روايه #نزيف_حاد
الحلقة 4
بقلم: رواسي بحرالدين
مرام: ناضت من سريرها وراسها يلف ..... جسمها متكسر .. تشوف للمنظر يلي قدامها فراشها مليان دم الاثار واضحه ع رقبتها تشوف لنفسها و تبكي 💔 خايفه تكون خسرت اغلي شي عندها خايفه تكون خسرت #عذريتها💔❌
لقت كل ملابسها يلي كانت راقده بيهن ملوحه ع الارض تحاول تلبسهن و تستر روحها بسرعه
قفلت باب الدار و هي في حيره من امرها تبي تتذكر شن صار امس ؟؟ تحاول تستوعب شن يلي بيصير اليوم؟
_زهره: دق دق دق....مرام مرام جنك صاحباتك علاش قافلة الباب
مرام: رفعت التلفون شافت الساعه 8:40 ... و بصوت متقطع هي يا خالتي جايه
زهره: تمام
مرام: حولت غطاء السرير و حطاته في كيس في الدولاب تاكدت انه تغطي كل العلامات ع جسمها و تمسح كل نقطة دم .. تنفست بعمق و توكلت ع الله و فتحت الباب
بتول:صباحو ..، مزال مش جاهره!!
مرام: كيف نظت خذتني النوم😅😅
بتول: علاش وجهك مرهق هكي ماال ساهره امس ؟
مرام : متلبكهه...لا غير حاسه جويي اخيييه اليوم
شارده:صباح الخير بنتي هيا هيا بلا هدرزة عدي جهزي روحك البنت تراجي فيك
بتول: خليها ع راحتها يا عمتي مزال فيه وقت
مرام: لا تبيلي شن يجهزني
شارده؛ من انبدري نبي نوضك زهره تقولي خليها ترقد
مرام: في سرها .... الحمدلله ماخشيتي وشفتي المنظر يلي كنت فيه😔💔 و خشت للحمام "يكرم القارئ" نفسيتها صفر بس تكابر و تجامل لو تشوفها ماتقولش بنت صار معاها شي مش مفهوم ليلة امس شي كبير مش صغير شي ممكن سبب في مقتلها و تفرقتها من عيلتها😣💔💔
________________
عماد: ايوه
زهره: نعم
عماد: لما نرد عليك ردي عليا فاهمه
زهره: باهي شن تبي
عماد: جاكتي امس نسيتها عندك اليوم نبي ناخذها
زهره: وين نتلاقي معاك ؟؟
عماد: تي شن وين تتلاقي معايا اليوم حنجي في الليل للاسف بنت اختك ماينشبعش منها
زهره: عماد بدخلني في جحيم معاك مش قتلي ليلة بس ؟؟ شن صار في كلامك ؟؟ كان البنت يصيرلها شي؟
عماد: لعب عويل صغار هو ، نعرف كويس كيف نتعامل معاها مهمتك تمت توا و خلي كل شي عليا
عاوده:-
في الحلقة الثانيه
عماد: حنطلب منك طلب ولازم تنفذية
زهره: شنو؟؟
عماد: يجيبلي مرام بنت اختك
زهره:مرام!!
عماد: ايه عجبتني هلبا ... قعمز ع السرير ، وانتي عارفتني كويس لما يعجبني شي لازم نحصل عليه
زهره: بس كيف نجيبها لك يا عماد انت شن تقول بنت مزال صغيره
عماد: صبي خلاص لما نعطي شريف التلفون ونخبره شن القيتك اديري ماتلومي الا نفسك
زهره:تي غير راجي ... انت تطلب مني في شي مستحيل كيف بنجيبها لك
عماد: توا نسهل عليك ... انا يلي حنجيكم
زهره: شنو
عماد: الليل حنجي انتي حتفتحيلي الباب لما يكون الكل راقد و اتخليني لغرفتها
زهره: ومرام ؟؟ نومها خفيف ولو لمست شعرها منها حتنوض و تلم الناس عليك
عماد؛ تي ماظيرليش روحك غبيه يا زهره وماتفهمي انتي حتنوميها
زهره:شابكه يديها في بعض الخطأ يلي ارتكباته حيكلفها وااااااجد حطها بين قرارين ياما تخسر زواجها ياما تبيع بنت اختها !!
عماد: بصوت عالي جاوبي هيا
زهره: ناضت من سرحانها .... تمام موافقه غير ماتبيعنيش لخوك بس ؟؟
....... و للاسف كانت زهره انانيه لدرجه كبيرة اختارت انها تعالج خطا بخطأ اكبره منه و بدل ماتكفر عن ذنبها حترتكب ذنب اكبر منه و تكون داعمه لشخص مغتصب شخص حيرتكب الفحشاء مع بنت صغير في اول مراحل حياتها ....
عماد: خلاص نراجي في اتصالك ... وحذفلها تلفونها و طلع
زهره: غمضت عيونها ... شن الورطه يلي انتي فيها يا زهره كيف نسيتي الباب مفتوح بس 😣😣💔💔
___________________
نراجعوا للحلقتنا "4"
مرام؛ في الحمام"يكرم القارئ" فاتحه الدوش و تشوف للدم يلي كان نازل منها و تفك في الف تفكير و تفكير دموعها كانن ينزلن عليها اسرع من امية الدوش ... محتاره مش عارفه لمن تشكي او تحكي همها 💔
طلعت لبست و غيرت.. قعمزت ع السرير وهي محتاره شن لازم ادير
مرام: بتول بتول
بتول: كانت مقعمزة مع زهره و شارده ... ناضت فتحت باب دار مرام وخشت
مرام: تعالي
بتول؛ خيره وجهك احمر هكي ؟؟
مرام ؛ مسكت ايدين بتول .... بتول ساعديني راني في ورطه 💔 و دموعها نزلوا
بتول: خيرك بسم الله شن فيه
مرام:تحكي و هي تشهق ..، نضت الصبح نضت ونا نتخايل في حاجات مش مفهومه و مسكت راسها بيديها 💔
بتول:شن تتخايلي مرام ؟؟ بالك كابوس او حلم بس
مرام: لاءءء لاءءء لا نزلت التوب متاعها ... شوفي جسمي كله علامات
بتول:😳😳😳
مرام: و القيت هلبا دم نازل مني 💔💔
بتول: منفجعه،، انتي يابنت شن تدوي... ممكن هذي العاده الشهريه جت قوية
مرام: اين عاده يا بتول يلي بتخلي اثار زي هكي ع جسمي و نا متاكده امس الليل صار معايا شي بس شن مش متذكره 💔💔
بتول؛ اسمعي توا الكل يراجي فينا البسي و نمشوا مع بعض و غدوا نحجزلك مع دكتورة نساء تكشف عليك
مرام: 💔💔... بصوت هااادي تمام 😔 بس ماتخبريش حد
بتول: تمام حبيبتي .. وناضت بتول تساعد في مرام و خشت حتي هي في الحيره هذي .. زعما مرام تعرضت للاغتصاب ؟ بس كيف و امتي ؟؟ و السوال الاهم من يلي بيحاول يغتصبها في نص حوشها ؟ ... موضوع كان اكبر من قدرت بنات في ال17 سنه من عمرهن من تفسيره ..!
