السلام عليكم غوالي. ....
........
..............
نصحت الكلب من حبك ... ولافاد
وجــويته بنــار دلالــي ... ولافاد
جثــير إعلاج جابولي ... ولافاد
دواي إنته يهل مــبعد ...عليه.....
...........
تدري شكد اعزك والقلب يهواك
أحبك مثل آدم من يحب حوى
طبع قلبي ترف مايحمل اللجمات
ومرات يتسودن حيل من يهوه.
شيفيد العمر لو مااعيشه وياك
حياتي بلاية حبك والله ماتسوى
.......
اشتاكيتلك وكت الفجر
لا هو ليل وينسهر..ولا بيه أكمل نومتي
.......
وكع كلبي بغرامك ماتشيله
وترى كلبي التعذب مات شيله
اخابر وانت تسمع وماتشيله
وينك ياحلو بس رد عليه
.......
هيه مو شغلة ضعف لا والرسول
المشكله بگلبي❤️ يحن كلش اله💙
هواااي عذبني بكثر عشك اليتيم
من يحن لـ أمه ويحس مترد اله
بس شسوي لكلبي❤️ من يعشك عجيب
ينبض❤️ بصدري ويدك كلهن اله💜
.......
هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه
.........
**كلتلها شيلي الثوب لاينتلف طين
كالت اشيله اشلون وانتم شياطين
**كلتلها مو شيطان انه على مودج
خاف امج اتبجيج ينكسر عودج
**كالت اشيله اشواي بس انت غمض
ومن تفتح العينين عني النظر غض
**كلتلها بالنظرات مايبقه نيشان
توچ يبت الناس إمْوَصْفتني شيطان
**كالتلي بالنظرات لاتصعد اصعود
والعِّضْله الك يفلان ركز يمكرود
**كلتلها كوه العين تصعد شجاهه
فوك الركب بانين مرمر تراهه
........
ودعناكم غوالي. ...