(عجبا للدنيا تجمعنا ونحن لا نعرف بعضنا، وتفرقنا وقلوبنا متعلقه ببعضها، اوقات بيبقى جوانا كلام مُميت بس للاسف بتفضل أن نكتمه جوانا وده اكبر غلط ممكن يرتكبه اي انسان في حق نفسه يشتكي لاي حد وفي الوقت نفسه حتى لو مع جماد زي البحر دايما البحر مستمع رائع مش هيعارضك على رأيك أو وجهه نظرك ماهما حصل وامواجه بتحمل أسرارك وشكوايك وتبحر بها الي الاعماق🌊🍃)
خرجوا جميعهم من غرفه ميرال على صوت مزعج يخرج من امام غرفه زينة.
شهد:وربي يانادر انت لو مطلعتش من هنا حالا فأنت هتطلع بعد خمس دقايق على قبرك وأنت شكلك عايز ده من جاسر.
نادرببرود :الله هو أنا عملت حاجه ده أنا حتى جاي أقول لزوزو الف سلامه عليها ده انا لسه عارف حتى.
شروق:وحياااااه أمك بأماره أي ياعنيا امشي اطلع بره.
جاسر:يانهار ابوككك اسود انت اي اللي جابك هنا يلا انت هو مش قولتلك لو لمحتك في حته هي فيها هقتلك وادفنك مكانك.
عمرو:نااااادر إنت لو جاي ومفكر انها لوحدها ف انت في ثواني هتلاقي الاوضه دي بالمستشفى كلها مقلوبه وفوق دماغك وتقريبا دي أقل حاجه تتعمل لواحد و** زيك ولو مفكر انك هتخوفها انسى هي اصلا نسياك ونسيت كل حاجه يعني انت لو وقفت قدامها هتبقى بالنسبالها هوا هي مش شايفاه أنا ساكتلك كتير لو لقيتك قربت منها إنت اخرتك هتبقى على أيدي وساعتها هتكون بتتحاسب عند إللي خلقك.
منه بخضه وتنهيده حزن شديد:إحنا مش لاقيين زينة.
مالك:نعممممم يعني أي مش لاقينها.
شهد:دورنا عليها في الاوضه مش موجوده وفي الدور كله مفيش ليها أي اثر.
جاسر:وحياه اميي يانادر لو طلعت انت السبب ورا كل ده لاهدفنك حي ومحدش هيعرفلك طريق.
عمرو:هو انتوا مش واخدين بالكوا منها ليييه هي فاهمه ولا عارفه حاجه انتوا اغبيه.
مصطفى:أهدى أهدى وتعالوا ندور عليها ونشوف كاميرات المراقبه بتاعه المستشفى وهنلاقيها.
وبعد لف طويييل دام لساعات وقفت جويريه شارده لدقائق ومسحت دموعها:جاسر تعالى معايا انا عرفت هي فين ماهما مكانتش فاكره بس إلا ده.
جاسر:طيب تعالي وتعالي ياشهد معانا آنتي كمان وإنتوا كلكوا خليكوا هنا جنب ميرال ولو لقتوها وأي حاجه تحصل تقولولي مش تستنوا لحد ما اجي مش عايز غباء،يلا قدامي انتوا الاتين.
ذهبت جويريه وجاسر وسلمى لأقرب شاطئ للمستشفى وجدوا زينه تجلس أمام البحر وشعرها مفرود على ظهرها وتتنهد وتنظر اليه.
جرت عليها جويريه واحتنضتها:كنت عارفه ماهما أي إللي حصل عمرك ما هتنسي البحر أو تنسي تشكيله.
زينة:أنا كنت خايفه سمعت صوت ناس بتزعق كتير ولقيتهم متجمعين خرجت من غير حِس وطلعت جيت هنا البحر حلو اوي اكيد في ناس بتيجي تشتكيله من مشاكلها.
جويريه:طبعا ده كل ساعه وكل دقيقه بيجي حد يفضل قاعد مع البحر يحكيله مشكلته وممكن البحر يرد عليه بموافقته أو معارضته بشده موجه البحر ده كاتم اسرار ناس كتير ناس وقت ما كانوا بُعاد عن أشخاص بيحبوهم كانوا بيجوا ويشتكوا ويحكوا لحد ما ترجع كل حاجة زي ماكانت اللي زعلان بيسامح بس بيعاتب ويعاقب بس في الاخر بيسامح.
كانت شهد تستمع لكلام جويريه وهي تنظر لجاسر وقد امتلئت عيونها بالدموع:صح ياجوجو اوقات بيبقى في ناس بنحبها بُعاد عننا بعُد مسافات بس في قلوبهم موجودين دائما وفي العقول محفورين مش بس موجودين.
جاسر:طيب يلا عشان هما زمانهم قلقانين هناك.
جويريه:جاسر عايزه بس اقولك على حاجتين أولهم هنعمل اي مع زينة والأستاذ اللي هناك ده.
جاسر:هنخليهم يبدأوا من جديد ولما تفتكر هي هنشوف أن هو اتغير بس عشان هي تبقى معاه اديني جاوبت على اول حاجه اي التانيه.
جويريه:التانيه هي شهد اي معروف ياجاسر انك بتحبها بصاتك ليها اللي موجود فيها شوق وعتاب وزعل وحب ماهما اللي حصل بينكوا.
جاسر:هتتحل ياجوري متقلقيش هتتحل.
