الصحاب نعمه كبيره وقت ماهتبقى مظلوم هتلاقيهم بيدافعوا عنك حتى لو انت غلطان ويبررلولك، ويوافقوك على كل قرار هتعمله حتى لو مجنون.
########################
مرت الايام وتجمعنا سويا في منزل جويريه.
جويريه:طيب هتفضلوا ساكتين ولا مستنيني أشد الكلام من لسانكوا.
ميرال:هنقول اي يا جوجو محمد دايما بيبينلي انه مش فارق معاه وانه بيتعامل بلا مباله، وانه قريب جدا من شله البنات المايعه دي.
جويريه:يا حبيبتي يا قلبي انتي متأكده انه بيحبك ومش بيتجاهلك هو مش بيعرف يبين حبه مش اكتر اما البنات دول فأنتي قولتيها انهم مايعين هو عارف ومبيطقش حد فيهم ولو بيضحك معاهم اقسملك انه بيتريق عليهم، وانتي يا رينا.
ريناد:انا ايه.
جويريه:وحياه خالتك متستهبليش زعلانه من مالك لي.
ريناد:ويت بس هو انا من امتى مش زعلانه أو راضيه عنه، بس عارفه يا جوري حاسه ان هو مش بيحبني مش عارفه ليه.
جويريه:الطم ولا اجيب لطامه اي يا بنتي يا بنتي اول مره اشوف بنت تكسر غرور ولد كده انتي دخلتي حياه مالك غيرتيها وغيرتيه هو ومتسمعيش كلام عقلك ده بس، ها يا زوزو قولي.
زينه: زينه معندهاش حاجه جديده وقرفانه ومش طايقه الاخ وعايزه تولع فيه، بقولكوا اي فككوا من كل ده اي رأيكوا نطلع مرسى علم نختفي شويه ونقفل موبيلاتنا ونهدى كده وكل واحده ليها انها تقول لحد واحد بس.
ريناد:اما البت زيزي دي بتقول حكم، اشطا انا هقول لماما.
ميرال:اه وانا كمان هقول لماما.
جويريه:وانا.
زينه:خلاص ماشي وانا هقول لشوشو،بس اهم حاجة نقوم كلنا دلوقتي نحضر شنطتنا وننزل الساعه6الصبح وأهم حاجه ولا عمرو ولا ميدو ولا كريم ولا مالك يعرفوا ان احنا سافرنا.
جويريه:طب ليه الضرب ليه كلنا كده هنتضرب.
ميرال:مش مهم المهم ان احنا نهدى.
ريناد:فكك من كل ده.
زينه:بس ياماما محدش هيعملنا حاجه.
جويريه:طب لما نرجع واتسألنا كنا فين هنقول ايه.
ميرال:ايه يا جوجو هنحور يعني.
زينه:يلا يا قطه انتي وهي قومي جهزوا شنطتكوا.
جويريه:طيب خلاص وهنروح بعربيتي.
ريناد:خلاص اشطا يبقا 6نتحرك مش نكون بنلبس.
زينه:شوشو يا شوشو.
والده زينه:خير يارب قولي عايزه ايه.
زينه:كده يا شوشو انا كنت عايزه اقولك ان احنا هنروح بكرا مرسى علم عشان نقضي يومين سوا كل اللي عايزاه منك ان لو حد سألك قوليله اني عند خالتو ومتعرفيش حاجه عن صحابي، والبنات بردوا اخدوا اذن مامتهم على نفس الحكايه.
والده زينه:اه ده انتي جايه تعرفيني مش تستأذني ماشي ياستي روحوا بس مقولش لعمرو حتى.
زينه:لا لا متقوليش لحد خالص ولا حتى مايا وعبدالله، يلا يا شوشو عشان اجهز حاجتي والصبح هقولك اني ماشيه.
الساعه5صباحا
زينه:صباح الخير يا حلوين انا بلبس اهو وهنزل بس هقول لشوشو اني نازله.
جويريه:خلاص يا زيزو هعدي اخدك اهو ونروح اخد ريناد وميرال.
ريناد:خلاص ماشي اهو وانا لبست وماما كده كده عارفه.
ميرال:خلاص انا هستناكوا انا جهزت اصلا.
زينه:خلاص يلا باي، شوشو صباح الفل يا قمر.
والده زينه:صباح النور يا زوزو خلي بالكوا من نفسكوا.
زينه:خلاص يا شوشو متخافيش احنا كبرنا ياشوشو مبقيناش صغيرين.
والده زينه:ماشي ياختي ربنا يرجعكوا بالسلامه.
جويريه:صباح الحلويات اي يا مزه الحلاوه دي.
زينه:صباح النور يا جوجي يلا قبل مانتفضح من كلامك.
ريناد:اتأخرتوا ليه انشالله.
زينه:معلش اصل كنا بنلف شويه وبنخمس انجزي اركبي انتي هتفضلي واقفه.
ميرال:ايه يا لكاعيه منك ليها اتأخرتوا لي.
جويريه:لا انجزوا مش لسه هتسألي انتي كمان لسه الطريق 7ساعات فانجزوا.
ريناد:طيب يا وليه منك ليها مش هتشغلوا اغاني ولا احنا هنغني يا أيها الراكدون تحت التراب.
زينه:خلاص يارينا اهدي.
وسارت البنات على طريق مرسى علم 7ساعات.
عند الفتيان.
عمرو:انا كلمت زينه موبايلها مقفول وسألت طنط قالتلي متعرفش.
كريم:وانا بردو بتصل بجويريه تليفونها مقفول ليلتها سوده لما اشوفها.
مالك:ياعم اتنيل لما نلاقيهم الأول بس كلمت عمر اخو ريناد قالي هيدور عليهم.
ميدو:ايه هيدور عليهم في أقسام ومستشفيات بقا وكده احيه.
عمرو:اسكتوا والنبي عشان اختفاءهم ده لوحده مصيبه بلاش توتر.
وظل الفتيان يبحثون عن الاربع فتايات ولا يعلموا انهم سافروا ولا يوجد أحد يعلم ما ينتظرهم.
