ကားဟွန်းတီးသံတွေ၊ ခရီးဆောင်အိတ်ကိုင်ဆောင်ထားတဲ့လူတွေ၊ ဈေးသည်တွေ၊ တက္ကစီသမားတွေ အော်ဟစ်ဆူညံနေသည့် နေရာအတွင်း လေးဆက်တစ်ကိုယ်တည်း ရောက်ရှိနေခဲ့သည်။ သူ ဟိုကြည့် ဒီကြည့်လုပ်ကာ လူ လိုက်ရှာနေတုန်း
" ကိုကြီးရေ ... မြတ်တို့က ဒီမှာ ... "
လူကို အရင်မမြင်ရ၊ အသံကို အရင်ကြားရသည့်ပန်းမြတ်ရိပ်သွင်ရယ်ပါ။ သူ လှည့်ကြည့်လိုက်တော့ အဝါနုရောင်ဂါဝန်ဖားဖားလေးဝတ်ထားသည့် မြတ်ကလေးက ရှေ့အတိ ဆံပင်အုပ်အုပ်လေးနှင့် အင်မတန်မှချစ်စရာကောင်းနေသည်။
မြတ်ကလေးက ထုံးစံအတိုင်း ကံကော်ပန်းတစ်ပွင့်ကို နားနောက်မှာ ကလစ်လေးနဲ့ထိုးပြီး ညပ်ထားတဲ့ပုံလေးက မသိရင် အရွယ်ရောက်နေတဲ့ လုံမပျိုလေးတစ်ယောက်ဟန်။ ဒါက ဘွားနဲ့အနေများလို့ မြတ်ကလေးထံ တဖြည်းဖြည်းကူးစက်လာတဲ့အကျင့်လေးပေါ့။
ဘွားက ပန်းတွေကို အရမ်းသဘောကျသည်။ ဘယ်လိုပန်းမျိုးကိုမဆိုပေါ့။ မြေပြင်ပေါ်မှာ ပေါက်နေသည့် အပင်လေးတွေကိုလည်း ဘွားက သဘောကျတာပဲ။ အရိပ်ရတဲ့သစ်ပင်ကြီးတွေကိုဆိုရင်လည်း သဘောကျရှာသည်။ လယ်ကွင်းပြင်စိမ်းစိမ်းမှာ နေရာအနှံ့ပေါက်ရောက်နေသည့် စပါးပင်တွေကြားမှာလည်း ဘွားက သူ့အသက်အရွယ်နှင့်မလိုက် လျှောက်သွားချင်သေးသည်။
မြစ်ချောင်းအင်းအိုင်တွေ၊ တောင်စဉ်တောင်တန်းတွေ၊ မနက်တိုင်းထွက်ပြီး ညနေတိုင်းဝင်လေ့ရှိသည့်နေမင်းကြီး၊ ညအခါ လူသားတွေကို အလင်းရောင်လွှမ်းခြုံပြီး အဖော်ပြုပေးတတ်သည့်လမင်းကြီး၊ ထိုလမင်းကြီးနောက်မှာ တိတ်တခိုးပုန်းကွယ်နေတတ်သည့် မှိန်ဖျဖျကြယ်လေးတွေ၊ ခပ်ပြေပြေတိုက်ခတ်တတ်သည့် လေပြည်အေး၊ ကြမ်းတမ်းစွာ ရွာသွန်းတတ်သည့်မိုးရေစက်တွေ၊ ပူပြင်းမှုတွေ ပေးစွမ်းနိုင်သည့် နေရောင်ခြည်အစရှိသဖြင့် သဘာဝတရားကြီးရဲ့လှပမှုတစ်ခုချင်းစီတိုင်းကို လေးဆက်တို့ငယ်ငယ်လေးကတည်းက ဘွားက စီကာပတ်ကုံးပြောပြတတ်သည်။
ဘွားကိုယ်တိုင်လည်း သဘာဝတရားကြီးကို ချစ်မြတ်နိုးသူပီပီ သူ့ရဲ့တူ၊ တူမတွေ၊ မြေးတွေကိုလည်း သူ့လိုပဲ သဘာဝတရားကြီးကို လေးစားတတ်အောင် သင်ပေးထားသည်။ ဒါက လေးဆက်အတွက် ဘွားဆီက ရခဲ့ဖူးသည့်အကောင်းဆုံးသောဆုလာဒ်တစ်ခုပါပဲ။
လေးဆက်အနား အပြေးလေးရောက်လာသည့် မြတ်ကလေးရဲ့ကိုယ်လေးကို ပွေ့ချီလိုက်ပြီး ပါးဖောင်းဖောင်းအိအိလေးကို တစ်ဝကြီးနမ်းရှိုက်လိုက်သည်။ အရင်တုန်းက အမြဲတမ်းပွေ့ချီနေကျ မြတ်ကလေးကိုတောင် လေးဆက် သိပ်မချီနိုင်တော့ပါလား။ သူပဲ အသက်ကြီးလာတာလား။ ဒါမှမဟုတ် ဒီကလေးမကပဲ အိမ်မှာ စားလိုက်သောက်လိုက်လုပ်နေလို့ ထွားလာတာလား။
မြတ်ကလေးကို မြေပြင်ပေါ်ပြန်ချပေးလိုက်တော့ သူက အောက်မဆင်းချင်ဟန်ဖြင့် လေးဆက်ကို ကုတ်ကပ်တွယ်ဖက်ထားသောကြောင့် လေးဆက်မှာ ပြန်ပွေ့ချီထားရသည်။ မြတ်ကလေးက လေးဆက်ရဲ့ပခုံးပေါ် သူ့ခေါင်းလေး မှေးတင်ပြီး သူ့လက်သေးသေးလေးနှစ်ဖက်နဲ့ လေးဆက်ရဲ့လည်ပင်းကို ဖက်တွယ်ထားသည်။ အသက်ပဲ ကိုးနှစ်ရှိနေပြီ။ ပန်းမြတ်ရိပ်သွင်ကတော့ အခုထိ ကလေးဆန်ချင်တုန်း။ လေးဆက် မြတ်ကလေးအကြောင်းကိုတွေးမိတော့ နှုတ်ခမ်းထောင့်စွန်းလေးတို့က အပေါ်ဘက်သို့ကော့တက်သွားသည်။
" မြတ်ကလေး ... ဘွားတို့ရော ... "
မြတ်ကလေးကလွဲလို့ တခြားလူရိပ်လူယောင်မတွေ့သေးသဖြင့် လေးဆက်မေးလိုက်တော့မှ မြတ်ကလေးက ရှေ့ကို လှည့်လာကာ
" ဘွားတို့က ပစ္စည်းယူနေလို့ နောက်မှာ ကျန်နေခဲ့တာ ... မြတ်က ကိုကြီးကို တွေ့လိုက်လို့ ပြေးလာတာ ... ကိုကြီးကို အရမ်းသတိရနေတာ ... ကိုကြီးက ဒီတစ်ခေါက် ရွာကိုလည်းပြန်မလာဘူး ... မြတ်ကိုလည်း လာမတွေ့ဘူး ... မြို့ပေါ်မှာ ကောင်မလေးချောချောလေးတွေကို တွေ့ပြီး မြတ်ကိုကျ မေ့နေတယ်ပေါ့ ... ကိုကြီး ရွာကို ပြန်မလာတာ ဘယ်လောက်ကြာနေပြီလဲ ... တစ်ယောက်တည်းရှိတဲ့ မြတ်ကိုကျ ရွာမှာ ပစ်ထားတယ် ... ကိုကြီးကို မချစ်ဝောာ့ဘူး ... ဟွန့် ... "
လေးဆက်မှာ ညီမငယ်ရဲ့ချစ်စဖွယ်အဆက်မပြတ်ရန်တွေ့စကားကြောင့် သူ့ပါးလေးကို ဖွဖွလေးလိမ်ဆွဲလိုက်ပြီး
" ကိုကြီးက မြတ်ကလေးကို သတိရတာပေါ့ကွာ ... ဒီတစ်ခေါက်က ဒီပလိုမာဝင်ခွင့်စာမေးပွဲဖြေနေရလို့ ကိုကြီး ရွာကိုပြန်မလာဖြစ်တာပါ မြတ်ကလေးရယ် ... ကိုကြီးမှာ ညီမဆိုလို့ ဒီတစ်ယောက်တည်းရှိတာ ... မေ့ပါဆိုရင်တောင်မှ ကိုကြီးက ဒီညီမလေးကို မမေ့နိုင်ပါဘူးဗျာ ဟုတ်ပြီလား "
လေးဆက်ရဲ့နှစ်သိမ့်အချိုသပ်စကားတွေကလည်း အခုချိန်မှာ သိပ်အသုံးမဝင်တော့ဘူးထင်ပါရဲ့။ မြတ်ကလေးက နှုတ်ခမ်းလေးကို ဆူလိုက်ပြီး သူ မကျေနပ်သေးကြောင်း အသိပေးလာသည်။
" မြေးရေ ... သွင်ကလေး "
" ဘွား "
ဘွားကိုမြင်လိုက်ရသဖြင့် လေးဆက် ဝမ်းသာသွားကာ ပွေ့ချီထားသည့် မြတ်ကလေးအား အောက်ခဏချလိုက်ပြီး ဘွားကို ပြေးဖက်လိုက်သည်။ ဒီဘွားအေဖြစ်သူရဲ့နံ့သာဖြူနံ့သင်းသင်းပျံ့ပျံ့လေးကို သူ ဘယ်လောက်တောင်လွမ်းဆွတ်ခဲ့ရလဲဆိုတာ သူ ကိုယ်တိုင်သာ သိသည်။
ဘွားကို ပွေ့ဖက်ထားရင်း လွမ်းဆွတ်ရသည့် နံ့သာဖြူနံ့လေးကို တစ်ဝကြီးရှူရှိုက်ကာ ဘွားရဲ့ကိုယ်လုံးသေးသေးလေးကို ကျစ်ကျစ်ပါအောင် ဖက်ထားမိသည်။ လေးဆက်ရဲ့တစ်ခုတည်းသော အေးမြသည့်နားခိုရာ။
" အေး ... အေး ... ကိုလေးဆက်ရိပ်သွင် ... ရှင်လေး ကျုပ်ကို မေ့နေလိုက် ... တကယ်တည်းမှပဲ ... ဘွားအေဖြစ်သူကို တွေ့တာနဲ့ အဒေါ်လုပ်သူကို သတိတောင်မရတော့ဘူး ... ကျုပ်မှာတော့ သူစားဖို့ တစ်နေကုန် ချက်ပြုတ်ကြော်လှော်လာလိုက်ရတာ "
တီနှင်း၏ မြည်တွန်တောက်တီးသံက သူ့ဘေးကနေ တရဆက်ထွက်ပေါ်လာသဖြင့် လေးဆက်လည်း ပြုံးစိစိနှင့်
" တီနှင်းကလည်း ... "
ဘွားအေဖြစ်သူကို ဖက်ထားရာမှ အဒေါ်ဖြစ်သူအား ပြောင်းဖက်လိုက်ပြီး တီနှင်းရဲ့ပါးပြင်ပေါ်ရှိသနပ်ခါးမွှေးကြူကြူအား ဖိနမ်းပစ်လိုက်သည်။ တီနှင်းက သူ့သနပ်ခါးတွေ ပျက်ကုန်တော့ လေးဆက်ရဲ့လက်မောင်းကို ဖတ်ခနဲဖြတ်ရိုက်လိုက်ကာ
" အမလေး ! ကျုပ်သနပ်ခါးတွေတော့ ကုန်ပါပြီ ကိုလေးဆက်ရယ် ... အခုကျမှ အသည်းအသန်လာဖြစ်နေတယ် ... ဟင်း ... "
တီနှင်း၏မျက်စောင်းနုနုအား လေးဆက် မသိချင်ယောင်ဆောင်ကာ ဘွားနှင့် တီနှင်းတို့ လက်ထဲရှိအထုတ်အပိုးတွေအား ကူသယ်ပေးလိုက်သည်။
" လာ ... ဘွား ... ကျွန်တော်တို့ အရှေ့ကျမှ တက္ကစီငှားပြီး အိမ်ကို သွားမယ်နော် "
" အေး ... အေး ... ရတယ် ... သွင်ကလေး.မြေးတစ်ယောက်တည်းသယ်နေရတာ အဆင်ပြေရဲ့လား ... မနိုင်ရင် ဘွားတို့ကို ပေး ... "
" ရပါတယ် ဘွားရဲ့ ... ဒီလောက်လေးကတော့ ကျွန်တော် သယ်နိုင်ပါတယ် "
ဘွားအေဖြစ်သူအား လှည့်ပြောရင်း လက်နှစ်ဖက်လုံးတွင်ကိုင်ထားသည့်အထုတ်အပိုးများကိုလည်း ပြုတ်မကျအောင် ဂရုစိုက်ရသေးသည်။ အရေးထဲ လေးဆက်အား သိပ်အမြင်မကြည်သေးသည့် တီနှင်းကလည်း ကြုံတုန်း ဝင်ဖဲ့သွားသေးသည်။
" ဟုတ်သားပဲ ... ငယ်ငယ်ကလည်း ... သွင်ကလေးက နှင်းတို့အိမ်ရဲ့ တစ်ဦးတည်းသော ယောကျာ်းသားပဲဟာ ... သူ့ကိုပဲ အကုန်သယ်ခိုင်းလိုက် ... နှင်းတို့ကတော့ အေးအေးဆေးဆေးပဲ လမ်းလျှောက်ကြမယ် "
တီနှင်းက သူ့အဒေါ်အငယ်ဖြစ်သည့်ဘွားကို ဟိုးအရင်ကတည်းက ငယ်ငယ်လို့ပဲ ချစ်စနိုးခေါ်နေကျဖြစ်သည်။ သူ့အား ပြောဆိုပြီး ဘွားရဲ့လက်မောင်းကို ပြေးချိတ်ကာ တစ်ဖက်ကလည်း မြတ်ကလေးရဲ့လက်ကို ဆွဲထားသည့်အဒေါ်အပျိုကြီး၏အဖြစ်ကို ကြည့်ရင်း လေးဆက် မသိမသာခိုးရယ်လိုက်မိသည်။ ရှိတာမှ မိသားစုဝင်လေးယောက်ထဲကို လေးဆက်အား တမင်ဂျစ်တိုက်နေသည့် ဒေါ်နှင်းရိပ်ထင်ကတော့ တကယ့်မလွယ်ကြောပါ။
တီနှင်းက ဘွားနှင့် မြတ်ကလေးကိုခေါ်ပြီး ရှေ့ကနေ ကော့တော့ကော့တော့နဲ့ ထွက်သွားတော့ ကျန်ရစ်ခဲ့တဲ့လေးဆက်ကပဲ အထုတ်အပိုးတွေကို ကျောမှာလွယ်ရင်းတစ်မျိုး၊ လက်နှစ်ဖက်က ဆွဲရင်းတစ်ဖုံဖြင့် အနောက်က အပြေးလိုက်ရပြန်သည်။
ပြောလို့ရတာမဟုတ်။ ကလေးဆန်သည့် ဒေါ်နှင်းရိပ်ထင်က သူ့ကို ဂျစ်ချင်ဇောနဲ့ တက္ကစီငှားပြီး ထွက်သွားရင် လေးဆက်က အထုတ်အပိုးတွေနဲ့ တစ်ယောက်တည်း ရွာလည်ပြီး ဒုက္ခများဦးမည်။
လေးဆက်လည်း အထုတ်အပိုးတွေကို ဆွဲကာ ဘွားတို့နောက်ကနေ လမ်းလျှောက်လာတုန်း လျှပ်ခနဲ လှမ်းမြင်လိုက်ရသည်က ဟိုဘက်ခြမ်းမှာ ရပ်ထားတဲ့ကားနက်ပြာလေးတစ်စီး။ အရမ်းရင်းနှီးနေသည့် ကားနက်ပြာလေး။ လှမ်းကြည့်မိတဲ့ အကြည့်တွေကို အလျင်စလို ပြန်ရုတ်သိမ်းလိုက်ရင်း လေးဆက် သက်ပြင်းဖွဖွချမိလိုက်သည်။
မှန်အမည်းတွေ အကုန်အပြည့်တင်ထားပေမဲ့ ကားထဲကလူက သူ့ကို မျက်တောင်တစ်ချက်တောင်မခတ်ဘဲ စိုက်ကြည့်နေမည်မှန်း လေးဆက် အကြားအမြင်ဆရာမဟုတ်ပေမဲ့ တပ်အပ်ပြောနိုင်ပါသည်။
ဒီကောင်လေးက အရမ်းရူးမိုက်လွန်းတာလား တုံးအလွန်းတာလားတော့ မပြောတတ်။ မဖြစ်သင့်တဲ့လူ၊ ဘာမှမပေးနိုင်တဲ့လူဆီက ဘယ်တော့မှမရနိုင်တဲ့ အချစ်တစ်ခုကို ဇွဲနဘဲကြီးကြီးနဲ့ မလျော့တမ်းလိုက်လံတောင်းခံနေသည့် ကောင်လေး။
ဆယ်ရက်ကျော်သွားပြီ။ လေးဆက် ဒီကောင်လေးကို အတွေ့မခံဘဲ ရှောင်ဖယ်နေခဲ့တာ ဆယ်ရက်ကျော်သွားပြီ။ ဒီကောင်လေး လေးဆက်ကို ချစ်စကားဖွင့်ပြောပြီးတဲ့နေ့ကစပြီး လေးဆက် သူနဲ့ အတတ်နိုင်ဆုံး ဝေးဝေးနေဖို့ဆုံးဖြတ်ခဲ့သည်။
အဲဒီနေ့ကတည်းက လေးဆက် အတန်းချိန်တွေသာမကဘဲ နေ့လည်အားလပ်ချိန်တွေမှာပါ အတန်းထဲမှာပဲ နေသည်။ LRC 102 ရှေ့အမြဲလိုလို လာစောင့်နေတတ်သည့်ကောင်လေး၊ တစ်ခါတလေ အတန်းထဲထိဝင်လာပြီး လေးဆက်ရဲ့ဘေးမှာ ဝင်ထိုင်ပြီး ရီဝေဝေမျက်ဝန်းတွေနဲ့ ငေးကြည့်နေတတ်သည့် ကောင်လေးကို လေးဆက် ကိုယ်ပျောက်လူသားတစ် ယောက်လို မမြင်ချင်ယောင်ဆောင်ကာ လျစ်လျူရှုထားနိုင်ခဲ့သည်။
ကျောင်းကနေ အိမ်ကို ပြန်သည့်လမ်းတစ်လျှောက်မှာ ကပ်ပါလာတတ်သည့် ကားနက်ပြာလေးကို လေးဆက် သတိထားမိလာသည်။
မဖြစ်မနေအရေးကိစ္စက လွဲလို့ အိမ်အောက်မဆင်းဖြစ်သည့် လေးဆက်အဖို့ အိမ်နှင့် မျက်နှာချင်းဆိုင် မနီးမဝေးမှာရပ်ထားတတ်သည့် ကားနက်ပြာလေးကို အိမ်ရှေ့ဝရန်တာထွက်ရပ်တိုင်း တွေ့မြင်ရစမြဲ။ တွေ့မိတိုင်းလည်း လေးဆက် စိတ်တွေရှုပ်ထွေးပြီး သက်ပြင်းချရစမြဲ။ ဘာဖြစ်လို့များ ဒီကိစ္စတွေက တဖြည်းဖြည်း သူ့ကို နွယ်ပတ်ရစ်နှောင်လာသလို ခံစားနေရတာပါလိမ့်။
ကားနက်ပြာလေးကို မြင်မိတိုင်း အတွေးထဲမှာ ပေါ်ပေါ်လာတတ်သည့်မျက်နှာလေးတစ်ခုကြောင့် လေးဆက် ခေါင်းခါလိုက်ရင်း အတွေးတွေကို ခါထုတ်ပစ်လိုက်ရသည်။
" ကိုကြီး ... ဒီကိုလာ ... မြတ်ကလေးတို့က ဒီဘက်မှာ ... "
လေးဆက် မမြင်ဘဲကျော်သွားမှာစိုးလို့ အသံစာစာနဲ့ အသည်းအသန်အော်ခေါ်နေတဲ့ ညီမငယ်လေး။ တီနှင်းကတော့ တက္ကစီသမားကို အသေအလဲဈေးဆစ်နေရလို့လားမပြောတတ်။ လေးဆက်ကို အခုထိ လှည့်မကြည့်အားသေးဘဲ အလုပ်တွေရှုပ်နေသည်။
" ရပြီ ... ငယ်ငယ် တက်တော့ ... ရှေ့ဆုံးမှာထိုင်နော် ... ငယ်ငယ် ထိုင်ခုံခါးပတ်လည်း ပတ်ဦး ... တော်ကြာ ဒဏ်ငွေဆောင်နေရဦးမယ် ... မြတ်ကလေး သမီးလည်း ကားပေါ်အရင်တက်နှင့် ... တီနှင်းက သမီးအစ်ကိုကို ကူပြီး အထုတ်တွေ ကားထဲ ထည့်ပေးလိုက်ဦးမယ် "
ပြောလည်းပြော လက်ကလည်း လေးဆက်ကိုင်ထားသည့်အထုတ်အပိုးတွေကို ယူပြီး ကားနောက်ဖုံးထဲ အစီအစဉ်တကျထည့်နေသည့် တီနှင်း။ လေးဆက်ကတော့ ဘာမှ ထပ်ကူပေးစရာမလို။ တီနှင်းတောင်းသမျှ အထုတ်အပိုးတွေကို တစ်ခုချင်းပေးနေရုံမျှ။
လေးဆက် ကားထဲဝင်ထိုင်လိုက်တော့ မြတ်ကလေးက သူ့ပေါင်ပေါ်တက်ထိုင်လာသည်။ လမ်းမကြီးတစ်လျှောက် မြင်သမျှ လက်ညှိုးထိုးရင်း သူသိလိုရာကို အကုန်မေးမြန်းနေတော့သည်။ လေးဆက် သိသမျှ တတ်သမျှ ဗဟုသုတတွေကို အကုန်ထုတ်သုံးပြီး ညီမငယ် မေးသမျှ ရွှီးရွှမ်းလျှောက်ဖြေနေရသည်။
မြတ်ကလေးမှာက ငယ်ငယ်လေးကတည်းက အကျင့်တစ်ခုရှိသည်။ သူက မေးခွန်းတစ်ခုမေးရင် အဲဒီမေးခွန်းကို တစ်ခြားလူက ပြန်ဖြေမှ ကြိုက်သည်။ မသိဘူးလေဆိုသည့်အဖြေမျိုးကို လုံးဝသဘောမကျ။ အနည်းဆုံးတော့ ဒါကတော့ ဒီလိုရှိတယ် သိပ်တော့မသေချာဘူးလို့ ဖြေပေးရသည်။
အဲဒီအတွက် ရွာမှာနေပေမဲ့ စာအရမ်းဖတ်သည့်ညီမလေးကို လေးဆက် သိပ်ညာတာပါတေးလုပ်လို့မရ။ ကိုးနှစ်အရွယ်လေးနဲ့တောင် လူ့အရိပ်အကဲဖမ်းတတ်နေသည့် ပန်းမြတ်ရိပ်သွင်ကို လျော့တွက်လို့မရပေ။ ဒီကလေးမကြောင့် လေးဆက် ချောင်ပိတ်ခံရသည့်အဖြစ်အပျက်တွေကလည်း သက်သေသာဓကအများအပြားရှိခဲ့သည်လေ။
တီနှင်းကတော့ လေးဆက်တို့မောင်နှမ အမေးအဖြေလုပ်နေကြသည်ကို ကြည့်ရင်း ရွာမှာ အိမ်စောင့်ကျန်ခဲ့သည့်လူတွေထံ ဖုန်းဆက်အကြောင်းကြားရသည်။ ရွာမှာ အိမ်စောင့်ကျန်ခဲ့သည့်လူတွေက လေးဆက်တို့ရဲ့မိသားစုဝင်တွေမဟုတ်ပေမဲ့ အင်မတန်မှ ဆွေမျိုးရင်းချာတွေကဲ့သို့ ရင်းနှီးကျွမ်းဝင်နေသည့်လူတွေဖြစ်သည်။
သူ ရွာကို ပြန်သည့်အချိန်တိုင်းလည်း ကြီးကြီးအေးတို့၊ ဦးဦးအောင်တို့က လေးဆက်ကိုဆို လိုလေသေးမရှိ စောင့်ရှောက်ကြပြီး တူသားတစ်ယောက်လိုချစ်ခင်ကြသည်။ ကလေးသူငယ်မရှိသည့်အိမ်ဖြစ်သည့်အတွက် လေးဆက်ရိပ်သွင်နှင့် ပန်းမြတ်ရိပ်သွင်ဆိုသည့်မောင်နှမနှစ်ယောက်က တစ်အိမ်လုံး၏ အချစ်တော်ဆည်းလည်းလေးတွေပင်။
ငယ်ငယ်ရွယ်ရွယ်နှင့် မိဘနှစ်ပါးလုံးမရှိတော့သည့် ကလေးနှစ်ယောက်ကို ဘွားနှင့် တီနှင်းတို့ကလည်း အသနားပိုကာ ချစ်ခင်အလိုလိုက်ခဲ့ကြသည်။ မြတ်ကလေးကိုမွေးပြီး နှစ်နှစ်လောက်အကြာမှာပဲ လေးဆက်တို့ရဲ့မိဘနှစ်ပါးလုံးက ယာဉ်မတော်တဆမှုနှင့် အသက်ဆုံးပါးသွားရတာဖြစ်သည်။ အဲဒါကြောင့် လေးဆက်မှာ သွေးသားရင်းချာမိသားစုဆိုလို့ ဘွားရယ် တီနှင်းရယ် မြတ်ကလေးရယ် သုံးယောက်ပဲ ကျန်ရစ်ခဲ့တော့သည်။
လေးဆက်၏မိခင်ဖြစ်သူ ဒေါ်မြတ်လေးသွင်သည် ဆံပင်ရှည်ရှည် အသားအရည်ဝင်းပပနဲ့အေးဆေးသိမ်မွေ့ကာ ယဉ်စစနှင့် ချောမောလှပသည့်မန္တလေးသူစစ်စစ်ဖြစ်သည်။ မေမေ့၏ဘိုးစဉ်ဘောင်ဆက်မျိုးရိုးမှာ မန္တလေးမှာနေထိုင်ခဲ့ကြသည့်အပြင် ချမ်းသာကြွယ်ဝသည့် အနွယ်တော်ဝင်များဖြစ်ကြသည့်အလျှောက် အလွန်အမင်းမာနခေါင်ခိုက်ကြသည်။ မျိုးရိုးရာဇဝင်ကို လုံးဝအစွန်းအထင်းမခံနိုင်ကြသည့်လူများဖြစ်ကြသည်။
လေးဆက်၏ဖခင်ဖြစ်သူ ဦးမင်းရိပ်ထင်ကတော့ မန္တလေးမြို့မှ အတော်အတန်ကွာဝေးသည့် အင်းကံရွာ၌ မွေးဖွားကြီးပြင်းခဲ့သူဖြစ်သည်။ တောရွာ၌ မွေးဖွားလာခဲ့ရသူဖြစ်သော်ငြား ဆင်းတောင့်ဆင်းရဲနေခဲ့ရသည့်ဘဝမျိုးတော့မဟုတ်ပေ။
အင်းကံရွာသူကြီး၏အကြီးဆုံးမြေးပီပီ အိမ်ကြီးအိမ်ကောင်းမှာ နေထိုင်ပြီး ဘဝကို အခက်အခဲမရှိ ကြီးပြင်းလာခဲ့ရသူဖြစ်သည်။ နောင်လာနောက်သားများအတွက် ဘိုးဘွားများ ချန်ရစ်ထားခဲ့သည့် လယ်ယာများကား အတော်ပင်များပြားလှသဖြင့် ဖေဖေတို့က တောသူဋေးစာရင်းဝင်များဖြစ်ကြသည်။
သို့သော် ဖေဖေက မန္တလေးတက္ကသိုလ်ကနေ မြန်မာစာနှင့် ဘွဲ့ရရှိခဲ့ပြီးနောက် အင်းကံရွာမှ မိဘတွေ၏မျိုးရိုးစဉ်ဆက်စီးပွားရေးဖြစ်သော လယ်ယာစိုက်ပျိုးရေးကို မလုပ်ကိုင်ဘဲ အဒေါ်ငယ်ဖြစ်သူလက်ထဲ အကုန်ပုံအပ်ခဲ့ပြီး သူကတော့ မန္တလေးတက္ကသိုလ်မှာပဲ ဝါသနာပါရာ မြန်မာစာကျူတာဆရာအဖြစ် အလုပ်ဝင်ခဲ့သည်။
ဖေဖေသည် အလုပ်အားလပ်ချိန်တိုင်း အင်းကံရွာသို့ပြန်၍ အဒေါ်ဖြစ်သူဆောင်းရိပ်ထင်နှင့် ညီမဖြစ်သူနှင်းရိပ်ထင်ကို အဖော်ပြုပေးခဲ့သည်။ တစ်ချိန်က အိမ်၏ခိုနားရာအရိပ်ဖြစ်ခဲ့သည့် ဖခင်ဖြစ်သူနှင့် မိခင်ဖြစ်သူတို့မှာ ကွယ်လွန်သွားခဲ့ပြီးဖြစ်သောကြောင့် ကျန်ရစ်ခဲ့သည့်အဒေါ်ဖြစ်သူနှင့် ညီမဖြစ်သူကို ဖေဖေက တတ်စွမ်းသလောက် စောင့်ရှောက်ကာကွယ်ခဲ့သည်။
ဘဝတစ်လျှောက်လုံး အခက်အခဲကြီးကြီးမားမားမရှိခဲ့ဘဲ ပျော်ပျော်ရွှင်ရွှင်နေထိုင်ခဲ့သည့် ဖေဖေက အချစ်နှင့်တွေ့မှ ပြဿနာတွေ တစ်ခုပြီး တစ်ခုဖြစ်ပေါ်လာခဲ့သည်။ မန္တလေးတက္ကသိုလ်မှာ ကျောင်းအတူတူတက်ရင်း သူငယ်ချင်းမိတ်ဆွေအဆင့်မှ ချစ်ကျွမ်းဝင်ခဲ့ကြကာ ချစ်သူအဖြစ်သို့ တက်လှမ်းခဲ့ကြသည့်ဖေဖေနှင့် မေမေတို့အတွက် ချစ်ခရီးလမ်းကား ထင်ထားသလောက်မဖြောင့်ဖြူးခဲ့ပေ။
စေ့စပ်ထားသည့်လူရှိရက်နှင့် ဖေဖေ့တစ်ယောက်တည်းအပေါ်ပဲ မေတ္တာသက်ဝင်ခဲ့သည့် မေမေက နှိုင်းဆလို့မရသည့်အခက်အခဲပေါင်းများစွာနှင့် ရင်ဆိုင်ခဲ့ရသည်။ မျိုးရိုးဂုဏ်မောက်သော မေမေ့ဘက်က အသိုင်းအဝိုင်းက မေမေတို့၏အချစ်ရေးကို လုံးဝသဘောမတူကြဘဲ ဖေဖေ့နှင့်လမ်းခွဲဖို့ အတင်းဖိအားပေးခဲ့သည်။
အထူးသဖြင့် ရွာသားတစ်ယောက်ဖြစ်သည့်အပြင် ကျူတာဆရာတစ်ယောက်ဖြစ်သော ဖေဖေ့ကို မေမေ့ဘက်က မိဘအသိုင်းအဝိုင်းက ပစ်ပစ်ခါခါဖြစ်ကာ လုံးဝလက်မခံခဲ့ကြပေ။ မေမေကတော့ သူ့အသိုင်းအဝိုင်းတစ်ခုလုံးကို ပုန်ကန်ကာ ဖေဖေ့ဘက်ကပဲ မားမားမတ်မတ်ရပ်တည်ခဲ့သည်။
အဲဒီနောက် ဝေဖန်မှုများစွာ၊ တိုက်ခိုက်မှုများစွာကြောင့် မန္တလေးမြို့မှာ ဆက်နေထိုင်ဖို့မဖြစ်နိုင်တော့သည့် ဖေဖေက အမေ့ကို ရန်ကုန်မြို့အထိ မရမကခိုးပြေးလာခဲ့ကာ အဲဒီမြို့မှာပဲ ဘဝသစ်စပြီး အခြေချနေထိုင်ခဲ့လေသည်။
ရန်ကုန်မြို့မှာ တိုက်ခန်းလေးတစ်ခန်းငှားနေပြီး လင်မယားနှစ်ယောက် စားဝတ်နေထိုင်ရေးအတွက် တက်ညီလက်ညီ ဒိုးတူဘောင်ဖက်ကြိုးစားရုန်းကန်ခဲ့ကြသည်။ ချမ်းသာကာ ပြည့်ပြည့်စုံစုံနေရသည့်ဘဝကနေ ဆင်းသက်လာကြသည့် ဖေဖေရော မေမေရောက အချစ်ကြောင့်ဖြစ်ပေါ်လာရသည့် လောကဓံတရားကို တုန်လှုပ်ခြောက်ချားခြင်းမရှိဘဲ ကြံ့ကြံ့ခိုင်ရင်ဆိုင်ခဲ့ကြသည်။
ရန်ကုန်၌ အခြေကျပြီး လအနည်းငယ်အကြာတွင် အဒေါ်ဖြစ်သူနဲ့ ညီမဖြစ်သူအား ကိစ္စအကြောင်းစုံကို စာရေးအကြောင်းကြားလိုက်ပြီးနောက် တူဝတ္တရား၊ အစ်ကိုဝတ္တရားမကျေပွန်ခဲ့သည်ကို မျက်နှာပူအားနာလှသဖြင့် အင်းကံရွာသို့ ဘယ်တော့မှပြန်မသွားတော့ပေ။
ဖေဖေနှင့်မေမေတို့ မန္တလေးမှာဖြစ်ပျက်ခဲ့ကြသည့် ကိစ္စအကြောင်းစုံကို သိလိုက်ရသည့်အခါတွင် ဘွားနှင့် တီနှင်းတို့က ချက်ချင်းဆိုသလိုပင် ရန်ကုန်မြို့ပေါ်အထိတက်လာကာ ဖေဖေနှင့်မေမေကို လာတွေ့ခဲ့ကြသည်။
အဲဒီအချိန်မှာ မေမေ့မှာ လေးဆက်ကို လွယ်ထားသည့်ကိုယ်ဝန်နှစ်လရှိနေပြီဖြစ်သည်။ ဘွားက ဖေဖေတို့အတွက် ယခုလက်ရှိနေနေသည့်တိုက်ခန်းကို ဝယ်ပေးခဲ့ပြီး ဖေဖေတို့ လုပ်ကိုင်စားသောက်ဖို့အတွက်လည်း ရင်းနှီးငွေတွေ ပေးခဲ့သေးသည်။ ထို့အပြင် ဘွားက ဖေဖေတို့ကို ဘာအတွက်ကြောင့်မှ မျက်နှာပူအားနာမနေဘဲ နေမြဲအတိုင်းဆက်နေရန်မှာကြားခဲ့သေးသည်။
မေမေ့ဘက်က ဆွေမျိုးအသိုင်းအဝိုင်းကတော့ သူတို့စကားကို လွန်ဆန်သည့်မေမေ့အား သတင်းစာထဲအမွေဖြတ်ကြေညာပြီး သေခန်းဖြတ်ခဲ့သည်မှာ လေးဆက် ယခုအသက်အရွယ်ထိတိုင်ဖြစ်သည်။ လေးဆက်ကိုမွေးသည့်အချိန်၊ မြတ်ကလေးကိုမွေးသည့်အချိန်၊ မေမေတို့ကွယ်လွယ်သည့်အချိန်မှာတောင် တစ်ကြိမ်လေးမှ လာမတွေ့ကြတဲ့အထိ စိတ်ဓာတ်ပြတ်သားကြသူများဖြစ်သည်။ မေမေကတော့ သူ့ဆွေမျိုးတွေဘက်က လုပ်ရပ်အတွက် ဖေဖေ့ကိုရော၊ ဖေဖေ့ဘက်ကအသိုင်းအဝိုင်းကိုရော အမြဲတမ်းအားနာကာ စိတ်မကောင်းဖြစ်နေရသည်။
လေးဆက်ကို မွေးခါနီး ဖွားခါနီးအချိန်တွင်လည်း ဘွားနှင့်တီနှင်းက ရန်ကုန်မြို့အထိ တက်လာကာ ကိုယ်ဝန်ဆောင်ဖြစ်သည့်မေမေကို အားပေးကူညီခဲ့ကြသည်။ လေးဆက် တစ်နှစ်သားအရွယ်လောက်ထိ ဘွားနှင့်တီနှင်းက အမြဲလိုလို ရန်ကုန်ကို လာတတ်ကြသည်။
အဲဒီနောက်ပိုင်းမှာတော့ ဖေဖေတို့က ဘွားတို့နှင့် အမြဲတမ်း အဆက်အသွယ်ရှိနေခဲ့သည်။ အဲဒါကြောင့် လေးဆက်ကလည်း ဖေဖေတို့ရဲ့အေးချမ်းသည့်အသိုင်းအဝိုင်းလေးထဲမှာပဲ နေပျော်ပြီး မေမေ့ဘက်ကဆွေမျိုးတွေကိုဆို မြင်တောင်မမြင်ချင်သည့်လူဖြစ်သည်။
ဖေဖေက လေးဆက်ငယ်ငယ်လေးကတည်းက တစ်နှစ်ကို သုံးလေးခါလောက် အင်းကံရွာဆီ အလည်ခေါ်သွားတတ်သည်။ ကျောင်းတက်ရသည့်အရွယ်ရောက်လာပြန်တော့လည်း နွေရာသီကျောင်းသုံးလပိတ်ရက်တို့ ဒီဇင်ဘာကျောင်းပိတ်ရက်တို့တွင် လေးဆက်က ဖေဖေတို့မပါလည်း တစ်ကိုယ်တည်းရွာကိုပြန်ကာ ရွာမှာပဲ ဘွားတို့နှင့် အချိန်ကုန်ဆုံးလေ့ရှိသည်။
ရွာကို ပြန်ရသည့်အချိန်ဆို လေးဆက်က အရမ်းပျော်ရွှင်နေတတ်သည်။ ရွာပြန်ရောက်ရင် တစ်အိမ်လုံးက လေးဆက်ကို အလိုလိုက်ကြသည်လေ။ ထို့အပြင် လေးဆက်စီးချင်သည့် နွားလှည်းကြီးနှင့် ရွာကိုးရွာအနှံ့ ဦးဦးအောင်က လိုက်ပို့ပေးတတ်သလို ကြီးကြီးအေးကလည်း လေးဆက် စားချင်သမျှကို မညီးမညူချက်ကျွေးလေသည်။
ဒီဇင်ဘာညဘက်တွေဆို ဆောင်တော်ကူးပန်းတွေဝေနေအောင်ပွင့်တတ်သော အပင်နားရှိ ကွပ်ပျစ်ကြီးပေါ်တွင် ဘွားပြောပြသမျှ ရှေးမြန်မာပုံပြင်တွေကို လေးဆက် စိတ်ဝင်တစားနားထောင်လေ့ရှိသည်။
လေပြည်အဝှေ့တွင် သင်းပျံ့လာသော ဆောင်တော်ကူးပန်းနံ့လေးကို လေးဆက် ရှူရှိုက်ရင်း ကွပ်ပျစ်ကြီးပေါ်တွင် အိပ်ပျော်သွားတတ်သည့်ညခင်းတွေလည်း မနည်းလှပေ။ သို့သော် ဆောင်တော်ကူးပန်းသည် နိုဝင်ဘာ၊ ဒီဇင်ဘာလများတွင်သာ ပွင့်တတ်သောပန်းအမျိုးအစားဖြစ်သဖြင့် နွေရာသီကျောင်းပိတ်ရက်များတွင်တော့ ဆောင်တော်ကူးပန်းရနံ့ကို ရနိုင်မည်မဟုတ်ပေ။
လေးဆက်တို့နေသည့် အင်းကံရွာအပါအဝင် ရွာကြီးကိုးရွာမှာ အစဉ်လိုက်တည်ရှိနေကြသဖြင့် လူခြေမပြတ်ဘဲ စည်ကားသိုက်မြိုက်လျက်ရှိပြီး တောရွာများ၏အငွေ့အသက်များလည်း မပျောက်ပြယ်သွားဘဲ လွှမ်းခြုံထားလျက်ရှိနေဆဲပင်ဖြစ်သည်။
လေးဆက်၏ပျော်ရွှင်စရာကောင်းသောအမှတ်တရများထဲတွင် အင်းကံရွာ၌ ကုန်ဆုံးခဲ့ရသည့် နွေရာသီကျောင်းပိတ်ရက်၊ ဒီဇင်ဘာကျောင်းပိတ်ရက်များလည်း အပါအဝင်ဖြစ်သည်။
လေးဆက်ကိုမွေးပြီး ဆယ့်သုံးနှစ်အကြာတွင် မေမေက လေးဆက်အတွက် ညီမလေးတစ်ယောက်ကို ထပ်မံမွေးဖွားပေးခဲ့ပြန်သည်။
လေးဆက်က မေမေရဲ့ဖြူဝင်းသည့်အသားအရည်ကို အမွေဆက်ခံထားပြီး မြတ်ကလေးကတော့ ဖအေတူသမီးပီသစွာ ညိုစိမ့်စိမ့်အသားအရည်ဖြစ်သည်။ သို့သော် ရုပ်ရည်မှာတော့ လေးဆက်က အဖေ့ဘက်က အမျိုးတွေနှင့် သွားတူနေပြီး မြတ်ကလေးကတော့ အမေ့ဘက်က အမျိုးတွေနှင့် သွားတူနေသည်။ ပြောရလျှင်တော့ လေးဆက်နှင့် မြတ်ကလေးသည် မိဘနှစ်ပါး၏အမွေကို ညီညီမျှမျှရရှိထားခြင်းဖြစ်သည်။
မိဘတွေနှင့် နှစ်နှစ်လောက်ပဲ အတူတူနေခွင့်ရခဲ့သည့် မြတ်ကလေးသည် အလွန်သနားစရာကောင်းသည်။ နှစ်နှစ်အရွယ်ကလေးတစ်ယောက်ဟာ မိဘတွေနှင့်ပတ်သတ်သည့်အမှတ်တရတွေကို သေသေချာချာမှတ်မိနိုင်ဖို့ဆိုတာ ဖြစ်နိုင်ခြေသိပ်မရှိ။ ဖေဖေနှင့် မေမေတို့ကို သေချာမမှတ်မိသည့်မြတ်ကလေးအတွက်တော့ မိဘနှစ်ပါး၏ဓာတ်ပုံကသာ အထောက်အပံ့ကောင်းတစ်ခုအနေနဲ့ဖြစ်ခဲ့ရသည်။
မိဘနှစ်ပါးလုံးဆုံးပါးသွားတော့ ဘွားတို့က အင်းကံရွာကိုလိုက်ခဲ့ပြီး ရွာမှာပဲ ကျောင်းဆက်တက်ဖို့ခေါ်ပေမဲ့ လေးဆက်ကတော့ အကြောင်းအရင်းတစ်ခုကြောင့် ရန်ကုန်မှာပဲ မရမကဆက်နေခဲ့သည်။ အသက်၁၅နှစ်အရွယ် မြေးလူပျိုပေါက်ကို ရန်ကုန်မှာ တစ်ယောက်တည်းထားရစ်ခဲ့ဖို့ ဘွားနှင့်တီနှင်းက ဘယ်လိုနည်းနဲ့မှ စိတ်မချပေ။
သို့သော် အရမ်းခေါင်းမာသည့်လေးဆက်ကို ဘယ်လိုမှပြောမရသည့်အဆုံး ဘွားတို့လည်း သူ့ကို အစစအရာရာဂရုစိုက်ဖို့ မှာကြားပြီး နှစ်နှစ်သမီးအရွယ် ညီမလေးကို ခေါ် ကာ ရွာသို့ပြန်သွားခဲ့ကြသည်။
အဲဒီနောက်ပိုင်းမှာတော့ သုံးလေးလနေရင် တစ်ကြိမ်လောက် ဘွားနဲ့ တီနှင်းတို့က ညီမလေးကို ခေါ်ပြီး လေးဆက်ဆီ အလည်လာကာ စားဝတ်နေရေး အဆင်ပြေမပြေလာကြည့်သည်မှာ လေးဆက် အသက်ဆယ့်ရှစ်နှစ်အထိပင်။ လေးဆက်ကတော့ ဘွားတို့ တစ်လတစ်ကြိမ်ပို့ပေးသည့်ပိုက်ဆံပမာဏတောင် သုံးလို့မကုန်။
အသက်ဆယ့်ရှစ်နှစ်နောက်ပိုင်းမှာတော့ လေးဆက်ကို အရွယ်ရောက်လာပြီဟုသတ်မှတ်လိုက်၍လား မပြောတတ်။ ဘွားတို့ နည်းနည်းအလာကျဲသွားသည်။ တစ်နှစ်မှ တစ်ခါလောက်သာ လာကြည့်နိုင်တော့သည်။ ဘွားကလည်း တဖြည်းဖြည်းအသက်အရွယ်ရလာသဖြင့် သိပ်ဝေးဝေးလံလံတွေ သိပ်မသွားနိုင်တော့။
ညီမလေးကလည်း တဖြည်းဖြည်းအရွယ်ရောက်လာသဖြင့် တီနှင်းမှာ အဒေါ်ဖြစ်သူနှင့် တူမဖြစ်သူကြား အပတ်မလည်အောင် အမြဲဗျာများနေလျက်ရှိသည်။ လေးဆက်ကတော့ ကျောင်းနှစ်လပိတ်ချိန်တိုင်း ရွာကို အမြဲပြန်နေကျဖြစ်သည်။
မိဘတွေမရှိတော့ပေမဲ့ အေးမြသည့်အရိပ်ကိုပေးစွမ်းနိုင်သည့် အဘွားနှင့်အဒေါ်ဖြစ်သူတို့၏အကာအကွယ်အောက်မှာ နေရတာ လေးဆက် တကယ်ပင်ပျော်ရွှင်ပါသည်။ သူ့ရဲ့ဘယ်သောအခါမှ စွန့်ပစ်လို့မရတဲ့၊ ဖြတ်ပစ်လို့မရတဲ့ နှောင်ကြိုးလေးတွေပေါ့။
" ရပြီ ကားဆရာ ... အဲ့တိုက်ရှေ့နားလေးမှာပဲ ရပ်လိုက်တော့ "
ကားရပ်လိုက်သည်နှင့် တီနှင်းက ကားနောက်ခန်းထဲက ရှိသမျှအထုတ်အပိုးတွေ အကုန်ထုတ်၊ လေးဆက်လက်ထဲ အကုန်အပ်ထားခဲ့ပြီး ဘွားကို လက်တစ်ဖက်ကတွဲကာ တိုက်ခန်းပေါ် တက်သွားလေသည်။ ချစ်ညီမလေးကလည်း လေးဆက်ကို ကူသယ်ပေးမည်မရှိ။ သူ့မုန့်ထုတ်အိတ် သူ သယ်ကာ တီနှင်းနောက်ကနေ ပြေးတက်သွားလေသည်။
အေး ... အခန်းသော့က သူ့ဆီမှာ ... အခန်းသော့မပါဘဲ တီနှင်း အခန်းတံခါးကို ဘယ်လိုဖွင့်ဝင်မလဲဆိုတာကို စောင့်ကြည့်ဦးမည်ဟု လေးဆက် စိတ်ထဲ တေးထားလိုက်သည်။ လေးဆက် အထုတ်အပိုးတွေကို မနိုင်မနင်းသယ်ရင်း အခန်းရှေ့ရောက်တော့ ထင်ထားသည့်အတွေးအမြင်က တခြားစီဖြစ်နေမှန်း သဘောပေါက်သွားသည်။
သံပန်းတံခါးရော၊ တံခါးမကြီးပါ ပွင့်ဟလျက်ရှိနေပြီး လေးဆက်အလာကို ကြိုဆိုနေသယောင်ယောင်။
အေးပေါ့လေ ... တခြားလူမှ မဟုတ်တာ ... ဒေါ်နှင်းရိပ်ထင်ပဲဟာ ...
တီနှင်းတို့ဆီမှာ သူ့ရဲ့တိုက်ခန်းသော့အပိုရှိနေမှန်း လေးဆက် လုံးဝမေ့လျော့သွားတာဖြစ်သည်။
" အထုတ်အပိုးတွေ ဒီမှာချထားလိုက်နော် ရိပ်ကလေး ... ငယ်ငယ် မောနေလား ... ရေသောက်မလား "
ဆိုဖာပေါ်မှာထိုင်နေသည့် ဘွားက ခေါင်းညိမ့်ပြတော့ တီနှင်းက မီးဖိုချောင်ထဲ ဝင်သွားပြီး ရေခဲသေတ္တာထဲက သိပ်မအေးသည့် ရေတစ်ဘူးကိုထုတ်ကာ ဖန်ခွက်နှစ်ခွက်ကိုပါ ယူရင်း အိမ်ရှေ့သို့ပြန်ထွက်လာသည်။
" ရော့ ငယ်ငယ် ... ရေက နည်းနည်းတော့ အေးတယ် ... မြတ်ကလေး ... ရော့ ... ဒါက သမီးအတွက် ... သောက်လိုက်ဦး "
တီနှင်းက ရေထည့်ထားသည့်ဖန်ခွက်နှစ်ခွက်ကို ဘွားနှင့် မြတ်ကလေးလက်ထဲ သေချာထည့်ပေးသည်။ အထုတ်အပိုးတွေ အကုန်သယ်လာပေးရသည့် သူ့ကိုကျ ဘာမှမတိုက်သဖြင့် လေးဆက် တီနှင်းကို နည်းနည်းစိတ်ကောက်ချင်သွားသည်။
" တီနှင်း ... သားအတွက်ရော ... "
လေးဆက်က သူ အရွယ်ရောက်ပြီးကတည်းက ဘွားတို့ တီနှင်းတို့နှင့် စကားပြောလျှင် ပုံမှန်ဆို သူ့ကိုယ်သူ " ကျွန်တော် " လို့ သုံးနှုန်းတတ်ပေမဲ့ အိမ်ကလူတွေကို စိတ်တို စိတ်ကောက်နေသည့်အချိန်ဆိုလျှင်တော့ ငယ်ရွယ်စဉ်ကလေးဘဝက သုံးနေကျဖြစ်သည့် " သား " ဆိုသည့်နာမ်စားက အလိုလိုထွက်လာတတ်သည်။
တီနှင်းက ပြုံးရယ်ချင်နေသည့်မျက်နှာကို အတင်းထိန်းချုပ်ထားကာ လေးဆက်ကို လှည့်ကြည့်လိုက်ပြီး
" အလိုတော် ... ဒါ ရှင့်တိုက်ခန်းပဲဟာ ... ကိုယ့်ဟာကိုယ် ထသောက်ပါလား ... ကလေးလည်းမဟုတ်ဘူး ... အသက်ကဖြင့် နှစ်ဆယ်ကျော်နေပြီ ... ကျုပ်က ရှင် ရေသောက်ဖို့ကအစ လိုက်လုပ်ပေးနေရမှာလား ... ဘယ်လိုကလေးလည်း မသိဘူး "
တီနှင်းရဲ့မချေမငံ့စကားကြောင့် လေးဆက်လည်း မကျေမနပ်ဖြစ်သွားကာ ထိုင်နေရာမှထလိုက်သည်။ အဲဒီနောက် မီးဖိုချောင်မှ ဖန်ခွက်တစ်ခွက်ကို သွားယူလိုက်ပြီး ဘွားဘေးနားမှာ ကပ်ထိုင်လိုက်သည်။ ဖန်ခွက်ထဲ ရေထည့်ကာ တစ်ကျိုက်တည်းမော့သောက်ပြီးသွားတော့မှ ဘွားရဲ့ပျော့တွဲ့နေတဲ့လက်မောင်းသားပေါ် သူ့ခေါင်းလေးမှီတင်လိုက်ရင်း
" ဘွား "
ဘွားက လေးဆက်ရဲ့ခေါင်းလေးကို အရေခွံတွေတွန့်နေပြီဖြစ်တဲ့ သူ့လက်လေးနဲ့ခပ်ဖွဖွပွတ်သပ်ပေးရင်း
" မြေး ... ပြောလေ ... ဘွားကို ဘာပြောမလို့လဲ "
" ဘွားတူမက သားကို အနိုင်ကျင့်နေတယ် ... သားက ကားဂိတ်ဝင်းမှာလည်း အထုတ်အပိုးတွေ သယ်ပေးရတယ် ... အိမ်ကိုရောက်ပြန်တော့လည်း ငါးလွှာအထိ အထုတ်တွေအကုန်သယ်လာပေးရတယ် ... အဲ့ဒါကိုတောင် ဘွားတူမက သားကို ရေခပ်မတိုက်ဘူးသိလား ... သားကတော့ ဘွားတူမ ခိုင်းသမျှ အကုန်လုပ်ပေးလိုက်ရတာ ... သားကိုကျ ဘွားတူမက ရေလေးတိုက်ဖို့တောင် မသဒ္ဓါချင်ဘူး ... အဲဒါ ဘွားတူမကို ဆုံးမပေးဦး "
" ဪ ... မြေးရယ် ... "
လေးဆက်ရဲ့တိုင်တန်းသံကြောင့် ဘွားထံမှ ရယ်သံခပ်လွင်လွင်လေး ပျံ့လွင့်လာသလို အထုတ်အပိုးတွေထဲက ပစ္စည်းတွေထုတ်ရင်း စီမံနေသည့်တီနှင်းထံမှလည်း ကြိတ်ရယ်သံတွေ ထွက်ပေါ်လာသည်။ မြတ်ကလေးကိုတော့ တီဗီမှလာသည့် Documentary ဇာတ်လမ်းတစ်ပုဒ်ဖွင့်ပြပေးထားသဖြင့် သူက လူကြီးတွေ၏စကားဝိုင်းထဲ စိတ်ပါဝင်စားမှုမရှိချေ။
" အောင်မယ် ! ကိုလေးဆက် ... ရှင်က ကျုပ်ကို တိုင်တယ်ပေါ့ဟုတ်လား ... ငယ်ငယ်က ကျုပ်အဒေါ်နော် ...ရှင် တိုင်လိုက်တိုင်း ငယ်ငယ်က ကျုပ်ကိုဆူလိမ့်မယ်လို့ထင်နေရင်တော့ ဆောရီးပဲ ကိုလေးဆက်ရေ "
" ဘွားကလည်း သားအဘွားပဲလေ "
" ငယ်ငယ်က ရှင့်အဘွားဆိုတော့ ကျုပ်ကရော ရှင့်ရဲ့ဘာလဲ "
" တီနှင်းကတော့ သားရဲ့အချစ်ဆုံး တစ်ဦးတည်းသောဒေါ်လေးလေ "
လေးဆက်လည်း စကားပြောပြီးသည်နှင့် ဘွားဘေးမှ ထကာ တီနှင်းကို နောက်ကျောဘက်ကနေ ပြေးဖက်လိုက်သည်။
" ဟွန့် ! လူလည်လေး ... ရှင်က ကျုပ်ကို ချွဲရကောင်းမှန်းတော့ သိသေးတယ်ပေါ့ "
တီနှင်းက လေးဆက်ရဲ့နှာတံလုံးလုံးလေးကို ဆွဲပြီး ချစ်စနိုးဖြစ်နေသည့်လေသံနှင့်ပြောသည်။ အသက်ဆယ့်ငါးနှစ်ကျော်ကွာသည့် ဒီအဒေါ်နှင့် ဒီတူက သူငယ်ချင်းတွေလို အမြဲတမ်းရန်ဖြစ်လိုက်၊ ပြန်ချစ်လိုက်ဖြစ်နေကြသည်မှာ သိပ်တော့မထူးဆန်း။
တစ်ပတ်မှာ ၅ရက်လောက်က အမြဲရန်ဖြစ်နေကြသည့် တူအရီးနှစ်ယောက်ကြား ဘွားက ဘယ်တော့မှဝင်မပါဘဲ အမြဲဘေးမဲ့ပေးထားပြီးသားဖြစ်သည်။ ရန်သတ်ရင်းနဲ့ ချစ်ကြသည်ဆိုသည်မှာ လေးဆက်နှင့် တီနှင်းတို့ကြားက ပြယုဒ်တစ်ခုလိုပင်။
3:45 P.M
18.1.2021 ( Monday )