خفايا ضابط

بارت هديه💕

-شكراً

ترف:-اتدلل "سمعت صوت قاسم يبچي صعدت لغرفتي ركض شلته وسويتله ممه ونطيتها اله يشربها هاليومين كلش ضايجه مشتاقه اروح لگبر امي وابوي احس روحي مختنگه سديت باب غرفتي وكعدت عالچربايه أبچي شيصير لو هي عايشه هسه وتشوف حفيدها حتى شكلها بالحقيقه مشايفته هي وابوي ‎بــس بالصور شايفتهم مرات احسد فهد اكول هو سامع صوتهم وشايفهم اني صوتهم مسامعته عندي استعداد اتخلى عن كلشي ‎بــس اسمع صوتهم شلت أبني حضنته وگمت ابچي بحرگه كل ما اتذكرهم هيچ يصير بيه

إنفتح باب الغرفه ودخل رسلان شافني أبچي تخبل أجه يمي أخذ قاسم من ايدي وخلاه عالچربايه لزمني من چتافاتي بثنين إيديه وسألني

رسلان:-ليش تبچين ‎منــوو ضوجچ

ترف:-محد "مسحلي دموعي ودفن راسي بصدره "

رسلان:-لعد ؟؟اكو واحد يبچي بدون سبب دباعي حالتچ من شوكت تبچين

ترف:-مشتاقه لاهلي والله حسره ضلت بگلبي شوفتهم وصوتهم من واني صغيره لحد هسه

رسلان:-اسكتي لتبچين متدرين شيصير بيه من اشوف دموعچ ،اني اعوضچ اصيرلج أم وأبو وكلشي ، بعد والجمعه العصر نروح للنجف الليل نخلصه بالأمام والفجر نروحلهم وابقيچ يمهم لحد ماتشبعين من عدهم

ترف:-وقاسم

رسلان:-نودي يم الحجيه

ترف:-اوكي

رسلان:-كم ترف عندي هي وحده واليوم مطنگره

ترف:-شصار لو عايشين هسه

رسلان:-بعد إرادة ربچ كاتبلج حياة لازم ترضين بيها وتحمدينه 

ترف:-الحمدلله على كل حال

رسلان:-عفيه ببنتي فرفحتيني بهالعصريه

ترف:-لا خلص سكتت لتضوج عمري

رسلان:-يله بدلي وتعاي وياي عندي شغله يم وسام

ترف:-هاا اوكي ثواني فديتك حبيبي

رسلان:-تحبين ڤيان اكثر من عندي

ترف:-ههه لا شلون ‎بــس ڤيان مختفيه صارلها فتره ومانعرف اخبارها من رجعت لهسه

رسلان:-اي يله بسرعه

ترف:-اوكي ماتأخر "بدلت بسرعه وابني اصلاً ملابسه حلوه مابيها شي نزلت ورى رسلان حاچيت رفل

-رفل راح اروح لڤيان ساعه وارجع

رفل:-اخذي راحتج حب سلميلي عليها البذاته لاتسأل ولا تگول اختي الجبيره ملغيه من قاموسها

ترف:-ههههه يوصل

رفل:-تعوفين قاسم يمي اذا تردين

ترف:-ها ترديه

رفل:-اي ضايجه خلي يمي

ترف:-"عفته يم رفل من شافها ابتسم وكام يحرك ايديه ورجليه بفرح يحبها كلش طلعت لرسلان وكلتله عفت قاسم يم رفل ورحنا لڤيان وصلنا رسلان خابر على وسام حتى يفتحلنا الباب أجه ورى شويه سلم علينا ودخلنا للبيت عفتهم كاعدين بالاستقبال واني رحت لڤيان لگيتها بغرفتها تبدل لبنتها
-هلووو