حجيت وياها .. ما احجي شي بس اكول حسبي الله ونعم الوكيل
عفتها وطلعت للحديقه جواد ما موجود اتصلت بعمو وكال .. اني جاي
ضليت واكفه بالحديقه 2018 نهايه شهر الواحد رغم الجو بارد بس داخلي ناااار وتسعر بصدري
شويه واجه عمو حضنتني سجى حيل وضلت تبجي مسحت دموعها وبستها برأسها وحجيت .. نضل على تواصل ما اعوفج ولله بوست رضا وطلعت صعدت بالسياره وباوعت للبيت عشت بي ٤ سنوات ونص دخلت اله وجنت متأمله افرح وهسه طلعت منه واني كلي طعنات وجروح
حجه عمو .. شكو شبيج شصار
ملاك: اريد اطلك
حيدر: شنووو ليش
ملاك: جواد خاني
حيدر: منو كال
ملاك: اني شفته بعيني
سكت عمو دك موبايلي شفته جواد غلقت الموبايل مر وقت وصلنه لبغداد وكف عمو كدام بيت جبير حيل وكال .. يلا انزلي
حجيت متفاجئة .. شنو هذا بيتكم
ابتسم وهز رأسه بأي
نزلت وهو فتح الباب وكال .. ادخلي
شال هو الجنط دخل واني دخلت وراه اجه عمو محسن سلم عليه وضل يسأل شكو وشصار
تكلني منى الاء وجوهن مكلبه ولاعبات بوجوهن لعب
حجت منى .. وين ما نروح يلحكنه الفكر
تجاهلتهن وحجيت .. عمو وين الغرفه الكعد بيها
أشر الي على الغرفه مشيت واني اشوف بنات عمي كانن أصغر مني هسه مبينات أكبر مني وصابغات الشعر وحاطات المكياج
رحت للغرفه حطيت ملابسي وشويه واجت عمه ايمان
ايمان: شكو ملاك شصاير شنو تردين تتطلكين
ملاك: اي وراح احجي ويه عمامي
رحت يم عمامي وحجيت
ملاك: عمو محسن بما انو انت الكبير فأجيت احجي وياك
محسن: اي احجي اسمعج
ملاك: اني اريد اطلك من جواد اوكفو وياي بس بالبداية واني أجر واطلع بيت
محسن: ليش تردين تتطلكين ؟
ملاك: ولله يا عمو حقك ما تعرف بحياتي بس هنه لا مشكله ولا اثنين وراح احجيلك على اخر سبب هو خاني واني شفته بعيني
محسن: يعني اخر قرار الج تتطلكين
ملاك: اي وما عندي غير قرار
عمو هز رأسه بأي واني كمت
ضليت كاعده بالغرفة اتصلت عليه سجى حجت شويه وسدته اجت عمه وحجت وياي واني حجيت اله عن كل الي مريت بي حجيت عن ضرب واهانته الي عن زواجه وشلون اخذ بنتي وشلون تمرضت وهو شلون جازاني واخر شي عن خيانته وكلام عمه وهي تكلي العاقر
