"كسر المشاعر"
بقلمي فاطمه أركان
،،،،،،،،،،،،،،،،،،،،،،،،،،،،
الناس العايفتنه شلونكم هسه ؟!
عبرناها الايام الصعبه والنحسه
وذكركم ثوب ضل متروك بالكنتور
نتعاجز نشمره ونستحي نلبسة
ثكال ونكسر الحاجه وعليها نميل
وكت خلانه يمكم نوكع بلمسه
لاكن للامانه هواي عفتو اثار
ضلت بينه غصه ونستحي لهسه
عن الغشمه كلما ينفتح موضوع
واحدنه يضل خجلان من نفسه
وننكركم مثل ما ينكر المسجون
شين افعاله بأول فتره من حبسه
وكلما نرجع للاصل طيبين
نتذكر الصار وياكم ونقسة ..
،،،،،،،،،،،،،،،،،،،،،،،،،،،،
ملاك
نزلت من السياره وكلت لرجال ينتظرني
وكفت كدام الباب
نفس الباب الوصفتها الي
دكيت الباب واني ادعي كون كذب
انفتحت الباب بلعت ريقي
شفت مره كدامي ابتسمت وحجت .. اتفضلي يا حلوه
ما اعرف رجليه شلون شالني
مشيت بسرعه ودخلت للغرفه
شفته نايم على وجهه وحجه بنعاس .. حبيبتي رسل منو اجه
جاوبته وجهي مرسوم عليه ابتسامه الخيبه
ملاك: اني اجييت
طفر من السرير وباوعلي وحجه
جواد: ملاااك
ملاك: سؤال واحد وتجاوبني عليه
هاااي منو واشرت عليها
بلع ريقه ويضل يباوعلها
ملاك: منووووووو هاااااي
جواد: بس افهمج
ملاك: سئالتك جاااوب
حجت .. اني مرته عيوني وام لجهاله
راح يصير النه اكثر من اربعه أشهر متزوجين
درت وجهي عليها وباوعت الها
طويله يمكن طولها 170
وحنطاويه بشعر اسود وطويل
مسويه تاتو والبوتكس
درت وجهي لجواد وهزيت راسي بتوعد
طلعت بسرعه وصعدت بالسياره
ما اعرف شلون ضليت واكفه
وحتى ما بجيت
الرجال حجه وياي .. بيج شي بنيتي
بنيتي كلمته هيجت اوجاعي
بجيت وهزيت راسي بلا
حجه هو .. لا حول ولا قوة إلا بالله
وصلني للبيت ونزلت بسرعه
دخلت للصاله شافني احمد وكام بسرعه حجيت
ملاك: احمد تعرف بجواد متزوج
فتح عيونه وحجه
احمد: جوواد متززوج
ملاك: احمد الله يخليك احجي
جواد شيسوي يجي يكولك
احمد: لا ولله ما اعرف
ملاك: احمد عليك الله احجي الصدك
احمد: والقرأن وداعت رضا ما اعرف
هستوني سمعت منج
طلعت عمه على صياحي وحجت .. شكووو شصاير
باوعتلها وحجيت .. عمه جوواد مزززوج
أنت تقرأ
كسر المشاعر
General Fictionقصه من واقعنه المر تتحدث عن فتاه تعيش مدلله ينقلب الزمن ليتحول الدلال الى ظلم الناس يشاء القدر أن يجمع بشخص قاسي القلب فكيف تكون حياتها؟؟
