أنتِ أمانتي

البارت 31

'' أنتِ أمانتي '

للكاتبه زهراء المياحي

~°~°~°~°~°~°~°~°~°~°~°

سالم: ساقطه؛ شلون ترحين لحامد وتگليله هيچ سالم سوه بيه؟ اعتدي عليچ وما خليچ تسولفين لاحد...

اسيل: قاطعته؛ اباوعله وعيوني تعبانات حتى صرت احجي بهدوء تعبت واني كل ما يستفزني انهار؛ حجيت بهدوء
هو گلي راح احط لسالم حدود

سالم: هههههه يحط حدود الي؟؟ منو اني حدود الي؟ َمصدكه روحج انتي؟؟ لج هو اخوي يعني مصلحتي قبل مصلحتج... ثاني شي اني متفق وياه على بيت
يشتري مني اني صممته اله... بس ما بعته اله سجلته باسمه... اله هوو... هو ومرته... الجديده باختصار يا اسيل ما يكدر يحطلي حدود لباب الشارع.... انتي بس لا حاطه املج بي؟؟ هههههه والله تحجين... هسه استغل فرصتي و اعدل بيج... مجاي تحترمين نفسج..

اسيل: دنگت؛ هو يحچي لتفتت لجها الثانيه رجعت رفعت راسي؛ هو وعدني

سالم: اني صح اذيج... واعذبج... بس ما تصول الدرجه انطيج و عده واخلف بي... مثله..

اسيل: و انت هم وعدتني وداعت نور ما لي دخل بيج بعد

سالم: هاي من شفتج تدرسين واحاطه امل... بس طلعتي تركضين وره هادي تردين بس بوس..

اسيل: كافي ابوي مدد بفراش الموت وانت جاي تهددني اني قبل أسبوع رحت لامي؛ وردت اكللها انت شمسوي بيه وراحت لحامد وكتله شوي شوي اكول لامك وگتها بس الله يعرف وين تروح

سالم: تهددين وانتي ما بيج اي خيرر..

اسيل: بلعت ريكي؛ هو تقرب جر جكاره من جيبه وكف يدخن باوعلي

سالم: البيت يفرغ النا وانطيج الي حرمج منا هادي بس صبريلي هل كم يوم افكر زين

اسيل: عافني وطلع؛ يهدد؟ بسيطه شو شنو ضامتله
ثاني يوم الصبح اجه تقي بدل وسبح كعد يتغده واكفه فوك راسه صافنه بي رفع راسه ورجع دنك
تقي

تقي: خيررر..

اسيل: ممكن تاخذني لبابا مشتاقلته حتى لو بس اشوفه شوي والله لخاطررر كل احباااابك لخاطررر ابوووي اروحلك فدددوه اني

تقي: ياله امشي بدلي

اسيل: ركضت بدلت صعدت بالسياره افرك بايدي؛ لتفت اله تقي

تقي: هااا

اسيل: ابوي يمتىٰ يطلع؟؟

تقي: اليوم الدكتور يكلنا بالتحاليل

اسيل: الدكتور؟؟؟ ليش اليوم؟؟

تقي: اليوم تطلع تحاليله

...........

أسيل: كاعدة علىٰ الكرسي أهز برجلي وأفرك بأيدي؛ غمضت عيوني اهد بنفسي؛ ياربي بجاه كلمن عنده جاه ابوي يطلع سالم معافنه ما بي إي شيء؛ كل دقيقه تمر تاخذ روحي توترني اكثر؛ ربع ساعه طلع الدكتور ملامحه بارده ومبين من وجها تعبان حجه برود وهو يگلب الأوراق 

الدكتور: الحمدلله تعدىٰ مرحلة الخطر يحتاج كم تحليل حتى نثبت على مضاعفات المرض ونقللها

أسيل: حطت امي ايدها على عيونها تكتم دموعها كمت من ع حيلي وكفت يمها متوتره حجيت باستعجال بشري شلون صار بابا؟؟ صحته شلونها شوكت يطلعونه تعدئ مرحله الخطر مو؟؟ حنكدر نشوفه

حياة: تطلع تحاليله ونشوف اندعيله

أسيل: حجيت بخوف وتوسل ان شاء الله ما بي شي مو بعيده عن رب العالمين يحلها النا
رجعت كعدت بمكاني اسمع صوت بجي أطفال وناس تروح وتچي وجوهم صفره من التعب والدكاتره نفس حالتهم مبين عليهم التعب
الحمدالله دخلنا مستشفى أهلي جان هسة مات بالحكومي الاهتمام معدوم هناك؛ دخل اخوي بيده بطال مي فتحه وانطاه لامي يهدي بيها شوي وقرب كعد يمي انطاني بطل شربت منه قليل؛ اجتي ممرضه تسولف وي امي

تقي: يالله أمشينا نرجع للبيت

اسيل: نرجع؟! وأمي منو يبقىٰ وياها

تقي: خالتي هيل هسه تجي؛ امشي ارجعج للبيت وابدل واسبح وارجع للمستشفى

اسيل: تقربت شبكت أمي مع السلامة دير بالج علىٰ بابا من يصحىٰ أتصلي بيه طمنيني حبابه حجت وياي برود

حياه: روحي الله وياج دير بالج على أخوج مو تعوفي وحده

اسيل: هزيت راسي بنعم؛ اكيد لاتخافين طلعت من المستشفى ما گلني التوتر والخوف لتفت اباوعها يربي ان شاء الله هاي اخر مرة دوس رجلي المستشفى

تقي: شنو

اسيل: حجيت بملل أكول بلكت هاي أخر مرة نجي بيها ويطلع ابوي بسرعه وبسلامه تعبت اهواي امي

تقي: ان شاء الله

اسيل: صعدت هو يسوق؛ حطيت ايدي على گلبي تذكرت حرجع للبيت ماصدكت اصلا الگه عذر واطلع من البيت وهسه حرجع؟ ياريت بس تقبل امي ابات يمها بالمستشفى؛ رجعت اهز برجلي وادمدم بيني وبين نفسي ؛ خايفة أرجع وأشوفة حيل
خايفة منه الى متى ابقه هيج ضعيفه القوه والحيل محد يسندني الىٰ متىٰ ابقىٰ ضامه كلشي بداخلي اخاف ع يوم وانفجر وافضح نفسي!!

_ زين شلون بيها شايلتلها هم كلش جبير ياربي بيمن ورطت نفسي ماصار عمري بالعشرين واني هموم اهموم وراي وراي  لازم أشوفلي حل
أبعدى عني

_لان أذا بقيت وياة أكثر راح يدمرني ويسوي بيه شي واذا اذاني اكثر اهلي راح يكتلوني دمر حالتي النفسيه الله لا يوفقه أنتبهت لايدي يرجفن
بذكرى اتشتت

_مكان ما أضوج علىٰ أبوي اضوج وانقهر ع نفسي حرت بيا جرح اشيل هم؟! مكان ماخاف على صحة أبوي أخاف علىٰ صحتي لتفت لتقي اخذت نفس...
تقي راح تعوفني وتروح! أبقه بالبيت وحدي! لاتعوفني

تقي: ليش محسستيني أكو جني منتظرج بالبيت يريد يأكلج؟! طبعا اعوفج واروح يمج الجهال

اسيل: حچيت بصوت شبه مسموع أخخخ ياريت جني وأقراء ايات وأبعدىٰ عني

تقي: شنو؟! ماسمعت؟!

اسيل: أكول خالة سعاد موجودة

تقي: شبيج؟ منو المريض ابوي لو انتي! طبعا موجوده شنو فاقده الذاكره انتي

اسيل: درت وجهي للجها الثانيه من الشباك بتسمت فاقده الذاكره!! اشكد عجبتني الفكره ادعي انو اني فاقده الذاكره يمكن بوكتها مراح يقرب مني وياذيني

تقي: كلها موجوده بالبيت عليش تخافين حته لو بابا وماما مجانو موجودين بس الباقين موجودين

اسيل: حجيت باستهزاء وصوت ناصي...هو أنتم موجودين كلكم مارحمني هنوب خالة سعاد والباقيين؟! ليش هو يعترف بأحد؟! بس سترك يربي
لا سوي جريمة وأبتلي بي وادخل سجن واني بهل العمر

.................

اسيل؛ دخلت خالتي سعاد تلهث

سعاد: إني أروح أجيب ريتاج مريضه حيل روحي للجهال بسرعه و سالم موجود يمج بعدين يجي حامد مو تخافين

أسيل: عافتني بصدمتي وراحت اسمع مازن يصرخ نزلت جوه يضرب بنور وهي تضربه هديتهم عطت بيهم ااااانتوااا تااادبووووواااااااا مااازن على غررررفتك بسررررعه وانتي نور روووحي لبااابااا بسررررعه هي بجت مقبلت تتحرك كعدت منهاره اني شسوووي هسه شسووووي يرررربي نور روحي لابوج ما بيه حيل

سالم: ولج لا تصيحين عليها اكط لسانج اذا علىٰ صوووتج بعد عليهاااا... تاأدددبي...

أسيل: لتفت اله؛ روحي محروگ صرخت بي
شووو متقبل احد يصييييح على بنتككك
بس انت تصيح علي وابوووووووي؟
بنتك لا بنات العالم ايييييييي ليششش اني موووو انساااانه ليششش نور بجت بصوت عالي هو شالها وراح خلني أبجي الله لا يوفقك الله لا ينطيك ليش هيج تشل بحالي؛ بليل صاحلي عمي

صالح: إني رايح لابوج اسيل دير بالج حتجي ريتاج وخالتج متخربطه ودير بالج على نور

اسيل: هزيت راسي راح هو اي ادير بالي على الكل منو يدير باله علي سويت عشه اجتي ريتاج تمشي على كيف وكعدت يم خالتي رحت كعدتها بغرفه سالم تمددت تعبانه؛ شبيج ريتاج

ريتاج: مصخنه ما بيه حيل أمشي

أسيل: رجلج وين

ريتاج: مسافر إتصلت بي بأجر يجي

سعاد: اسيل شوفي منو اذا حامد اخذي العلاج لريتاج بسرعه

أسيل: رحت ركضت شفت سالم جر الكرسي داعبر  صاح بيه

سالم: اسيل

أسيل: لتفت اله

سالم: ما يوم حبيتج... جنت اعتبرج كلج عندي شخص اتسلىٰ بي... جنت أعرف هذا خطأ... بس إني تقبلتج هيج... جنت أمنع نفسي عنج... بس ما كدرت ما أعرف ليش... بس عرفي... أني ما حبيتج أبدا....
و هذاا آخر وعد اوعده الج... بعد ما أحبج ولا أقربلج

أسيل: ضحكت بوجها... وهذيج المره شنو؟؟ أعتقد نفس الوعد الي وعدته الي؟؟

سالم: لا هذا يختلف

أسيل؛ هممم شعجب؟ لتفتت الي يخوزر عفته ورحت؛ شوي ودخل حامد من شافني ابتسم
رحتله مترردده وخايفه حجيت واني مدنگه؛ سالم

حامد؛ شبي؟

اسيل؛ اعتذر مني يعني مو اعتذر گال بعد مالي دخل بيچ؛ اني ما اسامحه بس مدام ابتعد ماريد بعد اي اعتذر ثاني؛ قاطعني

حامد؛ هسه بس افرغ ويصير ابوچ زين نگعد ونشوف ليش هيج ديسوي واني ادبه على كل شي سواه؛ لسه مصدوم من گل حرف حچيتي ومامستوعب مو ما صدگ بيچ وانما شلون وهو بيتنا وكل هذا ساكته انتي عنه؟؟

اسيل؛ صفنت؛ يحجي وياي واني صافنه قاطعني وراح طب لغرفته ؛ واخيرا حامد حط حدود لسالم وهسه يعاقبه واهلي يعاقبو على كل كل شي سواه الي؛ ثاني يوم البيت كلهم متوترين سئلت ريتاج شبيكم؟ أبوي بي شي؟ دخل سالم وجاولتي

سالم: ما بي شي..

أسيل: اي هو بيوم موتته علياء كلتوا ما كو شي وبعدين ماتتت كووولوا أبوي صار بي شي؟؟

سعاد: ما بي شي والله... بس شويه تاذه و راح يبقىٰ بالمستشفى فتره طويله

أسيل: خالتي طلعت من الاستقبال ريتاچ تبعتها تتهامس لفتتت لسالم ديطلع ركضت صرت گدامه؛ صحت بي؛ ابووووووي؟ هاي شبيكمممم ليش تتجاهلوني سااالم ابوي شصار بي ليش محد يجاوب؛ جاوبني برود وهو يباوع لعيوني

سالم: ابوج ضربته جلطه ثانيه ورح يبقىٰ بالمستشفى فتره أطول

اسيل: رجعت ليوره مصدومه؛ حطيت ايدي على حلگي؛ جلطه ثانيه؟؟ يعني يموت هزيت راسي حيموت مو؟؟ يموووت ابوي بسببي اني؟ واني وعدته وگتله ما اسوي اي اي مشكله بس اذيته اهواي اني وعدته لو اي احد يدوسني وياذيني ويقهرني اسكت عن حقي علمود ما يتاذه تالي يوگع مجلوط وثنين؟ وحده وره الثانيه يصارع الموت واني هنا بالبيت افتر سالمه مبيه شي؟ يموت واني اعيش؟؟ يموت واني اعيش؟؟؟ وارتاح واكمل حياتي؟؟

_عيوني غورگت؛ هو جر نفس قرب مني رجعت ليوره مصدومه؛ اشرت على نفسي؛ اني تالي عمري اذي ابوي؟ اني العار الساقطه السافله؛ قاطعني جرني من ايدي وحضني لصدره؛ دفعته حطه ايدي على ظهري يحجي باذني ويسكت بيه ختنگت؛ اني وين وانت وين؟

سالم؛ اني اخذچ اله تشوفي؛ مابي شي هسه يگوم بالسلامه لاتخافين

اسيل؛ حضني اكثر خنگني؛ بعد عني يباوع بعيوني ردت ارفع ايدي واگفخه راچدي على الي سواه؛ بس قرب مني بعد گذلتي عن وجهي لزم حنچي يمسح بدموعي؛ بطني گامت تاذيني؛ احس بالم موطبيعي؛ ابتسم اي سالم ابتسم؟؟؟؟ شيء بداخلي رفضه أريد أنطي لنفسي عذر واحد وادفعه وأروح... مكدرت بقيت مجمده بمكاني هو بتعد ديروح لتفت إلي اشرلي

سالم: ياله امشي نروح نشوفه

أسيل: مد أيده بشعره ويعدل بي...بطني من الخوف أذتني... شديصير... بيه... لا أسيل لا تفكرين... أصلاً بالموضوع.. عادي مشاعر مخربطه.. تصير... من تحتاجين مساعده و يوكف وياج شخص
أي تصير... باوعتله هو يباوعلي باستغراب

سالم: بيج شي مو أكلج أمشي الو وياي؟

أسيل: مشيت خطوه...باوعتله...روح أنت أسبقني أني جايه... تقرب أخذ تلفونه وراح... وكفت لحظه أستوعب عقلي....ليش مكبره الموضوع هيج...أصلاً هو هيج يأذي و يرجع يصير زين...شخصيته... شداخربط... مشيت وصعدت فوك... وكفت أبدل... لا لا... نزلت جوه هو واكف يدخن... سالم إني ما أعرف شبيه مريضه يجوز ما أروح... هو هز راسه..

سالم: براحتج...

أسيل: طلع هو... جريت الكرسي وكعدت...راسي مشوش... الأفكار صارت براسي هواي يا جايه يا رايحه...

_ماصدگت؛ الا لمن نزلت اخطفله نضرات بس صافن وهادي؛ خفت كلش منه؛ هذا مريض نفسي ياذيني ويرجع يصير حباب؛ يجوز يجوز هسه هو ياخذني لابوي بس ياخذني لغير مكان ياذيني ويقهرني يمكن هيچ؛ عقلي ماتحمل فكره سالم يصير زين سالم هيج سوه؟ قرب مني حضني وبعد شعري عن وجهي يمسح بدموعي ويباوع بعيوني ويتوتر ويشرب جگاير؛ شحاجي وي حامد هذا؟ يمكن متفقين علي هذول المايخافون الله اي؛ لليل مانمت نزلت عمتي سعاد وريتاج بالاستقبال كعدت يمهم صافنه تحجي وياي واني وجهي شاحب كل ساع اتذكر موقف سالم بطني توجعني ماعرف ليش

_دخل هو بسرعه دنگت ماريد التقي بي حجت خالتي سعاد مقهوره تلوم بي تگله اخوك حامد وين ليش يجي دقايق ويروح وين اختفه هذا هو رد برود

سالم؛ مادري

هيل؛ الله يساعدچ خيه على حامد

اسيل؛ رفعت راسي اله باوعلي من باوعتله بسرعه دنگ بتلفونه؛ خبلني من سوه هيچ نضراته اذتني بالزايد؛ شلون هيچ يسوي بيه؟ شلون يتجرأ ويمثل هو يحبني؟؟ كلمن كام يروح ينام اخذت ايد نور داصعد الدرچ نفتح الباب دخل تقي هو وساره

تقي: تعالي اسيل ساعدينا هل الجنطه ثكيله..

اسيل: عفت نور وكفت.... هاي هاي شنو تسوي هنا؟؟

هيل: تقي؟؟؟ شتسوي هاااااي هناااا؟؟

تقي: هاي اسمهاا ساررره هاي وحده... شغله ثااانيه... هي حامل لحد يدوخها ياله على الغرفه..ياله روحي تمددي..

اسيل: هي هزت راسها من عبرت بتسمتلي بخبث هزيت ايدي... هي هاي الناقصنا... خل تروح تمدد وجيبلها خدامه هم؛ عاط بيه اشرتلي خالتي سعاد اصعد فوگ؛ صعدت شابه نار؛ ثاني يوم صاحت خالتي هيل نزلت وهي تباوع لساره

هيل: إني حروح ما أتحمل وجود هل الحيه هنا..

أسيل: الله وياچ... راحت هي...رجعت أشرب چاي... جان عبرت ساره تتمايل... لتفت الي..

ساره: بلا زحمه عليچ... ممكن تصبيلي... شوي..

أسيل: اصبرچ؟؟ هسه اشمره على راسچ... اتحركي من كدامي.. عوبه... مثل اخوچ... هي و كفت متخوصره.. داعبر جان صاحت..

ساره: أقلها... يا ست أسيل.. أبوي ساندني... مو مثلج من عرف وكع وهسه بس يصير زين الا يكتلچ...

أسيل: تردين تفقدين أبنچ؟؟ وإني حكون أكثر حكمه... واغلس على كلامچ... بس اصبري الي... خل يصحىٰ أبوي ألا أدمرچ وأطلكچ... عفته وصعدت... كعت أبچي... لا لا أبوي ما عافني... أبوي ما عافني.. أي... يسندني... ميأذيني... أبددد...

_كعدت إكلب بصور أبوي كلبي.. يوجعني... صار المغرب وأني أرجف... مدري شبيه...خوف كاتلني كتل.. شصاير بيه... جريت نفس... خلص هسه تهدئ الأمور

_نزلت خالتي سعاد تبچي... وحامد يهز براسه... صفنت بيهم... خاله؟؟ شبيچ... لتفت الي حامد صافن...

حامد: اسف...

أسيل: شنو؟؟ ليش؟؟

سعاد: حامد افهمني الي دتسوي أول شي حرام ثاني شي... مستحيل يوافق علي أبوك...

أسيل: شنو يوافق؟؟ شصاير؟؟

صالح: حاااااامد.... شنوووو هذاااا الي سمعتتته ااانت صدك متزززوجها...

أسيل: لتفت اله بصدمه... متزوجها؟؟ منو هاااي؟؟

صالح: ااااااحجي لا تسكتتتت لا تجلللطني ااااني.

حامد: اااي كتلك احبها اتزوجها.... انت مواوفقت خلي موافقتك الك... اني تزوجتها....

صالح: تزززوجتها؟؟؟؟؟ احجي عدل لا امشيك بالنعل... شنوووو تزوجتها... تتزززوج كحبه ليالي؟؟

أسيل: لتفت اله بصدمه... تزوج؟؟ منو؟؟ رجعت ليوره؛ واكف يصيح علىٰ عمي

حامد: هذا الي سويته... وحجيبها من يصير عمي زين..

سعاد: مستحيل تتتتززززوجها؟؟

حامد: ليششش؟؟

سعاد: ليش؟؟ جنتي بنت ليالي؟؟ مصدك روووووحك ااااااانتتتتتت..

حامد: اااني حبيتهاا شسوووي..

صالح: لو تطلكها لو تطلع من البيت وبعد ما اشوف وجهك

حامد: هااا هيچ صارت مووو؟؟ عود هي مو شريفه...وانتم الشرفاء... الي ميدخل بطل عرك لبيتكم مو؟؟ تذكر ماضيك قبل لا تجي تحاسبني...

صالح: اااااااالزم حددددوووووددددددك...

اسيل: كفخه راجدي؛ رجعت ليوره مصدومه؛ هو عصب وصعد لغرفته يلم بملابسه بسرعه بسرعه؛ طبيت عيوني مغورگه كل متنزل دمعه امسحها بسرعه؛ مو وعدتني تحطله حدود؟؟

حامد: كلها تعيش على مصلحه لا تثقين بأحد...

أسيل: شنو لا أثق بأحد؟؟ حتى بيك؟؟

حامد: بالوقت إلي جنتي محتاجه إلي إني أنام بحضضن وحده ثانيه... غيرج... أسيل... تذكري
حبج الي... مجرد هوس و حب مراهقه....

أسيل: وسالم؟ الي سواه بيه سالم؟ حتنسه؟

حامد: اني رايح دير بالج على نور

أسيل: لزمت ايده... انت انت وعدتني تحط حدود لاخوك... حامد... نفض ايدي ونزل... لا لا حااامد انت وعدتني... لا لا.... حاااامد؛ تجمدت بمكاني

_هذا الكبر الي ردته؟؟ هذا الأحترام الي كتلهم... انطوني اياه... هيج كتلهم عاملوني ما اريد اتعامل كطفله اريد اتعامل كوحده ناضجه حتى يشوفني حامد ويحبني... هسه الكل ما يحترمني... لا اني صغيره ولا اني جبيره...

_يعني بكل هل البساطه... فقدت علياء...بعدها سماح... فقدت حب أبوي واحترامه الي... فقدت حنان تقي... حب حامد؛ فقدت ابن عمي الي صار يشوفني غير شي... و كفت اربي وحده مو بنتي وحده بسببها تغيرت حياتي...كافحت وتعذبت لاجلها... بعدين حتعوفني... حتروح لغيري؛ اجتي ساره تهمس باذني

ساره: تذكرين من كتلج راح اصفيج واخليج طلعين من البيت؟؟ شفتي رب العالمين التفتلي وصار يصفيكم واحد واحد... يوم لحبيبج سالم.. وتبتعدني عنا...

اسيل: انتي مو حسبالج اسكت الج راح اسكت مو حباً بيج بس الي بطنج وحق هذا الي هو ربچ ضامتچ شي الا اكسرچ بي انتي بس صبريلي وتعرفين زين بس صبري إني الج
طبيت لغرفه خالتي

سعاد: هاا يمه..

اسيل: وين ريتاج

سعاد: اخذها رچلها

اسيل: اشوف عمي... مدد ويفرك براسه...بلعت ريكي.. بلكت ما يصير بي الي صار بابوي الله لا يراوي عمي يرجف غطته خالتي المنظر ذكرني بابوي شلون مدد و نايم طلعت بسرعه حطت ايدي على حكلي... اكتمت شهكاتي يمه سوده علي عمي... شلون نايم يرجف الله يساعدهم الله لا يشوفهم الي صار بي ابوي أمشي و ابجي دخلت لغرفتي؛ نفجرت ابچي؛ افتر واشهگ؛ ماتحملت هل الكم من الاذيه كلها لتمت علي كلهاااا؟؟ اجتني افكار اروح انهي حياتي بهل السرعه؛ طبيت للحمام ادور على اي شي اريد اموت بي

_تراجعت ليوره اشهگ؛ ليش محد الي؟ ليش محد وگف وياي حموت؛ فتحت الجراره طلعت الموس ايدي رعشت؛ وكع من ايدي صرخت؛ شمرته ونزلت امسح بدموعي واشهگ؛ اجه علئ بالي سالم من حضني وهو يگلي مايوم حبيتج؟
بالمستقبل راح حامد وتقي مگابل مرته وگاعد وهسه؟ راح يستمر ياذيني سالم بس احجي لاهلي امي تموت وابوي ينجلط ويموت عمممممي وعمتي عدها سككككرررر

_خطرت بالي فكره اني مو ساديه ولا مازوخيه ولا احب الي يعذبني بس بدون هاي الفكره مراح اكدر اكمل حياتي؛ راح اروح لسالم راح اعترفله بحبي راح اكمل وياه علمود مياذيني ميدوسني فتره واتركه بس ترجع امي وابوي يصير زين والزگ بيهم
طبيت لغرفه سالم هو گاعد منتچي على الچربايه ونور مطشره العابها تلعب بالارض؛ هو من شافني تفاجئ؛ رحتله ابچي واشهگ؛ سالم حامد رااااح!!!
وسع عيونه عاف تلفونه؛ اريد اموت روحي اريد اي احد يحجي وياي حموت روحي؛ صعدت چربايته؛ وگعدت يمه چرني من ايدي وشبگني

_هو شبگني واني نفچرت اشهگ واصرخ لامه ايدي لصدري؛ تمدد ونيمني فوگ صدره ما حچه حرف واحد واني ما صدگت الگه شخص اسولفله نفجرت وسولفت كلشي وشهگت وهو بس حاضني وساكت ماحجه اي شي

_سماح عافتني؟ وتزوجت چنت اعرفها من الابتدائيه؛ وحامد خذلني وامي دوم ماحترمتني دوم معتبرتني مراهقه وعقلي صغير تگلي انتي مو بالغه انتي بعدچ مراهقه متعرفين تصرفين وبسبب كلامها صرت صدك ما اعرف اتصرف صدك صرت مو گد المسؤليه خلتني وعيشتني برعب وخوف؛ وعلياء خذلتني حچيتلها سري وأذتني بي خلت اليسوه والمايسوه يعيرني بمشاعر چنت احسها من چنت مراهقه؛ خلت الحب صعب علي؛ واسراء وجمانه الي چنت العب وياهم بصغري وبنات خالتي الي احبهم وگفو ضدي وأذوني

_وانت؟ انت چنت الي سند شكد جنت اتباهى بيك وين متروح اگلهمم هذا يصير ابن عمي وابن خالتي بنفس الوقت هذا مره تأذيت وگلب البيت گلاب يصيح عليهم ليش أذيتو اسو ولگم هاي اسو محد ياذيها وبكل مره تطلع شي ارگضلك ركض شتريد اسويلك شتطلب اساعدك وبالاخير سويت بيه شي ميتسولف اخجل اسولفه مو خوف من قباحه افعالك وياي؟ وهياتني وين؟ بلحظه ضعف وخوف مرتميه بحض الاذاني بحض الداس علي واعتدى وتحارش وسمعني كلام اكبر من عمري واكثر من مره مد ايده علي

_هذا انت هذا انت الچنت بيك اتباهى؛ شلت من عمري واذيتني وصرت اتحاشك صدمتني صدمه عمري؛ شگد غبيه محد بقالي رحت للاذاني حتى بلگت وعسى گلبگ يلين الي وتبطل تاذيني وداعت كل شخص عزيز عليك مايوم تعمدت اذي احد بس كلها تاذيني اني ليش ليش محد بقالي؟ كلها عافتني؟ ضغط بيدي على ظهري وضمني لصدره اكثر

سالم: اششش هسه محد يعوفج اني و نور يمج.. اشش لا تبجين...

اسيل: حط ايده على راسي يمسح على شعري ويگلي ما اعوفچ اني ونور؛ غمضت عيوني ريحته بكل مكان؛ بعد وتمدد اكثر جرني شبگني؛ يمسح على راسي ونميني على ايده دفنت راسي بصدره

_فزيت من نومي فرگت عيني گعدت على حيلي لتفتت اله هو لابس فانيله ومتغطي وداير وجها للجها الثانيه شهگت؛ لتفت لنور نايمه بوسطنا؛ والعابها مطشره بكل الغرفه؛ طالعه الشمسسسس؟؟
اباوع الساعه سبعه ونص دگات گلبي ازدادت؛ اني شسويت؟؟ هاي شسويت اني؟
سبلت مفتوح وجو الغرفه بارده وهو مغطيني

_ أطلع بسرعه قبل لا يشوفني أحد كمت من مكاني على كيف حتى لا يكعد اني شسويت شجابني هنا  شسوي... ليش اجيت نزلت جان وكعت لعبت نور فزيت... رحت لميتهن وكل ساع اباوعله بس لا يگعد بلعت ريكي... جريت الغطه غطيت نور باوعت لمنظرهم هزيت راسي بنفي جو الغرفه وترني حطيت ايدي على بطني؛ لتفت الهم
حسبالك المكان يسوي اغراء الي؛ تمالگت نفسي وطلعت

_صعدت فوگ؛ احس مرتاحه شعور غريب بداخلي؛ كعدت بالحديقه اخذ واجر نفس؛ لتفتت اشوفها وصخه؛ اخذت الماسحه وغسلتها ذبيت كل حرگتي بيها؛ يمه اليوم ولا اطلع گدامه شگله؟؟ شسولفله ماستحيت على نفسي اني شسويت بروحي ها شسويت؟؟ طبيت جوه نظفت المطبخ سويت ريوگ كعدت خالتي سعاد وجها اصفر وشاحب

سعاد: احنا بنات قاسم ما يوم وكف ويانه الحظ

أسيل: دنكت جريت البراستول وانطيتها الها

سعاد: اي عفيه راسي حينفجر اكلج ما كعدت نور؟

اسيل: هاا ما أعرف جانت يم سالم

سعاد: هاا

أسيل: هزيت راسي دنكت يجوز شافتنا رفعت راسي الها شربت الابراستول و تنهدت

سعاد: هاي المسعده ما كعدت خل تكعد البيت وصخ

اسيل: منو يقبل حامل

سعاد: اي واذا حامل؟؟ ليش احنا ما طبخنا ونضفنا وحنا حوامل اني جنت بالسته الفجر اطلع اخبز واعجن وحامل بسالم وانضف و اشتغل

اسيل: دنكت اي مبين من قوه ابنج تسولف دخل تقي ضايج

سعاد: وين مرتك؟؟ خل تجي تساعدنا

تقي: الناس تكول صباح الخير..

سعاد: صباح الخير ياله مرتك وين؟؟ لو لل١٢ تريد تكعد هم كول حامل اي بابن انشتاين مو لو ابن منوو حامل تجي تنضف وتشتغل حالها حالنا وهاي بس اني مره تعبانه واسيل ما تعرف تطبخ تشيل البيت وحدها

تقي: عمي اوديها لبيت اهلها احسن

سعاد: منو كلك جيبها لهنا ما بقيتها هناك لو بس علينا شلعنا الكلب

تقي: من الصبح هيج واحد يهج احسن

سعاد: امك كلتلك روح اعزل انت ردت حتى لا تتعب ست الحسن

اسيل: طلع من المطبخ ينفخ

سعاد: هاي علياء اللله يررحمها من حامل تنضف وتشتغل وتتعب احنا نكللها كافي تعبتي كافي ما يصير تشتغلين وماتت بسبب تعبها ما تعرف تكعد تركض ررركض بس النسوان الجايفه هيج كاعدات اربع وعشرين ساعه على التلفون عود ينجحن بزواجهن الخايسات

اسيل: بالعافيه عليج خاله اني صاعده اشوف مازن

سعاد: ليش ما تعرفين اخوج اخذ مازن وراح

اسيل: هاا اي اي نسيت عفتها وصعدت ضربت كصتي اي شلون اعرف واذا اني نايمه بحضن سالم

_نزلت بيدي التلفون... دخلت للمطبخ لفتت سالم مدنك ويحرك بالشوكه وصافن بالأكل... درت وجهي بسرعه وطلعت من المطبخ... حطيت ايدي على وجهي... شكعده... جريت حسره...باوعتله هو صافن... كام من الأكل... ركضت بسرعه صعدت فوك... بقيت بغرفتي... افتر... لازم انزل بس ما أريد أشوفه... هسه يكلي هاا عجبج حضني.. ويكول يتلفض بالفاظه السوقيه مثله...

اسيل؛ العصر وكفت انضف هو دخل للمطبخ ما درت وجهي اله... سحب الكرسي وكعد واني دايره وجهي

سعاد: يمه تسوكلنا..

سالم: هممم اي... فد شوي... اتسوك..

أسيل: باوعتله بطرف عيني رفع راسه اني بسرعه نداريت على السنك انضف واكفه ارتب على كيف يمتىٰ يطلع ما أريد أشوفه دخلت نور للمطبخ اجتي علي ركض شبكت رجلي... بتسمت الها شلتها بدون ما اباوعله غسلت وجهي هي باستني

نور: روح نام؟؟

اسيل: وجهي صخن من گالت هيچ؛ هاي هي نفضحت؛ اخذتها وشردت من المطبخ بدون ما اباوعله كعدتها بحضني اهددها؛ شوفي ماكو نوم.. ماشي..

نور: لا باحه بجي عيونج بابا يكول اسو عيون تبجي هواايه اني كته لا اسو عمو تبجي هوايه...

اسيل: اي اي بعد كملي روحي احجي لبيبي..

نور: اروح..

اسيل: لج لا منو كلج اني أريد هيج تسوين... عززا... حتى أموت...

نور: نو مكو موت..

اسيل: بعد سولفي بابا شنو كال على اسوو بقت هي تحجي وتحجي نص فتهمته ونص لا امشي ننزل جوه نزلته و كلتها هي كعدت تلعب رحت اساعد خالتي

سعاد: شوفي سالم جاب مسوك؟؟ روحي عزلي هاي الخايسه خامده

اسيل: ليش اني هي باوعتلي بتعجب هاا اي اي رايحه... رحت هو يحط بالمسوك دنكت و كفت على السنك ما أريد يشوفني لتفت هو طلع بتسمت...اخذت راحتي كعدت اعزل بالمسواك دخلت نور... شافت الفراوله بتسمت هسه بس اعزل هاي الي بيدي واغسلها وناكلها هي هزت راسها كعدت تنتضر اشكد احب هدوئها

_حطيت سله البرتقال بالثلاجه نفتح باب المطبخ هي صاحت بابا بلعت ريكي سويت نفسي ما شفته درت وجهي مدنكه اعزل بالسله الثانيه باوعتله بطرف عيني هو اخذ الفروله وكف يغسل بيها شال نور وحطها على الكاونتر نضفها و حطها بحلكها

نور: الي مكو مادن

سالم: اي بس الج

اسيل: رفعت راسي اله هو يحجي وياها بس صافن؛ توترت خفت لا يذب علي حچي و يكلي حضني دفاج؟

نور: اسو اسو تهب فراوله

اسيل: اشرت علي حتى ينطيني اني درت وجهي وطلعت من المطبخ عفته وصعدت فوك؛ حطيت ايدي على وجهي؛ باوعت لنفسي بالمرايه صايره حمره شهگت؛ عزا شنووو خچلت ليش اخجل منه

_وكفت اصب عشه اجه عمي وعمتي وساره وتقي كاعدين صبيتلهم عشه رحت جبت مي وخبز دخلت للمطبخ سالم كاعد ع الكرسي بلعت ريكي سحبت الكرسي وكعدت دنكت اكل رفعت راسي هو يباوعلي من رفعت راسي گبل نزل عيونه شبي هيج باوعلي

يتبع.....