روايه "نزيف_حاد
الحلقة 3
بقلم:رواسي بحرالدين 💗
محمد: منو يا مرام
مرام:اءءء ، هذي صاحبه رويده جايه بتوصيني ليها
محمد: فتح الباب
اميرة؛ اهلا ومدت يدها
محمد: تفضلي علاش واقفه فم الباب
مرام: فنصت فيها
اميرة: بارك الله فيك و خشت للحوش
مرام:انصدمت من و قاحت اميرة و خشت وراها
اميرة: مقعمزة و حاطه رجل ع رجل
مرام: قعمزت جنبها
اميرة: شافتلها و ابتسمت
مرام: توا انتي مقعمزة وسط حوشي عارفه شن نقدر ندير فيك ؟؟
اميرة: لو تقدري اديري شي ماخليتني نخش لحوشك اصلا😊
مرام: اوووف فهميني شن تبي مني بس ؟؟ علاش انا من دون البنات!
اميرة: مش انتي الوحيده يلي تخدم معايا و نقولك شوفي يا حلوه سيارتي برا نصيحه نقدر نقنع خوك تمشي معايا ليلة وحده مع شاب جمال و مال و حتقضي احلى ليلة في عمرك و مستحيل حد يعلم
مرام: صبت واشرت ع الباب و بصوت عالي اطلعي برا
شارده؛ خاشه و في يدها سفرة العصير ... مرام عيب يابنتي ضيفة هذي
مرام: هذي مش ضيفة يا امي شارده في البداية كانت توصي فيا لرويده بس توا تبي تقلبني ع رويده
اميرة: تشوف لمرام و مصدومه
شارده:اللطف يابنتي رويده زي بنتنا و نعرفوها عز المعرفه
مرام: كانه قوي من وسط السماء نزلت عليها ... شدت اميرة من يدها و كرتها لبرا
شارده: حاطت السفرة و لحقت مرام .. مرام يابنتي مهما يكون عيب يلي اديري فيه
مرام: طلعتها برا البيت ... مش لعبة انا مش تلعبي بيا ولا تضحكي عليا اليوم طلعتك للشارع و غدوا ندخلك للحبوس و اللعب معايا مش ساهل
اميرة: مصدومة من قوة مرام
مرام: قربعت الباب عليها تلفت لقت محمد في وجها
محمد: شن هذا يا مرام ؟؟
مرام: خشت للحوش و هي قلبها بيطيح و تنفس بقوة
محمد: ادوي
مرام: مش لما جيت انت القيتني بنسكر الباب عليها
محمد: ايه
مرام: البنت هذي متعاركه مع رويده و جايه تفتني بيني و بينها
محمد: به من وين تعرفك هي؟ و شن الفايده؟
مرام:والله بروحي مش فاهمه شي يا محمد وحده قليلة اصل بس توا نسال رويده عليها
محمد :مرة اخري ماتتصرفي من راسك بدون ماتخبرينا مفروض خبرتيني من الاول ماخليتها تحط رجلها في الحوش
مرام؛تلبكت ماعرفت مانقول
شارده: لعيت منو هي
مرام: والله ماني عارفه بس توا نسال رويده و نفهم القصة الاول و نخبرك
شارده؛ تمام
و خشت مرام لغرفتها و خبرت رويده بالقصة يلي الفتها و رويده سايرتها و اخترعوا قصة مع بعض عشان يخبروهم بيها
مرام :به الرقم معاش قلتيلي لمن يكون
رويده: سليمان قالي الرقم بإسم واحد سوداني ولا هو ناجيري بس من عنده الشفره مزال ماعرف
مرام: والله عقلي داخ يارويده الخوف راكبني رغم اني مش دايره غلط بس ناس مايخافوا ربي 💔
__________________
حسن: بنت ستين كلب
اميرة؛طلعتني من نص الحوش يا حسن مش مصدقة اول مرة نشوف بنت تتعامل بالغجريه هذي
حسن: اصلا انتي غبيه يا اميرة كيف تخشي لحوشها كان حكت كل شي خوتها فهميني كيف نرقعها بعدها؟؟
اميرة : توقعتها تخاف بس صدمتني
حسن: مشكلتها صغيره هلبا في العمر كان هذا عرفت كيف نتعامل معاها كويس
اميرة: لازم تعرف يا حسن عماد توا بيجي وانت تعرفه لما يعصب
حسن: ماتزيدي توتريني يا اميرة...
و مر اليوم هذا...
و مر يوم ثاني ... و ثالث ... و عماد ماحكش مع حسن ولا اتصل وحسن و اميرة مستغربين
و مرام تريحت انه معاش وصلها شي منهم
_________________
في اليوم هذا خليفة و محمد طلعوا فجر بدري صلوا و توكلوا و كان محمد فرحان لانه الرحله هذي متوقع يحصل مبلغ احسن حتي من الاول و حيتعرف ع شباب جدد
