كسر المشاعر

البارت الاربعون

"كسر المشاعر"
بقلمي فاطمه أركان

،،،،،،،،،،،،،،،،،،،،،،،،،،،،،،
مو اول خساره
خسرت كبلك ناس !!
شي مهضوم
شي همزين خاسرها
اكو وادم تونسك وانت فاكد روح
واكو بعرسك تجي وتنصب جوادرها
،،،،،،،،،،،،،،،،،،،،،،،،،،،،،،،،،،

ملاك

ما احس اله نزلو جواد وكتفو وهو ضل يصيح

جواد: ولك شلووون تلزموني
ما تعرفون اني ... جواد ال ....

عوفوني عوووفوني وياي مرريض

ضليت اباوع ما اعرف شسوي
لزمت بطني ونزلت من السياره
والصيح كالب الجو كلاب
جواد ما ينطيهم مجال يحجون
نزل عليهم غلط وصياح

اجه شرطي يركض وصيح .. سيد مو هو اكو اختلاف بالأسماء

عافو جواد وحجه الضابط ويه الشرطي .. تأكدتوا

جاوبه .. اي سيد الأسماء بيها اختلاف

جواد: ادبسززيه اله افصلكم كلكم واني أعلمكم

جاوبه الضابط .. نعتذر منك سيدي اكو شخص نفس اسمك مراقبينه وبلغونه راح يجي من هذا الطريق
وانت مثلنه تعرف بهذا الشغل

جواد: هذا أكبر غلط ولازم تتعاقبون عليه
أنتم لو متأكدين ما صار هذا كله
اني ...( رتبته) جواد هيج اتسون بيه

الضابط .. نعتذر منك سيدي للمره الثانيه وان شاء الله ما يتكرر هذا الغلط

جواد عدل ملابسه وعافهم واجه بأتجاه السياره
أشر الي بعيونه أصعد

رحت صعدت بالسياره وهو صعد

جواد: شعندج نزززلتي هااا

ملاك: غير اعرف السالفه

جواد: شتعررررفين

ملاك: لا تصيح

جواد: تنجبين احسن الج لا حلكج اشكه

ملاك: ما عاش اليشك حلكي

جواد: انلصمممممممممي

درت وجهي وحطيت راسي على الشباك وهو مستمر يغلط على الضباط

جواد: ادبسززيه ناس ما تستحي
اننييي هيج يبهذلوني وينزلوني و لله ولله اله اراويهم
النجوم بعز الظهر

ضل يخرط خرط واني دخت من الصوت العالي
بديت اغفي ونمت

كعدت على صياحه