أبيلا_روحي❤️
الـحـلـقـة (49)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
مُحطمة، وكأن أحداً يأكُل قلبيُ بلا رحمة .!💔
:::::::::::::::::::::::::❤️❤️::::::::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
#ملاحظة راه الحلقة ماراجعتهش عشان بنزلها بسرعة يعني لو فيه أي خطأ في الكتابة اليوم تغاضن عنه و بكرا باذن الله انراجعها
:::::::::::::::::::::::::💛💛::::::::::::::::::::::::
هانيبال خش الحوش عمي جمال غسل وتوضى وصلى الظهر
وخذا مفاتيح سيارته وركب فيها وتوجه المزرعة عيت جد أبيلا
وهو في نص الطريق رن تليفونه وكان الأمير
وقف سيارته وهو متوتر وحاس إن المكالمة حتكون وراها مصيبة 🥺
رد وهو قلبه ايدق بسرعة
هانيبال / السلام عليكم ورحمة الله وبركاته
الأمير / وعليكم السلام ورحمة الله وبركاته / سأرسل لك عنوان احظر فورا اليه
هانيبال / مالأمر
الأمير / اجتماع طارئ
هانيبال / حسنا
سكر وبعد ثواني جاته رسالة في العنوان وطلع عليه
لاحظ في الطريق إن فيه سيارة معتمة لاحقته
بس كمل طريقه عادي ومابينش إن انتبهلها
/
/
(عند أبيلا )
بعد نص ساعة من وصول جدها للحوش شافاته والأول مرة في حياتها وكان خاش الحوش بعكوزه وخش بكل عزة وشموخ
طلق السلام عالصبايا اللي في الحوش وخش جوا الممر
أول ما شافاته وشافت شكله وكيف خاش بكل ثقة وكل عزة نفس
خافت منه حست او شافت الجبروت فيه
شافت وعراته اللي في مشيته وخبطة عكوزة عالوطى
نظرة اعيونه الحادة
/
/
(عند الحاج بدر )
خش الداره اللي بعد طلع منها ماحدش خشلها لأن مانع أي حد ايخش داره في اغيابه
لقى كل شيئ زي ما خلاه قعد ايلم في الأوراق وحطهن كلهن في الصندوق وقفل عليهن وحط الصندوق في الخزنة امتاعه وسكر عليه
قمعز علي سريره وهو ايشوف للخزنة وايخب في العكوز عالوطى
لعند دق الباب عدل اتقمعيزته
الحاج بدر / خش ياللي ادق
خش عبد الرازق وهو متوتر ومش علي بعضه
الحاج بدر / كنك امسيب الرجالة ولاحقني قلتلكم بنتريح اشوس وانجيكم
عبد الرازق / نا عارف بس فيه حاجة صارت ولازم تعرفها
الحاج بدر بسرعة / عرفتو حاجة علي عامرية
أنت تقرأ
أبيلا روحي ❤️
Mystery / Thriller"إنَّ الله يقذف الحب في قلوبنا، فلا تسأل مُحبًا.. لماذا أحببت!" 💛 قصتنا حتكون مختلفة من كل النواحي يجتمع فيها الحب والرومانسية والغموض والأكشن 💛
