حكايتنا سوا

'' الحلقة الثالثة ..💛 "

- عُمر بصدمة : سابك ؟ ، سابك ليه ؟
= دينا بإنهيار : كله بسببك ، كله بسببك حرام عليك ..بتدمر حياتي بأفعالك ، ليه ياعُمر ؟
- عُمر بحزن : أنا يادينا ؟
= دينا : أيوة إنت ..إنسان تافه دمرت حياتك عشان سبب تافه ، ماعملتش حساب لصاحب عمرك وإن مراتك أخته وطلقتها ، وأهو ردهالك ..ردهالك فيا ! ، ليه ياعُمر ؟ ليه دا أنا أموت من غيره ، ماعرفش أعيش من غيره ..تعمل فيا أنا كدة ليه ؟ ، إطلع برا سيبني لوحدي ، إطلع برا ..

'' وزقته خرجته من الأوضة بتاعتها ، وقفلت الباب وراه ..عُمر كل يوم بيندم أكتر ، ضيّع حُب عمره بسهولة .. ودمر حياة أخته معاه ، بس اللي صدمه في الموضوع هو ماجد ! ، إنه يسيب دينا لمجرد إنه ينتقم منه .. قرر يرجع الشركة ، ولازم يواجهه بالكلام اللي جواه ..''

- زياد بحزن : نور إهدي بالله ، إهدي عشان نعرف نتكلم
= نور ببكاء : مش قادرة ، مش قادرة أتماسك أكتر من كدة .. أول ماشوفت صورته علي بروفايلها إمبارح وإنهم إتخطبوا إتصدمت ، مش مصدقة إنه حقيقة ! ، إزاي قدر ينساني ؟ إزاي قِدر يعمل فيا كدة ؟ معقول حب سبع سنين ضاع ؟ ضيعه هو بسهولة كدة ؟ إزاي ؟ ..طب أعمل إيه ؟ ، أعمل إيه يازياد ؟ أعمل أيه ؟ ، أنا مالقتش حد غيرك أروحله عشان يساعدني ، أعمل إيه قولي ؟

'' زياد عايز اللي يساعده ، موجوع نفس الوجع دا بالظبط ! ..''

- زياد : كلميه ..
= نور بعصبية : إنت بتقول إيه ؟ ، أكلمه إزاي وليه ؟ ، أكلمه أباركله عالخطوبة ؟
- زياد : مين قالك إنه بيحبها ! ، مش يمكن إرتبط بيها عشان يضايقك ؟

'' هديت نور ..''

= نور : إشرح أكتر
- زياد : يعني علي حسب كلامك هو ماأعلنش علي صفحته إنه خطب ولا بيكتب بوستز حب فيها ، يبقي مش بيحبها ! ، وخاطبها لمجرد إنه يضايقك ، أو يمكن مل من فكرة إنك ترجعيله فاحاول ينساكي بواحدة تانية ، مشكلة حسام إنه عنيد وكبريائه عاميه ، مارجعش عشان يشبع كبريائه ويمكن بيحاول يندمك عشان قالك إنه مايتسابش ! ، وإنتي يانور غلطتي لما بعدتي ..كان لسة عندك طاقة تستحمليه أكتر من كدة ، وكنتِ تقدري تكسري كبريائه بحبه ليكي ، بس إنتي كمان أخدتيها بعند وقولتيله بالفعل '' ااه إنت تتساب '' ، كان بيحاول يكبر نفسه قدامك بكبريائه دا ، روحتي إنتي رديتي عليه وكسرتيه لما مشيتي ، كسرتي كل حاجة فيه إلا كبريائه ! ، عشان كدة بقولك كلميه ، هو عمره ماهيرجع من نفسه

'' الكلام اللي قاله زياد دخل دماغ نور أوي ، إلي حد ما كبير إقتنعت بيه ..''

= نور : طب ..طب إفرض كلمته ووافق نرجع لبعض من تاني ، ذنب البنت اللي هو خاطبها دي إيه ؟
- زياد : لو حصل دا قوليله إنك مش هتقبلي بيه وهو مع واحدة تانية ، وسيبي القرار ليه بقا يايسيبها يايرجع ليكي ، لكن تبقي معاه وهو لسة مع بنت تانية لأ
= نور : أيوة بس كدة برده البنت هتتوجع وهي مالهاش ذنب ، وهيبقي ذنبها في رقبتي
- زياد : تتوجع البنت دي دلوقتي بدل ماتتوجع طول عمرها كله وهي متجوزة واحد قلبه مع واحدة تانية ، بالنسبالي إنتي بتقدميلها فرصة إنها تقابل حد يحبها بجد وإتعيش حياتها كلها مع حد بيحبها
= نور : طب وهو ..تفتكر لسة بيحبني ؟
- زياد : أنا واثق إنه لسة بيحبك ، وإن شاء الله هترجعوا لبعض .. ولو حصل ورجعتوا لازم يخطبك يانور وتبقي العلاقة بينكوا رسمي ، هو راح خطب بنت مابيحبهاش ! ، ماينفعش بقا اللي حبها وإرتبط معاها سبع سنين إنها تبقي مجرد علاقة ماشافتش النور !
= نور : حاضر والله هاعمل كدة ، بس هو يرجع
- زياد : إن شاء الله هيرجع ..
= نور : أتمني لما يرجع ويسيب البنت اللي هو خاطبها ماتتوجعش !