#أبيلا_روحي❤️
الـحـلـقـة (55)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
هانيبال / لم ينتبه أحد لغرقه هو الذي ضهر بمظهر الناجي دوما"
:::::::::::::::::::::::::❤️❤️::::::::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
#في_الحلقة_السابقة
كر الحراس للغرفة وعزقهم فيها وجا شورها بدون ماايشوفلها او ايشوف عوراتها وجسمها كله كان امعبى دم
سلح جلابيته ولبسها الها ورفعها وكان ملامح وجهها من كثر التعذيب مختفية مالضرب ومالدم
شالها بين ايديه وبيطلع مالغرفة وشاف عند باب الغرفة ????
::::::::::::::::::::::::::::💛💛:::::::::::::::::::::::::::
شاف عند باب الغرفة وحدة لابسة اسود بالكامل
وخر اشوية لاورة وهو امصوب عليها بمسدسه وبيزر عالزناد
ام قتيبة /ماتقتلنيش انا جاية انساعد فيها والله
انت معش ينفع تطلع زي ماخشيت لان في المعسكر وصل خبر ان فيه حد خش هنا
هانيبال ايشوفلها ومش امصدقها ومازال امصوب المسدس عليها/ انتي من ??
ام قتيبة قربت من هانيبال وبهمس / أنا ام قتيبة هدية تعرفني اكويس ونا جاية انساعد فيها اتبعني ونا حنعرف كيف انطلعك من هنا
هانيبال / تمام
طلعت ام قتيبة وهانيبال شايل هدية وطلع وراها
طلعت من مقر الغرفة وخشت من جنبها ومشو طووووول لعند لقو ممر اصغير طوييييل قعدو يمشو فيه قريب 5 دقايق لعند وصلو في باب اصغير عالوطى وكأنه بير
طلعت ام قتيبة المفتاح وفتحاته وكان فيه دروج
ام قتيبة / هذا قبو وماحدش يعلم بأمره الا الأمير وعلي وهما بس عندهم مفاتيحه وعلي كان حاس ان حيموت علي يد هدية فوراني مكانه وعطاني المفتاح هذا وقالي لو قتلني وقررو ذبحها لازم انطلعها وانهربها من هنا وانا ليا يومين انحاول انهربها ماعرفتش وتوا كنت جاية انحاول انهربها وشفتك لما ضربت الحراس وعرفتك جاي عشان اتساعدها
هانيبال بصدمة / وليش علي ايدير هكي وليش كان امعاها وهو عارفها بتقتله
ام قتيبة / لان حبها بصدق ماقدرش لا ايأذيها ولا ايسيبها ولا حب انها اتأذى من ابعده
هانيبال معش رد عليها ونزل مالدروج وهو شايل هدية
وهي سكرت عليه باب القبو وطلعت بسرعة قبل ماحد يفطنلها
وهانيبال طلع تليفونه وولع الفلاش لان القبو كان مضلم بكل وقعد يمشي بسرعة وكان القبو طوييل ومسافته طوييييلة
YOU ARE READING
أبيلا روحي ❤️
Mystery / Thriller"إنَّ الله يقذف الحب في قلوبنا، فلا تسأل مُحبًا.. لماذا أحببت!" 💛 قصتنا حتكون مختلفة من كل النواحي يجتمع فيها الحب والرومانسية والغموض والأكشن 💛
