_ បន្ទាប់ពីនាំ Jimin ទៅមើលរថយន្តហើយ Yoongi ក៏នាំគេមកខាងក្នុងពិធីវិញដែលគ្រប់គ្នាចោលភ្នែកសម្លឹងមកពួកគេទាំងពីរភ្លាមៗ ។
« បងYoon!! » សម្លេងស្រួយស្រេះរបស់នារី ស្រស់ស្អាតក្នុងឈុតពណ៌ផ្កាម៉ោងដប់ខ្លីម្នាក់បន្លឺឡើងហៅឈ្មោះនាយកម្លោះឲ្យគេបែរទៅភ្លាមព្រោះចាំបានច្បាស់ថាជាសម្លេងរបស់អតីតគូស្នេហ៍កាលរៀននៅប៉ារីសជាមួយគ្នាព្រមទាំងជាមួយ Jungkook និងមិត្តនាងម្នាក់ទៀតហើយនាងគឺជា Diana ស្រីស្អាតមានឳពុកម្ដាយដែលមានឋានៈមិនចាញ់គ្រួសារ Yoongi នោះឡើយ ។ Diana នាងញញឹមយ៉ាងស្រស់ដើរដោយស្បែកជើងកែងចោតឆ្ពោះមករកនាយសង្ហារ ក្នុងចិត្តក៏នឹកហាក់ឆ្ងល់ជាមួយក្មេងប្រុសមុខមាត់ស្អាតម្នាក់ដែលឈរក្បែរ Yoongi តែនាងមិនខ្វល់ឡើយសំខាន់គឺនាងចង់ជួបមុខអតីតគូស្នេហ៍សេដ្ឋីទៅវិញទេ ។
« Diana? » Yoongi លាន់មាត់តិចៗពេលនាងចូលមកអោបដៃគេហាក់ដូចជាស្និទ្ធស្នាលនៅមុខ ចំណោមមនុស្សទាំងអស់ ឯរាងតូច Jimin ក៏មើល មកភ្លឹះៗតាមបែបក្មេងតែគេក៏មិនល្ងង់ដល់ថ្នាក់មើល មិនដឹងថាពួកគេស្និទ្ធស្នាលស៊ីជម្រៅជាមួយប៉ុណ្ណានោះដែរ ។
« ពួកយើងខានជួបមុខគ្នាយូរហើយបងសុខសប្បាយដែរទេ? មើលចុះ បងដូចជាស្គមជាងមុនច្រើន ណាស់ណា៎ Yoon » Diana មិនត្រឹមតែនិយាយ ដៃស្រឡូនស្អាតរបស់នាងក៏លើកអង្អែលថ្ពាល់នាយបែបបារម្ភដូចចង់បង្ហាញប្រាប់គ្រប់គ្នាថាពួកគេជា សង្សារនឹងគ្នាធ្វើឲ្យ Yoongi មានអារម្មណ៍ទើស ទាល់នឹងចរិតរបស់នាងណាស់ទើបនាយប្រញាប់ងាកមុខចេញបែរទៅរក Jimin ភ្លាម ។
« Jimin ឃ្លានហើយនៅ? ពួកយើងទៅរកអីញ៊ាំ ទៅតោះ » នាយញញឹមប្រុងថាដកដៃចេញពី Diana ដើម្បីកាន់ដៃ Jimin វិញតែស្រីស្អាតតោងគេជាប់ស្អិតដូចតុកកែមិនព្រលែងឡើយ បំណងរបស់នាងគិតថាចង់មកផ្សះផ្សារគ្នាជាមួយ Yoongi វិញដូច្នេះនាងមិនដោះលែងគេទៅងាយៗនោះទេ ។
« បងចង់ទៅណា? អូនមិនទាន់និយាយជាមួយបង ចប់ទេ » Diana
« Diana...ឈប់មករំខានខ្ញុំទៅបានទេ? » Yoongi ស្នើសុំដោយធុញទ្រាន់ ទង្វើរបស់នាងកាលពីមុនធ្វើឲ្យគេឆ្អែតណាស់ គេមិនចង់រវីរវល់ជាមួយស្នេហាភ្លឹបភ្លែបដូចនាងទៀតទេ ។
« នេះ Yoon ថាអូនរំខានចឹងហ្អេ៎? » Diana
« ខ្ញុំ... » Yoongi
« អឺ...ខ្ញុំថាខ្ញុំទៅរកអីញ៊ាំខ្លួនឯងបានហើយ ពូYoon នៅកំដរអ្នកមីងនេះតាមសម្រួលចុះ » ដោយមិនចង់នៅរំខាន រាងតូច Jimin ស្រាប់តែហារស្ដីឡើងមុន នឹងដើរចេញទៅធ្វើឲ្យ Yoongi មិនសូវស្រួលក្នុងចិត្តខ្លាចគេខឹងតែ Diana វិញបែរជាលួចសម្លក់ Jimin ទាំងក្ដីច្រណែនព្រោះមុននេះ Yoongi បែរជាចង់ដើរចេញពីនាងព្រោះតែគេ ក្មេងនេះច្បាស់ជា មិនធម្មតាសម្រាប់ Yoongi ឡើយ ។
« ពួកមនុស្សធំពិបាកយល់មែនន៎? » Jimin ដើរចាប់របស់ញ៊ាំក្នុងពិធីបណ្ដើររអ៊ូបណ្ដើរទាំងមិនដឹងថា មានអ្នកឈរពីក្រោយនោះឡើយ ។
« បើពិបាកយល់ ម៉េចមិនរៀនស្វែងយល់ទៅ? » សម្លេងមនុស្សប្រុសបន្លឺឡើងធ្វើឲ្យរាងល្អិតងាក មកភ្លាម ។
« សិស្សច្បង Sooho? » Jimin ហៅឈ្មោះនាយ សង្ហារដែលឈរញញឹមមកកាន់គេជាមួយស្នាមខួច លើថ្ពាល់សងខាង គេជាសិស្សច្បងដែលធ្លាប់រៀន នៅសាលាជាមួយគ្នាហើយនាយម្នាក់នេះហើយជា ដើមហេតុដែលធ្វើឲ្យ Tae និង Karen មានរឿងជាមួយគ្នាមិនចេះឈប់ឈរនោះ ។
« ត្រូវហើយគឺខ្ញុំ » Sooho
« ក្រែងលឺថាសិស្សច្បងទៅរៀននៅអូស្ត្រាលីត្រូវទេ? » Jimin
« អ្ហឹម ពេលនេះរៀនចប់មហាវិទ្យាល័យហើយក៏ ត្រឡប់មកជួយលោកប៉ាគ្រប់គ្រងជំនួញនៅកូរ៉េវិញ » Sooho
« អ៎... » Jimin ងក់ក្បាល ។
« ចុះ Jimin មកកម្មវិធីនេះដែរហ្អេ៎? » Sooho
« បាទ ខ្ញុំមកជាមួយគេដែរទេ? » Jimin
« គេណា៎? កុំប្រាប់ឲ្យសោះណា៎ថាជា Tae!! ពេលនេះគេនៅឯណាទៅ? » Sooho សួរហើយងាក មើលឆ្វេងស្ដាំក្រែងលោបានឃើញ Tae ដែលគេ ធ្លាប់ស្រឡាញ់ ។
« អឺគឺ...Tae អត់មានមកទេ តាមពិតទៅគេមាន... » Jimin វិះនឹងប្រាប់ថា Tae មានស្វាមីហើយស្រាប់តែ Yoongi មកពីណាមិនដឹងចូលមកកាត់ចង្វាក់ភ្លាម ។
« Jimin!! នៅឈរធ្វើអីយូរម្ល៉េះ? » នាយសង្ហារ ចូលមកឈរកៀកស្និទ្ធស្នាលក្បែររាងល្អិតព្រោះតែទ្រាំឃើញ Jimin ឈរនិយាយជាមួយប្រុសផ្សេងដោយសើចញញឹមដាក់គ្នាមិនបានទើបនាយរហ័សគេចពី Diana ចូលមកតែម្ដង ។
« អ៎...ខ្ញុំជួបជាមួយសិស្សច្បងធ្លាប់រៀនសាលាជាមួយគ្នា គាត់ឈ្មោះ Sooho » Jimin
« សួស្ដីខ្ញុំឈ្មោះ Kang Sooho រីករាយណាស់ដែលបានជួបលោកអគ្គនាយកជាម្ចាស់កម្មវិធីផ្ទាល់ » នាយបោះដៃឲ្យជាការរាក់ទាក់ឯ Yoongi សម្លឹងមើលដៃនោះបន្តិចមុននឹងហុចដៃចាប់វិញ ។
« លោកស្គាល់ខ្ញុំដែរ? » Yoongi
« មកដល់កម្មវិធីធំបែបនេះទាំងមូល បើមិនស្គាល់លោកទេពិតជាមិនសមពេកហើយ » Sooho
« អ្ហឹម...អ៊ីចឹងអញ្ជើញលោកតាមសប្បាយចុះ ខ្ញុំសុំនាំ Jimin ទៅសិនហើយ » និយាយហើយ Yoongi ក៏ចាប់ដៃរាងតូចទៅភ្លាមតែម្ដងរកតែគេលាគ្នាមិនបាន ធ្វើខ្លួនដូចជាម្ចាស់រាងកាយរបស់ក្មេងម្នាក់ នេះពេញទំហឹង ។
_ កន្លងទៅមួយសន្ទុះធំ ពិធីក៏ចប់សព្វគ្រប់ឯរាងសង្ហារក៏បើកឡានជូន Jimin មកផ្ទះវិញដូចគ្នាទាំងទឹកមុខ ស្ងៀមស្ងាត់មិននិយាយស្ដីអ្វីសោះឡើយ ។
< ង៉ឺត!! > ឡានមកឈប់នៅខាងមុខផ្ទះខណៈ មនុស្សនៅក្នុងឡាននៅតែស្ងាត់មិនមាត់មិនក ដដែល ។
« ពូYoon...ថ្ងៃនេះខ្ញុំអរគុណពូខ្លាំងណាស់ដែល បានជូនទៅមើលរថយន្តថ្លៃទាំងអស់នោះ ខ្ញុំសប្បាយចិត្តធំៗពិតមែន អរគុណពូហើយ » Jimin និយាយអរគុណទើប Yoongi ដាច់ចិត្តបែរមុខមករកគេមុន នឹងលូកទៅទាញដៃរាងល្អិតមកកាន់យ៉ាងណែនទៀតផង ។
« ឃើញ Jimin សប្បាយចិត្ត ខ្ញុំក៏សប្បាយចិត្តដែរ ចាំថ្ងៃក្រោយខ្ញុំជូនទៅលេងដល់ក្រុមហ៊ុនតែម្ដងល្អទេ? » Yoongi
« មិនល្អទេដឹង? ខ្លាចតែរំខានពូទៅវិញទេ » Jimin
« រំខានអីទៅ? Jimin ជាមនុស្សសំខាន់របស់ខ្ញុំ មិនថាជាអ្វីក៏ខ្ញុំអាចធ្វើឲ្យ Jimin បានដែរ កុំបដិសេធអី » ប្រយោគរបស់នាយធ្វើឲ្យ Jimin លឺហើយស្ទើរគាំង នេះគេពិតជាសំខាន់ចំពោះនាយដល់ម្លឹងឬ?
« បា...បាទ ខ្ញុំដឹងហើយ » Jimin
« បែបនេះទើបគួរឲ្យស្រឡាញ់ » Yoongi ញញឹមដៃម្ខាងក៏លើកអង្អែលថ្ពាល់រលោងរបស់រាងតូចស្រាលៗស្របពេល Jimin សម្ងំឲ្យប៉ះ នាយសង្ហារ បានចិត្តក៏លោរសន្សឹមៗទៅកៀកនឹងមុខរបស់គេ បបូរមាត់ស្ទើរតែប៉ះនឹងថ្ពាល់ Jimin ទៅហើយ ស្រាប់តែទូរស័ព្ទចង្រៃរោទិ៍សម្លេងឡើងភ្លាមកាត់ ចង្វាក់អស់រលីងដាស់ឲ្យ Yoongi ដកគម្លាតឯរាងល្អិតក៏ភ្ញាក់ខ្លួនដែរ មុននេះវិះនឹងឲ្យនាយថើបទៅ ហើយ ។
« អឺ...បើចឹងខ្ញុំចូលផ្ទះហើយរាត្រីសួស្ដី » Jimin
« រាត្រីសួស្ដី » Yoongi ញញឹមតបទើបរាងល្អិតស្ទុះបើកទ្វាររត់ចូលផ្ទះយ៉ាងលឿនឯរាងសង្ហារក៏លើកទូរស័ព្ទមកមើល ជាលេខរបស់ Jungkook ដែលខលពីអាមេរិក ។
« យ៉ាងម៉េចហើយអាសម្លាញ់? » Yoongi សួរឡើងក្រោយចេញឡានធ្វើដំណើរទៅផ្ទះ ។
" មានយ៉ាងម៉េច ឥឡូវនេះយើងកំពុងផ្អែមល្ហែមជាមួយប្រពន្ធយើងណាវ៉ើយ " Jungkook និយាយអួតអាងស្របពេលកំពុងដើរលេងជាមួយ Tae នៅ ក្នុងទីប្រជុំជនរបស់ញូវយ៉ក ។
« អ៎...តាមពិតដែលខលមកនេះព្រោះតែចង់អួត ប៉ុណ្ណឹងទេហ្អេ៎? បើចឹងយើងបិទហើយ » Yoongi
" អេ៎ឈប់ៗ យើងមានរឿងចង់សួរឯង " Jungkook
« សួរមក » Yoongi
" ឯងកំពុងតាមចែចង់ Jimin មែនឬអត់ ប្រាប់ការពិត មក " Jungkook សួរឡើងព្រោះ Tae បានឃើញ រូបថតដែល Yoongi បណ្ដើរ Jimin ក្នុងកម្មវិធីចុះផ្សាយតាមព័ត៌មានបណ្ដាញសង្គមទើបត្រូវគេបង្ខំឲ្យ Jungkook ខលទៅសួរដូច្នេះ ។
« ចុះបើយើងថាមែន? » Yoongi ឆ្លើយមិនស្ទាក់ ស្ទើរទើប Tae បានលឺបែបនេះកញ្ឆក់ទូរស័ព្ទទៅថា ឲ្យគេភ្លាម ។
" ពូYoon ស្រឡាញ់ Jimin មែនហ្អេ៎? ពូចង់ធ្វើជាគោចាស់ស៊ីស្មៅខ្ចីផងហ្អេ៎? " Tae
« តែក្រែង Jungkook ប្ដីរបស់ Tae ក៏អាយុស្មើពូ ដែរតើសមិនចឹង? » លឺដូច្នេះ រាងតូចក៏ងាកទៅមើល មុខ Jungkook ដែលសម្លក់មកគេ ថាឲ្យ Yoongi ដូចថាឲ្យប្ដីម្នាក់នេះយ៉ាងចឹង ។
" អ៊ូសភ្លេចឲ្យឈឹងទៅថាប្ដីខ្លួនឯងក៏ចាស់ដែរ " Tae លាន់មាត់ទើប Jungkook ទាញគេមកថើបក្រញិចថ្ពាល់ភ្លាម ។
« ហ៊ឹស!! ពូនិយាយពិតមែន ពូស្រឡាញ់ Jimin ណាស់ Tae គាំទ្រពូដែរទេ? » Yoongi
" ខ្ញុំថាអីម៉េចនឹងបានបើ Jimin ស្រឡាញ់ពូដែរក៏តាមហ្នឹងចុះ ឲ្យតែពូស្រឡាញ់ស្មោះមិនលេងសើចទៅបានហើយ " Tae
« ប្រាកដហើយ » Yoongi
" Jung!! ការ៉េម!! អូនចង់ញ៊ាំការ៉េម ទៅទិញហើយណា៎ " Tae ពេលឃើញទូការ៉េមនៅខាងមុខក៏សុំប្ដីដូចក្មេងទើបរាងក្រាសងក់ក្បាលឲ្យគេរត់ទៅទិញភ្លាម ។
« អាJung!! យើងមានរឿងចង់ប្រាប់ឯង » Yoongi និយាយឡើងក្រោយមិនលឺសម្លេង Tae ។
" រឿងអី? " Jungkook
« គឺថ្ងៃនេះយើងបានជួប Diana នៅកម្មវិធីរបស់យើង មើលទៅនាងដូចជាចង់ត្រឡប់មកវិញហើយ » Yoongi
" បើចឹងយ៉ាងម៉េច? " រាងក្រាសសួរបញ្ជាក់ស្របពេលទឹកមុខក៏ប្រែភ្លាមមួយរំពេចក្រោយលឺឈ្មោះស្រីម្នាក់នោះ ជាអ្នករំលឹកឲ្យគេនឹកឃើញអតីតកាលខ្លះឡើងមក ។
« យើងថាបើនាងមកវិញហើយ ម្នាក់ទៀតក៏អាចនឹង មកដូចគ្នាដែរ » Yoongi
" តែយើងមិនត្រឡប់ទៅរកអតីតកាលទេ យើងមានអ្នកដែលយើងស្រឡាញ់ច្បាស់លាស់រួចហើយ " Jungkook
« អ្ហឹម...យើងដឹង តែយើងថាឯងគួរតែកុំទាន់អាល មកកូរ៉េវិញពេលនេះអី ចាំយើងមើលស្ថានការណ៍ឲ្យសិន » Yoongi
" ដឹងហើយ អរគុណឯងណាស់ " Jungkook និយាយត្រឹមនេះក៏បិទទូរស័ព្ទដកដង្ហើមធំមុននឹង សម្លឹងមើលទៅប្រពន្ធតូចកំពុងឈរទិញការ៉េម ជាប្រពន្ធដែលធ្វើឲ្យបេះដូងគេរីកបានគ្រប់ពេល មានតែប្រពន្ធម្នាក់នេះប៉ុណ្ណោះដែលនាយស្រឡាញ់លើសអ្វីគ្រប់យ៉ាង ។ រាងសង្ហារបោសវាសរាល់ភាព ស្មុគស្មាញចេញពីខួរក្បាលមុននឹងដើរទៅអោបចង្កេះប្រពន្ធជាទីស្រឡាញ់ពីក្រោយដែលក្នុងដៃមានចានការ៉េមយ៉ាងធំចម្រុះពណ៌តែម្ដង ។
« ទិញរសជាតិអីខ្លះហ្នឹង? » Jungkook
« មានស្ត្រប៊េរី មានសូកូឡា មានវ៉ានីឡា មានត្រសក់ ស្រូវ និងគ្រីមទៀតផង » Tae តបហើយក៏ស្ញេញមុននឹងបង្វែរខ្លួនមករកលោកប្ដីវិញ ។
« អ្ហា៎...ច្រើនណាស់ អូនញ៊ាំម្នាក់ឯងអស់ដែរហ្អេ៎? ប្រយ័ត្នធាត់ណា៎ » Jungkook
« អ្នកណាថាអូនញ៊ាំម្នាក់ឯង? អូនទិញមកឲ្យបងជួយញ៊ាំគ្នាហ្នឹងហើយ » Tae
« តែអ៊ុប... » មិនឲ្យនាយសង្ហារប្រកែកទាន់រាងតូចក៏ញុកការ៉េមមួយដុំធំចូលទៅក្នុងមាត់នាយ ដឹងហើយថាគេស្អប់របស់ត្រជាក់ខ្លាំងទើបចង់ធ្វើបាបនោះអី ។
« យ៉ាងម៉េចដែរហិហិ? » Tae សើចកខឹកពេលឃើញទឹកមុខប្ដី ។
« ត្រជាក់ណាស់ » Jungkook ធ្វើមុខស្អុយទ្រាំលេបការ៉េមទាំងពិបាកតែពេលឃើញរាងតូចសើចសប្បាយចិត្ត នាយក៏មិនថាអ្វីដែរ សំខាន់ឲ្យតែប្រពន្ធរីករាយ នាយពេញចិត្តនឹងធ្វើគ្រប់យ៉ាងជានិច្ច ។
To be continued.....🍨❄️💕