စင်မြင့်ထက်က မြူးကြွကြွတေးဂီသံနှင့်အတူတူ လိုက်ပါစီးမျောကခုန်နေကြသည့်လူတွေကြားမှာ ဈာန်ရောင်ခတစ်ယောက်တည်း ဘာလှုပ်ရှားမှုမရှိဘဲ ခပ်တွေတွေရပ်နေပြီး ကိုကို ပြောသွားသည့်စကားများကို အလေးအနက်ထားကာ စဉ်းစားနေမိသည်။
ဘယ်သူလဲ ...
ကိုကို့မိတ်ဆွေဆိုတာ ဘယ်သူလဲ ...
ဘာဖြစ်လို့ သူက ကိုကို့မိတ်ဆွေကို ဧည့်ခံပေးရမှာလဲ ...
ကိုကို တကယ်ပဲ ဘာတွေလုပ်ဖို့ ကြံစည်နေတာလဲ ...
ထိုကဲ့သို့အတွေးများနေစဉ်မှာပင် ရုတ်တရက် အနောက်ကနေ သူ့ခါးကို ဖက်တွယ်လာသည့် လက်တစ်စုံ ... ။
ကျောပြင်ကျယ်ပေါ် အပ်မှီလာသည့်လူတစ်ယောက်၏ခန္ဓာကိုယ် ... ။
ဒီအထိအတွေ့ကို စိတ်ထဲက မလိုလားမှုကြောင့် ဈာန်ရောင်ခ သူ့ကိုဖက်ထားသည့် လက်အစုံကို ခပ်ကြမ်းကြမ်းဆွဲခွာလိုက်ပြီး ခန္ဓာကိုယ်ကိုရုန်းထွက်လိုက်ကာ နောက်ကို စောင်းငဲ့ကြည့်မိတော့ တွေ့လိုက်ရသည်က တာရာလင်း ... ။
အစကတည်းက ကိုကို့ကြောင့် နောက်ကျိနေသည့်စိတ်တို့က တာရာလင်းကို မြင်လိုက်ရသည့်အချိန်တွင်တော့ ပို၍ဆိုးရွားသွားသည်။ မမြင်ချင်သည့်လူကို မမြင်သင့်သည့်အခြေအနေမျိုးတွင် တွေ့လိုက်ရသဖြင့် ဒီနေရာကနေ အလျင်စလိုထွက်သွားချင်စိတ်တို့ ပေါက်လာသည်။ သို့ပေမဲ့လည်း ကိုကို မှာသွားသည့်စကားတို့ကြောင့် ခြေလှမ်းတို့က မရွေ့ဖြစ်ပေ။
အဲဒီနောက် တာရာလင်းက အနောက်မှာ ရပ်နေရာကနေ အရှေ့တည့်တည့်ကို လျှောက်လာကာ စင်မြင့်ကို ကျောပေးရင်း ဈာန်ရောင်ခနှင့် မျက်နှာချင်းဆိုင်ဖြစ်အောင် ဝင်ရပ်လိုက်သည်။
သူ့ရှေ့က လူ၏တွန့်ချိုးနေသည့်မျက်ခုံးတန်းတွေနှင့် တင်းတင်းစေ့ထားသည့်နှုတ်ခမ်းကြောင့် ကိုဈာန်တစ်ယောက် ဘယ်လောက်ထိ စိတ်မကြည်မလင်ဖြစ်နေလဲဆိုတာကို သိလိုက်ရသဖြင့် တာရာလင်း ပြုံးမိသွားသည်။ သူ့အပြုံးကြောင့် မျက်နှာချင်းဆိုင်မှာ ရပ်နေသည့်လူက ပို၍ပင် ခံရခက်သွားဟန်ဖြင့် အံကြိတ်လိုက်သည်ကို တွေ့လိုက်ရသည်။
" ကိုဈာန် "
တစ်စုံတစ်ခုကို မကျေမနပ်ဖြစ်နေသည့်အကြည့်တွေ၊ လူကို ထုတ်ချင်းဖောက်ထိခိုက်စေနိုင်သည့်အကြည့်တွေက မြှားသဖွယ် တာရာလင်းထံသို့ တစိုက်မက်မက် ဆိုက်ရောက်လာသည်။
" မင်းက ဒီကို ဘာကိစ္စလဲ "
စကားတွေက ပြတ်သားသည်။ အကြည့်တွေက စူးရှသည်။ မျက်နှာက တည်ကြည်သည်။
သူ့ရှေ့မှာ ရှိနေသည့်လူက တကယ့်ကို မျက်နှာနှစ်မျိုးနဲ့လူဖြစ်သည်။
အင်း ... လိုက်လည်းလိုက်တယ် ...
ဟန်ဆောင်ကောင်းတဲ့သူနဲ့ မျက်နှာနှစ်မျိုးရှိတဲ့လူ ...
အရမ်းစိတ်ဝင်စားလာပြီ ...
နောက်ဆုံးမှာ ဘယ်သူက အနိုင်ရသွားမလဲဆိုတာကို ...
အဲဒီနောက် တာရာလင်းက သူ့ရှေ့က လူကို သေချာစိုက်ကြည့်လိုက်ရင်း
" အင်း ... ဘယ်လိုပြောရမလဲ ... ကိုလေးဆက်ရဲ့မိတ်ဆွေတစ်ယောက်အနေနဲ့ ကိုဈာန့်ကို လာတွေ့တာလို့ပဲ ပြောရမလား ဒါမှမဟုတ် ... "
ကိုဈာန့်ရဲ့အကြည့်တွေက ပိုပြီးတော့ ခက်ထန်လာတာကို တွေ့လိုက်ရတော့ တာရာလင်း၏မျက်နှာထက်မှာ မထီမဲ့မြင်အပြုံးတွေ ဝေဝေဆာဆာပေါ်ပေါက်လာသည်။
" ကိုဈာန့်ရဲ့ချစ်သူအနေနဲ့ လာတွေ့တာလို့ပဲ ပြောရမလား "
" မင်း ဘာပြောလိုက်တယ် "
ဒီလိုအပြောမျိုးကို သည်းမခံနိုင်စွာ တာရာလင်း၏ အကျီကော်လံစကို ခပ်ကြမ်းကြမ်းဆွဲကိုင်ရင်း ဈာန်ရောင်ခ ကြိမ်းဝါးလိုက်သည်။
အဲ့လိုအထင်ခံရမှာစိုးလို့ တာရာလင်းနဲ့ ကင်းကင်းရှင်းရှင်းနေခဲ့တာတောင်မှ ...
" ကိုဈာန် ... ခင်များ တကယ်ဒေါသထွက်သင့်တာ ကျွန်တော့်ကို မဟုတ်ဘူးနော် ... လူမှားနေပြီ "
ရိတိတိအပြုံးတစ်ခုကို ဆင်မြန်းရင်း အနားကပ်ကာ ခပ်တိုးတိုးပြောလာသည့်တာရာလင်းကြောင့် ဈာန်ရောင်ခရဲ့ရင်ထဲမှာ မီးတောင်ပေါက်သလို ပူပြင်းလာရသည်။
ကိုကို ... ခင်များ ဘာတွေကြံစည်နေတာလဲ ...
" မင်း ဘာကိုပြောချင်တာလဲ တာရာလင်း "
သူ့အမေးကို တာရာလင်းက မဖြေသေးဘဲ ဘေးဘီဝဲယာကို တစ်ချက်ဝေ့ကြည့်လိုက်သည်။
" အရင်ဆုံး ကိုဈာန် ကျွန်တော့်ကိုလွှတ်ပေး ... နို့မို့ဆို ကိုလေးဆက် စိတ်ဆင်းရဲရလိမ့်မယ် ... ခင်များ သူ စိတ်ညစ်မှာကို ကြည့်ရက်လား "
ပျော့ကွက်ကို အပိုင်ကိုင်ထားနိုင်သည့်တာရာလင်းကြောင့် ကော်လံကို ခပ်တင်းတင်းဆွဲကိုင်ထားသည့်ဈာန်ရောင်ခ၏လက်က အားလျော့သွားသည်။
" ကိုကို ဘာကြံစည်နေတာလဲဆိုတာကို မင်း သိတယ်မလား တာရာလင်း "
တာရာလင်းက ရွဲ့စောင်းသွားသည့်ကော်လံကို နေရာတကျဖြစ်အောင်ပြန်ပြုပြင်နေရင်း
" သိတာပေါ့ ... ဒါပေမဲ့ ကျွန်တော် ပြောပြလိုက်ရင် ကိုဈာန် တော်တော်ခံစားသွားရမှာ ... ဘယ်လိုလဲ ... ခံစားရမယ်မှန်းသိရက်နဲ့တောင် သိချင်နေသေးတာလား "
တာရာလင်း၏စကားကြောင့် ဈာန်ရောင်ခ လက်သီးကို ကျစ်ကျစ်ပါအောင် ဆုပ်ထားလိုက်ကာ
" ပြော ... သူ မင်းကို ပြောခဲ့သမျှ အကုန် ငါ့ကို ပြန်ပြောပြ ... "
" ကိုဈာန် ခင်များ နားထောင်ချင်တာ ကျိန်းသေရဲ့လား ... ခင်များရဲ့ပုံစံက အခြေအနေ သိပ်မဟန်သလိုပဲ "
" တာရာလင်း မင်း အပိုတွေ ပြောမနေနဲ့ "
" ဟုတ်ပြီလေ ... ဒါဆိုလည်း ပြောပြရတာပေါ့ "
တာရာလင်းက ရှေ့ကို တဖြည်းဖြည်းတိုးလာပြီး ဈာန်ရောင်ခ၏လည်ပင်းကို လက်နှစ်ဖက်ဖြင့် ခိုတွဲကာ နီးကပ်အောင် ဆွဲယူလိုက်သည်။ အများအမြင်တွင်တော့ သူတို့နှစ်ယောက်က ချစ်ကြည်နူးနေသည့်စုံတွဲလေးသဖွယ်။
တာရာလင်းနဲ့ ဈာန်ရောင်ခတို့နှစ်ယောက်သား နီးနီးကပ်ကပ်ရှိနေကြသည်ကို သတိထားမိကြသည့်လူတွေက အချင်းချင်းလက်တို့ကာ စပ်စုနေကြသည်။ တစ်ချို့ကလည်း ဖုန်းထုတ်ကာ မသိမသာရိုက်ကူးနေကြသည်။ စင်မြင့်ပေါ်မှာ ဖျော်ဖြေနေသည်ကို စိတ်ဝင်စားနေကြသည့်လူများလည်း ရှိသလို သူတို့နှစ်ယောက်ကို အာရုံစိုက်နေကြသည့်လူများလည်း ရှိသည်။
တာရာလင်းရဲ့မျက်နှာက ဈာန်ရောင်ခ၏မျက်နှာနှင့် ထိလုဆဲဆဲအနေအထား ... ။
" သူက ခင်များကို မလိုချင်တော့ဘူးတဲ့ "
ကြားလိုက်ရသည့် မထင်မှတ်ထားသောစကားကြောင့် ဈာန်ရောင်ခ၏နားတွေ အူတက်လာသည်။
ဘယ်စကားကိုမှ မကြားရတော့သလိုမျိုး ...
မရပ်မနားတည်ဆောက်ထားခဲ့ရတဲ့ ယိုင်နဲ့နဲ့ကမ္ဘာလေးက တစ်စက္ကန့်အတွင်းပြိုကျသွားသလိုမျိုး ...
နှစ်ပေါင်းများစွာ စောင့်ဆိုင်းလာခဲ့ရတဲ့ မျှော်လင့်ချက်မှိန်မှိန်လေးက ရုတ်ချည်းပျောက်ကွယ်သွားသလိုမျိုး ...
ကိုကိုက သူ့ကို မလိုချင်တော့ဘူးတဲ့လား ...
မဖြစ်နိုင်ဘူး ...
အဲ့လိုဖြစ်စရာအကြောင်းအရင်းမှ မရှိတာ ...
ကိုကိုနဲ့ သူ ရန်လည်းမဖြစ်ထားသလို ကိုကို စိတ်ပျက်အောင်လည်း ဘာတစ်ခုမှ မလုပ်ခဲ့ဘူးလေ ...
အဲဒါတောင် ကိုကိုက သူ့ကို ဘာဖြစ်လို့ မလိုချင်ရတာလဲ ...
" မဖြစ်နိုင်ဘူး ... ငါ မယုံဘူး ... တာရာလင်း မင်း ငါ့ကို ညာနေတာမလား "
အလဲလဲအပြိုပြိုဖြစ်နေသည့်အသံဖြင့်ပြောလာသည့်လူကို တာရာလင်း သနားကြည့်ဖြင့် ကြည့်လိုက်ရင်း
" ဒါဆိုလည်း ဘယ်တတ်နိုင်မလဲ ... သက်သေပြစရာက ဒီတစ်နည်းပဲ ကျန်တော့တယ် "
အစကတည်းက နီးကပ်နေသည့်မျက်နှာနှစ်ခုကို ပို၍ပူးကပ်လိုက်ကာ နှုတ်ခမ်းနှစ်စုံကို ထပ်တူကျစေလိုက်သည်။
တစ်စက္ကန့် ...
နှစ်စက္ကန့် ...
သုံးစက္ကန့် ...
ဈာန်ရောင်ခ အသိဝင်လာသည်နှင့်တစ်ပြိုင်နက် သူ့ရှေ့မှာရှိနေသည့်လူကို တွန်းထုတ်လိုက်သည်။ မုန်းစရာကောင်းလှသည့်မျက်နှာကို ထိုးချမလို့ကြံရွယ်နေတုန်း တစ်ဖက်လူက ကြိုသိနေသည့်အလား ခပ်မြန်မြန်ပြောလာသည်။
" ခင်များ ကျွန်တော့်ကို တစ်ခုခုလုပ်လိုက်ရင် ကိုလေးဆက်က ခင်များကို မုန်းသွားလိမ့်မယ်ထင်တယ် ... သူ့အစီအစဉ်ကိုဖျက်တယ်ဆိုပြီးတော့လေ ... ဘယ်လိုလဲ ... ခင်များ ကျွန်တော့်ကို ထိရဲလား "
ကျစ်ကျစ်ပါအောင် ဆုပ်ထားသည့်လက်သီးက ပြေကျသွားသည်။
လေးဆက်ရိပ်သွင်ဆိုသည့်အမည်နာမတစ်ခုက သူ့ကို စေလိုရာခိုင်းနိုင်သည်အထိ အစွမ်းထက်လွန်းသည်။
ဈာန်ရောင်ခ မေးရိုးတွေ ထောင်ထနေသည့်အထိ အံကြိတ်ထားလိုက်ရင်း
" သူ လုပ်ခိုင်းတာလား "
" တကယ်ကြီးဖြေရမှာလား "
" ငါ မေးတာကို ဖြေစမ်း "
" ဟုတ်တယ် ... သူ လုပ်ခိုင်းတာ ... အဲဒီအကြံအစည်က ကျွန်တော့်အတွက်တော့ အရှုံးမရှိဘူးလေ ... အဲဒါကြောင့် လက်ခံလိုက်တာ "
ဈာန်ရောင်ခ ဒေါသထွက်လွန်းသဖြင့် လူက တဆတ်ဆတ်တုန်နေပြီး အကြည့်တွေက မီးတောက်လို ဟုန်းဟုန်းတောက်နေသည်။
ထိလိုက်သည်နှင့် ပေါက်ကွဲထွက်သွားတော့မည့်အလား ... ။
လေးဆက်ရိပ်သွင် ... ခင်များ လုပ်ရဲတယ်ပေါ့ ...
ထိုစဉ် မမျှော်လင့်ဘဲ ဈာန်ရောင်ခ၏အကြည့်တို့က COE ဒုတိယထပ်ဆီ ရောက်သွားပြီး မြင်လိုက်ရသည့်အရိပ်လေးတစ်ခုကြောင့် ဒေါသတွေက ဆထက်တံပိုး နှစ်ဆတိုးလာရသည်။
ထို့ကြောင့် ချက်ချင်းဆိုသလို ကခုန်နေသည့်လူအုပ်ကြားထဲကနေ တိုးထွက်ပြီး COE ဆောင်ရှိရာသို့ သွားရန်ကြံရွယ်လိုက်သည်။ တာရာလင်းကလည်း သူ့အကြံကို ရိပ်မိသွားသည့်အလား တားဆီးလာသည်။ ဖျတ်ခနဲတားဆီးလာသည့်လက်အစုံကို ဆတ်ခနဲရုန်းထွက်လိုက်ရင်း မီးဝင်းဝင်းတောက်နေသည့်အကြည့်တွေနှင့် သတိပေးလိုက်တော့ တာရာလင်းက နောက်ကို အနည်းငယ်တွန့်ဆုတ်သွားသည်။
အဲဒီနောက်မှာတော့ ဈာန်ရောင်ခလည်း COE ဆောင်ရှိရာဆီသို့ ခြေလှမ်းကျဲကျဲဖြင့် ခပ်သွက်သွက်ဦးတည်လိုက်သည်။ ကျန်ရစ်ခဲ့သည့်ကောင်လေးကတော့ သူ့နှုတ်ခမ်းလေးကို ပွတ်သပ်လိုက်ရင်း ဟက်ခနဲ ရယ်မောလိုက်ကာ
" ပါးအစား နှုတ်ခမ်းကို နမ်းလိုက်ရတာ တန်သားပဲ "
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
" ဟင့်အင်း ... ငါ အဲ့လိုလုပ်ခိုင်းခဲ့တာမှမဟုတ်တာ ... အဲ့လိုဖြစ်စေချင်တာ မဟုတ်ဘူးလေ ... ငါက ... ငါက ... "
မျက်နှာနှစ်ခုထပ်တူကျသွားသည့်အဖြစ်ကို အပေါ်စီးကနေ ကြည့်နေရင်း ရင်ဘတ်က အောင့်တက်လာခဲ့သည်။ အပေါ်စီးကနေ ကြည့်နေခြင်းဖြစ်သောကြောင့် စက္ကန့်ပိုင်းအတွင်း ဖြစ်ပျက်သွားသည့်ကိစ္စကို ရှင်းရှင်းလင်းလင်းမြင်နေရသည်။
ဒါက ဘယ်လိုခံစားချက်ကြီးလဲ ...
စူးအောင့်နေတဲ့ဝေဒနာကြီးက ပြင်းထန်ဆိုးရွားလိုက်တာ ...
ဆက်မကြည့်နိုင်တော့ ... ။
ဈာန်နဲ့ တာရာလင်းတို့နှစ်ယောက် မျက်နှာချင်းအပ်ကာ နီးစပ်နေသည့်မြင်ကွင်းကို ဘယ်လိုနည်းနဲ့မှ ဆက်မကြည့်နိုင်တော့သည့်အတွက် မျက်ဝန်းအစုံကို ပိတ်ချလိုက်တော့ တလိမ့်လိမ့်ကျဆင်းလာသည်က မျက်ရည်စတွေ ... ။
ထပ်ပြီးမျက်ရည်ကျနေပြန်ပြီ ...
ဒီမျက်ရည်တွေက မကုန်နိုင်သေးဘူးလား ...
လူက တအိအိနှင့် လဲပြိုကျသွားသည်။ နံရံကို ကျောပေးမှီထိုင်ရင်း မျက်ရည်တွေက အဆက်မပြတ်စီးဆင်းလာသည့်အတွက် ဒူးနှစ်ဖက်ပေါ် မျက်နှာအပ်ထားလိုက်သည်။
ဒီမျက်ရည်စတွေကို လူမမြင်စေချင်။ သူကိုယ်တိုင်တောင် ဘာကြောင့် မျက်ရည်ကျမှန်းမသိနေသည့်ကိစ္စ။
ထိုစဉ်
" လေးဆက်ရိပ်သွင် ! "
မာထန်ပြီး ကျယ်လောင်ပြတ်သားသည့်အသံတစ်ခုက နားထဲ စူးခနဲတိုးဝင်လာသဖြင့် မော့ကြည့်လိုက်တော့ တင်းမာနေသည့်မျက်နှာထားနှင့် လူတစ်ယောက်ကို တွေ့လိုက်ရသည်။ အံ့ဩမှုကြောင့် လေးဆက်၏ဖြူဖျော့နေသည့်နှုတ်ခမ်းသားတို့က ခပ်ဟဟပွင့်အာသွားပြီး
" ဈာန် "
" ခင်များ လိုက်ခဲ့ ! "
ချက်ချင်းဆိုသလို အနားရောက်လာပြီး လက်ကောက်ဝတ်ကို ခပ်ကြမ်းကြမ်းဆွဲကိုင်ကာ ခေါ်ဆောင်သွားသည်က COE ဆောင်လေးလွှာထပ်ဆီသို့ ... ။
" ဈာန် ငါ့ကိုလွှတ် ... ငါ့လက် နာနေပြီ "
" ခင်များပါးစပ်ကို ပိတ်ထားလိုက် လေးဆက်ရိပ်သွင် ... ကျွန်တော့်ဒေါသကို ထပ်လာမဆွနဲ့ "
ဈာန်က ခပ်မာမာဟောက်လိုက်သဖြင့် လေးဆက် ဘာတစ်ခွန်းမှ ဆက်မပြောရဲတော့။ တင်းကြပ်စွာ ဆုပ်ကိုင်ခံထားရသည့်လက်ကောက်ဝတ်က တဖြည်းဖြည်းနီမြန်းလာသည်။ အချိန်အကြာကြီးရေစိုထားသဖြင့် လေးဆက်၏အသားအရည်တို့က နူးအိနေကာ ပို၍ပင် ထိလွယ်ရှလွယ်နေသည်။
ဈာန်က လေးဆက်ကို အတင်းဆွဲခေါ်ရင်း COE ဆောင်လေးလွှာကနေ EB ဆောင်ကိုဖြတ်ကာ NB ဆောင်လေးလွှာဆီသို့ ကူးသွားလိုက်သည်။ လူသံ တစိုးတစိမှမကြားရဘဲ အရာအားလုံးတိတ်ဆိတ်နေသည့် NB ဆောင်က အမှန်ပင် ခြောက်ချားစရာကောင်းလှသည်။
ရှိသမျှလူအားလုံးက ပွဲထဲရောက်နေသဖြင့် နဂိုကတည်းက လူသွားလူလာသိပ်မရှိသည့် NB ဆောင်က အရင်ကထက် ပိုပြီး တိတ်ဆိတ်ခြောက်ကပ်နေသည်။
NB ဆောင်ရှိ အခန်းတစ်ခုထဲ ရောက်ပြီးပြီးချင်း ဈာန်က လေးဆက်ရဲ့ကိုယ်ကို နံရံဆီ ဖိကပ်တွန်းထုတ်လာသည်။
" အ့ ! "
နံရံနှင့် ကျောပြင်က အရှိန်ဖြင့်ပြေးဆောင့်သွားသည့်အတွက် နာကျင်မှုကြောင့် လေးဆက် အော်ညည်းမိလိုက်သည်။
နာကျင်မှုဆီ စိတ်အာရုံက ရောက်သွားသည့်အခိုက် ရုတ်တရက်ဆိုသလို လေးဆက်ရဲ့နှုတ်ခမ်းပေါ် ကြမ်းကြမ်းတမ်းတမ်းဖိကပ်နမ်းလာသည့် နှုတ်ခမ်းတစ်စုံ။
အငိုက်မိသွားသည့်တစ်ချက်မှာ လေးဆက်၏ဖြူဖျော့နေသည့်နှုတ်ခမ်းသားက တစ်ပါးသူ၏ အလုံးစုံစုပ်ယူဝါးမြိုခြင်းခံလိုက်ရသည်။
အံ့ဩမှုနှင့်အတူ ထိတ်လန့်မှုတို့က ရောယှက်လာပြီးနောက် စိတ်ကြိုက်သောင်းကျန်းနေသူ၏ရင်ဘတ်အား တွန်းထုတ်ကာ ကြမ်းတမ်းသည့်အနမ်းတွေကို ရှောင်ရှားလိုက်သည်။
အတင်းအကြပ်ဖိကပ်နမ်းခံထားရသည့်အပြင် မထင်မှတ်ထားသည့်ထိတ်လန့်စရာအပြုအမူကြောင့် လေးဆက်ရဲ့နှုတ်ခမ်းသားတို့က တဆတ်ဆတ်တုန်ယင်နေပြီး အရောင်က ပို၍ပင်ဖြူဖျော့လာသည်။
တစ်ခါမှ မကြုံခဲ့ဖူးသောကြောင့် လေးဆက်အတွက်တော့ ဒီလိုနူးညံ့မှုအနည်းငယ်မျှပင် မပါဝင်သည့်အနမ်းမျိုးက အရမ်းကြောက်စရာကောင်းလှသည်။ အခုချိန်မှာ လေးဆက်ရဲ့နှလုံးခုန်သံတွေက ထိန်းမရအောင် ဝုန်းဒိုင်းကြဲနေပြီး ခြေထောက်တွေက ခွေကျချင်နေသဖြင့် နံရံကို အမှီပြုကာ ဟန်မပျက်အောင် မနည်းထိန်းထားရသည်။
နှုတ်ခမ်းနှစ်စုံကွာဝေးသွားသည့်အခိုက်အတန့်က စက္ကန့်မျှသာကြာမြင့်ပြီးနောက် ဒုတိယအကြိမ်ပြန်လည်ပေါင်းစည်းသွားပြန်သည်။
" မ ... မလုပ်နဲ့ ... မနမ်းနဲ့ ... "
ထိတ်လန့်စိတ်က ပိုနေသောကြောင့် ခေါင်းကို ဘယ်ညာရမ်းကာ အနမ်းတွေကို တတ်နိုင်သမျှရှောင်ရှားနေမိသည်။ ထို့ကြောင့် အနမ်းတွေက နှုတ်ခမ်းတွင်သာမက ပါးပြင်၊ နား၊ နဖူး၊ မျက်ဝန်းအစရှိသဖြင့် မျက်နှာတစ်ပြင်လုံးအနှံ့ပျံ့နှံ့သွားသည်။
အခု သူ့မျက်နှာမှာ ဈာန့်အနမ်းတွေနှင့် ကင်းလွတ်သည့်နေရာဆိုလို့ တစ်နေရာစာမျှပင် မကျန်တော့သလို ခံစားနေရသည်။ နမ်းနေသည့်လူကလည်း ဘယ်တော့မှ ရပ်ပေးဖို့အစီအစဉ်မရှိသည့်အလား သူ့ကို ရူးရူးမူးမူးနမ်းရှိုက်နေသည်။ ဘယ်လိုမှရုန်းထွက်လို့မရဘဲ မွန်းကြပ်သည့်အနမ်းတွေကြားမှာ ပိတ်မိနေသဖြင့် လေးဆက်ရဲ့ကိုယ်လေးက တဖြည်းဖြည်းယိုင်နဲ့လာသည်။
" ဈာန် ... ဟင့်အင်း ... အဲ့လို မလုပ်နဲ့ "
အဲဒီနောက် အနမ်းတွေကို အကြောက်အကန်ငြင်းဆန်ကာ ရှောင်ရှားနေသည့်လူအား စိတ်မရှည်တော့၍ထင့်။
မရမကတွန်းထုတ်နေသည့်လက်တွေအား အနှောင့်အယှက်ဖြစ်လာ၍ထင့်။
ဈာန်ရောင်ခ ထိုလက်တွေအား လက်တစ်ဖက်တည်းနှင့် ချုပ်ကိုင်လိုက်ကာ ကျန်လက်တစ်ဖက်ဖြင့် ထိုလူအား လည်ပင်းနောက်ကနေ ဆွဲထိန်းထားပြီး မျက်နှာကို မော့ယူလိုက်သည်။
မျက်ရည်စများနှင့် စိုလူးနေသည့် မြတ်နိုးရသည့်မျက်နှာလေးအား အနီးကပ်မြင်တွေ့နေရသော်လည်း သူ့နှလုံးသားထဲမှာတော့ အဆမတန်နာကျင်နေသည်။
ဒီလူက ဘာလို့များ သူ့အပေါ် လုပ်ရက်ရတာလဲ ...
ဒီလူက ဘာလို့များ သူ့ကို စွန့်ပစ်ရတာလဲ ...
သူ ဘာအမှားတွေများ လုပ်ခဲ့မိလို့လဲ ...
သူ လုပ်ခဲ့မိတာဆိုလို့ ဒီလူသားကို ဘယ်လောက်ထိချစ်ကြောင်း ဖော်ပြခဲ့ရုံပဲ ရှိတာ ...
ထိုအကြောင်းအရာကို တွေးမိတိုင်း နှလုံးသားက မီးတောင်လို ပေါက်ကွဲထွက်မတတ်တင်းမာလာသည်။
ရင်မဆိုင်နိုင်သည့်အလား အကြည့်ချင်းမစုံဘဲ မျက်ဝန်းတွေမှိတ်ထားသည့်လူကို ကြည့်ရင်း ဒေါသတွေက ပို၍ဆူဝေလာသည်။
" မချစ်တဲ့လူနဲ့ နမ်းရတဲ့ခံစားချက်က ဘယ်လိုမျိုးလဲဆိုတာ ခင်များကို ပြမယ် "
တုန်ယင်နေသည့်နှုတ်ခမ်းပေါ်သို့ အနမ်းတွေက ခပ်ကြမ်းကြမ်းရောက်ရှိသွားသည်။ မြတ်နိုးမှုနှင့် ဒေါသတွေပေါင်းစည်းထားသည့်အနမ်းတွေက ထင်သလောက် ပျော်ရွှင်စရာမကောင်းလှပေမဲ့ အင်မတန်စွဲမက်စရာကောင်းလှသည်။
ဒီလူသားဖြစ်နေသ၍ ... လေးဆက်ရိပ်သွင်ဖြစ်နေသ၍ ... ချိုမြန်သည်ဖြစ်စေ ... ခါးသီးသည်ဖြစ်စေ ... အရာအားလုံးကို သူ မြတ်နိုး၏။
" ဟင့်အင်း ... မနမ်းနဲ့ "
အပေါ်နှုတ်ခမ်းသားကိုတစ်လှည့် အောက်နှုတ်ခမ်းသားကိုတစ်လှည့် တတိတိစုပ်ယူကိုက်ခဲရင်း ခံတွင်းထဲ နယ်ချဲ့ရန်ကြိုးစားသော်ငြား ဘယ်လိုမှဝင်ခွင့်မသာ။ ထို့ကြောင့် တင်းတင်းစေ့ထားသည့်နှုတ်ခမ်းတို့ကို ပွင့်ဟလာစေရန်အလို့ငှာ အောက်နှုတ်ခမ်းကို အားနှင့်ဖိကိုက်ပစ်လိုက်တော့
" အ့ ! "
နာကျင်မှုကြောင့် ပွင့်ဟသွားသည့် နှုတ်ခမ်းဖူးလေးအတွင်း လျှာကို ထိုးသွင်းဝင်ရောက်လိုက်ပြီး အလုံးစုံသိမ်းပိုက်ရယူလိုက်သည်။ အတင်းရုန်းကန်ချင်နေသည့်ကိုယ်လုံးလေးကို အင်အားသုံးကာ နံရံနှင့်ဖိကပ်ထိန်းချုပ်ထားပြီး မျက်နှာတစ်ပြင်လုံးကို နေရာလပ်မရှိအောင် သူ့စိတ်တိုင်းကျ အနမ်းတွေနဲ့ ခြယ်မှုန်းလိုက်သည်။
ဒီလူသားနှင့် ပတ်သတ်လာလျှင် သူ ဘယ်အရာကိုမဆို လောဘကြီးသည်။
ယုတ်ဆွအဆုံး မကြည်ဖြူသည့်အနမ်းတစ်ပွင့်ဆိုရင်တောင်မှ ဘယ်တော့မှမရပ်တန့်ချင်သည်အထိ ... ဘယ်သူနဲ့မှ မမျှဝေချင်သည်အထိ ... ။
အနမ်းတို့က တကယ့်ကို ရူးရူးမူးမူးနင့်နင့်သည်းသည်း ... ။
လေးဆက်မှာ တစ်ကိုယ်လုံးအလစ်အလပ်မရှိ ထိန်းချုပ်ခံနေရသည့်အပြင် ရုန်းကန်ဖို့အင်အားတွေအကုန်လုံး ယုတ်လျော့နေသဖြင့် တစ်ဖက်မှ အနမ်းတွေကို ဘယ်လိုမှ မရှောင်ရှားနိုင်ဘဲ စိတ်ကြိုက်ပြုမူခြင်းခံနေရသည်။
တတိတိကိုက်ခြင်းခံနေရသည့် အောက်နှုတ်ခမ်းသားက သွေးထွက်နေလောက်မည်မှန်း သိနေသော်ငြား တစ်ဖက်လူကို ဘယ်လိုမှ ငြင်းဆန်၍မရ။ အဲဒီနောက် နှုတ်ခမ်းထက်မှာ အချိန်ကြာမြင့်စွာ စိုးစံမင်းမူနေသည့်အနမ်းတွေက နူးညံ့သည့်လည်တိုင်ထံသို့ တဖန်ရောက်ရှိသွားပြန်သည်။
" အား ! "
စိတ်ရှိတိုင်းနမ်းရှိုက်နေရသည်ကိုပင် ဈာန်ရောင်ခ အားမရနိုင်စွာ ဒီလူရဲ့လည်တိုင်ကျော့ကျော့ကို ကိုက်ခဲလိုက်သည့်အတွက် နာကျင်မှုတွေစွန်းထင်းနေသည့်အသံက မချိမဆန့်ထွက်ပေါ်လာသည်။
ပြင်ပနာကျင်မှုထက် နှလုံးသားနာကျင်မှုက ပို၍ဆိုးရွားနေသည်။
ကိုက်ခဲမှုကြောင့် ပေါ်လာသည့်အရာလေးကို ကြည့်ရင်း မကျေနပ်နိုင်စွာ ဈာန်ရောင်ခ ထိုနေရာကိုပင် ပြန်၍ဖိကပ်နမ်းရှိုက်လိုက်ပြီး ကျန်လက်တစ်ဖက်ဖြင့် ထိုလူရဲ့ရှပ်အကျီကြယ်သီးတွေကို ဆွဲဖြုတ်လိုက်သည်။
" အ့ ! နာ ... နာတယ် ... မလုပ်နဲ့ ... "
လည်တိုင်ထက်က နာကျင်မှုက တစထက်တစပိုမိုတိုးပွားလာလျက်ရှိနေပြီး မချိမဆံ့ခံစားနေရသည်။ ထိုစဉ် ရင်ဘတ်ပိုင်းဆီမှ လစ်ဟာမှုတစ်ချို့ကို လေးဆက် သတိပြုမိလိုက်ချိန်မှာ ကြယ်သီးသုံးလုံးပြုတ်ထွက်သွားပြီဖြစ်သည်။
မမျှော်လင့်ထားသည့်လုပ်ရပ်ကြောင့် နာကျင်မှုတို့နေရာတွင် ထိတ်လန့်မှု၊ ကြောက်လန့်မှုတို့က အစားဝင်ယူလာသဖြင့် လည်တိုင်ထက်မှ အနမ်းတွေကို တတ်နိုင်သမျှရှောင်ရှားကာ ချုပ်ကိုင်ခံထားရသည့်လက်နှစ်ဖက်ကို ရှိသမျှအားကုန်သုံးကာ ရုန်းထွက်လိုက်သည်။
လက်နှစ်ဖက်လွတ်ထွက်သွားချိန်မှာ ရှေ့ကလူကို တွန်းထုတ်လိုက်ပြီး အခန်းထဲကမှ ထွက်ပြေးဖို့ကြံရွယ်လိုက်သော်ငြား ဈာန်က လေးဆက်ကို ခါးကနေ ဆွဲဖက်ကာ နံရံနှင့် ပို၍ပင် ဖိကပ်လာသည့်အပြင် အရာအားလုံးက ဈာန်ရဲ့ထိန်းချုပ်မှုအောက်မှာ ပြန်လည်ရောက်ရှိသွားသည်။
မျက်နှာနှစ်ခုက နမ်းမတတ်ထိစပ်လုနီးပါးဖြစ်နေခဲ့ပြီး ကြားလိုက်ရသည်က
" ကျွန်တော် ဒီနေ့ ခင်များကို ရအောင်ယူမှာ "
ကြိမ်းဝါးသံမမည်၊ ခြိမ်းချောက်သံမမည်သော ဩရှရှအသံက လေးဆက်ရဲ့အကြားအာရုံထဲ မိုးကြိုးပစ်ချလိုက်သလို စူးရှစွာတိုးဝင်လာသည်။
အဲဒီနောက် ဈာန့်ရဲ့လက်တို့က လေးဆက် ဝတ်ထားသည့်ရှပ်အကျီကို ပခုံးရိုးတွေပေါ်သည့်အထိ ဆွဲချလိုက်ကာ ညှပ်ရိုးတစ်လျှောက် မွတ်သိပ်သည့်အနမ်းတို့က တဖန်ပြန်လည်စတင်လာသည်။
" မ ... မလုပ်နဲ့ ... "
ခုနကထက် ပိုပြီးကြမ်းတမ်းလာသည့် အနမ်းတွေ ...
နူးညံ့မှုအနည်းငယ်မျှပင် မပါဝင်သည့်အနမ်းတွေ ...
ရေတွေစိုထားသဖြင့် နူးအိနေသည့်အသားအရည်တို့က ခပ်ကြမ်းကြမ်းနမ်းရှိုက်ခံလိုက်တိုင်း နီရဲကုန်၏။
" မလုပ်နဲ့ ... တော်ပါတော့ ... တောင်းပန်ပါတယ် ... ငါ့ကို ... ငါ့ကို အဲ့လိုမဆက်ဆံပါနဲ့ "
တိုးတိမ်လွန်းလှသည့် အသံလေးထွက်ပေါ်လာပြီးနောက် အင်အားတစ်စက်မှ မရှိတော့သည့်ဟန် ရုန်းကန်နေသည့် ကိုယ်လုံးလေးက ငြိမ်ကျသွားပြီး မျက်ဝန်းထောင့်စွန်းကနေ မျက်ရည်လေးတစ်စက်ကြွေလွင့်သွားသည်ကို တွေ့လိုက်ရသည်။
ထိုအခြင်းအရာကို မြင်လိုက်ရသည့်အခိုက်အတန့်မှာ အနမ်းတွေရော လှုပ်ရှားမှုတွေရော အကုန်ရပ်တန့်သွားခဲ့သည်။
ကိုယ်ချင်းခွာလိုက်တော့ ယိုင်နဲ့နေသည့်ကိုယ်လုံးလေးက နံရံပေါ်မှီလျက် သံမံတလင်းပေါ် ထိုင်လျက်လေးပြုတ်ကျသွားသည်။ အောင့်တက်လာသည့်နှလုံးသားတစ်နေရာက ဆိုးဝါးလွန်းလှသဖြင့် လေးဆက်ရဲ့တစ်ကိုယ်လုံးက တုန်ရီနေသည်။
ပြုတ်ထွက်နေသည့် ရှပ်အကျီကို လက်ဖြင့် တင်းတင်းစေ့ထားရင်း နှလုံးသားနေရာကို ဖိကာ အသက်ကို ဖြည်းဖြည်းချင်းရှူသွင်းနေရသည့်လူကိုကြည့်ရင်း ဈာန်ရောင်ခမှာလည်း တစ်ယောက်တည်းကမ္ဘာပျက်နေရသည်။
ဒီလူသားရဲ့မမြင်ချင်ဆုံးပုံစံကို မြင်နေရသည်က ရူးသွပ်ချင်စရာကောင်းလှသည်။
ထိုကဲ့သို့ ဖြစ်နေသည်မှာ သူ့ကြောင့်ဆိုသည့်အသိကလည်း ဆိုးရွားလှသည်။
အေးစက်ဖြူဖျော့နေသည့်ခန္ဓာကိုယ်လေးကို ထွေးပွေ့ပေးချင်သော်ငြား ...
မျက်ရည်တွေကျဆင်းနေသည့်လူအား နှစ်သိမ့်ပေးချင်သော်ငြား ...
နှလုံးသားထဲမှာတော့ မေးခွန်းစကားလုံးတွေက ပွထနေခဲ့သည်။
" ဘာလို့လဲ ... ဘာလို့ အဲ့လိုလုပ်ခဲ့ရတာလဲ ... ဘာလို့ ကျွန်တော့်ကို တခြားသူလက်ထဲ စွန့်ပစ်ခဲ့တာလဲ "
ဘာတစ်ခွန်းမှ ပြန်မဖြေသည့်လူကို ကြည့်နေရင်း ဝမ်းနည်းမှုနဲ့အတူ ဒေါသတွေက ကပ်ပါလာသည်။ သံမံတလင်းပေါ်ကလူကို ကော်လံကနေ ဆွဲမလိုက်တော့လည်း ဆွဲမသည့်အတိုင်း မတုန်မလှုပ်ပါလာသည်။
" မေးနေတာကို ဖြေလေ လေးဆက်ရိပ်သွင် ... ခင်များ အနေလား "
ငြင်းလိုက်လေ ...
ငါ လုပ်ခိုင်းတာမဟုတ်ဘူးလို့ ငြင်းလိုက်လေ ...
ကျွန်တော် ကြားချင်နေတာ အဲ့စကားလုံးတွေမှန်း ခင်များ သိရက်သားနဲ့ ဘာလို့တိတ်နေတာလဲ ...
တာရာလင်းကို အကူအညီတောင်းတဲ့ထဲမှာ အဲ့အနမ်းတွေ မပါဘူးလို့ ငြင်းပစ်လိုက်လေ ... လေးဆက်ရိပ်သွင် ...
ခင်များ ဘာကိုကြောက်နေတာလဲ ...
ဘာလို့ အခုထိ စကားတစ်ခွန်းမှ မပြောသေးတာလဲ ...
ဖြူဖျော့နေသည့်မျက်နှာလေးကို ငေးကြည့်နေရင်း အတွေးတွေက ဘောင်ဘင်ရိုက်ခတ်နေသည်။ အမှန်တော့ သူ ကြောက်နေတာဖြစ်သည်။
ဟုတ်တယ်လို့ ဝန်ခံလိုက်မှာကို ကြောက်နေတာ ...
တကယ်ကြီး စွန့်ပစ်ခံလိုက်မှာကို ကြောက်နေတာ ...
ဒီလူသားဆီက စွန့်ပစ်ခံလိုက်ရကြောင်း နားနဲ့ဆတ်ဆတ်ကြားရမှာကို ကြောက်နေတာ ...
ထိုစဉ် သူ့ကို စိုက်ကြည့်လာသည့် မျက်ခမ်းစပ်တွေရဲတွတ်နေသည့်မျက်ဝန်းတစ်စုံ။
အဲဒီမျက်ဝန်းတွေကို မြင်မြင်ချင်း ဈာန်ရောင်ခ လိပ်ပြာလွင့်မတတ် ထိတ်လန့်သွားသည်။
ဒီအကြည့်တွေကို သူ သိသည်။
အရာရာကို ဆုံးဖြတ်ထားပြီးသည့် အကြည့်မျိုး ...
ပြတ်သားတော့မည့် အကြည့်မျိုး ...
ရက်စက်တော့မည့် အကြည့်မျိုး ...
ဒီလူ့ထံမှ ထွက်ပေါ်လာမည့် စကားလုံးတွေကို သူ တကယ်နားမထောင်ရဲတော့ပေ။
မေးခဲ့မိသည့် မေးခွန်းတွေအားလုံးကို ပြန်ရုတ်သိမ်းပစ်လိုက်ချင်သည်။
သူ မသိချင်ယောင်ဆောင်နေလိုက်ရင် အရာအားလုံးက အရင်အတိုင်းပဲ ရှိနေဦးမှာမလား ...
ဟင့်အင်း ... မဖြေနဲ့တော့ ... မဖြေနဲ့ ...
" ဟုတ်တယ် ... ငါ လုပ်ခိုင်းခဲ့တာ ... တာရာလင်း လုပ်ခဲ့သမျှကိစ္စတိုင်းက ငါ လုပ်ခိုင်းခဲ့တာချည်းပဲ "
ကော်လံကို ဆွဲကိုင်ထားသည့်လက်တို့က ပြေလျော့သွားသည်။ ဈာန်ရောင်ခ ထိုစကားများကို မယုံကြည်နိုင်စွာဖြင့် အနောက်ကို ခြေတစ်လှမ်းဆုတ်သွားပြီး
" ဘာလို့လဲ ... ခင်များ ဘာလို့ ဒီလိုလုပ်ရတာလဲ ... ခုနကထိ ကျွန်တော်တို့ရဲ့ဆက်ဆံရေးတွေက ကောင်းနေသေးတာလေ ... ဘာလို့လဲ ... ဘာလို့ ကျွန်တော့်ကို ဒီလောက်ထိ ရက်စက်ရတာလဲ "
" မလိုချင်တော့လို့ ... "
" ဘာပြောတယ် ! "
လေးဆက် ဒီကလေးကို ရက်ရက်စက်စက်စကားတွေ ပြောလိုက်မိသည်။ စကားတစ်ခွန်းပြောထွက်ဖို့အရေး လူက မနည်းအားယူနေရသည်။ ကိစ္စအားလုံးကို အမြန်ပြီးပြတ်စေချင်သည့် စိတ်ဇောကြောင့်သာ လေးဆက် အခုထိ အရုပ်ကျိုးပြတ်မဖြစ်သေးခြင်းဖြစ်သည်။
မုန်းလိုက်တော့ ဈာန် ...
မင်း ငါ့ကို မုန်းလိုက်တော့ ...
မင်း ငါ့ကိုချစ်နေမှာထက်စာရင် မုန်းသွားမှာကို ငါ ပိုလိုလားတယ် ...
" တစ်ချိန်လုံး မင်း ငါ့ကို လိုက်တွယ်ကပ်နေတာကြီးကို မလိုချင်လို့ ... ငါ့အနားမှာ မင်းရှိနေရင် ငါ သေမလိုစိတ်ဆင်းရဲရလို့ ... အဲဒါကို မင်း သိရဲ့လား ... ရပ်လိုက်ပါတော့ ... ငါလည်း ဒီလိုအခြေအနေကြီးကို အရမ်းစိတ်ကုန်နေပြီ ဈာန် "
" ခင်များပါးစပ်ကို ပိတ်ထားလိုက်တော့ "
ဈာန်ရောင်ခ ယူကြုံးမရဖြစ်စွာ အော်ဟစ်ပစ်လိုက်သည်။
ဒီလူက ဘာလို့ အရမ်းရက်စက်ရတာလဲ ...
ဘာလို့များ နာကျင်စေမဲ့စကားတွေကို ပြောရက်ရတာလဲ ...
" ငါ တောင်းပန်ပါတယ် ... ငါ့ကို စွန့်လွှတ်လိုက်ပါတော့ ... မေ့ပစ်လိုက်ပါတော့ ... မင်းနဲ့ငါ ဘယ်လိုမှမဖြစ်နိုင်ဘူးလေ ဈာန်ရယ် "
" ခင်များပါးစပ်ကို ပိတ်ထားလိုက်လို့ ပြောနေတယ်လေ လေးဆက်ရိပ်သွင် ... ခင်များ နားကန်းနေလား "
ဈာန်ရောင်ခ ဒီလူရဲ့ပခုံးနှစ်ဖက်ကို ခပ်တင်းတင်းဆုပ်ကိုင်ပြီး ကြမ်းကြမ်းတမ်းတမ်းဆွဲခါမိလိုက်သည်။
" အား ! ဈာန် ! "
" ကျွန်တော် ခင်များနဲ့နီးစပ်နိုင်ဖို့ ဘယ်လောက်ထိ ကြိုးစားခဲ့ရလဲဆိုတာကို ခင်များ မသိဘူး ... ခင်များကို ချစ်လွန်းလို့ ကျွန်တော် စိတ်ရှည်ရှည်နဲ့စောင့်ခဲ့တယ် ... ခင်များအကြောင်း အကုန်သိနေလို့ အရာအားလုံးကို ကျွန်တော် သည်းခံခဲ့တယ် ... ကျွန်တော့်ကို မစွန့်ပစ်ပါနဲ့လို့လည်း ပြောခဲ့ဖူးတယ် ... အခုတော့ ခင်များက ကျွန်တော့်ကို တကယ်ကြီးစွန့်ပစ်လိုက်ပြီပဲ "
အဲဒီနောက် ဒီလူရဲ့မေးရိုးကို အားနှင့်ညှစ်ကိုင်ကာ ဆွဲမော့လိုက်ပြီး
" ကျွန်တော် အရမ်းအလိုလိုက်ထားလို့ ခင်များက ရောင့်တက်နေတာပဲ လေးဆက်ရိပ်သွင် ... ခင်များက ကိုယ့်ကိုယ်ကို ဘာထင်နေလဲ ... စွန့်ပစ်ချင်တိုင်း စွန့်ပစ် ... ထားချင်တိုင်း ထားသွားလို့ရအောင် ကျွန်တော်က အရုပ်မဟုတ်ဘူး "
" ဈာန် ငါ ... "
" ခင်များ ကျွန်တော့်လက်ထဲက ဘယ်တော့မှ ပြေးလွတ်မှာမဟုတ်ဘူး လေးဆက်ရိပ်သွင် "
ဒီအခြေအနေကို ရှေ့ဆက်မတိုးချင်တော့သောကြောင့် ပခုံးတွေကို ကျစ်ကျစ်ပါအောင် ဆုပ်ကိုင်ထားသည့်လက်တို့ကို လွှတ်လိုက်ပြီး ကျောခိုင်းကာ ထွက်သွားတော့မည်အလုပ်
" ငါ မင်းကို မချစ်ဘူး ဈာန် ... ဘယ်တော့မှလည်း ချစ်လာမှာမဟုတ်ဘူး ... အဲဒါကြောင့် အခုကတည်းက လက်လျော့လိုက်ပါတော့ "
ဒုန်း ! ဝုန်း !
ဈာန်ရောင်ခ ဒေါသထွက်ထွက်နဲ့ အနီးအနားမှာ ရှိနေသည့်ထိုင်ခုံတွေကို ဆောင့်ကန်ပစ်လိုက်သည်။
" တောက် ! "
ဝုန်းဒိုင်းကြဲကာ ထွက်ခွာသွားသူ၏နောက်ကျောပြင်ကို ကြည့်နေရင်း လေးဆက်ရဲ့အကြည့်တွေက ဝေဝါးလာသည်။ ဘာတစ်ခုကိုမှ ကွဲကွဲပြားပြားမမြင်နိုင်တော့သည်အထိ မျက်ရည်တွေက ထပ်မံစီးဆင်းလာပြန်သည်။
မုန်းလိုက်တာ ... ဒီမျက်ရည်တွေကို ...
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ကလေးကို သူ့အိမ်က လာကြိုသွားသဖြင့် ကခုန်နေသည့်လူတွေကြားထဲမှာ မြတ်သူတစ်ယောက်တည်း ယောင်လည်လည်ဖြစ်နေသည်။ နောင်ခန့်၊ မေမြတ်နှင့် ဥဥတို့ရှိရာလည်း မသွားချင်တော့သဖြင့် LRC ရှေ့က အုတ်ခုံတန်းမှာ ဝင်ထိုင်ကာ မြူးတူးနေသည့်လူအုပ်ကြီးအား ရည်ရွယ်ချက်ကင်းမဲ့စွာ ငေးကြည့်နေမိသည်။
ဟူး ! ဘာလို့မှန်းမသိဘဲ စိတ်တွေ လေးလံလိုက်တာ ...
ထိုစဉ်
Phone Ringing ...
ဖုန်းဆက်သူမှာ လေးဆက်ဖြစ်နေသောကြောင့် မြတ်သူ အလျင်စလို ဖုန်းကိုင်လိုက်သည်။
" ဟဲလို ... လေးဆက် ... မင်း အခု ဘယ်မှာလဲ ... အဆင်ပြေရဲ့လား "
" ဟဲလို ... လေးဆက် ... "
" လေးဆက် မင်း အဆင်ပြေရဲ့လား "
သူ့ဘက်က တရဆက်မေးနေသော်ငြား တစ်ဖက်ခေါ်ဆိုသူမှ အပ်ကျသံလေးတောင် မကြားရသဖြင့် မြတ်သူရဲ့စိုးရိမ်ပူပန်မှုတွေက ပိုမိုပြင်းထန်လာခဲ့သည်။
" လေးဆက် ! "
" မြတ် ... မြတ်သူ "
တုန်ယင်နေသည့် အသံတိုးတိုးလေးက ထွက်လာသဖြင့် မြတ်သူ အာရုံစိုက်ကာ နားထောင်လိုက်သည်။
" NB လေးလွှာကို လာခဲ့ပေးပါလား "
ခုနလေးတင် COE ဒုတိယထပ်မှာ ရှိနေသည့်လူက ဘယ်လိုလုပ်ပြီး NB လေးလွှာကို ရောက်သွားရတာလဲ ...
ကျစ် ! ခုချိန်မှာ ဒါတွေ တွေးမနေနဲ့တော့ ... အရေးကြီးတာ လေးဆက်ရှိတဲ့နေရာကို အမြန်သွားဖို့ပဲ ...
" အေး အေး ... ငါ အခုချက်ချင်းလာနေပြီနော် လေးဆက် ... ခဏလေးပဲ စောင့် ... "
ဖုန်းချလိုက်ပြီးနောက် မြတ်သူရဲ့အကြည့်က များပြားလှသည့် လူအုပ်ကြီးထံသို့ရောက်ရှိသွားသည်။ ယခု မြတ်သူ ထိုင်နေသည့် LRC နှင့် လေးဆက် ရှိနေသည့် NB ဆောင်သည် ပြောရမည်ဆိုလျှင် တောင်နှင့် မြောက်လိုပင်။
လူအုပ်ကြီးကြားထဲမှ ဖြတ်သန်းသွားရမည့်အရေးကို တွေးကာ ချွေးပြန်လာသဖြင့် COE ဆောင်လေးလွှာကနေတဆင့် EB ဆောင် ၊ EB ဆောင်ကနေမှ NB ဆောင်သို့ သွားရန်ကြံရွယ်လိုက်သည်။
လေးဆက် မကောင်းတာတစ်ခုခုဖြစ်နေပြီဆိုသည့် စိတ်အတွေးကြောင့် လှေကားတွေကို ဘယ်လိုကျော်ခွတက်မိမှန်းမသိဘဲ အချိန်တိုအတွင်း NB ဆောင်သို့ ရောက်ရှိသွားသည်။ NB ဆောင် လေးလွှာရှိ အခန်းတွေကို တစ်ခုပြီးတစ်ခုလိုက်ရှာကြည့်ရင်း နောက်ဆုံး လေးဆက်ကို တွေ့လိုက်ရသည့်အခန်းက NB 405 ။
သံမံတလင်းပေါ်မှာ ထိုင်နေကာ ဒူးခေါင်းနှစ်ခုကို ကျစ်ကျစ်ပါအောင်ပိုက်ထားပြီး ခေါင်းကိုပါ ငုံ့ချထားသည့်လေးဆက်၏ပုံစံက မြတ်သူ၏ခန့်မှန်းချက်ကို အတည်ပြုပေးလိုက်သယောင်။
မြတ်သူ ခြေသံဖွဖွနင်းကာ အခန်းထဲကို ဝင်လာလိုက်ပြီး လေးဆက်နဲ့ မျက်နှာချင်းဆိုင်မှာ ထိုင်ချလိုက်သည်။
" လေးဆက် "
ပခုံးကို ခပ်ဖွဖွပုတ်ကာ ခေါ်လိုက်တော့ တဖြည်းဖြည်းမော့ကြည့်လာသည့် လေးဆက်ကိုကြည့်ရင်း မြတ်သူ ဘာစကားတစ်ခွန်းမှ မဟနိုင်တော့ဘဲ ကြက်သေသေသွားသည်။
" လေးဆက် ! မင်း ! "
စောနကထိ အကောင်းပတိအတိုင်း ရှိနေသည့်လူက အခုကျတော့ ...
ယခု မြတ်သူ မြင်နေရသည့် လေးဆက်၏ပုံစံက တကယ့်ကို ဆိုးဆိုးရွားရွားပင်။ ဘယ်လောက်ထိ ငိုထားမှန်းမသိ မျက်ဝန်းတွေက မို့အစ်ကာ နီရဲနေသည်။ မျက်နှာတစ်ခုလုံးသွေးမရှိတော့သလို ဖြူဖျော့နေပြီး အောက်နှုတ်ခမ်းသားက အကိုက်ခံထားရသလို သွေးထွက်နေသည်။
နောက်ထပ် မြတ်သူ သတိထားမိသွားသည်က လေးဆက်ဝတ်ထားသည့်ရှပ်အကျီဖြစ်သည်။ ကြယ်သီးတစ်ချို့ပြုတ်ထွက်နေသောကြောင့် ရင်ဘတ်ပိုင်းနေရာက အနည်းငယ်ဟာလာဟင်းလင်းဖြစ်နေသည်။
မြတ်သူ တစ်စုံတစ်ခုကို သံသယဖြစ်လာသဖြင့် လေးဆက်ရဲ့လည်ပင်းကို တစ်ချက်ကြည့်လိုက်တော့ နီရဲနေသည့်အကွက်တွေက လည်တိုင်ကနေ ညှပ်ရိုးအထိ နေရာလပ်မကျန်အောင် ပြည့်နှက်နေသည်။
လေးဆက်၏ပုံစံကို ကြည့်လိုက်သည်နှင့် မြတ်သူ အရာအားလုံးကို နားလည်သဘောပေါက်သွားပြီး သက်ပြင်းချလိုက်မိသည်။
ဒါပေမဲ့လည်း ဒီလောက်ထိ ကြမ်းကြမ်းတမ်းတမ်းလုပ်စရာလားကွာ ...
သူငယ်ချင်းဖြစ်သူကို အခုလိုပုံစံမျိုးဖြစ်အောင် သောင်းကျန်းသွားသည့် ဈာန်ရောင်ခအား မြတ်သူ အသံတိတ်ဆဲရေးလိုက်သည်။
" လေးဆက် မင်း အဆင်ပြေရဲ့လား "
" ငါ ... ငါ အဆင်ပြေပါတယ် "
အဆင်ပြေတယ်လို့သာ ပြောနေပေမဲ့ လေးဆက်ရဲ့ပုံစံက ဘယ်လိုမှ အဆင်ပြေနေသည့်ပုံမပေါက်။
" ငါလုပ်တာ မှန်ရဲ့လား မြတ်သူ "
ဒီနေ့တစ်နေ့တည်းမှာပင် ထိုမေးခွန်းကို ထပ်ခါတလဲလဲ မေးနေသည်။ ဒီတစ်ခေါက်တော့ မြတ်သူ ဘာတစ်ခွန်းမှ ပြန်မဖြေမိ။
" ဒီအခြေအနေကြီးကို ငါ အရမ်းပင်ပန်းနေပြီ ... ငါ တကယ်ပင်ပန်းနေပြီ "
" မင်း အဆင်ပြေမှာပါ ... အရာအားလုံး အဆင်ပြေသွားမှာပါ "
လေးဆက်အတွက် မြတ်သူလုပ်ပေးနိုင်သည့် တစ်ခုတည်းသောအရာမှာ နှစ်သိမ့်ပေးခြင်းသာဖြစ်သည်။
တစ်နေ့နေ့မှာ လေးဆက်လည်း သူ့ကိုယ်ပိုင် ပျော်ရွှင်မှုကို ရှာတွေ့နိုင်ပါစေလို့ မျှော်လင့်ရင်း ... ။
10:17 A.M
25.1.2021 ( Monday )