شعر ..شعبي.. قصيده ..دارمي..بذيه ..زهيري..قصه وشعر.. قفشات شعريه

شعر شعبي،غزل ...

السلام عليكم......

........

ِّ‏ شجاك وبس حزن تكتب على جروحك
ومنو اليسوه وعليمن تنزل دموعك
وعلى يا مال كلبك ينملي هموم
اذا مو هسه صدك باجر يعوفك
لتكلي احبه... هذا واقع حال
ولتكلي اعشقه سده موضوعك
هو بكل برود وتشوفه مرتاح
وانت النار تحركك وتاكل ضلوعك

......

روحك هم مثل روحي بها ون
وتدور على الفرح كاعد بهاون
عشت عمري مثل كهوه بهاون
يدك ونار عين اله علية.

.......

شمالي و ياك متعذب هواني.
هويتك ياحلو و كلبك هواني.
ترى اكثر واحد حبك هو اني.
واذا غيري لكيت اعتب عليه؟؟

.......

ترف منهو على الهجران … وصاك
وحبك في صميم حشاي … وصاك
اموت اعله الحلو والترف … وصاك
ومثلك صاك ابد مامر عليه ...

........

دمع عيني بغيابك بره سايل
وعليك الكلب يطلع بره سايل
ما ينفع غزلنه برسايل اريد الغزل وانت بين اديه
.........

ادوخن من أظل وحدي بلاياك
مصايب كلبي ماتنحل بلاياك
شلي بدنياي ياروحي بلاياك
الموت أهون ولاغيابك عليه...

.......

جفن  عيني مايغمض ابد وينام
الحزن يفرش بنص الكلب وينام
الفاكد  ولف  هم   يرتاحوينام
لو  يمضي العمر سهرات واذيه.

........

كمر خده ابضلام الليل....ويلاه

  شفته وكمت اصيحن ويل...ويلاه

لزمته وردت ابوسه وصاح ...ويلاه

ولك يابوسه عمي استر عليه....

....... ...

سوم روحك اني رايد :::اشتريك
كلي بيش وحتى ادبر:::::: حالي
حتى ابيع اعيوني واصرفهن::: عليك
وانت لو وزنك ذهب مو:::: غـِْاليّے

........

#حبي فوك حبك زاد .........مرتين..😍
#وابد بالدنيا محد عاش........مرتين..💞
#تدري العمر لو ينعاد ..........مرتين..😘
#اشيل عمري الك ونطي هديه..❤❤🌹

........

عيوني بشوگك يلغالي ...ترفلك
وگلبي من الزغر مايل...  ترفلك
مو بس گلبي وعيوني ...ترفلك
ترف ..الروح من تسأل..  عليه

..........

...........ودعناكم غوالي ..........