مبعثر فيك ماللحزن لايشفى

البارت الثاني

البارت الثاني

اوجعني قلبي .. كيف سيف في يدينهم .. خايف من دموعهم .. وشمهم وبوسهم ...موضي ضمته بقوووه ومنهاره بكي :
يااااابووووي .. ياعسااف .. يااقلبي يممممه..
سيف : بشويش يمه .. خوفتي الورع ..
موضي تناظر وجهه .. وتضحك : يازينه .. يمه ياجمال عويناته ..
انصدمت مهره لما ضحك ولدها مع ضحكات جدته ..
جمان بضحكه : يمممه مبسم عساف .. شوفي خشمه .. ياويلي .. نسخه ..
مهره عيونها امتلت دموع .. حست ولدها بعييييد .. وكنهم خذوه منها ..
سيف انتبه لعيونها .. وهي تهل دموع وتبلل نقابها ..بدون ماتحس..
عقد حواجبه .. وخواته لاهين بسيف .. مر من وراها وبخفوت : مهره .. وعدتك .. ماحد ياخذه منك .. امسحي دمعك ولاتبكين ..
مسحت دموعها بسرعه .. وبكذب: مابكي والله ..

وجاا صوت سعود ..وباللهجه متهدجه :هو صدق كلااام بلقيس ..؟!!!!
موضي بفرح :
تعال يااااسعود .. تعال وشوف فضله ورحمته .. من قال بنشووف ضنا عساف ياسعود ...

راقبت ذاك الأب .. كيف يسرع بالعصا .. نحو ابني ..وشيباته تبتلع دمعاته .. اللتي والله قتلتني ..
حين يذكره عساف .. يذكر قسوته ..
وجبروته .. وسطوته ..
لاأدري مالحقائق ومالزيف .. !
من الظالم ومن المظلوم ..
عساف .. ماذا كان يريد بالضبط .. ولما فعل كل ذلك ..لما اختار الغربه والوحده ..
وعائلته تكاد تسجد لابنه الآن ..

بعد قليل .. وبعد كم هائل من الترحيب بي .. والتعبير عن فرحتهم بلقائي انا وسيف الصغير..
حاولت ان اتعرف على الاسماء بدون السؤال .. واوضح اني اعرف ان لديه اخت اسمها جمان وبلقيس ..
وانا والله لتو ادري ..
فقد كان عساف .. لايأتي بسيرة احد امامي .. فقط اعرف ان والده اسمه سعود .. واخاه الاكبر سيف ..
وعرفت سيف لما جا بيسمي .. سيف ولاقبلها ماكان يطريه ..
عساف كان غريب .. غريب لاقصى حد ..
سيف : مهره كلمي جدتك وطمنيها ..
مهره : ان شاء الله اللحين اكلمها ..
وقف .. ومهره حست انها بتقوله (وين بتروح ..؟! )

لسى ماخذت ع المحل .. ومرتبكه .. مانطقت .. بس سيف تكلم : بصعد ابدل .. وبروح بيتي .. الله الله بمهره ..
موضي ببتسامتها الحلوه: افااا .. بيتها ..في عيوني والله..
جمان رفعت حاجب وبسخريه : من ليلته اليوم الاميره نوف .. ولاالملكه هيا .. ولا في شي جديد ماندري عنه ..
طالعها بنص عيون :
والله في رد في خاطري .. بس خليني حاشم هالضيفان ..
وراح متوجه للدرج ..
موضي بخفوت : جمان ووجع ..
بلقيس : ماتوبين .. والله نسيتي يوم كب الماي في وجهك ..
سعود واللي باين في عالم ثاني مع سيف الصغير .. ويلعب فيه ويداعبه .. قال: شووفوو احسن غرفة وعطوها للامير سيف وامه .. ام سيف .. خلهم يرتبون المكان .. للشيخه مهره ..

بلعت مهره ريقها : يعطيك العافيه عمي .. عادي لاتكلفون ..
بلقيس : وش فيك لابسه نقابك .. شيليه راح سيف .
مهره بربكه : هاا .. مادري .. يعني ..
وكنها تقصد سعود ..
ضحكت موضي : ابوووك ذا .. ابو زوجك يابنتي .. افتشي .. خلينا نشوف .. عساف وش كان ماخذ ..