شعر ..شعبي.. قصيده ..دارمي..بذيه ..زهيري..قصه وشعر.. قفشات شعريه

شعر شعبي .............💕💔💘💞

السلام عليكم غوالي. ..   ....
..........

ياريتك تشوف البيه ياريت ...؟
وتفهم من نظرتي شتعني اليه!!
تحس معنى كلامي كبل مااكول
وتعرف بالضبط شيصير بيــه....
تعرف من أشوفك ليش انهـــار؟؟
وليش الرجفـــة تاخذ مني أديـه؟؟
/وليش اصفن عليـك من احجي وياك..؟
وانسـه الدنيا من نوكف سويه.....؟؟
وليش ارضه بجروحـــك واني ممنون...؟؟
برأيك ليش متحمل الاذيه..!!
وليش اتمنى اشوفك أسعد انســـان,,,
حياتك بس سعاده وهاي هيه......
واذا فد يوم شفت بعينك دموع..
أدعي من الله تاخذني المنيــه...
هسه فهمت حجيي وشقصـدت بي....؟
أحبك يعني..........ما مبين عليه

...... .....

وستظل سراً بين قلبي وروحي
وستظل رمزاً بين حروفي وكلماتي
يراك الجميع شخصاً وأنا أراك روحاً
يقرؤنك حرفاً وانت بداخلي رواية
لم تنتهي فصولها بعد ولن تنتهي

........

نصحت الكلب من حبك ... ولافاد
وجــويته بنــار دلالــي ... ولافاد
جثــير إعلاج جابولي ... ولافاد
دواي إنته يهل مــبعد ...عليه.....

........

شجاهه عيوني تعشك دون متشوف
وشجاني تعلقت من غير صدفه
غريب احساسي بيك تولعت ليش
شعور بداخلي مكدر اوصفه
الكلب يهواك عاشك حد  الجنون
شيقنع الكلب والعقل ما يصفه
ويا أجمل غرام واحلى صدفه
مو مألوف حبي ادري انه وياك
بس عندي قناعه وياك تصفه.....

........

وكع كلبي بغرامك ماتشيله
وترى كلبي التعذب مات شيله
اخابر وانت تسمع وماتشيله
وينك ياحلو بس رد عليه

.....

اشتاكيتلك وكت الفجر
لا هو ليل وينسهر..ولا بيه أكمل نومتي

......

تدري شكد اعزك والقلب يهواك
أحبك مثل آدم من يحب حوى
طبع قلبي ترف مايحمل اللجمات
ومرات يتسودن حيل من يهوه.
شيفيد العمر لو مااعيشه وياك
حياتي بلاية حبك والله ماتسوى
......

تضيك الدنيا ☹
من اشتاك لعيونك 👀
تعال شما تريد تكول 😉
تكفي حجايه شلونك 😊
.......

وينك انته؟!
آني من اشتم عطر .. حسبالي جيت ...
وأركض بلهفة .. وبعد ميلمني بيت ..
وثاري مثل الحلم يخلص لو صحيت ..
وانت ماكو ..
وكلشي يسألني عليك ..
الليل من أسهر ..
اشوفه يلمح ويسأل عليك ..

كلشي يمي ..
حزني ..
تعبي ..
قلقي ..
وكل ذرة مني هايمة وتسأل عليك ..

......
ودعناكم غوالي. ...