كسر المشاعر

البارت السابع والثلاثون" مفاجئ"

"كسر المشاعر"
بقلمي فاطمه أركان
،،،،،،،،،،،،،،،،،،،،،،،،،،،،،،،،
كبرنه هواي واحنه صغار
كل دمعه بكبر خدنه
جا والليل
جا والشوك 
جا والشيب ؟
باك هواي من عدنا
،،،،،،،،،،،،،،،،،،،،،،،،،،،، 

ملاك

ضحكت وحجيت واني رافعه تك حاجب  

ملاك: نرجع بس بشرط

جواد: شنو الشرط باله

ملاك: اتوظف

جواد: هههه وين تتوظفين باله

ملاك: بمدرسه اهليه واني انكليزي انقبل بسرعه

جواد: تؤ ماكو هاي السالفه طلعيها من بالج

ملاك: ليشش عيني؟؟

جواد: اني ايام الجامعه وبالكوه متحملهن
مو هسه تردين تتوظفين وتطلعين الصبح وتجين الظهر

ملاك: انت بالدوام واني اروح

جواد: تؤ ماكو هيج شي

ملاك: بكيفك بعد
بس اني وياك ما نرجع سوه أبد واطلك يعني اطلك     

جواد: طلاك ماكو يعني ماكو

هزيت راسي ورحت نمت
هو طفه الضوه واجه نام على السرير

ملاك: هاي ليش تنام على السرير

جواد: وين انام مثلا

ملاك: بالكاااع   
  
جواد: ليش عيني السرير مسجل باسمج

ملاك: تعودت انام وحدددي

جواد: وليش تعودتي

ملاك: ترا راح يصير لي سنه انام وحده فاتعودت

جواد: أي واني منا وجاي انام هنا

درت وجهي ونمت

كعدت ثاني يوم من الصبح سبحت وصليت
كعد جواد وراح غسل وصلى
خلص وحجه

جواد: اللهي رحمتك الزلم تجي من السفر   
نسوانها تتلكاها واني ما راضيه حتى عليه

ملاك: هاي النسوان الي تتلكه زلمها
زلمها زينه مو مراويتها نجوم بعز الظهر

جواد: وهسه شلون مثلا نبقى أخوان    

ملاك: ترا عادي احنه صارلنه عشر أشهر أخوان
وين المشكله

جواد: مو اني جنت مت
سكتت وما كمل

ملاك: أي شجنت كمل

ضربت كصتي وحجيت

ملاك: ها مو جنت متزوج نسييت
يعني اني شنو اشتغل عندك

جواد: لا مو هيج

ملاك: لا عرفت قصدك

عدلت حجابي وطلعت
نزلت لجوه سويت الريوك وبدو يكعدون