Unicode
အသံပိစိလေးနဲ့အတူ တစ်ခုခုကျကွဲသံတွေ တစ်ပြိုင်နက်ထဲ ထွက်လာသဖြင့် အလန့်တစ်ကြား နောက်ကိုလှည့်ကြည့်လိုက်တော့ ပါးစပ်ပင် ဟသွားသည်အထိ အံ့ဩရတော့သည်။
" ဟင် ရ ဘယ်လို ဖြစ်တာလဲ "
မေးလိုက်တော့ လှပတဲ့မျက်လုံးအိမ်ထဲမှာ မျက်ရည်တွေ ဝိုင်းလာပြီး မိမိကို မော့ကြည့်လာလေသည်။ ကြည့်နေရင်းမှ မျက်ရည်တွေ ကျလာလေတော့သည်။
" ဟင့် အင့် အီး......."
ရုတ်တရက် ထငိုသော ရကြောင့် ခန့်ရွှေစည်တစ်ယောက် ဘာလုပ်လို့ ဘာကိုင်ရမှန်း မသိတော့။
" ဘယ်နားထိသွားလို့လဲဟင် အပူလောင်သွားလို့လား"
" ဟင့် ရရ ငုံးဥတွေ ကုန်ပါပြီ ြဗဲ......."
'ဟင် အခုငိုနေတာက တစ်ခုခုဖြစ်လို့မဟုတ်ပဲ သူ့ငုံးဥတွေ အကုန်မှောက်ကုန်လို့တဲ့လား'။
'အမလေး ခန့်ရွှေစည်ရယ်' လို့သာ ကိုယ့်နဖူးကိုယ် ရိုက်ချလိုက်တော့သည်။
အသံပြဲကြီးနဲ့ ငိုသံကြားသဖြင့် ဆရာတော်ဘုရားနှင့် အခြားသူများက လှည့်ကြည့်လာတော့သည်။
ဒေါ်ြမတ်တစ်ယောက် ဒီငိုသံကြီးကို ရင်းနှီးနေသဖြင့် နောက်လှည့်လိုက်စဉ် ပါးစပ်မှ ' ဗုဒ္ဓေါ' ဟုပင် ထွက်သွားမိသည်။
" သားငယ် "
ဇနီး၏ အံ့ဩစွာထွက်လာသော အသံကြောင့် ဦးနေဒီတစ်ယောက်လည်း လှည့်ကြည့်ခိုက် မျက်ရည်ဘူးသီးလောက်ကြီးတွေ ကျနေတဲ့ သားဖြစ်သူကိုတွေ့ရတော့သည်။
" သား တတိုင်း ဘာဖြစ်လို့လဲ ဟယ် ဟင်းရည်ထည့်တဲ့ချိူင့်ကြီးလည်း မှောက်နေတယ် အပူတွေဘာတွေ လောင်သွားလို့လား သား"
ဒေါ်ြမတ်ခွါညိုရ တစ်ယောက် သားဇောကပ်ကာ မေးခွန်းတွေကို တစ်ရစပ် မေးတော့သည်။
အမေ မေးတာတွေကို မဖြေနိုင်အား။ ရရတစ်ယောက် သူ့အရှေ့မှ မှောက်သွားသဖြင့် အကုန်လွှင့်စင်သွားသော ငုံးဥများကိုသာ နှမြောတသသဖြင့် ကြည့်နေတော့သည်။ပါးစပ်မှလည်း
" သွားပါပြီ ကုန်ပါပြီ ဟင့် အချိန်ကုန်ခံ အပူခံပြီး မရမက ရွေးထည့်လာတဲ့ ငုံးဥလေးတွေ ဗြဲ....."
YOU ARE READING
𝑴𝒚 𝑰𝒏𝒗𝒂𝒍𝒖𝒂𝒃𝒍𝒆 𝑭𝒂𝒏 (𝐶𝑜𝑚𝑝𝑙𝑒𝑡𝑒𝑑)
Romanceအေးချမ်းရာကို ဖန်တီးပေးသည်မို့ မင်းဟာ ကိုယ့်ရဲ့ အေးမြရိပ်မြုံကလေး...။ ကိုယ့်နှလုံးသားရဲ့ အဖိုးမဖြတ်နိုင်တဲ့ ပန်ကာကလေး....။ ေအးခ်မ္းရာကို ဖန္တီးေပးသည္မို႔ မင္းဟာ ကိုယ့္ရဲ႕ ေအးျမရိပ္ၿမဳံကေလး...။ ကိုယ့္ႏွလုံးသားရဲ႕ အဖိုးမျဖတ္နိုင္တဲ့ ပန္ကာကေလး....။...
