أبيلا روحي ❤️

الجزء (8)

#أبيلا_روحي❤️

الـحـلـقـة (8)

گـتـابـتـي #Koka_Saleh

:::::::::::::::::::::::::::::::::::::::::::::::::

يا رُوحاً حلّت على رُوحي فبآتت رُوحي لها مُستقراً ومتاعاً إلى يوم يُبعثون 💜~

:::::::::::::::::::::::::❤️❤️:::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::

بنات انحب التعليقات الطويلة راه🙈

::::::::::::::::::::::🌷🌷:::::::::::::::::::::::::::::

#في_الحلقة_السابقة

أبيلا طلعت من حوشهم وهي لابسة جينز ازرق واسع عليه قميص أبيض وجاكة جينز قصيرة ومفتوحة من قدام ولافة شعرها الكستنائي فوق بمساكة وردية ولابسة اسبيدرو وردي ومش دايرة مكياج ووصلت الباب عيت عمي منعم وصبت عند الباب و في نفس اللحظة جتها رساله علي فونها طلعاته من جيب جاكتها وبتشوفه من ولقاته صديقها الويس دازلها رساله عالتلي يطمن عليها وبدت اتبعبش في فونها اتردله في الرسالة
وحطت يدها عالجرس بس مازلت مارنت ولاهية في فونها وفي اللحظة هذي انفتح الباب وكان هانيبال طالع مالباب 🙄

رفعت راسها وكانت اول مرة اتشوفه
أبيلا رفعت راسها فيه / t'es qui (من أنت )

هانيبال نزل راسه ولف وجه للجيهة الثانية وبصوت عالي / استغفر الله العظيم استغفر الله العظيم 🙇‍♂️

/
/

إسراء مقمعزة في الجنان وتشرب في قهوة وهي مالة وكبدها دارهة مالدنيا كلها وفي لحظة سمعت صوت جاي من وراها

حذيفة منزل راسه / اقسم بالله مازلت انحبك ومافيش يوم قدرت ننساك فيه 😔

::::::::::::::::::::::::::::💛💛:::::::::::::::::::::::::::::

هانيبال لاف وجه وامواطي راسه وايعيط بصوت عالي / يا أمي يا جنة

أبيلا معش فهمت ليش ايدير هكي واتشوف الروحها يمكن فيها شيئ غلط 🙄

حاولت اتقدم خطوات وهانيبال ايوخر واينادي الامه والجنة

طلعت افطيمة وجنة يجارن من جوا

افطيمة بخوف / شن فيه كنك 😳

هانيبال بعصبية /شوفوا هذي من وشن تبي جاية هنا 😡

جنة ابتسمت / ابيلا وسلمت عليها

هانيبال بعصبية / من هذي وشن تعرفوها من امتى تعرفي بنات هكي ياجنة 😡

افطيمة / غير أهدى بس هذي تقعد بنت عمك جمال

هانيبال بعصبية/ وكنها هكي هذي وين تحساب روحها قاعدة