خلي يدور عليا كل شويه وميلاقنيش خليه يتعب شويه يحلم بيا وميشوفنيش مش هجري تاني وراه علشان غلبت معاه وعن نفسي هعود نفسي من دلوقتي ميوحشنيش 🙄💓
After 2 months ❤️
قررت البنات التجمع في بيت شروق ومهيمن بعد عودتهم من شهر العسل (بحكم رخامه شروق انها تقعد 50يوم في شهر العسل🙄😂).
جويريه:انتي لمضه بجد أول مره أشوف حد بيقعد اكتر من شهر في شهر العسل ده في ناس بتقعد اقل من شهر.
شروق:طبعا طبعا انا اصل مفيش مني اتنين احكولي بقا في منكم اللي مبلم واللي عادي اي.
ريناد:انا مفيش حاجه انا تمام شوفيهم هما.
ميرال:ولا انا انا ومحمد زي الفل.
جويريه:وانا الحمد لله كويسه والله مش بكذب بس في ناس قالبه وشها.
زينه:يابنتي يابنتي لي بتشوفوني قاعده ساكته وهاديه يبقا في مصيبه.
شروق:طب قولي يا مصايب مالك.
زينه:تاني اللي هنعيده هنزيده تاني ياجماعه ارحموني ارحموني.
منه:طب خلاص اقول انا ولما تهدى تتكلم، انا حبيت بس مش عارفه الشخص ده بيحبني ولا لا.
جويريه:احمد صح.
منه:لا.
جويريه:منه.
منه:اه هو.
ريناد:طب ما كان من الاول لازم يعني نضغط عليكوا.
منه:طيب بس حاسه ان هو مش متقبلني.
ميرال:طب بزمتك شوفتيه مركز معاكي ازاي في فرح البت دي.
جويريه:بصي كل اللي هما قالوه كوم واللي هقوله انا كوم تاني خالص مفيش حد طيب زي احمد ولو حب هيحب بجد وانا متأكده ان هو حبك وانسي حوار انه مش متقبلك دي عشان بس كانت خناقه.
زينه:ده اكيد واحده خبطت عربيته لا وكمان عايزه تعمله هو محضر.
انتهوا من مشكله منه والقوا جميعهم النظر على زينه.
زينه:هو انتوا عايشين في الحياه عشان تبصولي البصه دي ده اي ده.
جويريه:طب ما تتكلمي عشان منبصلكيش.
شروق:ايوه انا متأكده ان جواكي حاجات قد كده عايزه تقوليها.
زينه:انا اقولكوا انا لازم انزل عشان عندي سفر بكره الصبح ولازم احضر حاجتي.
ريناد:سفر اي يا عنيا اللي بيطلع فاجأه ده.
زينه:لا مش فاجأه انا عارفه من 3ايام وده مطول حبه ومش هنا.
جويريه:امال فين ياحلوه راحه فين.
زينه:الجونه بقولكوا اي انا هزهق هناك لوحدي ماتيجوا انا هقعد هناك 3اسابيع ها اي رأيكوا.
شروق:انا موافقه.
ريناد:بصراحه وانا كمان موافقه.
جويريه:تاني تاني مش كفايا مرسى علم وجم وكتب كتاب واحده مش بتحرموا.
ميرال:اه احنا هنلبس بس كانت حلوه اوي.
زينه:نحرم اي حضرتك ده شغل ليا هناك مطلوب مني الصبح اشوف تصاميم الفله اللي هناك وأشرف على الناس اللي هتشتغل بس شغل.
ريناد:نتكل على الله ونروح ومتخافوش.
زينه:اه بالظبط ومنه جايه معانا دي بقيت مننا وعلينا.
عمرو:اوعاااا ياعم مهيمن ولا واتجوزت وعقلت مع اني شاكك في الحوار ده.
مهيمن:هو هتبقى انت وهي كل شويه عقلت عقلت انتوا واخدين فكره تانيه عني خالص.
محمد:سيبك منه يابني بيقول كده بس عشان متجوزش.
مهيمن:وسبقتك.
مالك:معلش ياعمرو يعني مش لوحدك يعني، مبرووك يامهيمن كلنا بس كده ندعي نبقى مكان مهيمن قريب.
جميعهم:امييييييييييييييييييييييين.
