السلام عليكم غوالي.... عتذر عن نقطاع
الظروف صحيه. ....
..............
قريت!!
وجوهم مثل الگلاده الطين
لا ينكشخ بيها ولا تسد عازه؟
...........
عيش وحدك
انته تدري الناس مابيهم
عرف يندل عذابك
................
مادام
يم غيري رحت
كل صلح ماضل بيها
عديتلك
دمعة وجرح
بس هاي ماعديها...
........
بعدك تحن ؟؟
وشباقي عندك غير سله ازغيره لاوراق الحزن !!
بعدك تحن ؟؟
كافي السلاسل بالكلب
موكافي شبعته سجن !!
افتح الباب ..اشتم هوه يلدافن سنينك دفن !!
شنهو اليجبرك عالصبر
وشنهو اليجبرك تنتظر ؟؟
المن تحن ؟؟
#الگاطع
...............
وإلمن تهمك حالتي
ما شايف الي شفته
ضيم وخلافات وقهر
واقرب شخص ضيعته
#الگاطع
............
مُـــشـت بينه السنين بســاع
نـار وشبت بكاغـــد...!!؟
........
يم النهر حلوات ترسن جدر# ماي
وانه انترست ذنوب من دنك #اهواي
..........@@@@@@
ياصاح تحت الصفر مقياس حالي صفا.
حكمي مؤبد صدر واسنين اكسر صفا.
ابحر الهموم اغركت والمي عليه صفا.
مالي صديجن وفي ولالي رجا بقاربي.
الدنيا مثل البحر زحمه بلا قاربي.
يادنيا شنهو البعد اشويه عليه قاربي.
سايم عليج النبي وابجاه مروه وصفا.
............
ياصاح جرحي كبر
خزن بروحي ولم
شتت هواك العگل
ما بيه اجمع ولم
بچلاي شوگك رعه
من دمع عيني ورد
حنظل ثمر عشرتي
ظنيت زرعي ورد
ارحل وبالك تحن
وتگول اعاود ورد
لن موتي وي الهجر
ساعة رحيلك ولم .
. . ........
ياصاح حبك سكن لب الفؤاد وملك
سبحان من صورك تمشي ابهيئه ملك
صحيح كلنا الكمر كل المحاسن ملك
بس الكمر ماملك مثلك وجن والعين
وبجفاك مابطلت نوح وبجي والعن
ادعي اله العرش يحميك من العين
وعكبك تراني اصبحت قلعه بليى ملك.
..............
حبك بالكلب ياصاح رد رد
احبك لا تروح بعيد رد رد
اذا جتك رسالة شوك رد رد
لأن ردك يرد الروح لية
.........
ياصاح دون الخلك كلبي الك فاتحه
والكلب ينخه الحلك بالحب ولك فاتحه
اي والذي نزلج ام الصور فاتحه
مابين ضلع وصدر حبك حبيبي لطم
وحجي العواذل تره يضربني صاير لطم
لو غبت عني تره أبيتي يصبح لطم
ويصير كل العمر بعدك تره فاتحه
.........
ياصاح كافي الهجر فد يوم جيد ابوصل
الدمع ماينگطع اپچي ابغزاره وصل
كلبي الخذيته ملك ماتكتب اليه وصل
لا جاني طارش ولا مكتوب منك ورد
مالوم انا ابشوفتك اخذ طريقك ورد
زرعت حبك زرع بجلاي لمن ورد
شيفيد اباريه يوم المحتم وصل
الاريده فارگني وگطع وصله
حرگ خدي وصليل الدمع وصله
يطارش هاك كله الخبر وصله
طريح افراش بس النفس بيه.......
....
تحياتي الجميع ودعناكم غوالي ❤