كسر المشاعر

تكمله البارت الاخير

ملاك: احسب الفلوس اول شي
تعرف عمو بعد ماكو امان

حسبتهن ماكو نقص بيهم
قريت المكتوب بالورقه وقعت عليها

ملاك: عمو ممكن تأخذني حتى اشتري احتياجاتي
واكعد بالبيت

محسن: حضري نفسج العصر ياخذج عمج حيدر

ملاك: مفتاح البيت استلمتو لولا

محسن: العصر أجيبه الج

محسن: خوش ما تقصر

رحت ضميت الفلوس والعصر عمو اخذني اشتري
احتياجاتي للبيت
جبت فراش شتوي واغراض للمطبخ
ادبر نفسي بيهن هاي الفتره
دزيت اغراضي للبيت
ورجعت لبيت عمامي

مر كم يوم رغم مشاكل نسوان عمامي
بس اني متجاهلتهن

اجه يوم المحكه
وصار الوقت الازم حتى انفصل عن جواد

رحت لبست بنطرون وستره طويله بلون رصاصي
ويه تشيرت بلون وردي فاتح
نسقت وياهن شال وحذاء

وكفت كدام المرايه و حطيت مكياج وجبت الكحل
ورسمت عيني
رشيت عطر وابتسمت
بعيدً عن الهوسه البره وصياح نسوان عمي
باوعت لنفسي نظره اخيره وطلعت

باوعلي عمو وحجه .. ها خلصتي

هزيت راسي بأي

حجت منى .. يمه الوكاحه رايحه تتطلك وهيج حالج

تجاهلتها وطلعت
امشي بكل ثقه متجاهله مشاعري

صعدت بالسياره وانطلقت بينه للمحكمه
وصلنه للمحكمه حجه عمو محسن

محسن: اول شي نروح للباحثه الاجتماعيه

ملاك: بس عمو الباحثه بس للعدهم سوء تفاهم

محسن: ولله ما اعرف همه هيج كالو

ملاك: عمو شنو انت ما سأل

حيدر: انتي دخلي وشوفي شيصير

مشيت وشفته كدامي عيونه حمر
ابتسمت بخبث واني امشي واطكطك بالكعب
كعدت مقابيله وعدلت شالي بغرور
خزرني رفعت شفتي ما عاجبني
ضل يباوع عليه رفعت حاجبي ما عاجبني

وصل النه السره وكالو اول شي ادخلون للباحثه الاجتماعيه وبعدها للقاضي

دخلنه بس اني وياه وكعدنه مقابل بعض
اباوعله ومتنرفزه اريد بس الزمه واموته
سئلتنه عن سبب الانفصال ردت احجي
وهو سبقني حجه

جواد: مرتي واحبها واريدها طلاك ما اطللك

ملاك: دقيقه ما ابقى على ذمتك وطلكني يعني طلكني

حجت الباحثه .. مو هيج كل شي ينحل بالتفاهم

ملاك: ست ما بيناتنه اي تفاهم

الباحثه .. زين ليش تردين تتطلكين منه وهو احبه واريدها

ملاك: ست ماكو هيج شي