شعر ..شعبي.. قصيده ..دارمي..بذيه ..زهيري..قصه وشعر.. قفشات شعريه

شعر شعبي 💔💔💔💕

السلام عليكم غوالي. ...

......

يكلبي اشبيك يتلاهب يمر بيك
وبعد محد من احبابك يمر بيك
حبيب الجان كل فتره يمر بيك
قفل حتى الجهاز وكطع بيه

..     .......

وحك الي خلق عرشه....ولانام.
عاذل ماحجا بذنبك.....ولانام.
بعدكم لا غمض جفني.ولانام.
ولا بعد الرحيل اسكون اليه.

……………………………………

حُبك نار تلهب منك …… . أبره
وإذا من روحي ابره منك ..ابره
تعال الخيط مني ومنك ...ابره
نخيط جروحنا ونلتم سويه

...........

احبابي الجنت  انه إلهم.. وهم لي
حسافه اطلعت عشرتهم.. وهم لي
يعيني من الدمع  صبي.. وهم لي
على تعبي البذلته ابلا جزيه......

....    ......

حلوو نازل على الجتفين........ شاله
وعساني خيط كون بوسط......شاله
سلب عكلي برسومه وشمر......شاله
ونخيت أهل البخت نكعد........سويه

........

كالو علينه أشكال شعلينه بيهم

المهم نمشي بزود غصبن عليهم

.  ...........

تعال أسهامك من حشاي… ..يرهن
بحذر لا شامت من الناس…… يرهن
اخبرك بالجفيته گام………… ..يرهن
عيونه لشوفتك ما بيك جيه..

.......

ضربات   الدهر   بالراس..جارن
عليه ايام   سود   شكثر ....جارن
عيوني عليك بس  دموع ......جارن
بكثر دمع الثكاله ع الوطيه..

......

ما حبيت غيرك حتى اكول انســـاك
ولا للغير جدمي بيــــوم يتعـــــــده
مليت الصبر والصبر مـــاله حـــــدود
بس هجرك كتلني وما وصل حـــده
اتانيك بدمع وعيونـــي غــــــركانات
وماشوف المطر لو يترس الســــده
اذا كتلك تعال وما اجــيت اليـــــــوم
ملك الموت عندي اليــــوم يتغــــده
علمني عليك شلون حتى ارتــــــاح
شرد مني دليلي وبعـــد شيــــرده
انه ادري اليحب مهموم طول اللـــيل
صافن بالنــــهار ودمعـــته بخـــده❤️.

........

أصيرن جفن لأصحابي وظل عين
وأظل بالشدة واقفلك وظل عين
ست عظام أكسرلك وظلعين
أسويهن جسر وتمر عليه

. . .  ......

منو الجابك الشوفي وعنك
معقولة الهوى هزك وعنك
ترى الناس الحجو عني وعنك
تغار تريد مانكعد سوية

........

شكتب بيك شعر لو نثر ؟لو # قصه
يامبتسم نشب منك بالحلق  # قصه
وقسم لليدنس سمعتك السانه# قصه
واخلي امه تنوح عليه صبح ومسيه

.    ........

صرت جمر بغيابك دوم……… ...خافت
وعليك الروح من كل بشر…………….. خافت
من تحجي حبيبي بصوت…………… .خافت
أحس روحي تطيح بين اديه

.... .

أي يروحـي

لويحـبونه صـدگ ماتيهـونة
ولاحجـو چلمات خشنـة وضيعونه

..    ......

راح أفك قفل #الحجي والغي #السگوت
ونحط عين بعين نتحاجة گشف
راح وگت المستحة ووگت السگوت
گبل أسگت ع الطعن هسة أختلف
گبل تشگي عيونك وتبجي وتنوح
هسة وگحة عيونك & أنت شگد صلف
وأمس من جرحك نزف صرت أني خيط
يعني ماتعرفني بس وگت النزف ؟
بخنجرك تطعن وتحلف ماتعيد
وخلص عمري وياك #طعنات #وحلف ....

........
وحگ روحي ألتحبك وأنت تدري
جمر بعدك حرگني وأنت تدري
هايم بيك عقلي وأنت تدري
چذب مثلك حبيب أيصير أليه

ودعناكم غوالي. ..