အချိန်တွေ တစ်ရက်ပြီး တစ်ရက်ကုန်လွန်လာခဲ့သည်။
အေးမြတဲ့ဒီဇင်ဘာလကနေ စတင်လာခဲ့သည့် ခံစားချက်အရှုပ်အထွေးကြီးက ပူပြင်းသည့်ဖေဖော်ဝါရီလထိတိုင် မပျောက်ပြယ်သွားသေး။
မသိရင် အရာရာတိုင်းဟာ ပုံမှန်အတိုင်းနေသားကျနေသလိုပင်။
တကယ်တော့ မတူတော့ဘူး ... အရာအားလုံးက တဖြည်းဖြည်းပြောင်းလဲနေပြီ ...
ခံစားချက်တွေရော ... အပြုအမူတွေရောက တစ်ဆင့်ချင်းစီ ... တစ်လှမ်းချင်းစီ ...
ထိန်းချုပ်မရတဲ့နှလုံးသားကိုပဲ အပြစ်တင်ရမလား ...
မသိချင်ယောင်ဆောင်နေလို့မရတဲ့ အသိစိတ်ကိုပဲ မေးခွန်းထုတ်ရမလား ...
ရှုပ်ထွေးမှုတွေကို အတတ်နိုင်ဆုံး ရှင်းထုတ်ပစ်ချင်ပေမဲ့ အဲဒီရှုပ်ထွေးမှုကပဲ လူတစ်ကိုယ်လုံးကို ရစ်ပတ်ဝါးမြိုနေတာ ...
ခံရခက်တယ် ... နေရခက်တယ် ...
ကြုံဖူးကြလား ...
ဘယ်လောက်ပဲ သေလုမတတ်ကြိုးစားခဲ့ပါစေ လိုချင်တဲ့အကျိုးဆက်ကို ရမလာဘဲ ကြိုးစားမှုတွေက သဲထဲရေသွန်ဖြစ်သွားသလိုမျိုး ...
ဘယ်လောက်ပဲ နှင်ထုတ်နေပါစေ တဖြည်းဖြည်းချင်းနီးစပ်လာတဲ့နှလုံးသားကို ယူကြုံးမရဖြစ်စွာနဲ့ ဒီတိုင်းလက်ပိုက်ကြည့်နေရတဲ့အဖြစ်မျိုး ...
အချိန်တွေကြာလာလေ နားလည်မှုတွေ တိုးပွားလာလေ ...
ပိုနီးစပ်လာလေ သံယောဇဉ်ကြိုးတွေ ပိုတင်းလာလေ ...
မဖြစ်သင့်တော့ဘူး ဈာန်ရယ် ...
ဒီလိုမပြတ်မသားအခြေအနေမျိုးမှာ ငါ တကယ် မရပ်တည်နိုင်တော့ဘူး ...
မင်းလည်း နာကျင်ရသလို တစ်ဖက်မှာ ငါလည်း ကြေကွဲရတယ် ...
မင်း သူ့ကို ကျော်လို့မရဘူး ...
နှစ်ပေါင်းများစွာ ငါ့နှလုံးသားမျက်နှာပြင်ထက်မှာ အခြေခိုင်ခိုင်ကျောက်ချလာတဲ့သူ့ကို မင်း ဘယ်လိုမှ ကျော်လို့မရဘူး ကလေးရယ် ...
အဲဒါကြောင့်လည်း သူနဲ့ယှဉ်လိုက်ရင် မင်းက ငါ့ရဲ့ပထမဦးစားပေး ဘယ်တော့မှ မဖြစ်နိုင်ဘူး ...
အားနာတယ် ... ကလေး ...
ဒါက မင်းအတွက် ငါ ဖော်ပြနိုင်တဲ့ တစ်ခွန်းတည်းသော စကားပဲ ...
မင်းအချစ်တွေ အကုန်လုံးကို ငါ့ကို ပေးခဲ့တဲ့အတွက် အားနာတယ် ...
အဲဒီအချစ်တွေကို ပြန်မတုံ့ပြန်နိုင်တဲ့အတွက် အားနာတယ် ...
ငါ့အတွက် မင်း လုပ်ပေးခဲ့သမျှ အရာအားလုံးအတွက် အားနာတယ် ...
ငါ မင်းကို တကယ်အားနာတယ် ဈာန်ရယ် ...
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ဖေဖော်ဝါရီလကုန်ခါနီး ည၁၀နာရီခန့်အချိန် ...
နွေရာသီကို ပြန်လည်အစပြုလာပြီဖြစ်သောကြောင့် နဂိုကတည်းကတည်းက ပူပြင်းမှုတွေသာ ကြီးစိုးနေသည့်ရန်ကုန်မြို့မှာ ပို၍ပင် အပူပေါ် အပူဆင့်နေတော့သည်။
အပူဒဏ်ကြောင့် လူက အိပ်တစ်ဝက် နိုးတစ်ဝက် ...
ပြတင်းပေါက်မှ လေတဖြူးဖြူးတိုက်သော်ငြား ထင်သလောက် အရာမရောက်ရှာ။
ထိုစဉ် ...
Phone Ringing …
ဖုန်းသံထမြည်လာသဖြင့် အစကတည်းက အိပ်လို့မရဖြစ်နေသည့်လေးဆက်ရဲ့လက်က ကုတင်ဘေးနားက စားပွဲပေါ်ရှိဖုန်းထံ အလိုလိုရောက်သွားသည်။
“ ဟဲလို ”
ခေါ်ဆိုသူနာမည်ကိုတောင် ကြည့်မနေတော့ဘဲ ပြန်ဖြေလိုက်သည်။
“ ဟေ့ကောင် ! လေးဆက်ရေ ... တကယ့်ကွိုင်အကြီးကြီးတက်နေပြီဟ ... လုံးဝကို မိုးမီးလောင်နေပြီ ”
ကျယ်လောင်လွန်းလှသည့်မြတ်သူရဲ့အသံက လေးဆက်ရဲ့နားစည်ကို အင်မတန်ထိချက်ပြင်းစွာ ရိုက်ခတ်သွားသဖြင့် လူက အိပ်ရာပေါ်မှာ လှဲနေရာကနေ ကုန်းရုန်းထထိုင်လိုက်သည်။
“ ဘာဖြစ်လို့လဲ ”
“ ပြဿနာတွေက တန်းစီနေတာပဲ ဟေ့ကောင်ရေ ... မင်း အခု လိုင်းပေါ်မြန်မြန်တက်ခဲ့လိုက် ... ငါ မင်းကို လင့်ပို့ပေးထားမယ် ... မြန်မြန်လုပ်နော် ... လိုင်းပေါ်မှာ ငါတို့အားလုံး ရှိတယ် ”
မြတ်သူက စကားကို ခပ်သွက်သွက်ပြောပြီး ဖုန်းချသွားလေသည်။ ဘာတစ်ခုကိုမှ နားမလည်လိုက်ဘဲ ကြောင်အစွာ ခပ်ငိုင်ငိုင်ကျန်ရစ်ခဲ့သူကတော့ လေးဆက်ပင်။
အဲဒီနောက် မြတ်သူပြောသည့်အတိုင်း လိုင်းပေါ်တက်ခဲ့လိုက်တော့ လေးဆက်တို့ Group Chat ထဲမှ တန်းစီတက်လာသော မက်ဆေ့ခ်ျများ။ အရင်ဆုံး ထိုစာများကို မဖတ်သေးဘဲ မြတ်သူ နောက်ဆုံးပို့ပေးထားသည့်လင့်ထဲကို ဝင်ကြည့်လိုက်တော့ တွေ့လိုက်ရသည်က
“ ဒါ ... ဒါတွေက ဘာတွေလဲ ... ဘယ်လိုဖြစ်ပြီး ... ဒါတွေက ... ဘာတွေဖြစ်ကုန်တာလဲ ”
လင့်ထဲ ဝင်ဝင်ချင်း တွေ့လိုက်ရသည့်ဓာတ်ပုံတွေကြောင့် လေးဆက် ထိတ်လန့်သွားကာ လက်ထဲရှိဖုန်းက လွတ်ကျလုမတတ်။
ဒီဓာတ်ပုံတွေက ... ဒီဓာတ်ပုံတွေက ကျောင်းမွေးနေ့ပွဲတုန်းက ပုံတွေမဟုတ်လား ...
ဘာဂါအစွန်းနှစ်ဖက်ကို နှစ်ယောက်သား ကိုက်မိနေသည့်ပုံ၊ ဈာန့်ရဲ့ပါးပြင်ပေါ် သူ့လက်ဖဝါးက ရောက်နေပုံ၊ နောက်ဆုံးပုံက သူ့ရဲ့လက်ကောက်ဝတ်ကို ဈာန်က နမ်းရှိုက်နေသည့်ပုံဖြစ်သည်။
ဒီပုံတွေက ဘယ်လိုဖြစ်လို့ လိုင်းပေါ်ပြန့်နေရတာလဲ ...
ခေါင်းထဲမှာ တဝီဝီနှင့် မေးခွန်းတွေက အထပ်လိုက်။
ထိုပုံတွေအောက်မှာ ရေးထားသည့် ရာနှင့်ချီသည့် ကောမန့်တွေကို အကြည့်က အလိုလိုရောက်သွားမိတော့ ရင်ဘတ်ထဲမှာ အောင့်ခနဲ။
“ ဈာန်ရောင်ခက ဘာသဘောလဲ ... ဖောက်ပြန်နေတာလား ”
“ ငါတို့တာရာလေး မသိအောင် သူက နောက်မီးလင်းနေတယ်ပေါ့ ”
“ ဟိုလူက နောက်ကျောပုံပဲ ပါတော့ မျက်နှာသေချာမမြင်ရဘူး ”
“ ဈာန်ရောင်ခက မထင်ရဘူးဟယ် ... ရုပ်လေး ချောသလောက် အကျင့်မကောင်းလိုက်တာ ”
“ အဲဒါကြောင့် လူတစ်ယောက်ကို ရုပ်ရှည်နဲ့ဆုံးဖြတ်လို့မရဘူးလို့ လူကြီးတွေက ပြောကြတာကိုး ”
“ ရုပ်ချောလည်း အကျင့်မကောင်းရင် ဆဲရမှာပဲ ... တာရာလေးမှာ ဘာအပြစ်ရှိလို့လဲ ... ဒီလောက်ထိ ရက်ရက်စက်လုပ်စရာလိုလို့လား ... ခြံခုန်တဲ့ကောင် ... ”
“ နမ်းနေတဲ့ပုံကို ကြည့်စမ်း ... ဈာန်ရောင်ခက လှေနံနှစ်ဖက်နင်းနေတဲ့လူပဲ ... ယုတ်မာလိုက်တာ ”
“ ဟိုလူကလည်းနော် သူများရည်းစားကိုမှ ကြောင်တောင်နှိုက်နေတာ ... အရှက်မရှိဘူးလား ... ဒင်းက တာရာလေးလောက်တောင် အဆင့်ရှိလို့လား ... ဈာန်ရောင်ခ ရုပ်ချော ချမ်းသာမှန်းသိလို့ သက်သက်စနှိုက်ကြော်တာ နေမှာ ... အကျင့်မကောင်းတဲ့ကောင် ... အခုဆို တာရာလေး အရမ်းဝမ်းနည်းနေလောက်ပြီ ”
“ ဟဲ့ ! ဟဲ့ ! အဲ့ဒါ LRC 102 ဈာန်ရောင်ခ ခဏခဏသွားနေတဲ့အင်္ဂလိပ်ဒီပလိုမာတန်းမဟုတ်ဘူးလား ... ဒါဆို အဲ့လူကလည်း အင်္ဂလိပ်ဒီပလိုမာတန်းကပဲပေါ့ ”
“ ဒါဆို ဈာန်ရောင်ခ အဲ့ကို သွားသွားနေတာ ဒီလူကြောင့်ပေါ့ ... မကောင်းတဲ့ကောင် ... ဒင်းလူက ငါတို့တာရာလေးထက် ဘယ်နားက သာနေလို့လဲ ... တာရာလေး စိတ်ညစ်ရသလို သူတို့လည်း ပျော်ရွှင်ရမှာမဟုတ်ဘူး ”
“ ဈာန်ရောင်ခက အယုတ်တမာပဲ ”
ဆိုးရွားသည်ထက် တစတစပိုမိုဆိုးရွားလာသော ကောမန့်များကို ဖတ်နေရင်း လက်က တဆတ်ဆတ်တုန်ရင်လာသည်။
မဟုတ်ဘူးလေ ... ဟင့်အင်း ... အဲ့လိုမဟုတ်ဘူး ...
အခု ဘာတွေဖြစ်ကုန်တာလဲ ...
စိတ်အတွေးတွေက ဘယ်လိုမှလိုက်မမှီအောင် တစစီလွင့်မျောနေကြသည်။ ရင်ထဲက အပူလှိုင်းတွေက ထကြွသောင်းကျန်းနေကြ၍ လူက နေမထိထိုင်မသာ။ နဖူးပြေပြေထက်မှာ ချွေးစလေးတွေ တွဲလဲခိုနေပြီး ဆောက်တည်ရာမရဖြစ်နေခဲ့သည်။
ထိုစဉ် ဖုန်းမြည်လာသဖြင့် ကောက်ကိုင်လိုက်တော့ မြတ်သူဖြစ်နေသည်။
“ လေးဆက် မင်း တွေ့ပြီးပြီလား ”
“ အင်း ”
“ အေးကွာ ... ငါတို့လည်း ဘာပြောရမှန်းမသိတော့ဘူး ... ငါလည်း မေမြတ်ပြောမှ ဒီကိစ္စတွေကို သိတာ ... ဒါ တစ်ယောက်ယောက်လုပ်ကြံတာပဲ ... အဲဒါ ကျောင်းမွေးနေ့ပွဲတုန်းက ပုံတွေမလား ”
“ အင်း ”
“ တစ်ခုတော်သေးတာက မင်းက နောက်ကျောပုံပဲ ပါလို့ ... နို့မို့ဆို ဒီထက် ပိုဆိုးလောက်တယ် ”
သူက နောက်ကျောပုံပဲ ပါလို့ အခြေအနေသိပ်မဆိုးပေမဲ့ ဟိုကလေးကျတော့ရော ...
လူယုတ်မာလို့ နာမည်တပ်ပြီး ပိုးစိုးပက်စက်အပြောခံနေရတာလေ ...
အမြဲတမ်းအမြင့်မှာပဲ နေခဲ့တဲ့ကောင်လေးက ဒီလိုမျိုး လူတိုင်းရဲ့ပါးစပ်ဖျားကနေ အပြစ်တင်တာခံရလိမ့်မယ်လို့ ဘယ်တုန်းကမှ မတွေးမိခဲ့။
အတွေးတွေက လွန်စွာရှုပ်ထွေးလာသဖြင့် မြတ်သူပြောသမျှ ဘာတစ်ခွန်းမှ နားထဲ ရောက်မလာသလို နားလည်းမလည်။ ဖုန်းကို ဘယ်လိုလုပ်ချလိုက်မိမှန်းလည်း မသိတော့။
ငါ ဒီကလေးဆီ ဖုန်းဆက်ရမယ် ... ဟုတ်တယ် ... ဖုန်းဆက်ကြည့်ရမယ် ...
ဖုန်းမျက်နှာပြင်ထက်ဝယ် ပြေးလွှားနေသည့်လက်တို့က အလျင်စလိုနိုင်နေသည်။ သို့သော် ကြားလိုက်ရသည်က ...
“ ယခု ခေါ်ဆိုနေသော ဖုန်းမှာ စက်ပိတ်ထားပါသည် ”
ခြေကုန်လက်ပမ်းကျသွားတာသာ အဖက်တင်ခဲ့သည်။
အရင်ကဆို ဘယ်တုန်းကမှ ဖုန်းစက်မပိတ်တတ်တဲ့ကလေးက အခုကျ ...
ဒီကလေး တကယ်ရော အဆင်ပြေပါ့မလား ...
အရမ်းများ စိတ်ညစ်နေမလား ...
ဝတ္ထုတစ်ပုဒ်ကနေ အစချီလာသည့်အရှုပ်အထွေးတွေက အခုထိ ...
ဒါတွေအကုန်လုံးက ငါ့အပြစ်တွေပဲ ...
ငါ့ကြောင့်ပဲ ... ငါကြောင့်ဖြစ်ရတာ ...
ငါက တကယ့်ကို ပြဿနာကောင်ပဲ ...
အကုန်လုံးကို ပြဿနာတွေတက်အောင် ငါပဲ လုပ်ခဲ့တာ ...
အခုချိန်မှာ အတွင်းစိတ်တစ်ခုလုံးက မွန်းကြပ်လွန်းပြီး ပေါက်ကွဲထွက်တော့မယောင်။ ရင်ဘတ်ထဲ ဆို့နင်နေပြီး သောကဝေဒနာတွေ အဆမတန်ဖိစီးလာရသည်။
ဖုန်းကို ပြန်ကြည့်မိတော့ စက္ကန့်တိုင်း မိနစ်တိုင်းမှာ အဆက်မပြတ်တက်လာသည့် ကောမန့်များ။ အများစုက ဒီကလေးကို အပြစ်တင်ပုတ်ချထားသည်။ တချို့သော မဖြစ်စလောက်ရာခိုင်နှုန်းအနည်းငယ်လောက်ကသာ ဖြည့်တွေးပေးရှာသည်။
တစ်ခုချင်း တက်လာသည့်ကောမန့်များကို ငူငူငိုင်ငိုင်နှင့် ထိုင်ကြည့်နေကာ ကောမန့်တစ်ခုချင်းစီကို အသေးစိတ်လိုက်ဖတ်ကြည့်မိသည်။ သူတို့ရဲ့စကားတစ်ခွန်းချင်းစီကို နှလုံးသားကို ဓားနဲ့ခွင်းသလိုမျိုး။
ဘာလို့များ ... ဘာလို့များ ဒီလောက်ထိ ရက်ရက်စက်စက်ရေးနေကြတာလဲ ... တကယ်ပဲ အဲ့လိုရေးမှဖြစ်မှာလား ...
ဘာလို့များ ထင်ရာ မြင်ရာတွေကို အမှန်တရားပဲဆိုပြီး တဇွတ်ထိုးကောက်ချက်ချလိုက်ရတာလဲ ...
စကားလုံးတွေက ဓားနှင့်တူသည်ဆိုသည့် အချက်ကို သူ အခုမှပင် သေသေချာချာသဘောပေါက်သွားတော့သည်။
စကားလုံးတွေက တကယ့်ကိုချွန်ထက်နေအောင် သွေးထားသည့် ဓားတွေပင်ဖြစ်သည်။ လူတစ်ယောက်ကို သွေးစိမ်းရှင်ရှင်ကျအောင် မသေမချင်း ထိုးစိုက်နိုင်သည်။
ပြစ်တင်ရှုံ့ချဝေဖန်ထားသမျှကို တစ်ခုချင်းစီလိုက်ဖတ်ကြည့်မိနေရင်း မျက်ဝန်းအိမ်ထဲမှာ ငွေ့ရည်ဖွဲ့လာရသည်။
တကယ့်ကို နင့်နင့်သည်းသည်း ...
ထိုစဉ်
Phone Ringing …
မသိသော ဖုန်းနံပါတ်တစ်ခု ...
မသိစိတ်က ဒီဖုန်းကို ကိုင်လိုက်ဆိုပြီး အမိန့်ပေးလာသောကြောင့်
“ ကိုကို ”
မျှော်လင့်နေခဲ့ရတဲ့ ခေါ်သံလေး ...
တင်းထားသမျှစိတ်တွေ အရည်ပျော်ကျသွားသလားမှတ်ရအောင် မျက်ဝန်းအိမ်ကနေ ငွေ့ရည်တွေက ပါးပြင်တစ်လျှောက် ကျဆင်းလာသည်။
“ ကိုကို သတင်းတွေ သိပြီးသွားပြီလား ... ဘာမှမဖြစ်ဘူးနော် ကိုကို ... ဘာမှမဖြစ်ဘူး ... ကိုကို ဘာတစ်ခွန်းမှ အပြောမခံရအောင် ကျွန်တော် လုပ်ပေးမယ် ... ခဏလေးပဲ စောင့် ... ဒီပြဿနာကို ကျွန်တော် ဖြေရှင်းပေးမယ် ... စိတ်မပူနဲ့နော် ကိုကို ”
သူ့အသံကိုကြားလိုက်ရကာမှ ရင်ဘတ်ထဲမှာ ဆို့နင့်နေမှုက တဖြည်းဖြည်းနဲ့ အဆမတန်များပြားလာသည်။
ဒီကလေးက ဘယ်အချိန်ထိ သူ့ကိုယ်သူထက် လေးဆက်ကိုပဲ ပိုဦးစားပေးနေမှာလဲ။ အခုချိန်မှာ ပိုအပြောခံနေရတာ လေးဆက်လား သူကိုယ်တိုင်လားဆိုတာကိုတောင် သေချာသိရဲ့လား။
“ ကိုကို အဆင်ပြေရဲ့လား ”
သူက ကိုယ့်အတွက် စိုးရိမ်ပေးနေလေ ... ကိုယ်က သူ့အတွက် ယူကြုံးမရဖြစ်ရလေ ...
“ ကိုကို ”
သူ ခေါ်နေတာကို သိတယ် ...
ပြန်ဖြေချင်ပေမဲ့ နှုတ်က အာစေးမိထားသလိုပင် ...
“ ကိုကို ”
နှလုံးသားကို ကျောက်တုံးကြီးတစ်တုံးဖိထားသလိုမျိုး ဒီကလေးအတွက် ယူကြုံးမရဖြစ်ရလွန်း၍ ဝမ်းနည်းမှုတွေက တခဲနက်အုံကြွလာသည်။
“ ကိုကို ကျွန်တော် တောင်းပန်ပါတယ် ... ကျွန်တော့်ကို စိတ်မဆိုးပါနဲ့ ”
တောင်းပန်နေပြန်ပြီ ...
ဘာကြောင့်များ တောင်းပန်နေရပြန်တာလဲ ...
မင်းမှာ ဘာအပြစ်မှမရှိဘဲနဲ့ ဘာကြောင့်များ ...
ဒီကလေးကို ဘယ်လိုလုပ်ပေးမှ ကျွတ်တန်းဝင်မှာလဲ ...
ဒီကလေးကို ... ဒီကလေးကို ...
“ ကိုကို ”
“ မင်း ဘာဖြစ်လို့ ငါ့ကို လာဂရုစိုက်နေရတာလဲ ... အခုချိန်မှာ မင်းကိုယ်မင်း ပိုဂရုစိုက်နေသင့်တာ ... အပြောခံရတာ ငါလား မင်းလားဆိုတာ မင်း ကွဲကွဲပြားပြားသိရဲ့လား ဈာန် ”
“ ကိုကို ကျွန်တော်က ... ”
“ ငါ့ကို လာဂရုစိုက်မနေပါနဲ့တော့ ဈာန်ရယ် ... အဲ့အစား မင်းကိုယ်မင်းပဲ သေချာဂရုစိုက်လို့ မရဘူးလား ... ငါ တောင်းဆိုနေတာပါ ”
ရင်တွင်းအုံကြွမှုကြောင့် လေးဆက်ရဲ့အသံလှိုင်းတွေက တုန်ယင်နေသည်။ ဟိုဘက်က ခေတ္တခဏ ငြိမ်သက်သွားပြီးနောက်မှာ
“ ကိုကို အဆင်ပြေမှ ကျွန်တော်လည်း အဆင်ပြေမှာမို့လို့ ”
“ ဈာန်ရယ် ... မင်း ... ”
ဆက်ပြောဖို့ရန်အတွက် စကားလုံးတို့က အင်အားမဲ့နေခဲ့သည်။
ဒီကလေးက ဘယ်လောက်ထိတောင် သူ့ကို ...
“ ကျွန်တော် ဒီတစ်ပတ် နှစ်ပတ်အတွင်း ကိုကို့ကို လာမတွေ့သေးဘူးနော် ... နို့မို့ဆို ပုံထဲက လူက ကိုကိုမှန်း သူတို့ရိပ်မိသွားလိမ့်မယ် ... အခု ကိုကို့မျက်နှာကို သူတို့ မသိသွားတာ အရမ်းကံကောင်းတယ် ... အဲ့လိုမဟုတ်ဘဲ ကျွန်တော့်နေရာမှာ ကိုကိုသာ အပြောခံရရင် ကျွန်တော် တကယ်ရူးသွားလိမ့်မယ် ”
“ ငါ မင်းကို ဖုန်းဆက်သေးတယ် ”
“ ဟိုဖုန်းနံပါတ်အဟောင်းကို လူတွေအများကြီး ဖုန်းဆက်လာလို့ ကျွန်တော် လွှင့်ပစ်လိုက်ပြီ ကိုကို ... ဒါ ကျွန်တော့်ရဲ့ဖုန်းနံပါတ်အသစ်ပဲ ... တကယ်လို့ တစ်ခုခုအရေးအကြောင်းကိစ္စပေါ်လာရင် ဒီဖုန်းကို ဆက်လို့ရတယ် ... အခုတော့ ဟိုဓာတ်ပုံတွေကို ဖြုတ်ချဖို့ ကျွန်တော် စီစဉ်လိုက်ဦးမယ် ”
“ ဈာန် ”
“ ကိုကို ”
“ ငါ့ကို စိတ်ပူမနေဘဲ မင်းကိုယ်မင်း သေချာဂရုစိုက်ပါ ”
“ အင်း ... စိတ်ချပါ ”
တီ ... တီ ... တီ ...
ဖုန်းကျသွားပေမဲ့ စိတ်အမောတို့ကတော့ မပြေသေး။
ဘာတွေ ဘယ်လိုဆက်ဖြစ်လာမလဲဆိုတာ မတွေးရဲတော့။
ကောင်းတာတွေ ဖြစ်လာမလား ဒါမှမဟုတ် ဆိုးတာတွေဖြစ်လာမလားဆိုတာ ဘယ်သူမှလည်း ကြိုတင်သိနိုင်မည်မဟုတ်ပေ။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
“ လေးဆက် မင်း အဆင်ပြေရဲ့လား ”
“ ဟမ် ! ဘာလဲ ”
စာသင်နေတဲ့ထဲ အာရုံစူးစိုက်မှုမရှိဘဲ ငေးငိုင်နေတဲ့ လေးဆက်ကို မြတ်သူက ပခုံးချင်းတိုက်ပြီး မေးလိုက်ခြင်းဖြစ်သည်။
ထိုအခါမှ လေးဆက်လည်း အသိစိတ်ပြန်ဝင်ပြီး ရှေ့ကို ကြည့်မိတော့ တီချယ်က ရှိမနေ။
“ တီချယ် ဘယ်ရောက်သွားလဲ ”
“ အတန်းချိန်ပြီးလို့ ခေါင်းလောင်းတောင် ထိုးသွားပြီလေ ... တီချယ်လည်း ထွက်သွားပြီ ”
“ ဪ ... ”
“ လေးဆက် မင်း တကယ်ရော အဆင်ပြေရဲ့လား ”
မြတ်သူက လေးဆက်ကို စိုးရိမ်တကြီးမေးမြန်းလာသည်။
“ အင်း ... ငါ အဆင်ပြေပါတယ် ... မင်း စိတ်မပူပါနဲ့ ”
စိတ်မပူပါနဲ့လို့ပြောနေသည့် သူငယ်ချင်းဖြစ်သူရဲ့မျက်နှာက ညှိုးနွမ်းနေသဖြင့် မြတ်သူလည်း စိတ်မချမ်းသာလှပါ။ အခုဆို မတ်လတောင် ရောက်နေပြီဖြစ်သည်။ သို့သော် ဟိုတလောကရိုက်ခတ်သွားသည့်ဂယက်က အခုထိ အဆုံးမသတ်သေးပေ။
ဓာတ်ပုံတွေ တင်သည့်မူရင်းလင့်က ပြတ်ကျသွားပြီဖြစ်သော်ငြား ဓာတ်ပုံတွေကတော့ အတော်အတန်ပျံ့နှံ့သွားပြီဖြစ်သည်။ ထို့အပြင် တဆင့်ပြန်တင်ကြသည့်လူတွေကြောင့် ဓာတ်ပုံတွေကို နေရာမရွေးမြင်နေရသည်။
ဘယ်လောက်အာဏာရှိရှိ၊ ဘယ်လောက်ပဲ ချမ်းသာချမ်းသာ လူမှုကွန်ယက်မီဒီယာတွေရဲ့အင်အားကို ကျော်ဖြတ်နိုင်ဖို့ အတန်ငယ်ခက်ခဲကြတာချည်းပင်။
ဘယ်သူကများ ဘယ်လိုရည်ရွယ်ချက်မျိုးနဲ့ ဒီဓာတ်ပုံတွေကို ဖြန့်ရတာလဲ။ ဆိုရှယ်မီဒီယာပေါ်မှာ လူတွေရဲ့စိတ်အာရုံဝင်စားမှုက အများဆုံးသုံးရက်အထိသာ ဂယက်ရိုက်လေ့ရှိပြီး ထိုသုံးရက်ထက် ကျော်လျှင်တော့ မေ့ပျောက်သွားကြတာချည်းပင်ဖြစ်သည်။
သို့သော် ဓာတ်ပုံတွေကို ဖြန့်သည့်လူမှာ ရည်ရွယ်ချက်တစ်ချို့ရှိပုံရ၏။ လေးဆက်နှင့်ဈာန်ရောင်ခတို့အကြောင်းအရာကို လူတွေ မေ့ပျောက်တော့မည်ဆိုလျှင် ပေ့ခ်ျအတု၊ အကောင့်အတုတို့ကနေတဆင့် Topic တစ်ခုခုနှင့် လူတွေ ပြန်စိတ်ဝင်စားလာအောင် လုပ်ယူလေ့ရှိသည့်အတွက် ထိုအဖြစ်အပျက်မှာ ဆယ်ရက်ကျော်သည့်ထိတိုင် လူငယ်တွေရဲ့ပါးစပ်ဖျားမှာ ရေပန်းစားလျက်ရှိနေသလို ဈာန်ရောင်ခမှာလည်း ယခုထိတိုင် အပြောခံနေရဆဲဖြစ်သည်။
မြတ်သူရဲ့ထင်မြင်ချက်အရဆိုလျှင် ထိုလုပ်ကြံသူက လေးဆက်ထက် ဈာန်ရောင်ခကို ပိုဦးတည်ထားလျက်ရှိသည်။ အသစ်ထပ်ထွက်လာသည့် ပုံတိုင်း ပုံတိုင်းမှာ လေးဆက်ရဲ့မျက်နှာကို ဝါးပေးထားပြီး ဈာန်ရောင်ခရဲ့မျက်နှာကိုသာ အတိအလင်းဖော်ပြထားလျက်ရှိသည်။
ဒါက ဈာန်ရောင်ခအပေါ် ထားရှိတဲ့ မကျေနပ်ချက်တချို့ကြောင့်သာ ဖြစ်နိုင်သည်။ သာမန်အတင်းအဖျင်းသမားတွေသာဆို တစ်ယောက်တည်းရဲ့ရုပ်သွင်ကို ဖော်ပြမှာထက် နှစ်ယောက်လုံးရဲ့ရုပ်သွင်ကို ဖော်ပြတာက လူတွေရဲ့စိတ်ဝင်စားမှုကို ပို၍ရနိုင်သည်လေ။ အခုကျတော့ ထိုကဲ့သို့မဟုတ်။
ဈာန်ရောင်ခတစ်ယောက်တည်းကိုပဲ ဦးတည်နေတာ။ ဟိုကောင်လေးကလည်း ဟိုကောင်လေးပဲ။ တစ်ခွန်းတစ်လေမှ ထွက်မရှင်းပြသည့်အပြင် နေမြဲအတိုင်းနေ သွားမြဲအတိုင်းသွားနေဆဲ။ ဘယ်သူ့ကိုမှ မျက်လုံးထဲ ထည့်ထားသည့်ပုံမပေါ်ပေ။
သို့သော်ငြား မကြာခဏလာနေကျဖြစ်သည့် LRC ဘက်ကိုတော့ ထိုနေ့မှစပြီး ခြေတစ်လှမ်းမှ မလှမ်းတော့ချေ။ အထူးသဖြင့် လေးဆက်ရှိနေသည့် LRC 102 ရှေ့ကိုပေါ့။ ထို့အတွက်ကြောင့် သူငယ်ချင်းဖြစ်သူလေးဆက်ခမျာ တစ်နေ့တစ်ခြား တမှိုင်မှိုင်တတွေတွေဖြစ်လာသည်။
စာထဲလည်း စိတ်ပါဝင်စားမှုမရှိတော့သလို အရယ်အပြုံးလည်း နည်းပါးသွားသည်။ သူကိုယ်တိုင် အပြောခံရသော်ငြား သူ့ထက် ဆယ်ဆလောက်ပိုအပြောခံနေရသည့်ကောင်လေးအတွက် ဝမ်းနည်းနေပုံလည်း ပေါ်သည်။
“ ဘယ်သူလုပ်တယ်လို့ မင်း ထင်လဲ လေးဆက် ”
လေးဆက်က မြတ်သူဘက်ကို တစ်ချက်စောင်းငဲ့ကြည့်လာသည်။
“ မသိဘူး ”
“ တာရာလင်း လုပ်တာရော မဖြစ်နိုင်ဘူးလား ... အခုချိန်မှာ အကျိုးအမြတ်အရဆုံးက သူပဲလေ ... လူတွေက သူ့ကို သနားနေကြပြီ ... အဲ့တော့ သူ့ရဲ့ ဖောလိုဝါအင်အားကလည်း ပိုပြီးများသွားပြီလေ ”
လေးဆက် ခေါင်းကို အသာအယာခါရမ်းလိုက်ပြီး
“ မဖြစ်နိုင်ဘူး မြတ်သူ ... တကယ်လို့ အဲဒီဓာတ်ပုံတွေကို ဖြန့်တဲ့လူက တာရာလင်းသာဆိုရင် သူ ငါ့မျက်နှာကို ဝါးပေးစရာအကြောင်းမှ မရှိတာ ... ဟုတ်တယ်မလား ... ငါ့မျက်နှာကို ဖော်လိုက်ရင် အကုန်လုံးဆီက ပြစ်တင်စကားတွေက ငါ့ဆီကို ဦးတည်လာကြမှာ ... အဲ့အချိန်ကျရင် ဈာန့်ကို ပြောကြမဲ့လူတွေက သိပ်ရှိတော့မှာမဟုတ်ဘူးလေ ... ပြီးတော့ တာရာလင်းက ဈာန့်ကို သဘောကျနေတဲ့လူ ... သူ သဘောကျနေတဲ့လူကို တခြားလူတွေ ပြစ်တင်စကားပြောကြမှာကို သူလည်း မလိုချင်လောက်ဘူး ”
“ အင်း ... မင်း ပြောတာလည်း ဟုတ်သားပဲ ”
“ အခုအခြေအနေအရဆိုရင် အဲဒီလူက ဈာန့်ကို အပြစ်တွေအားလုံးကို ခံခိုင်းချင်နေပုံပဲ ... အဲဒါကြောင့် ငါ့မျက်နှာကို တမင်ဝါးပေးထားပြီး လူတွေရဲ့အမုန်းတွေကို ဈာန့်ဆီ လမ်းလွှဲပေးလိုက်တာ ”
“ ဒါဆို ဘယ်သူဖြစ်နိုင်မလဲ ”
“ မပြောတတ်ဘူး ... တက်လာသမျှ ပုံတွေအားလုံးက ကျောင်းမွေးနေ့ပွဲတုန်းက ပုံတွေချည်းပဲ ... အဲဒီနေ့ကပုံတွေမဟုတ်ဘဲ တခြားနေ့တွေတုန်းကပုံတွေသာဆို တရားခံက ငါတို့ကျောင်းကလူပဲလို့ ကောက်ချက်ချလို့ရလောက်တယ် ... ပုံမှန်ဆို ငါတို့ကျောင်းက အပြင်လူလုံးဝဝင်ခွင့်မရှိဘူးလေ ... ဒါပေမဲ့ ကျောင်းမွေးနေ့ပွဲကတော့ ချွင်းချက်တစ်ခုပဲ ... အဲဒီနေ့က ကျောင်းထဲမှာ အသိရှိရင် အပြင်လူတွေကိုပါ ဝင်ခွင့်ပေးထားတာ မင်းလည်း အသိပဲလေ ... အဲ့တော့ အကုန်ရောထွေးကုန်ပြီ ”
“ လေးဆက်ရာ မင်း ပြောမှပဲ ပိုရှုပ်လာသလိုပဲ ... ဒါပေမဲ့လည်း မင်း ပြောသလိုက ဖြစ်နိုင်ချေများတယ် ... အခုအခြေအနေမှာ ဈာန်ရောင်ခက တော်တော်အပြောခံနေရတာ ... ဒီကောင်လေးက မင်းကို ဘာတစ်ခွန်းမှ အထိခိုက်မခံဘဲ အမုန်းစကားတွေ ပြစ်တင်စကားတွေကို သူတစ်ယောက်တည်း ကြိတ်ခံနေတာနော် လေးဆက် ”
မြတ်သူရဲ့စကားကြောင့် လေးဆက် သက်ပြင်းချလိုက်မိသည်။
သူလည်း မျက်စိကန်း၊ နားကန်းနေသည့်လူတစ်ယောက်မှ မဟုတ်တာ ...
ဘာတွေဖြစ်ပျက်နေသလဲဆိုတာကို သူ အကုန်မြင်နေ ကြားနေရတာပဲလေ ...
ဒီကလေး ဘယ်လောက်ထိ ထိခိုက်ခံ၊ အပြောခံနေရလဲဆိုတာကို သူ ရင်နာနာနဲ့ ကြည့်နေရသည်။ အမှန်တော့ သူ တစ်စုံတစ်ခုကို အချိန်အကြာကြီး အထပ်ထပ်အခါခါတွေးတောနေတာဖြစ်သည်။
ကြည့်ရတာ ဒီထက် ပိုပြီးအချိန်ဆွဲနေလို့ မဖြစ်တော့ ...
အချိန်ကြာလာရင် နှစ်ဖက်လုံးက ထိခိုက်ဒဏ်ရာအပြည့်နဲ့ နာကျင်နေရမှာ ...
အဲဒီအစား စောစောစီးစီး အဆုံးသတ်သွားတာ ပိုမကောင်းဘူးလား ...
လေးဆက် စိတ်ပိုင်းဖြတ်လိုက်ကာ မြတ်သူကို တစ်ချက်လှည့်ကြည့်လိုက်ပြီး
“ ငါ ကြံစည်ထားတာ တစ်ခုတော့ ရှိတယ် မြတ်သူ ”
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ပူပြင်းလှသည့် မတ်လ၏ ညနေခင်းဝယ် ...
အတန်းချိန်က ညနေသုံးခွဲမှ ဆင်းသည့်အတွက် ချိန်းထားသည့်အချိန်ထက် လေးဆက် နာရီဝက်နီးပါးလောက် နောက်ကျသွားသည်။ နောက်ကျနေပြီမှန်း သိလိုက်ရသဖြင့် ဘတ်စ်ကားပေါ်မှ ဆင်းပြီးပြီးချင်း ခြေလှမ်းတွေကို အရှိန်တင်လိုက်သည်။
တစ်နေ့လုံး စာသင်ချိန်တွေအပြည့်တက်လာရသည်က တစ်ကြောင်း၊ လူကြပ်နေသည့်ဘတ်စ်ကားပေါ်မှာ တိုးစီးလာရသည့်က တစ်သွယ်၊ ပူပြင်းလှသည့်ရာသီဥတု၏အပူရှိန်ကြောင့်တစ်မျိုးဖြင့် လေးဆက်ရဲ့ပုံက အတော်အတန် နွမ်းဖတ်နေသည်။
Mystery Café & Bakery ထဲကို ဝင်လိုက်ပြီးပြီးချင်း တွေ့ချင်နေသည့်လူကို လှမ်းရှာလိုက်သည်။ ထိုအခါ ထောင့်စွန်းနားမှာ ထိုင်နေသည့်လူက လေးဆက်ကို မြင်သွားသည်ထင်ပါရဲ့။ လက်လှမ်းပြလာသည်။
ထိုအခါမှ လေးဆက်လည်း ထိုသူရှိရာနားသို့ ခပ်သွက်သွက်လျှောက်သွားလိုက်ပြီး မျက်နှာချင်းဆိုင်ထိုင်ခုံမှာ ဝင်ထိုင်လိုက်သည်။
“ ဆောရီး ညီ ... ကိုယ် နောက်ကျသွားတယ် ... အားနာလိုက်တာ ”
ကောင်လေးက သူ့ကို ချစ်စဖွယ်အပြုံးလေးနှင့် စိုက်ကြည့်လာသည်။
“ ရပါတယ် အစ်ကို ... ကျွန်တော်လည်း ခုနလေးတင်ကမှ ရောက်တာ ... အစ်ကို တစ်ခုခုသောက်ဦးမလား ”
“ ရတယ် ညီ ... ကိုယ် သောက်ချင်စိတ်မရှိလို့ ... ”
ကောင်လေးက ခေါင်းတညှိမ့်ညှိမ့်ဖြင့် သူ့ရှေ့ အအေးခွက်ထဲက ရေခဲတုံးလေးတွေကို ဆော့ကစားနေသည်။
“ အဲ့ကိစ္စက ကျွန်တော် လုပ်တာမဟုတ်ဘူး အစ်ကို ”
“ ကိုယ် သိပါတယ် ”
ကောင်လေးက သူ့ကို မော့ကြည့်လာတော့
“ မင်းလည်း သူ့ကို မထိခိုက်စေချင်ဘူးမလား ”
“ အင်း ”
“ မင်း သူ့ကို ချစ်လား တာရာ ”
လေးဆက်ရဲ့မေးခွန်းကို ကြားတော့ တာရာက ရယ်သည်။
“ အခုချိန်မှာတော့ ကိုဈာန့်ကို ကျွန်တော်က သဘောကျနေရုံပါ ... ချစ်တဲ့အဆင့်ထိတော့ မရောက်သေးဘူး ထင်တာပဲ ”
လေးဆက် နည်းနည်းတော့ အံ့ဩသွားရသည်။ အမှန်တော့ တာရာလင်းက ဒီလိုမျိုးဖြေလာလိမ့်မယ်လို့ သူ မမျှော်လင့်ထားမိချေ။
“ ကိုဈာန့်က ဒီလောက် အဘက်ဘက်က ပြည့်စုံနေတာ ကျွန်တော်က သဘောမကျဘဲ ဘယ်နေပါ့မလဲ ဟုတ်တယ်မလား ... ဒါပေမဲ့ ချစ်တယ်လို့ ပြောရလောက်တဲ့အထိတော့ သူ့အပေါ်ထားတဲ့ကျွန်တော့်ရဲ့ခံစားချက်တွေက မနက်ရှိုင်းသေးဘူး ... လက်ရှိခံစားနေရတာကို ပြောတာပါ ... အချိန်ကြာလာရင်တော့ ကျွန်တော်လည်း မပြောတတ်ဘူး ”
တာရာလင်းဆိုသည့်ကောင်လေးက ပွင့်လင်းလွန်းသဖြင့် လေးဆက်လည်း ဘာဆက်ပြောရမယ်မှန်းမသိတော့။ ခဏကြာတော့မှ
“ ဒီနေ့ ကိုယ် မင်းကို ချိန်းလိုက်ရတာ အကူအညီတောင်းစရာလေးတစ်ခုရှိလို့ပါ ”
“ ပြောကြည့်လေ အစ်ကို ”
လေးဆက် အရှေ့ကို နည်းနည်းတိုးလိုက်ပြီး သူ့အကြံအစည်ကို တာရာ့အား ပြောပြလိုက်သည်။
လေးဆက်ရဲ့စကားအဆုံးမှာတော့ တာရာ့ရဲ့မျက်နှာပေါ်မှာ အံ့ဩမှုတွေ မယုံကြည်မှုတွေက တရိပ်ရိပ်ပေါ်ပေါက်လာသည်။
“ အစ်ကို ... အစ်ကို တကယ်ကြီးပြောနေတာလား ”
“ အင်း ... ဟုတ်တယ် ”
“ ရက်စက်လွန်းရာမကျဘူးလား ”
“ ကိုယ် ဒီလိုလုပ်မှ ရမယ် တာရာ ... သူ့ကို ဒီထပ် ပိုပြီးအပြောမခံစေချင်တော့ဘူး ”
တာရာက ဟက်ဟက်ပက်ပက်ရယ်မောနေသည်။
“ အစ်ကိုက ကျွန်တော့်ကို အသုံးချနေတာပဲ ”
“ ကိုယ် မင်းကို အသုံးချမှ ဒီကိစ္စတွေအားလုံး ပြီးဆုံးသွားမှာ ”
“ တကယ်လို့ ကျွန်တော်က အသုံးချခံဘဝနဲ့ မကျေနပ်တော့ရင်ရော ... ကျွန်တော်က ဒီထပ်ပိုပြီး အဆင့်တက်ချင်လာတယ်ဆိုရင်ရော ... ဘယ်တော့မှ လက်မလွှတ်ချင်တော့ဘူးဆိုရင်ရော ... အစ်ကို အဆင်ပြေပါ့မလား ”
လှုပ်ရှားမှုတွေ အကုန်ရပ်ဆိုင်းသွားပြီး ဒီလူ့ရဲ့မျက်ဝန်းထဲမှာ ဆွေးရိပ်ကလေး တစ်စက္ကန့်မျှ ဖြတ်သန်းသွားသည်ကို တာရာ လှမ်းမြင်လိုက်သည်။
ဒီလူက ဟန်ဆောင်ကောင်းလိုက်တာ ...
“ ကိုယ် အဆင်ပြေပါတယ် ... သူသာ ဆန္ဒရှိရင်ပေါ့ ”
“ အစ်ကိုပြောတဲ့အတိုင်း ကူညီပေးဖို့အတွက် ကျွန်တော့်ဘက်က ရင်းရမှာမလွယ်ဘူး ... အထူးသဖြင့် ကိုဈာန့်လိုလူမျိုးကိုပေါ့ ... သူသာ မကျေနပ်ရင် ကျွန်တော် တစ်ခုခုဖြစ်သွားနိုင်တယ် ... ကျွန်တော့်မှာလည်း အင်အားရှိပေမဲ့ ကိုဈာန့်ကိုတော့ မယှဉ်နိုင်ဘူးလေ ”
တာရာ ပြောသမျှ နားထောင်ရင်း လေးဆက် သက်ပြင်းအသာအယာချလိုက်မိသည်။
“ မင်းကို ဘာမှမလုပ်အောင် ကိုယ် သူ့ကို ဖျောင်းဖျပေးပါ့မယ် ”
တာရာ့ရဲ့မျက်နှာမှာ မဲ့ပြုံးတစ်ချက်ဖြစ်ပေါ်လာသည်။
“ ကြည့်ရတာ ကိုဈာန့်က အစ်ကို့ကို တော်တော်ချစ်တဲ့ပုံပဲ ... ဒီလောက်ထိ အပြောခံနေရတာတောင် အစ်ကို့အကြောင်း ဘာတစ်ခွန်းမှထွက်မလာအောင်လျှို့ဝှက်ထားနိုင်တယ်လေ ... ဒါပေမဲ့ ကျွန်တော်ကတော့ အကုန်သိတယ် ... ကိုဈာန်နဲ့ပတ်သတ်နေတာမို့လို့ ... အထူးသဖြင့် အစ်ကိုက ကိုဈာန်နဲ့ ကျွန်တော့်ကို ဝတ္ထုထဲမှာ ပုံဖော်ပေးခဲ့တဲ့လူမို့လို့လေ ... အံ့ဩဖို့တော့ ကောင်းသား ... ဝတ္ထုထဲက ဇာတ်ကောင်က ဝတ္ထုရေးတဲ့သူကို စွဲစွဲလမ်းလမ်းချစ်မိနေတာလေ ... မထူးဆန်းဘူးလား ”
တာရာပြောသမျှ လေးဆက် တိတ်တိတ်လေးပဲ နားထောင်နေမိသည်။
“ ဒါနဲ့ အစ်ကိုရော ကိုဈာန့်အပေါ်မှာ ဘာခံစားချက်မှ မရှိဘူးလား ... အခုလို အကူအညီတောင်းတာကြီးကို နားနဲ့ဆတ်ဆတ်ကြားလိုက်ရတော့ ကျွန်တော် ကိုယ့်နား ကိုယ်တောင် သိပ်မယုံချင်ဘူးဖြစ်သွားတယ် ”
“ ဒီမေးခွန်းကို ကိုယ် မဖြေချင်ဘူး တာရာ ”
လေးဆက်ရဲ့စကားသံတွေမှာ လေးပင်မှုတွေ ပါဝင်နေသည်။
“ ဒါဆိုလည်း ထားပါတော့ ”
“ မင်း ကိုယ့်ကို ကူညီဖို့ဆန္ဒရှိရဲ့လား တာရာ ”
“ မပြောတတ်ဘူး ... အစ်ကိုတောင်းတဲ့ အကူအညီက ကြောက်စရာကောင်းတယ်လို့မထင်ရပေမဲ့ ကူညီဖို့ နည်းနည်းတွန့်ဆိုင်းနေမိတုန်းပဲ ”
“ မင်း ကူညီအောင် ကိုယ့်ဘက်က ဘာလုပ်ပေးရမလဲ ”
“ ကင်းရှင်းအောင် နေပေး အစ်ကို ... ကျွန်တော်က ဘယ်ကိစ္စမဆို ကင်းကင်းရှင်းရှင်းဖြစ်နေမှ သဘောကျတာ ”
“ ကောင်းပြီ တာရာ ... မင်း ပြောတာကို ကိုယ် သဘောတူတယ် ”
လေးဆက် တွန့်ဆုတ်ခြင်းမရှိလဲ ချက်ချင်းဆိုသလို အဖြေပြန်ပေးမိလိုက်သည်။ အဲဒီနောက် နှစ်ယောက်ကြားထဲ တိတ်ဆိတ်မှုတို့က ခဏတာ လွှမ်းမိုးသွားသည်။ အတန်ငယ်ကြာတော့မှ တာရာဆီကနေ အသံထွက်လာသည်။
“ အစ်ကို နောင်တရမှာလား ”
“ အတတ်နိုင်ဆုံးတော့ နောင်တမရအောင် ကိုယ် နေမှာပါ ”
တာရာက လေးဆက်ကို ပြုံးပြီးကြည့်လာသည်။
“ အစ်ကို့ကို သူ ဘာလို့ချစ်လဲဆိုတာ ကျွန်တော် သဘောပေါက်သွားသလိုပဲ ... အစ်ကိုက မထူးဆန်းသလိုလိုနဲ့ တကယ်ထူးဆန်းတယ်သိလား ... ပြောရရင် ကျွန်တော်တောင် အစ်ကို့ကို သဘောကျချင်သွားတယ် ... ခက်တာက အစ်ကို့က ကျွန်တော့် Type ဟုတ်မနေတာပဲ ... နို့မို့ဆို ကျွန်တော် ကိုဈာန့်ကို ပစ်ပြီး အစ်ကို့ဆီ ခုန်ကူးလာလိုက်မှာ ”
လေးဆက် ဘာတစ်ခွန်းမှမပြောဘဲ နွမ်းလျနေသည့် အပြုံးတစ်ခုဖြင့်သာ ပြန်တုံ့ပြန်လိုက်သည်။
“ ဘယ်နေ့စကြမလဲ အစ်ကို ”
“ ကျောင်းသင်္ကြန်နေ့ ”
2:00 P.M
24.1.2021 ( Sunday )