أنتِ أمانتي

البارت 17

'' أنتِ أمانتي''

للكاتبة زهراء المياحي

~°~°~°~°~°~°~°~°~°~°

_سويت هيچ لان ردت اتزوج بسرعه كلام خالتي براسي من الصبح گالت حامد يتزوج وخاف سالم يتزوجني ما مستعده اعيش الي عشته بهذيج النص ساعه عمر كامل وي سالم مستحيل يمكن اهلي يقنعون ويزوجوني اياه لخاطر نور يمكن ابوي يتمرض وميگدر ينتقل بيت جديد وامي بس تعرف ماتعديها ابداً ع خير ابوي يتاذه واخوي وحتى عمي عمتي بيها سكر تموت اذا عرفت سالم معتدي علي اني بنيه شلون اروح احجي؟؟ شكللهم! اول شي بده يتحارش بيه بعدين اغتصبني؟؟؟

_قررت اغبه قرار بحياتي بس حتى اخلص من سالم لو اتزوج بهل الكم يوم لو انتحر... سالم سوه وياي حرام وحموت بحرام؟؟؟ وبعدين؟؟ يگولون عذاب الدنيا نقطه مي بحر مقارنه بعذاب الاخره شلت فكره الانتحار اتزوج!

أسيل: اخذت جنطتي وفتحتها دانطلع اني عبرت من جها الشاب هو وكف داتمشى احسه حط شي بجنطتي بتسمت... مشيت دنكت افتح جنطتي.. شفت رقم... ضحكت لتفت اله هو غمزلي...رجعت لبيت فد رتاحيت

هيل: هاا اسول...

اسيل: خالة اكول... لو اشتري تلفون اخوي انطاني فلوس اريد اشتري.

هيل: تشترين؟؟ ليش وتلفونج اذا تردين تستخدمين استخدمي تلفوني القديم.

اسيل: وينة؟؟

هيل: ررضا ررضا.. وينك تلفوني القديم وين؟؟

رضا: هياااته عندي..ليش؟

هيل: تريد اسيل تستخدمه.

اسيل: راح جابة واني اخذته... حطيت بي شريحتها جريت نفس فتحت التلجرام حطيت رقمه... شفت حاط صوره اله يجوز هاي بالجامعة

_اسيل ماعندج غير هذا الحل راح تتصلين بشخص متطيقينا ويجوز ميتزوجووج بس عسىٰ ولعل يقبل بيه لازم اطلع من البيت اسبوع بعد وارجع ومابيه حيل اشوف سالم مرتاحه هنا اهواي اخذت نفس ودزيت رساله للولد

هيل: تجين تساعديني اليوم راح اشوي دجاجة تبلتها تردين تساعديني؟

اسيل: هاا اي اكيد... كمت ساعدت خالتي... واني بالي يم الولد... شو ما رد كل ساع افتح التلفون.. خلصت شغلي كعدت بالمطبخ ورضا كاعد يلعب بالايباد... اجاني اشعار هو رفع راسة الي ورجع دنك... فتحت التلفون سويتة صامت شفته داز رسالة بتسمت..

💬... هلوات ياحلوة... انتي ليش هيچ حلوه أخذتي گلبي

💬...اي؟

💬... ما اعرف بس احس سوالف الترقم وهيج متلوكلج... انتي حلوة مناقصج اي شي... وهاي السوالف معجبتني شفتي امج شلون جانت منتبها النا...

_هو حجة هيج اني بلعت ريكي.. يعني خالتي تعرف... دزيت اله..

💬... لا هاي مو امي.. هاي خالتي..