လေးဆက်ရဲ့ဆံပင်တွေထဲ မျက်နှာအပ်ကာ ခိုးနမ်းလိုက်သည်ကိုလည်း ချက်ချင်းသတိထားမိလိုက်ပါရဲ့။ သို့ပေမဲ့ မသိချင်ယောင်သာ ဆောင်ထားမိလိုက်၏။
“ အဲဒီလောက်ထိတောင် သဘောကျတာလား ”
ဈာန့်ရဲ့ဩရှရှအသံက သူ့နားထဲကို သာယာနာပျော်ဖွယ်ကောင်းစွာ တိုးဝင်လာသည်။
“ အင်း ... မင်းအိမ်လေးက ချစ်စရာလေး ”
“ ကျွန်တော့်အတွက်တော့ ကိုကိုက ပိုချစ်ဖို့ကောင်းတယ် ”
“ ဈာန် ... မင်းကလည်း ... ”
ပြောနေရင်း ကလေးဆိုးလေးက သူ့ပါးကို တရဆက်ဖိကပ်နမ်းရှိုက်လာသည်။ ဆိုးသွမ်းလွန်းသည့် ဂျစ်ကန်လေးကြောင့် လေးဆက် ဒီလိုပုံစံနှင့် ဆက်နေနေရမှာကို မျက်နှာပူလာ၏။ သူ ဒီနေရာမှာ ဆက်နေဦးမည်ဆိုလျှင် ဈာန်က ဘယ်လောက်တောင် လိုက်နမ်းနေမလဲဆိုတာ မပြောတတ်ပေ။
“ ဈာန် ... ငါ ... ငါတို့ စာစသင်ကြအောင်လေ ... အချိန်သိပ်မရှိဝောာ့ဘူး ”
တမင်စကားလမ်းကြောင်းလွှဲကာ ရှောင်ထွက်ဖို့ကြံနေသည့် ကိုကို့ရဲ့အကြံကို ဈာန်ရောင်ခ ရိပ်မိပါသည်။ အသာတကြည်လွှတ်ပေးလိုက်တော့လည်း ကြောင်ပေါက်စလေးက ဘယ်သွားရမှန်း မသိသေးသဖြင့် နေရာမရွေ့သေးပေ။
“ ကိုကို လာလေ ”
“ အင်း ”
သူ ဆွဲခေါ်ရာနောက်သို့ အရုပ်လေးတစ်ရုပ်လို လိုက်ပါလာသည့်ကိုကိုက သိပ်မြတ်နိုးစရာကောင်းလွန်းနေ၏။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
“ ဈာန် မင်း နားလည်ပြီလား ”
ဈာန့်အိပ်ခန်းထဲက စာကြည့်စားပွဲမှာ အတူတူထိုင်ရင်း စာရှင်းပြနေတာ အချိန်အားဖြင့် နှစ်နာရီကျော် သုံးနာရီနီးပါးခန့်ကြာသွားခဲ့ချေပြီ။
“ အင်း ... နားလည်သွားပြီ ”
“ မင်း တကယ်ရော နားလည်ရဲ့လား ဈာန် ... မင်း စာထဲ အာရုံရောက်နေတာလည်း ငါ မတွေ့ဘူး ... ငါ့မျက်နှာမှာ ဘာရှိလို့ ဒီလောက်စိုက်ကြည့်နေရတာလဲ ”
ကိုကိုက မျက်မှောင်ကြီးကျုံ့ကာ မကျေမနပ်ပြောလာသည်။
“ တကယ်နားလည်ပါတယ်ဆိုနေမှ ကိုကိုရာ ... ကိုကို ရှင်းပြတာ နားလည်လွယ်တယ် ... စာရှင်းပြတဲ့နေရာမှာ ကိုကိုက နေ့သစ်ထက်တောင် ပိုတော်သေးတယ် ”
ဒီကောင်လေး ပြောသမျှကို လေးဆက် မယုံပါ။ Grammar မရဘူးပြောလို့ စာလည်း အကြာကြီးရှင်းပြရသေးသည်။ ရှင်းပြနေသည့် စာကိုကျ မကြည့်ဘဲ သူ့မျက်နှာကိုပဲ တစ်ချိန်လုံး စိုက်ကြည့်နေသည်။ ဒီလိုပုံစံနဲ့ စာနားလည်တယ်လို့ ပြောတာကို လုံးဝယုံနိုင်စရာအကြောင်း မရှိ။
“ မင်း ဘာမှပေါက်ကရလျှောက်ပြောမနေနဲ့ ဈာန် ... ငါ မင်းကို မယုံဘူး ... အခု စာမေးပွဲစစ်မယ် ... မင်းသာ ငါ ရှင်းပြတာကို သေချာနားလည်မယ်ဆိုရင် ဖြေနိုင်မှာပဲ ”
“ Really ? ကိုကိုက တကယ်ရက်စက်တော့မယ်ပေါ့ ”
“ အင်း ... ရက်စက်တော့မှာ ”
“ ကျွန်တော် မဖြေချင်ဘူး ”
“ မဖြေလို့ မရဘူး ... ဖြေကို ဖြေရမယ် ”
“ အာ ... ကိုကိုကလည်း ... ”
“ မဆိုးစမ်းနဲ့ ဈာန်ရာ ... မင်း ကောင်းဖို့အတွက်ပဲကို ... ”
လေသံပျော့ပျော့လေးဖြင့် ချော့မော့သလို ပြောလာသည့် ကိုကိုကြောင့် သူလည်း လက်ခံလိုက်ဖို့ရာက လွဲ၍ တခြားမရှိနိုင်တော့ပေ။ သို့ပေမဲ့လည်း ကိုကို့ကို စနောက်ချင်နေသေးသည်မို့
“ ဒါဆို ကိုကို စစ်တဲ့စာမေးပွဲကို အမှတ်များများရအောင် ဖြေနိုင်ရင် ကိုကို ကျွန်တော့်ကို ဘာပေးမလဲ ”
“ မင်း ဘာလိုချင်လို့လဲ ”
“ ကျွန်တော် လိုချင်တာဆို ကိုကိုက ပေးမှာလား ”
“ အေး ... ပေးမယ် ... မင်းသာ သေချာဖြေ ... ”
ကိုကိုက တကယ်ကြီးအတည်ပေါက်ပြောနေသည့် ပုံပင်။
“ ကျွန်တော် လိုချင်တာက အရမ်းဈေးကြီးနေရင်ရော ... ”
ထိုအခါ ကိုကိုက မျက်လုံးပြူးသွားကာ အနည်းငယ်စိုးရွံ့နေသည့်အသံဖြင့်
“ အရမ်းဈေးကြီးလို့လား ဈာန် ... ငါ့မှာတော့ ဒီလအတွက် ပိုက်ဆံအများကြီး မကျန်တော့ဘူး ... ဒါမှမဟုတ် နောက်လမှ ယူရင်ရော ... ”
“ အဲဒီအတွက်တော့ မပူပါနဲ့ ... ကျွန်တော်က ကိုကို ပေးနိုင်တဲ့ ပမာဏလောက်ကိုပဲ တောင်းမှာပါ ... ပြီးတော့ ကျွန်တော် အမှတ်အများကြီးရလေ ဈေးပိုမြင့်လေပဲနော် ... ကိုကို သဘောတူလား ”
ဒီကောင်လေး ဘာကြံနေမှန်း လေးဆက် မတွေးတတ်တော့ပေ။ သို့ပေမဲ့ အခုချိန် စာမေးပွဲဖြေခိုင်းဖို့က ပိုအရေးကြီးနေသည့်အတွက် ကျန်တာ နောင်ခါလာ နောင်ခါဈေးဟု သဘောပိုက်လိုက်ကာ
“ အင်း ... အင်း ... မင်းသာ အမှတ်အများကြီး ရအောင် လုပ် ... မင်း လိုချင်တာ ငါ ဝယ်ပေးမယ် ဟုတ်ပြီလား အဆိုးလေး ”
“ အိုကေ ... ပြော ... ဘယ်ဟာ ဖြေရမှာလဲ ”
အဲဒီနောက် လေးဆက်လည်း ဖတ်စာအုပ်ဖွင့်လိုက်ကာ အနည်းငယ်ခက်လောက်မည့်မေးခွန်းများနှင့် အင်တာနက်ပေါ်မှ Grammar ပိုင်းဆိုင်ရာ မေးခွန်းများကို ရွေးထုတ်လိုက်သည်။
လိမ်လိမ်မာမာနဲ့ စာမေးပွဲဖြေနေသည့် ဈာန့်ကို ကြည့်ရတာ တစ်ခုခုမူမမှန်သလိုပင်။ တစ်ချက် တစ်ချက် ပေါ်လာသည့် ဈာန့်အပြုံးက ကြက်သီးထစရာကောင်းလှသည်။
ဈာန့်ကို မေးခွန်းအများကြီးမေးထားသောကြောင့် အကုန်လုံးဖြေဆိုပြီးဖို့ဆိုလျှင် တစ်နာရီခွဲလောက်တော့ အချိန်ယူရသည်။ စာမေးပွဲဖြေပြီးနောက်မှာတော့ လေးဆက် အဖြေစစ်နေတုန်း သူ ရေချိုးချင်သည်ဟုဆိုကာ ဈာန်က ရေချိုးခန်းထဲ တန်းဝင်သွားတော့သည်။
ခဏအကြာမှာတော့ အဖြေတွေအကုန်စစ်ပြီးသွားလေပြီ။ ရလဒ်က မထင်ထားသည့်ရလဒ်မို့ လူက ခေါင်းတောင် အနည်းငယ်ကိုက်ချင်သွားရသည်။ အဖြေစာရွက်ထိပ်မှာ မှင်နီဖြင့် ရေးထားသည့် ၉၅မှတ်ဆိုသည့် ရလဒ်က သူ့ကို လှောင်ပြောင်နေသလိုပင်။
အမှန်ပြောရရင် လေးဆက်ကိုယ်တိုင် ဖြေရင်တောင်မှ ဈာန့်လောက် အမှတ်အများကြီး မရနိုင်ပေ။ အဲဒါကို Grammar မရဘူးလို့ ပြောသည့် ဈာန်က ဘယ်လိုလုပ် အမှတ်တွေ ဒီလောက်ထိထောင်တက်သွားရတာလဲ။ တကယ်ပဲ တစ်ခုခုတော့ လွဲမှားနေသည်။
“ ကိုကို ကျွန်တော် အမှတ် ဘယ်လောက်ရလဲ ”
လေးဆက် အတွေးလွန်နေချိန်မှာ အနောက်ဘက်ကနေ နား,နားကပ်ပြောလာသည့် ဩရှရှအသံကြောင့် လူက လန့်သွားရသည်။ အနောက်ကို လှည့်ကြည့်မိလိုက်တော့ မြင်လိုက်ရသည့် ဈာန့်ရဲ့အပေါ်ပိုင်းဗလာကျင်းခန္ဓာကိုယ်က ရေစက်လက်ဖြင့် ... ။ အောက်ပိုင်းမှာတော့ တဘက်ဖြူတစ်ထည် ပတ်ထားသည်။
ခုနက အာရုံထွေပြားနေသဖြင့် ဈာန် ရေချိုးခန်းထဲက ထွက်လာတာကိုတောင် သတိမမူမိပေ။ ဈာန်က အားကစား ပုံမှန်လုပ်သည့်လူမို့ အခုလို ခန္ဓာကိုယ်ဗလာကျင်းနေသည့်အချိန်မှာ ပေါ်လာသည့် ခန္ဓာကိုယ်အချိုးအစားက တောင့်တင်းခိုင်မာကာ ကြွက်သားတွေဖြင့် ကြည့်ကောင်းနေသည်ကိုတော့ အမှန်အတိုင်းဝန်ခံရပေမည်။
“ ကျွန်တော့်ခန္ဓာကိုယ်က အရမ်းကြည့်ကောင်းနေလို့လား ကိုကို ”
ထိုအခါကျမှ ယောင်မှားပြီး စိုက်ကြည့်နေမိသည့် အကြည့်တို့ကို လွှဲဖယ်လိုက်မိသည်။ လူမိသွားသဖြင့် မျက်နှာက ဖြန်းခနဲပူတက်လာကာ ခေါင်းမဖော်ဝံ့တော့ပေ။
“ အင်း ... ၉၅မှတ်ဆိုတော့ အမှတ်က တော်တော်များတယ်လို့ ထင်တာပဲ ... ကိုကို ကတိတည်မယ်မလား ”
ခုနက သူ စနောက်လိုက်သည့်စကားကြောင့် ရှက်သွားသည့်ကိုကိုက ခေါင်းကိုသာ တသွင်သွင်ညိမ့်ပြလာသည်။
“ ကိုကို ကျွန်တော့်ကို ကြည့်ပါဦး ”
ကိုကို့နှင့် မျက်နှာချင်းဆိုင်ရှေ့မှာ သွားရပ်ပြီး ခါးကို အနည်းငယ် ကိုင်းလိုက်ကာ ကိုကို့မေးဖျားလေးကို ဆွဲကိုင်မော့လိုက်တော့ ရှက်နေသည့်မျက်နှာလေးက မီးရောင်အောက်မှာ ထင်းခနဲ။
ကိုကိုက တကယ့်ကို ရှက်သွေးဖြာတတ်သည့် ကြောင်ပေါက်စလေး ... ။
“ ကိုကို ကျွန်တော့်ကို ဘာပေးမလဲ ”
“ အဲဒါ ... အဲဒါက မင်း ပြောရမှာလေ ... မင်း လိုချင်တာကို ငါပဲ မသိဘဲ ... ”
“ ကျွန်တော် လိုချင်တာကတော့ ကိုကို့ကိုပဲ ”
“ ဘာ ! ”
လေးဆက် အလန့်တကြား ထရပ်မိသွားသည်။ ဒါက ဘာစကားလဲ။ ဈာန်က ဘယ်လိုစကားကြီးပြောလိုက်တာလဲ။ သူပဲ နားကြားမှားတာလား။
“ မင်း ... မင်း ... ငါ့ကို ဘာစကားတွေ လာပြောနေတာလဲ ”
“ ကျွန်တော် ကိုကို့ကို နမ်းချင်တယ် ”
ဈာန်က ပြောရင်း ဆိုရင်း ရှေ့တိုးလာသဖြင့် လေးဆက်လည်း တရွေ့ရွေ့ဖြင့် အနောက်ဆုတ်သွားရသည်။
“ ကျွန်တော်က ကိုကို့တစ်ကိုယ်လုံးကို နမ်းချင်တာ ”
“ ဈာန် ! မင်းနော် ! ဆက်မပြောနဲ့တော့ ”
ဈာန့်စကားတွေက တဖြည်းဖြည်း ပိုပိုဆိုးလာသည်။ နားထောင်ဖို့တောင် မဝံ့ရဲတော့သည့်အထိ ... ။ ဒီလို ရှက်ဖို့ကောင်းတဲ့စကားတွေကို ဈာန်က ဘယ်လိုများ ပြောထွက်နိုင်ရတာလဲ။
“ ကိုကိုပဲ ကျွန်တော့်ကို ကတိပေးထားတယ်မလား ... ကျွန်တော် လိုချင်တာ ဘာပဲဖြစ်ဖြစ် ပေးမယ်ဆို ... ”
“ ဒါပေမဲ့ မင်း တောင်းဆိုတာကြီးက ဟုတ်မှမဟုတ်တာ ”
ဈာန်က တဖြည်းဖြည်း ပိုနီးကပ်လာသလည်။ လေးဆက်လည်း ဆုတ်ရင်း အနောက်ဘက်ကို လှည့်ကြည့်လိုက်တော့ နက်ပြာရောင်မွေ့ရာခင်းထားသည့် ကုတင်ကြီးက အခန့်သားဖြစ်နေသည်ကို တွေ့လိုက်ရသဖြင့် လူက ကြောက်စိတ်ပိုလာသည်။
“ ဈာန် ! ဈာန် ! မင်း ထပ်မတိုးလာနဲ့နော် ”
ဘယ်လိုမှလည်း ပြောလို့မရပါ။ ဈာန်က စကားနားမထောင်ဘဲ ရှေ့ဆက်တိုးလာသည်မို့ သူလည်း နောက်ကို မြန်မြန်ဆုတ်လိုက်တော့ ကုတင်ထောင်စွန်းနှင့် တိုက်မိကာ လူက အိပ်ရာပေါ် လဲကျသွားသည်။
ရင်ထဲမှာ ဒိတ်ခနဲဖြစ်သွားသည်နှင့်တစ်ပြိုင်နက် အိပ်ရာပေါ်မှာ အလူးအလဲကုန်းထလိုက်တော့ ရုတ်တရက်ဆိုသလို ဈာန်က သူ့ကို အပေါ်ကနေ အုပ်မိုးကာ အိပ်ရာပေါ်ကို ပြန်ဖိချလာသည်။
ဈာန်နှင့် ရင်ဘတ်ချင်း ထိကပ်နေသဖြင့်ညလေးဆက် မနေတတ်တော့ပေ။ ထို့အပြင် ခုနက ဈာန် ပြောလိုက်သည့် စကားတွေကလည်း သူ့ကို ပိုခြောက်ချားစေသဖြင့် ဈာန့်လက်ထဲမှ လွတ်အောင် အတင်းရုန်းကန်မိသည်။
“ ဈာန် ! ဟင့်အင်း ! မင်း ငါ့ကို လွှတ်နော် ”
“ ကိုကို ”
အလန့်တကြားဖြစ်နေသည့် မျက်ဝန်းလေးတွေကို ကြည့်ရုံနဲ့တင် ကိုကို ဘယ်လောက်ကြောက်နေလဲဆိုတာကို သူ မှန်းဆလို့ရသည်။ သူ့ကို တွန်းလွှတ်ကာ ရုန်းကန်နေသည့် ကိုကို့လက်ကို ဆွဲယူပြီး သူ့နှလုံးသားရှိရာ ဘယ်ရင်ဘတ်ပေါ် တင်ပေးလိုက်တော့ ကိုကိုက အနည်းငယ်ငြိမ်ကျသွားသည်။
“ ကျွန်တော် အရမ်းရင်ခုန်နေတယ် ... ကိုကို ခံစားမိလား ”
အမှန်တော့ အခုချိန်မှာ လေးဆက်ကိုယ်တိုင်လည်း နှလုံးခုန်သံတွေ အရမ်းမြန်ဆန်နေသည်။ ထို့အပြင် ဈာန့်ရဲ့ဗလာကျင်းထားသည့်ခန္ဓာကိုယ်ကလည်း သူ့ကို ဖိအုပ်မိုးထားသလိုဖြစ်နေသဖြင့် လူက ဘာလုပ်လို့ ဘာကိုင်ရမှန်းမသိနဲ့ ရှက်နေတာပဲ သိသည်။
“ ကိုကို ”
“ ဈာန် ငါ ... ”
“ နမ်းရုံလေးပါပဲ ... ကိုကို့ကို ကျန်တာ ဘာမှမလုပ်ပါဘူး ”
ကိုကို့နဖူးပြင်လေးကို အနမ်းတံဆိပ်ရာပေးလိုက်ရင်း နီမြန်းနေသည့် ပါးပြင်လေးကို ခပ်ဖွဖွပွတ်သပ်ကာ ကိုကို့ကို ချော့မြူလိုက်သည်။ နားရွက်လေးတွေကအစ ရဲတွတ်နေကာ ကိုကို့ရဲ့ဝင်းပပမျက်နှာတစ်ခုလုံးက မီးအလင်းရောင်အောက်မှာ လှသွေးကြွယ်နေသည်။
“ ကိုကို ”
ဈာန့်ရဲ့အသံအနေအထားက ရီဝေယစ်မူးနေမှန်း သိသာလွန်းစွာ ... ။ သူတို့၏အကြည့်နှစ်ခုလုံးက ဆုံချက်တစ်ခုတည်းမှာ တိကျစွာ ကျရောက်နေပြီး တစ်ယောက်နှင့် တစ်ယောက် ရင်ခုန်သံချင်း ထပ်တူကျနေသည်။
လေးဆက်ရဲ့လက်နှစ်ဖက်လုံးကလည်း ဈာန့်ရင်ဘတ်ကျယ်ကြီးပေါ် ရောက်နေသဖြင့် ဈာန့်ကိုယ်မှာ စိုနေသေးသည့် ရေစက်တွေရဲ့အထိအတွေ့ကိုတောင် ခံစားလို့ ရနေသေးသည်။
“ ကိုကို့ကို ကျွန်တော် နမ်းလို့ရမလား ”
အခုချိန်မှာ လေးဆက်ရဲ့ဦးနှောက်က သိပ်အလုပ်မလုပ်နိုင်တော့ပေ။ အတွေးထဲမှာ အရာအားလုံးက ဗလာနတ္တိ။ နောက်ဆုံးတော့လည်း နှလုံးသားရဲ့စေစားရာနောက်ကိုပဲ လိုက်တော့မည်ဟု ဆုံးဖြတ်လိုက်ကာ မျက်လုံးကို စုံမှိတ်ထားလိုက်ရင်း
“ အင်း ”
ကိုကို့ထံမှ တိုးတိတ်ငြင်သာသည့် သဘောတူသံလေးကို ကြားလိုက်ရချိန်မှာတော့ ဈာန်ရောင်ခရဲ့နှလုံးသားထဲမှာ ပန်းတွေ ပွင့်ဖူးနေသလို လိပ်ပြာလေးတွေ ပျံဝဲနေသလို ခံစားနေရသည်။
“ ချစ်တယ် ကိုကို ”
အဲဒီနောက်မှာတော့ ကိုကို့ရဲ့မပွင့်တပွင့်နှုတ်ခမ်းလွှာလေးတွေထက် သူ့အနမ်းတို့က ညင်ညင်သာသာကျရောက်သွားသည်။ သူ့အနမ်းတွေကြောင့် ကိုကို့ရဲ့ခန္ဓာကိုယ်လေးက အနည်းငယ်တုန်ယင်သွားကြောင်းကို ကိုကို့ခါးကို ဖက်တွယ်ထားပြီးဖြစ်သည့် လက်တို့ရဲ့အထိအတွေ့အရ သတိထားမိလိုက်သည်။
နူးညံ့သိမ်မွေ့သည့် အနမ်းများက နှုတ်ခမ်းလွှာများထက် ခေါက်တုန့်ခေါက်ပြန်ပြေးလွှားနေသည်။ အိစက်နေသည့် ကိုကို့နှုတ်ခမ်းလွှာလေးများက တစ်ခဏအတွင်းမှာပဲ သူ့အနမ်းများကြောင့် ရဲတွတ်ကုန်၏။
“ ဈာန် ”
အလစ်အလပ်မရှိသော အနမ်းများအောက်မှာ အသက်ရှူဖို့အရေးကိုတောင် လေးဆက် မနည်းအားထုတ်နေရသည်။ နှလုံးခုန်သံတွေကလည်း ရထားတစ်စင်းခုတ်မောင်းသွားသလို တဒုတ်ဒုတ်မြည်တမ်းနေသည်။
ခဏအကြာမှာတော့ သူ့နှုတ်ခမ်းလွှာထက် ဖိကပ်နေသည့် နှုတ်ခမ်းတစ်စုံက ဖယ်ခွာသွားကာ ဈာန့်ရဲ့အနမ်းတို့က သူ့လည်တိုင်ကျော့ကျော့ပေါ် ထပ်မံရောက်ရှိသွားပြန်သည်။ သို့ပေမဲ့ တဖြည်းဖြည်း ပိုပြင်းထန်လာသည့် လည်တိုင်ထက်က အနမ်းကြမ်းကြမ်းတို့ကြောင့် လေးဆက် နည်းနည်းထိတ်လန့်သွားရသည်။ အမှန်ပြောရလျှင် လေးဆက် ဒီထက် ပိုပြီးအဆင့်မတက်ချင်သေးပါ။
“ ဈာန် ငါ ... ငါ အိမ်ပြန်ချင်ပြီ ”
မထင်မှတ်ထားသည့် အနုနည်းဖြင့် သူ့ကို တားမြစ်လိုက်သည့် ကိုကို့ကြောင့် အနမ်းတို့ကို ရပ်တန့်ပေးလိုက်သည်။ ကိုကို့ရဲ့ဝင်းမွတ်မွတ်လည်တိုင်ထက်မှာ နီရဲတွတ်နေသည့် အနမ်းရာများက ဒီလူက သူ့မူပိုင်ဖြစ်ကြောင်းကို သက်သေပြပေးနေသလိုပင်။ နောက်ဆုံးအနေနှင့် ကိုကို့ရဲ့ပါးအိအိလေးကို နှာခေါင်းနစ်ဝင်သွားသည့် အထိ နမ်းမွှေးလိုက်ကာ
“ ဒါဆို ခဏစောင့် ... ကျွန်တော် အဝတ်ဝတ်လိုက်ဦးမယ် ... ပြီးရင် ကိုကို့ကို ပြန်လိုက်ပို့ပေးမယ် ”
“ အင်း ”
ဈာန် အဝတ်လဲခန်းထဲ ဝင်သွားချိန်မှာတော့ လေးဆက်လည်း ပေါက်ကွဲထွက်လုမတတ်ဖြစ်နေသည့်ရင်ဘတ်ကို အသာဖိရင်း အိပ်ရာပေါ်မှ ထထိုင်လိုက်သည်။ သူ့ရဲ့နှုတ်ခမ်းလွှာတွေကလည်း အကြာကြီးအနမ်းခံထားရသဖြင့် ဖူးယောင်နေမည်မှာ ခန့်မှန်းစရာတောင် မလိုပေ။
ဈာန်ဝင်သွားရာ အခန်းလေးကို လေးဆက် ငေးကြည့်နေရင်း ခုနက အနမ်းကြမ်းကြမ်းတို့ဖြင့် သောင်းကျန်းခြင်းခံလိုက်ရသည့် လည်တိုင်လေးကို ပွတ်သပ်နေမိသည်။ သူ့ရဲ့နှုတ်ခမ်းထောင့်စွန်းလေးတွေကတော့ ကွေးညွတ်ကာ ပြုံးယောင်သန်းလျက် … ။
7:10 P.M
30.4.2021 ( Friday )