كسر المشاعر

تكمله البارت الاخير

ايمان: رجوعه متعلق بشغله
اذا شغله نجح يضل هنا واذا فشل يرجع ويانه

ملاك: هاا خوش لعد

ايمان: انتي اذا تردين تبقين ويه عمج محسن
لو تسافرين ويانه بكيفج بعد

ملاك: لا شعندي مسافره

ايمان: براحتج

سديته من عمه وطلعت للصاله

منى: الاء يمته نخلص من ذيج الناس
من اجت فكرتنه

ملاك: انتن مثل الما شايف وشاف

منى: ما تنجبين ولج

ملاك: ام براطم شكبرج صرتي وما عقلتي

الاء: حقه زوجج يخونج على هذا لسانج

ملاك: يوم الج ويخونج زوجج على هذا وجهج المورم

الاء: الغسل الج

ملاك: كل وحده شكبرها وأخلاقها زفت

منى: ولي لج ترا اطردج منا واكعدج بالشارع ولله

ملاك: اوووي خفت يمه الحكيلي

الاء: اسكتي عنها هاي الصفره خل تولي

ملاك:ولت روحج انتي واختج

للعصر رحت لعمو وحجيت وياه

ملاك: عمو عمه اتصلت عليه وكالت اكو بيت يمهم للأيجار واني اريده البيت
اذا تكدر اخذني اله حتى اشوفه

محسن: ليش ابقي هنا

ملاك: لا ما بقى هو اني كعدت يومين والوجوه ثكلت عليه عمو اني اريد اعيش مرتاحه

محسن: التردينه يصير
واليوم اتصل عليه جواد كال الفلوس راح يدزها الج
وحتى توقعين على انو الفلوس استلمتيها

ملاك: هه بعد وكت

محسن: هاي بعد شي صار
واني وكلت الج محامي ان شاء الله بهاي الايام
تخلص شغلتج

ملاك: ما تقصر عمو

محسن: حضري روحج حتى اخذج للبيت

كمت لبست واخذني عمو للبيت
جان البيت مقابل بيت عمه
دخلت اله جان عباره عن حديقه صغيره حيل
وصاله متوسطه الحجم ومطبخ وغرفه صغار

محسن: ها عجبج البيت

ملاك: أي يفيدني

محسن: يعني تأجرينه

ملاك: اي حتى اطلع اجيب احتياجاتي واكعد بي

محسن: مو بعد وكت

ملاك: لا احسن تجنب للمشاكل

محسن: براحتج

رجعت للبيت وثاني يوم جواد جايب الفلوس ومنطيهم
لعمو اجه عمو جاب الفلوس وانطاني ورقه اوقع عليها