شعر ..شعبي.. قصيده ..دارمي..بذيه ..زهيري..قصه وشعر.. قفشات شعريه

شعر شعبي....💖💖💜💜

السلام عليكم غوالي
...  . ...
بينك وبيني عمر...
وسنين شالن صبر...
بجفوفي شايل شعر...
كل صفكه منهن لسن غنة مواويلك,,,

وعيوني تنبع عشك دمعاتي تحجيلك,,,

احجي اعوف الهوه..
مو ظلع صبري التوه..
شتكول نبقى سوه..
لوهذا كل حيلك,,,

وبيني ولبينك عتب..حاجيني حتى اقتنع,,,
موطبع هذا عشك..لوطبع غيره الطبع,,,
غمضت عين الوفه..من شوف شلت السمع,,
خايف اعيشن ردت لعيوني رد الضوه,,

احجي وعوف الهوه..
موضلع صبري التوه..
خلني بضوه بلاضوه..
مافاركت ليلك,,,
وعيوني تنبع عشك دمعاتي تحجيلك,,,

طرشان ليل اليمر..تسمع لحن ونتي,,,

كول احجي لو ما كلت..خل تحجي الك سكتتي,,

بلجن يرد المشه..وتجاوبك صفنتي,,

اي كون يذكر وكت بي جنه ليل وصبح,,,
نتشابك وي الفجر بس سرنه ما ينفضح,,
وتطلع علينه الشمس...
ونكول لا مو صبح وكلوبنه تعيش امس..
كلمت اجونه علت..وكلمة احبك همس..
والمهم والما مهم..ننسج خيوط الشمس ونسوي بدلة عرس,,

تذكر زعلنه كبل بالنظره صار الحجي..
يومين جنهن عمر والروح خلصت بجي..

تراضينه راح الزعل..لمسات جفك وفه..
وجفنك حلم ماحجه عله خدود ليلك غفه..
تكدر تبدل حرف والوفه تسوي جفه؟؟..

جاوب واخذ دمعتك لو لمسة جفوفك,,,
وبحجايتك جم وعد جم قسم ماعوفك,,,
ادري اني ضرفك صعب..بس العشك مولعب
موبيدي هذا كلب.
ماشاف لاجن يحس..شصبر وماشوفك,,

وظل صدى صوتك يرن..ياما شكثر غنيت
ومن صفكتلك هوه وصفك وياي البيت
بس هسه راح الصدى..
وظل هيثم يردده..
بحنيت الك حنيت,,,

تذكر كلب ودعك ودموع غطه الجفن..
وحن لك دمعة وفه وماكال حن وانه واحن..
وبنص غنائي انتهه..شوكك الفركه شتهه
وعوازه بس الحن....

جان تكدر هسه روح وعوفني,,,
ودمع عينك دار خله يطوفني,,,

هاك اخذ روحي الصفت نسمة هوه...
واخذ كلبي وياك خليهن سوه..
حتى من تشتاكلي اليه تشوفني,,,

.....

ودعناكم....