اسر وجويريه.
قصه اسر وجويريه ابتدت فاجأه دون توقع لاحد من الفردين تماما بعد سفر زينه المشاكل بدأت تزيد بشكل رهيب في حياه جويريه وقررت انها تبقى حره مفيش حاجه مقيداها وقررت تعيش لوحدها وطبعا لاخواتها واصحابها.
فلاااش باك لاول مقابله بينهم.
كانت جويريه بتعمل تجديد وفحص الخاص بعربيتها وكانت مستعجله جدا لان اليوم ده بالنسبالها مهم جدا كان عيد ميلاد جاسر.
جويريه لشهد:بصي بقولك ايه انا اصلا ملخومه اظن انكوا مظبطين الديكوريشين ناقص التورته والبلالين انا هجيبها وانا جايه.
شهد:خلاص تمام بس لسه مالك وريناد وعلي مجوش ياجوجو بنتصل بيهم مش بيردو.
جويريه:يادي الليله اتصرفوا خلي محمد ينزل يجيب علي من قفاه ومصطفى ينزل يشوف مالك اكيد هو في القسم والاستاذه ريناد في سابع نومه ده اكيد.
شهد:خلاص ياجوجو خليهم يعملوا كده وهكلمك تاني خلي بالك من نفسك.
جويريه:لو سمحت انا عايزه اخلص اديني جيت من المرور على المحكمه خير ده انا حيالله عايزه الرخصه.
اسر باستغراب:نعمم!وانتي بتكلمي كده بأماره ايه ده انا احبسك هنا انتي بتستهبلي.
جويريه:نعم يادلعادي ها تحبس مين معلش ليه وانت بأماره ايه تقولي اتكلمي عدل.
اسر:عشان انا ظابط وهحبسك شوفتي بقى لمي نفسك بدل ما ابيتك في الحجز.
جويريه:تبيت مين في الحجز انت اهبل ولا ايه انت تعرف انا جوز اختي واخويا مين عشان تقولي كده.
اسر بسخريه:هه!مين معاليه وزير الخارجيه.
جويريه:لا يابو دم سم انا ابقى اخت الرائد مالك الراوي.
اسر:اييييه! بقى انتي اخت مالك الراوي من اي جهه انتي.
جويريه:ومالك مستغرب كده ليه ماتيجي بينا على القسم ونشوف مالك مادام انت تعرفه وهو اخويا.
وفعلا اصرت جويريه على انها تاخد اسر وتروح بيه لمالك لحد القسم وملقتهوش هو لوحده.
مالك ومصطفى:جوري ايه اللي جابك هنا؟.
جويريه بسخريه:لا استنوا انا مش جايه لوحدي اتفضل ياسياده الظابط.
اسر:ازيك يامالك.
مالك:اهلااا اسر عامل ايه انت تعرف جويريه منين.
جويريه:اصل الاستاذ...
اسر:لا حضرتك استني اختك جات وبتعلي صوتها عليا وكان كلامها بيئه اووي.
جويريه ومصطفى ماسكها مانعها توصل لاسر:هي مين دي اللي بيئه ماتيجي وانا اوريك البيئه تعالى.
مصطفى:استهد بالله استهد بالله ياوحش مش كده متبقاش حامي كده اهدي.
جويريه بعصبيه:هو انت مش شايف بيقول عليا بيئه ازاي.
مصطفى:لالا عندها حق يامالك ازاي تسمحله يقول على اختك بيئه وكمان وانت واقف لالا مينفعش.
مالك:بوتجاااز اهدى اهدى متسخنهاش هي سخنه لوحدها،اقعدوا مينفعش اللي انتوا بتعملوه ده.
جويريه:هو انت يامالك مش شايف قله ادبه الحيوان ده.
اسر برق:شوف شوف بتغلط ازاي شوف بتغلط تاني انا ساكت عشانك.
جويريه:لا يا اخويا متسكتش والنبي ماتسكت اتكلم محسسني حماقي هيغني.
مالك:الللله يخربيتكوااا انتوا الاتنين تكوا داهيه اهدوا.
جويريه:سكت اهو اهو اهو.
مالك:معلش ياجويريه اسر صاحبي واعرفه من زمان بينفعل بسرعه وخصوصا لو بنت بجحت معاه حقك عليا،وانت ياسر انت بردو دوست فيها اوي ودي جويريه دي دي مفيش اعقل منها والله ولسانها متبري منها الصراحه للي يغلط.
اسر:متبري بس ده عايز كيس بيرسيل يطهروه.
مصطفى:امال لو شوفت التانيه الله يمسيها بالخير كانت اديتك بطفايه الحريق في دماغك كنت زمانك مخيط عشر غُرز.
اسر:هو انتوا بتتكلموا على بنات بجد.
جويريه:اه احنا بنات بميه راجل احسن من راجل بميه ست،انا ماشيه يامالك صحي الهانم مراتك اللي من اول مابقت حامل وهي مقضياها نوم ده انهارده عيدميلاد جاسر.
اسر:طب معلش بس هو مادام انتي متجوزه ماتخليه هو اللي ينزل يعملك الرخصه بدل ما تطلعي زرابينك علينا.
جويريه بابتسامه صفرا:لا انا مش متجوزه وده اخويا وياريت تخليك في حالك.واخدت مصطفى ومشيوا.
اسر لمالك:شرسه اووي بس قمر يعني احنا سناجل ياعم مالك ولو هو عشان معاليك اتجوزت.
مالك:يعني تتجوز جويريه ده انتوا كنتوا لسه جايبين بعض من شعوركوا.
اسر:والله لو عندك اخوات تانيين انا موافق.
مالك:كان على عيني بس الاخت اللي مسافره دي ناويه تعيش سنجل طول حياتها انما جويريه سنجل زي ما انت شايف ومش حاطه الموضوع اوي في دماغها قد ماهي حاطه ان اخواتها يعيشوا مبسوطين لان ده بيسعدها.
اسر:اممممم ماشي انا وانتي والزمن طويل ياجويريه وهتجوزك يعني هتجوزك.
مالك:اوباا لا ده انت حطيت الموضوع في دماغك بما ان كده تعالى على حفله عيدميلاد جاسر اهو اعرفك عليهم كلهم.
اسر:يااريت.
وعدى شهرين وكان اسر وفى بوعده لنفسه وانه يتجوز وطبعا نزلوا زينه عشان الفرح وفعلا نزلت زينه تلت ايام لحد ماجويريه تاني يوم الفرح سافرت جويريه مع اسر وفي نفس الوقت رجعت زينه لدبي تاني.وبعد الهانيمون بتسع شهور بقى عندهم ابنهم جواد (جواد اسر الرفاعي).
عايزه اقولكوا حاجه ربنا بينهي قصه عشان تبتدي قصتين تانيين ناجحين ييدأوا بحياه جديده خاليه من اي مشاكل وحواجز تدوم لاخر الحياه ودي سنه حياه البشر ودايره علينا كلنا.
#استنو البارت ال28
