#أبيلا_روحي❤️
الـحـلـقـة (33)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
أنا مَعكَ فيَ ڪُل مَرة و مُرّة 🖤!
:::::::::::::::::::::::::❤️❤️::::::::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
#في_الحلقة_السابقة
(في المزرعة )
كان فيه دوشة غريبة وحركة مريبة
عيسى داهش / مش قاعد عند الحصان
بدر / ولا جوا فتشت الديار كلهن مش قاعد
عبد الرازق / ولا في جيهة الزرع قاعد
عيسى بخوف / باتي وين عدى مالصبح هكي ??
عبد الرازق بخوف / المشكلة إن مريض خايف ايصيرله شيئ
/
/
صبى من الكنبة وقعد يبرم في الكوخ وماكان كبير كان كوخ صغير
قعد ايدور في الحمام وشاف باب في نهاية الممر وعرفه ان باب الحمام
مشى شوره ووصل عند الباب مع طلعت أبيلا مدوشة ولافة المنشف عليها
هانيبال /??
::::::::::::::::::::::::::::💛💛:::::::::::::::::::::::::::
هانيبال نزل راسه وبعصبية / انتي مااتحشميش علي وجك مااتقوليش امعاي راجل في الحوش نستر روحي قدامه 😡
أبيلا / هليش متعصب هكي أنت كنت راكد 🙄
هانيبال زاد عصب / مازلتي اتناقشي خشي استري روحك 😡😡
أبيلا بترد عليه سمعوا صوت الباب ايدق بقوة
الاثنين شافوا البعضهم بدهشة وابيلا بسرعة صبت ورا هانيبال عشان تحمي روحها وراه ومسكت في دبشه من لاوره زين وهي ترعش مالخوف
هانيبال قعد ايقدم بشويش وعيونه علي كل روشن في الكوخ
وكل تفكيره في إن كيف يحمي أبيلا وايطلعها من هنا
بعد لحظات بسيطة من شعور الخوف اللي انتاب الاثنين
وصوت الخبط اللي عالباب سمعوا صوت لويس اينادي
لويس / Chère Abella, ouvre la porte et je t'ai apporté de la nourriture
(عزيزتي أبيلا أفتحي الباب أحظرت لكم بعض الأكل )
هانيبال نفخ بعضب / اوووووف فيه واحد ايدق علي واحد هكي 😡
أبيلا / جايبلنا فطور مش داير هاجة غلط
ومشت بتفتحله
هانيبال بعصبية / أبيلا خشي البسي 😡
أبيلا / اه انسيت وخشت تجري 🏃♀️
YOU ARE READING
أبيلا روحي ❤️
Mystery / Thriller"إنَّ الله يقذف الحب في قلوبنا، فلا تسأل مُحبًا.. لماذا أحببت!" 💛 قصتنا حتكون مختلفة من كل النواحي يجتمع فيها الحب والرومانسية والغموض والأكشن 💛
