أنتِ أمانتي

البارت 40

'' أنتِ أمانتي ''

للكاتبه زهراء المياحي.

*، *، *، *، *، *، *، *، *، *،

أسيل: حسيت بأنفاسه تضرب ظهري المكشوف.... جسمه ثگل... بتسمت... أنتظرت دقايق ولتفت.. جريت الغطه هو نايم... ردت أتلمس وجها وألعب بشعره خفت لا يكعد... تعب اليوم... درت جسمي على كيف حتى ميفز... مديت ايدي بالأرض وأخذت روبي الواكع... تحركت حسيت ألم بين رجلي تنهدت.. لبست روبي ونزلت بدون صوت... مشيت على اطراف اصابعي...وفتحت الكنتور دخت دقايق....

_عززا هذني مو ملابسي تيهت....بعدني بأول يوم شنو أتوقع؟! أميز غرفتي....فتحت الكنتور الثاني و سحبت دشداشه طويله... لبستها بهدوئ...لفيت شعري ونزلت....الساعه ب3 الفجر كلها نايمه... دخلت غرفه نور...نايمه بجربايتها...بستها بخدها... اباوع الها... بعد روحي شلون نايمه تجنن نفتح الباب فزيت سالم واكف يفرك بعيونه ولابس بس شورت.. اقتربت منا... عززا سالم شنو لابس عيب هسه بله خاله كاعده تصلي لو بنين لو ريتاج عيب...

سالم: حسبالي شردتي لبيت اهلج..

اسيل: شردت؟! هههههه ليش؟!

سالم: مو فزيت ما شفتج كلت يجوز شردت مني اذيتها...

أسيل: حلوه الفكره عجبتني.. هذا أول يوم الي انام يمك وفكرت اشرد يا ستار من الجاي..

سالم: مو تعيديها..

اسيل: واذا اروح للحمام؟! هم اخذ اذن منك اقترب مني حط صبعه على شفتي...

سالم: اششش صوتج لا تكعد نور..

اسيل: حاوط ايده الثانيه على خصري... سالم خاف يجي احد اقلها نروح لغرفتنا اصلا ما صارلك دقايق من نمت خل ننام..

سالم: ماا..

اسيل: طبع بوسه بركبتي و اخذني للغرفه...

_كعدت ثاني يوم الصبح مفزوعه على صوت بجي... كمت بسرعه من فراشي نتبهت اني ملابسه شي غطيت نفسي سالم فز من الصدمه نوررر!!
هو لبس برموده وقميص وطلع رحت لبست دشداشتي اريد اطلع ندك الباب دخلت بنين...

بنين: احمم صباح الخيرر..

اسيل: وينها نور ليش تبجي؟!

بنين: حامد كلهاا بابا راح وي اسيل هي بجت وكالت لا هنا ودكت الباب شلناها وعاطت وهسه من دخلت تاشر على حامد وتصيح جذاب..

اسيل: للتفت للساعه ب٨ الصبح.. يربي قبل ساعه ونص نمت هذا سالم مخلاني اشوف النوم.. لتفت غمزت الي..

بنين: هاي البدايه بس ثاني شي منو كلج تزوجي راح تحلمين بشي اسمه نوم هههه..

اسيل: هههه..

بنين: رجعي نامي ياله اخذي راحتج اني جوه اي شي تحتاجي كوليلي..

اسيل: هزيت راسي بابتسامه.. ماشي شكرا حبي تعبتج... طلعت هي نزعت دشداشتي لبست روبي الأبيض وكفت اطلع بملابسي دخل سالم بيده نور نايمه على كتفه و كالبه وجها من شافتني برطمت... هااا يروووح ولكم منووو اذاااها؟، منوو اليوم اكتله اليوم مااا ارحمه..