من الدم اللي بيجري في جسمي❤️
تستاهل بكرا تشيل اسمي❤️
انا ليك ياحبيبي وطول عمري انا هفضل ليك❤️
انا عايزك ترتاح ياحبيبي ومتشلش الهم❤️
انا عايزك تعرف أن انت في حياتي اهم❤️
من الدم اللي بيجري في جسمي ❤️
تستاهل بكرا تشيل اسمي ❤️
اللي موجود فيه اسيل وريناد.
اسيل:هنعمل ايه هما ممكن يكون حطوه كده عشان ليهم غرض معين.
ريناد:اكيد لا شكله وقع منهم باينه يابنتي.
اسيل:طب ها هنتصل ب مين.
ريناد:مالك كان معاه رقم بتاعه محدش يعرفه غيري انا وبس هنرن عليه واكيد هيدوروا على مكان اللي الموبيل ده فين ويلاقونا.
وكتبت ريناد الرقم ورنت.
مسكت جوري الموبيل وردت:الوو.
ريناوفي المكاند:جووري انتوا فيين.
جوري نطت من مكانها:رينوو انتي اللي فين احنا سافرنا انتي بتتكلمي ازاي.
ريناد:احنا لقينا موبيلهم وقع عندنا في اوضتي انا وأسيل ده موبيل مالك انتي خدتيه ازاي .
جوري:مالك اللي ادهوني انتي كويسه ياريناد.
ريناد: الحمدلله وحشتوني اوي ياجوري وحشتوني اووي انا عايزه ارجع.
جوري:مالك هيرجعك تاني ياحبيبتي وهنتلم كلنا تاني ربنا مش هيسبنا كده.
ريناد:يااارب....جوري انا هقفل لان حاسه ان في حد هيدخل خلي بالكوا من نفسكوا سلام .
قفلت جوري مع ريناد واتصلت بمالك.
مالك:ايوا ياجوري في حاجه؟ انتوا كويسين؟
جوري:متقلقش..مالك انا كلمت ريناد.
شعر مالك وكان شيء بداخله تزلزل وقال بشوق:كلمتيها ازاي طيب هي كويسه كلمتك ازاي قولي.
جوري:براحه عليا يامالك هي تقريبا اتصلت بالرقم اللي معايا ده لانه بتاعك على أساس أنه معاك وكلمتني تقريبا الفون ده بتاع حد من اللي خطفينها هي واحده اسمها اسيل.
مالك:اه اسيل مرات ادهم...قوليلي الرقم ياجوري عشان نحاول نعرف نوصل لمكانهم.
جوري:الرقم هو..............
اسر:وسع كده ياكابتن مالك عايز اتكلم مع مراتي.....وحشتيني اوي وحشتيني ياجوري.
جوري بصوت مبحوح حاولت أن تداريه:وانت كمان ياقلب جوري هانت اكيد نرجع نتلم تاني ونبقى كويسين انت مش واثق فيا ولا ايه.
يوسف بينهم:خلاص ياباااا عايز اكلم مراتي احنا عرايس جداد يعتبر واهي مسافره بره بعيد عني هات بقى اديني زينة ياجوري.
جوري بتوتر:هه!! زينة...اه زينة...لا ماهو زينة مش موجوده زينة نايمه.
يوسف بشك:جوووري.
جوري بيأس من إخفاء شيء:زينة تعبانه واحنا معاها في المستشفى هي جوا في الاوضه بس لو لقيتها قادره تكلمها.(دي ملحقتش تاخد اول قلم هي صريحه حبتين تلاته😂)
يوسف صمت لمده 5دقايق يستوعب هي قالت ايه:زينة مين اللي تعبت انتوا ازاي اصلا مرنتوش تقولي.
جوري:يوسف هي كويسه الموضوع بسيط وبعدين اللي احنا فيه منسينا يايوسف.....دخلت الغرفه لقيت زينة صاحيه بس قاعده سرحانة.
جوري:امممم لا واضح يايوسف أنها سرحانه ومش مركزه خلاص مش مشكله.
نطت زينة من مكانها:ده يوسف..وسحبت منها الفون يوسف يوسف انت وحشتني اوي يوسف انا عايزه ارجع.
يوسف:ياقلب يوسف وانتي وكمان يازينتي كل حاجه هتبقى كويسه وكل حاجه هترجع احسن من الاول ياحبيبتي.
زينة:إنشاءالله يا احلى بابي في الدنيا.
يوسف:انتي سخنه ولا ايه بابي ايه .
جوري بجانبها:جرا ايه يايوسف انت بتركز في كل حاجه الا دي.
يوسف:ماتقولوا على طول.
اسر:يااااعم بطل غباء ده انا فهمت (ودي الصراحه أسر كان عنده حق فيها هو كان غبي فعلا😂🤭)
يوسف:انتوا كلكوا شاربين من نفس الصنف ولا ايه؟؟
جوري:ماتحترم لسانك ياحلوف انت قال صنف قال ،من الاخر كده وعلى بلاطه يا يوسف انت هتبقى اب كمان كام شهر.(معلش ضغطها بيترفع من الغباء😂)
يوسف:هتهزري وتقلشي( وبص لأسر) ماتشوف مراتك ياعم انت قال زينة حامل قال.
زينة بدهشه وصدمه منه:هي دي بجد رده فعلك بجد يعني.
جوري:حقك عليا ياقلب امك والله حقك عليا انا من البقف ده.
يوسف:ياستي استني انتي بتشتمي على طول دي مقعداني 10 ايام اخوات انتوا بتقولوا ايه.
مالك:يابغل ياحمااار مبتتقالش قدامنا كلنا ياغبي ده انت معندكش دماغ وعقل تفكر ل 5ثواني.
جوري:لا استنى بقى انت يامالك والله يايوسف الكلب مانت مكلمها تاني وانا هخلي جاسر يلملك لسانك ده.
يوسف:يابنتي استن............(كانت قفلت في وشه).
زينة:هو بجد قال كده.
جوري:ده انا هم/رمطلك أمه بس يستنى عليا.
وبعد شويه طلع ليهم جاسر.
جاسر:عامله ايه دلوقتي يازينه.
زينة بنرفزه:بص بص انا مش طايقه نفسي على اخري وانا اللي قولت هفرحه يرد يقولي كده.
جاسر:مين قالك مع مين ازاي مش فاهمممممممم.
جوري:لا ده الحلوف اللي اسمه يوسف لما قولناله انها حامل رد( و راحت وشوشته باللي قاله يوسف).
جاسر بوعيد:هو قال كده امممممم ماشي أما نرجع وانتي اهدي مش هيبقى جنانك وهرمونات الحمل علينا كفايه انتي لوحدك.
جوري:سيبها تطلع غلها من البقف التاني.
ونسيب دول في تركيا لأنهم مجانين دلوقتي بس هنروح لمجانين تانين 🙂😂😂
كانت تقف في البلكونه تلتفت حولها.
فراس بنبره هدوء وبنفس الوقت غاضبه:هو احنا مش منبهين تلاتين أربعين مره محدش يفتح شباك يطلع بلكونه أو يفتح باب أو يطلع على الروف صح ولا لا؟؟؟!
وچد بخوف:صح.
فراس:ولما هو صح رجلك معتبه البلكونه ليه احنا مش عارفين ايه اللي هيحصل بعد كده ولو حد من العيال طلع وراكي.
وچد:باه باه باه باه.
فراس:وچددد بلا باه باه بلا بتاع قدامي على جوا.
وچد:وااه اعملوا ايه اتخنجت اعصابي تعبت خلاااص يافراس بجيت اخاف انام من كتر القلق اللي احنا بجينا عايشين فيه من يوم وليلة جعدنا خمس شهور فرحانين وبيوت كل واحد فيكوا كان بيضجها فرح وبس لحد اليوم المشؤم إياه.
فراس بتعب:عارف بس دي حاجه مش بأيدينا اللي في أيدينا أننا نخلي بالنا منكوا ومن الولاد عشان نعرف نرجع التلاته التانين خوفك وقلقك عليهم مش اقل مننا على فكره بس بنحاول نمشي الدنيا عشان الولاد ميحسوش بخوف ونخليهم يعانوا.
وچد وهي تمسح دموعها:خلاص بكفينا نكد بجالنا يومين طول الليل بنبكي بس.
فراس:والنبي في حد يعيط ويبقى قمر كده .
وچد بكسوف:فراااس اختشي حد يسمعنا.
فراس بغيظ:ما اللي يسمع يسمع هو انا بس اللي بعمل كده ما اي واحد فيهم بيستفرد بمراته كده بردو انتي مراتي والله مش واحده استغفر الله استغفر الله ماشي معاها.
وچد:خلااااص ايه ازازه صودا فارت ف وشي هدي بس هدي.
اقترب منها فراس يحيطها من خصرها وبغمز: انا بجى هجولك سر الفوران.
(وهسكت لحد هنا انا كاتبه محترمه بردو).
وفي الاسفل.
ميزو بزعيق:ماتتنيل تسمع الكلام هو انا بدن في مالطه وبتكلم مع نفسي اتنيل قوم البس وروح الزفت الشركه اللي هتفلس من بعد اليومين دول.
محمد ببرود:ماتروح انت ياحبيبي انا شايفك مجتهد هتقدر تقوم بالمهمة دي انا مش هقدر يلا ميزو من هنا يلا.
ميزو بزعيق اكتر:قوم يالا هتغابى عليك،وبص لميرا ماتقومي جوزك بدل ما أنا أقوم اقتلهولك واقتلك وراه واقتل نفسي وراكوا عشان اتخنقت منكوا خلاااااص.
ميرا:وانا مااااالي يالمبي اهو قدامك اهو اقنعه انت.
محمد:بقى كده بتبعيني ماشي ماشي، بقولك ايه ماتاخد مؤمن معاك انا مليش انا في الكلام ده وبعدين افرض عايزين يغتالوا حد مننا تاني او يخطفوا حد مننا زي ماخطفوا ريناد لا ياحبيبي ميبقاش انا،انا عندي بيتي ومراتي وعيالي.
مؤمن وهو يخرج من المطبخ ويحمل طبق لتقطيع الخضار:اه يا واطي يا بن الواطيه بقى عايز توديني انا وكمان لما يغتالوا حد أو يخطفوا حد واتحط جنب ريناد ياعم اتنيل ده انا لو رحت ريناد هي اللي هتنقذني انا وهي.
ميزو:اتفضل اهو هنفضل كده قاعدين خايفين واختنا مخطوفه وأخواتنا التانين هربانين خوف ليحصلوا ريناد....مشوا الدنيا ونعدي الفتره الجايه على خير عشان اخواتنا يرجعوا لينا تاني ويغور النكد والتوتر ده والأطفال مينفعش يحسوا ويتأثروا باللي بيحصل بلاش استهبال واستهتار بالشغل زي الظروف اللي احنا فيها دي.
شهد:ميزو عنده حق كفايه العك اللي بيحصل متتلككوش بالحوار لان ريناد وعندهم وجوري وزينة هم اللي عايزنهم دي نقطه ضعف كل واحد منهم والأطفال موجودين هنا ومحدش بيطلع منهم برا.
عدي: صح واهو كندا وشروق بقوا على تواصل مع ندا اسيستنت جوري وزينة،اقعد انت ياميزو انهارده انت وفراس وانا ومحمد وسامر ومهيمن هنروح.
وچد:انا بقول عدي صح يلا ريحونا من الدوشه ديي عشان عايزين نرفه عن الولاد شويه ويتفرجوا على الكارتون.
شروق:وحد يكلملنا مالك عايزين نعرف ونطمن على جاسر والبنات ولو عرفوا حاجه عن ريناد ولا لا.
وفي شقه بيتجمع فيها الاربع شباب بخصوص عملهم.
ادهم:خلال كام ساعه الفريق من عندنا في الجهاز هيوصل على تركيا كريم مش هيبقى كفايه أنه يحميهم هناك لازم قوه تبقى هناك خطوه بخطوه.
أسر:تمام لأنهم فعلا هيحاولوا يخلصوا عشان نفضل مركزين على أننا نأمنهم في تركيا وهم من ورا يخلصوا وينجزوا الصفقه.
مالك:يوسف لازم سياده اللواء يعيين قيادات في المينا وشركه المنشاوي نفسه مينفعش مراقبه من بعيد دي صفقه اسلحه ود.ع.ا.ر.ه وممنوعات.
يوسف:ورحمه روح قاسم اللي راحت لاهصفي عيلة المنشاوي واحد واحد .
مالك:الرقم اللي ريناد رنت منه على جوري ملوش بينات وده الطبيعي بس كلها
ادهم:طيب بقولكوا ايه انا هروح البيت عند حماتي اطمن على الولاد واريح شويه واطلع للواء ويلا روحوا انتوا كمان.
أسر:انا بقول كده بردو مش عايزين نحسس العيال بحاجه.
عند اسيل وريناد.
اسيل:بس ياستي وبعد سنتين اتجوزنا يعني من 8 سنين اتعرفنا على بعض وعندنا تميم وتالا وصوفيان.
ريناد:والله يابنتي الحال من بعضه بس احنا ناس كتير اديكي عارفه انا مرات مالك وعندنا رحيم ولانا وأسر وجوري عندهم جواد وخديجة ويوسف وزينة لسه متجوزين من من خمس ولا ست شهور وميرا عندها سليم ويحيي وشهد وجاسر عندهم سيلين وشروق ومهيمن عندهم ليان ومؤمن ورؤى عندهم وتين وسامر و رودينا عندهم ايان ونور وأحمد ومنة عندهم صُهيب وميزو وكِندا عندهم ساندرا وشام وآدم.
اسيل: ماشاء الله انا حضرت فرحك انتي وفرح جوري وفرح زينة بردو وحضرت فرح قاسم وملك بس كنت لسه مخطوبه.
ريناد:مين قاسم وملك ؟.
اسيل: قاسم كان زميل ادهم ويوسف ومالك وأسر بس في عمليات خاصه وهم مخابرات ولما استشهد من 4 سنين ال 4 طلبوا نقل لعمليات خاصه.
ريناد:ربنا يرحمه.......طب بقولك ايه احنا المكان ده طويل عريض تعالي نقوم نحاول نتوضى ونصلي ركعتين بنيه أن نخلص من اللي احنا فيه ده.
وبالفعل ذهبوا للوضوء والصلاه وبعدها جلست كلا منهما تدعو ربها أن ينتهي هذا الكابوس.
اسيل بتساؤل:ريناد انتي مش خايفه منرجعش لحياتنا تاني؟!
ريناد بألم:مين قالك!!انا من جوايا خايفه طبعا ومرعوبه كمان مع اني دايما بحط في دماغي اي حاجه ممكن تحصل انا مش متجوزه طيار دليفري انا متجوزه ظابط بس حتى لو هفضل هنا لحد اخر نفس فيا عمري ماهبيين ليهم اني خايفه وعندي يقين في ربنا أن احنا هنخرج من هنا ممكن نقعد اسبوعين او شهر او اتنين بس ربنا مفيش حاجه بعيده عليه.
تاني يوم في تركيا وبالتحديد في اسطنبول بعد خروج زينة من المستشفى بعد تحسنها.
كريم: استاذ جاسر انا قاعد في الشقه اللي جنبكوا وليلى بتساعدنا بردو قاعده في الشقه اللي قدامكوا هي نزلت المول وجابت كل حاجه تحتاجها انت او مدام جوري او مدام زينة.
جاسر: شكرا ليك ياكريم تعبناك معانا بقالنا يومين في المستشفى.
استأذن كريم لدخول شقته ليتركهم ليستريحوا ودخل جاسر ولكن أوقفه صوت افزعه(نعم هما تلك للمجنونتان جوري وزينة)
جوري:عااااااا ده تحفه ممكن منرجعش ونبعت نجيبهم.
زينة:الفستان حلو اوي فستان البطله التركيه الاصيله في المسلسلات.
جاسر بغيظ:بقولك ايه انتي وهي انا مصدع ومنمتش ومش ناقص جنانكوا ونظر لزينة هو مش انتي لسه خارجه من المستشفى وحامل وانا اللي نفسي افهمه حامل في خمس شهور مخطرش في بالك انك تعبت قبل كده او اي حاجه.
زينة ببساطة:عشان الطب أثبت أن مش شرط لما تبقي الست تبقى حامل تحس انها هترجع و دوخه دايما وبما أن العبد لله عندها فقر دم فا توقعت جدا أن الدوخه دي منها عادي مش حمل ولا حاجه ويوم ما ريناد اتخطفت هي كانت جيالي عشان نروح للدكتور لان وقتها كنت تعبت جامد على غير العاده.
جوري:تاخد بالها ازاي حضرتك دي واحده ضغطها بيوطى لما بتطلع سلم وسوء تغذيه وانيميا طبيعي اول حاجه استبعدناها الحمل.
جاسر:تمام اترزعوا بقى في حته انتوا الاتنين عشان هنام ومش عايز اسمع همس صوت واحده فيكوا!!!!!!.
زينة بأمتعاض:يعني ايه مش هنتفسح.
نظر لها جاسر دون كلام ودخل لغرفته.
زينة:تعالي نصلي ركعتين قضاء حاجه عشان الفتره اللي احنا فيها دي تعدي.
جوري:الا هي ايه صلاه قضاء الحاجه دي يا اوختشييي.
زينة:بصي ياجوجي دي صلاه تُعقد بالنية الحاجه اللي انتي عايزاه عادي اهم حاجه النيه وبتتوضي عادي واول ركعة بعد سوره الفاتحة تقرأي سوره الكافرون وفي الركعه التانيه بعد سوره الفاتحة تقرأي وبعد السجود بنسلم عادي وبعدها نحمد ونشكر ربنا ونظعي ب اللي عايزينه ونقول الصلاة الابراهيميه (اللهم صل وسلم وبارك على سيدنا محمد كما صليت على ابراهيم وبارك على محمد كما باركت على ابراهيم وعلى ال ابراهيم)
وبدأوا الاثنان في الصلاه ومن بعدها الدعاء والتسبيح وقرأه القرآن.
جوري:عارفه من بعد ما صليت وحسيت براحه في قلبي وحاجه بتقولي أن احنا هنخلص من اللي احنا فيه ده كلنا قريب.
زينة:وانا كمان قربنا من ربنا يسرسب الراحة جوانا من غير ما نحس.
في الإسكندرية.
فراس:آنسة ندا اتفضلي البنات جوا.
ندا:ميرسي زينة وجوري كلموكوا أو اطمنتوا عليهم .
شروق:لا ومحدش من التلت بهوات جُم.
نادر:مالك كلمني وقالي أنهم جايين في الطريق.
ميرا:طب ندا هو محمد مشوفتيهوش في الشركه هو قالي أنه هيعدي عليكي يشوف الوضع وكده.
ندا:لا انا اديت باقي اليوم إجازة للموظفين لكن انا مشوفتش محمد لا.
ميرا:امممم...ممكن يكون اتأخر في مشوار قبلها وزمانه راح ومش هيلاقي حد.
شروق وهي تسحبها خلفها:طب معلش هنستأذنكوا وجايين تعالي معايا يا وچد ثانيه.
وچد:اباااه ايه اللي جرا.
شروق:استني انتي...متأكده ياميرا ولا انتي فهمتي غلط.
ميرا:لا مفهمتش غلط هو قالي أن ندا كلمته عشان حصل في الشركه مشكله واهي قدامكوا قالت إن هو اصلا مراحش ومعنى كده أن هي اصلا مكلمتهوش .
وچد بتفكير:انا بجول انك تتصلي بيه وتسأليه واهو تبجي ضمنتي هيجول ايه .
شروق:يلا خدي اتصلي.
وبالفعل اخذت هاتفها للتتصل به.
ميرا:ايوا يا محمد ها ايه الاخبار عندك في الشركه.
محمد:المشكله كبيره اوي هنا ياحبيبتي ف شكلي هطول شويه في حاجه؟!
ميرا بتوهان:ها..لا كنت بطمن بس.
محمد:خلاص ياحبيبتي لما نخلص هاجي خلي بالك من نفسك.
شروق: بصي استهدي بالله كده ونشوف هنعمل ايه.
وچد:لاه طبعا اطلجي منه يابت ومتسكتيش .
شروق:يالهوتاااي ياخليفه خلفاء رضوى الشربيني هم سافروا قولتي تتولي انتي الخلافه لحد مايرجعوا.
ميرا:لا هي عندها حق ياشروق على فكره احنا من ساعه مارجعنا من اسوان بعد فرح وچد وفراس وتصرفاته مش مظبوطه ويرجع متأخر بيتوتر لو عديت من جنبه وهو ماسك الموبيل وتصرفاته ولا كأنه شخص مراهق ده ابنه الصغير واخد باله وانتي عارفه يحيى ودماغه وتفكيره اكبر من سنه وعارف أن أبوه متغير بس وچد عندها حق انهارده بليل لما يرجع كل حاجه هتخلص.
شروق:طب بلاش انهارده استني لما اللي احنا فيه يخلص وجاسر يرجع اعملي كده.
ميرا:اللي عمل كده وهو شايف الظروف اللي احنا فيها ملوش مكان وسطينا .(الله ينكد عليكوا انتوا ناقصين نكد).
و في الاسفل.
اسر:متجمعين عند النبي ان شاء الله.
مروان:انت ولا كأن في حاجه بتحصل واحده مخطوفه ومراتك هربانه.
يوسف بسخريه: سيبه يفك عن نفسه عشان الايام اللي جايه لا فيها راحه ولا براحه.
مالك:بتستظرف يا ظريف يا بن الظريفه ليك عين يا بجح ياعديم الدم.
اسر:عشان تبقوا على درايه على الموضوع زينة حامل يايوسف لما.... كمم يوسف فمه بسرعه
يوسف بهمس له:بس الله يفضحك هتفضح انا والبت ودول ما يصدقوا يمسكوا عليا حاجه انت عارف.
اسر بضحك: خلاص خلاص صعبت عليا.
مالك:مروان خد بالك هحتاجك معانا في العمليه دي ،بكرا هاخدك وافهمك كل حاجه.
مروان بتوتر حاول أن يخفيه:هتحتاجني انا!! انا بضحي بيا... يابا كفايه 3 راحوا هتزحلقوني معاهم انت بتستعبط يامالك.
مالك:انت يا حمار افهم قبل ماتفتح بوقك..مبدأيا احنا ولا صحينا بيهم ولا حاجه احنا بعدناهم عشان محدش يوصلهم وهن هنا ثانيا انت مش هتظهر في الصوره انت شغلك كله هيبقى تبع الفريق اللي هيتبعتلنا من الجهاز عشان الخطه اللي هندرسها للعمليه.
