كسر المشاعر

البارت الثاني والاربعون والاخير

ابتسمت وحجت .. اي همزين عرفتي

حجيت بصدمه .. شنوووو تعرفين

جاوبت بثقه .. اي طبعا واني رحت خطبتها الي

حجه احمد .. يمه شلون هيج تسووين         

جاوبته برود .. هي عاقر  وهو يريد جهال

حجه احمد بصياح .. يمه شنووو عاقر هي مو حبلت وجابت بعد على شنووو العاااقر      

عفتهم وصعدت ركض
لزمت الموبايل وعيوني متجمعه بيها الدمووع ادور على رقم عمو
اي همه عمامي وغصبن عليهم يوكفون وياي مو بس اسمهم عمام

اتصلت لعمو حيدر وهو جاوب

حيدر: ها عمي ملاك

ملاك: عمو وين انت

حيدر: بالبيت

ملاك: هسه بسرعه تعال الي

حيدر: شكو شصاير

ملاك: عمو ولله اذا ما تجيني اشرد واسود وجوهكم

حيدر: غير اعرف شكو

ملاك: عمو بس تعال بسرعه وبعدين تعرف   

سديته منه واجت سجى

سجى: ولج شكووو شصار

ملاك: سجى تعالي وياي حتى ألم ملابسي كله

سجى: راح تروحين ؟

ملاك: اي بعد مالي كعده هنا
منين ما ادور وجهي سوده مصخمه 
         
 سجى: يعني قصدج تتطلكين      

ملاك: اي ماكو غير حل

سجى: ملاك بس اني ما اكدر بدونج

ملاك: سجى بس اني تعبت ولله تعبت

انفتحت الباب ودخل جواد
باوعت اله بقرف حجه ويه سجى

جواد: من رخصتج سجى

طلعت سجى وعافتنه

جواد: ملاك بس خل نتفاهم

ملاك: تسكت لو شلون

جواد: نكعد ونحجي

ملاك: لا نحجي ولا نلطم لك ادبسز تخوووووني 

جواد: ما خاينج

ملاك: لعد شيسمووووووها هاااا

جواد: لا تصيحين

شلت علبه عطر وشمرتها على المرايه
تفلشت كلها واني صيحت بصوت عالي

ملاك: اطللللع بررره

جواد: ملااااك   

ملاك: اسكت حرف واحد ما اسمع

جواد: كتلج اريد احجي وياج

ملاك: اطلللللللع بررره ولي من وجهيييي 

باوع عليه وطلع
رحت جبت الجنط من الميز ولميت كل ملابسي
واني احجي مفرفحه 
طلعت الجنط واجت سجى تركض