روايه #نزيف_حاد
الحلقة 17
بقلم: رواسي بحرالدين
خليفة: وصل لمكان كان كيف المزرعه كله تريلات و رحته من بعيد تقرف ... ولع فلاش تلفونه لانه ظلام و قعد يدور لين شاف تريله ضيها والع اول ما وصل ..
محمد: خليفة 😨😨
خليفة: نصدم بالمنظر محمد كان مقعمز مع مجموعه شباب اشكالهم ترعش و في يلي كان بمنظر غير مقبول اصلا 💔💔🔞🔞
مروان: صبي قدام خليفة وصلت انت
خليفة: يا حيوانات شن درتوا في خويا و مسك مروان و بدا يضرب فيه
مروان: غير اسمع يا خليفه و قعد يحاول يفك روحه منه
محمد:حذف الوسخ من يده وجا بيهرب
حمزة: سكر الباب
محمد:وقف يشوف لحمزة
حمزة: خليفه وقف مروان هو يلي اتصل و بلغك
خليفة: طلق مروان و هو يشوفله مصدوم ... شن قلت
حمزة: جا لخليفه مروان هو يلي قالي نتصل بيك و نخبرك انه محمد هنا
خليفة: يشوف لمروان مصدوم
مروان: عندك وقت كافي عشان تعتذر بس توا مش وقته وطبطب ع كتفه هيا محمد
محمد: يمسح في خشمه
خليفة: شاف لحمزه اطلعوا لحوش خالي زكريا
حمزة: تمام...... و طلع خليفه في سيارته و حمزة و محمد في سيارة مروان
__________________
في حوش الحاجه شارده :-
حنان و اصالة حاظنين بعض و يبكن ....😭😭
حنان: ديري بالك عليها يا صالة هي ماعندها حد غيرك هي وصيه المرحومه و قعدت امانه في رقبتك ديريها زي بنتك وحافظي عليها
اصالة: مرام بنتي مش زي بنتي و ماتخافي عليها في الحفظ و الصون ❤
مرام.... تبكي بعبرتها و مش قادره تتحمل فراق خالتها جت حظنتها بقوة و كان هذا الوداع بينهم ...
طلعت حنان ركبت مع راجلها و طلع بيها
زهرة: كانت تشوف من بعيد و مش قادره تجي تودع حنان ولا تواسي اصالة و مرام
درسوا الشباب قدام الحوش :-
خليفة:-صحيتوا شباب يلي عليكم درتوه و ياريت الموضوع يقعد بينا
محمد: يشوف لمروان و حمزه خايف
مروان: حط يده ع كتف محمد و غمض عيونه بمعني "أطمن"
خليفة:- شاف لمحمد الحقني ... و خش لحوش خاله
زكريا: مقعمز في المربوعه و اول ما خش خليفه .... خير شن فيه
خليفه: ساكت
زكريا: صلح تقعميزته ... شن فيه مال.... ويشوف لخليفة يلي كان وجهه باين عليه الغصب لابعد درجه ...
_خليفة كان طبعه انه مهما صار يقدر يتحكم في نفسه بس ردت فعله بعدها حتكون قويه اكثر مما تتصور 🔥
محمد: خش للمربوعه و هو خايف وراسه منزله لوطا
خليفه: طول شد من رقبته و وخر بيه للساس
زكريا: استهدي بالله يا زكريا ش فيه
خليفه: عيونه في عيون محمد.... الافندي محمد القيته في تريلات عيت**** و غارق في العفن
زكريا: انصدمد شن تقول ؟؟؟ ماه لتريلات هذين معروفات لشنو !
خليفة: يلي سمعته يا خالي ... وطلق محمد.... عمرك 20 مش صغير عشان نضربك بس معاش نفهمك تطلع في السيارة ولا ترافق اي حد من الشباب يلي ريتهم اليوم معاك حتي حمزة او صدام .... ومعاش فيه رحلات
محمد: بس
زكريا: اسكت انت ردبالك تتكلم
خليفة: مستحيل نغير رايي و اياك ثم اياك نسمع عليك شي وانت تعرفني لما نعصب يا محمد و طلع و خلي خاله يهزب فيه... و مشي للحوش ... خش السلام عليكم
اصالة:- وعليكم السلام
خليفه؛- وين مرام
اصالة:جوا في دارها ... خالتك حنان روحت
خليفه: اي اتصلت بيها
اصالة؛ نحطلكم العشاء غادي معاكم حد ولا نجيبه هنا
خليفه؛ كلا انا حمدلله مانبي غادي محمد و خالي بس
اصالة: تمام ... و مشت للمطبخ
اما خليفة هدرز مع مرام اشوي و طلع
مرام: بعد طلع خليفة رفعت تلفونها و اتصلت ببراء
_______________
مؤيد: تي والله قتلك حاله و خلاص
علاء: كلا مهنة الطب فعلا يمروا عليك جميع الاشكال من الناس
براء: رفع تلفونه ... معليش اشوي ..وناض عنهم مساء الخير
مرام: مساء النور عليك... شخبارك
براء؛بخير حمدلله وانتي
مرام: اهو ماشيه
براء؛ معاكم حد ولا خفت الزحمة
مرام: لا مافيش حد وحتي خالتي روحت💔
براء: يعني توا بتقعدي مع خالتك زهرة بس في الحوش ؟
مرام: لا خالتي اصالة مزال قاعده تبات معانا ماتروحش لحوشها
براء: باهي باه
مرام: شنجوك انت شن داير حس هرجه جنبك
براء: قاعد مع الشباب ياعمري
مرام:رنيت عليك في وقت غلط يعني
براء: اسسسس معاش تعاوديها انا عندي صوتك بالدنيا ومافيها❤
مرام: تحشمت🙈🙈
براء؛ خليك اشوي .... هي شباب تصبحوا ع خير
علاء: تي علاش مستعجل خليك اشوي
براء: عندي شغلك بكرا نتلاقو و غمزلة
علاء: تم تم
مرام: معاك دكتور علاء
براء: ايه وركب في السيارة ... اصبري نركب السماعه
مرام: تمام
براء: بعدت عن الشباب عشان نحكي براحتي ... من انبدري نراجي في مكالمتك
مرام: اممممم شن فيه مال
براء: حكيت مع عمي و قتله نبي نطلب بنت ونبي حد يمشي معايا و هو تكفل بالموضوع
مرام: تحكي جد
براء: زي ماقتلك ... و حتي مرته بناته بيجن يعني من ناحية العيلة كوني هانيه
مرام: حمدلله ❤❤
براء: يستاهل الحمد .... يعني الاسبوع الجاي زي اليوم هذا نجي
مرام: و نا غدوا نحكي مع خالتي اصالة في الموضوع تحكي مع خالي
براء: ميه ميه .... و كملوا هدرزة مع بعض زي اي يوم 💗💗
