مبعثر فيك ماللحزن لايشفى

البارت العشرون

البارت العشرون

وليد وهو يطلع اوراق وجواز :لم استطع ان اكلمها .. هي تحت الأجهزه مذ يومين. لا آدري قد يكون اصابها مكروه بلقيس كلامها غير واضح..
ماريا تحاول تهديه: ستكون بخير..الآخبار السيئة تصل بسرعة.. اهدء وليد..
وليد بتوتر.. يطلع صور شخصية : اللعنه كيف لم انتبه ان جوازي يحتاج تجديد.. لكنت ذهبت مع سيف والجميع.. اليوم..
ماريا :لن يأخذ وقت طويل وعدك سلطان في السفاره.. انه سيقوم بتجديده بسرعة..
وليد متوتر بشكل اول مره تشوفه ماريا كذا جلس على طرف السرير: لم ارها مذ اكثر من سنة ماريا.. انها اختي الوحيده وكل ماتبقى لي.. كيف اهملتها هكذا.. لن اسامح نفسي لو حدث لها شيء..
ضمت راسه :
اهدء حبيبي.. لن يحدث شيء.. ستكون بخير..

*****

في صالة الإنتظار.. مهره تتأمل وجوه الثلاثه.. .. كيف تشابهت في الغصه.. وهالة الدموع اللتي لاتسقط..
سيف جالس..وسيف الصغير ماسك يده وهو واقف قدامه.. ويضحك وسيف يداعبه..وهو اصلاً مخنوق..
فارس ساكت.. وكل شوي يمسح رمشه.. مهره مسكت كفه وهمست :
فارس امي..ماهنا الا الخير..صل على النبي..
هز راسه بنفي وبخفوت مخنوق:
مافيني افقد امي ثاني.. لو يصير في امي موضي شي.. والله اموت..
مهره: مافيها الا العافيه ان شاء الله.. هي بخير ياعميري.. وبتشوف..
فارس بنفس الخفوت:لو هي بخير كان كلمتني.. يقولون عليها اجهزة.. والله اعلم يامهره.. مايكون صاير لها شي ومايبون يقولون لنا واحنا بعيد..
ضغطت على يده :
لاتفاول..ادعي لها واحسن الضن بالله..يقول الله عز وجل انا عند ضن عبدي بي. خلك متفائل ان بنوصل وهي بخير.. نسيت يومك افترضت هالفريضات على ذياب.. وفي الاخير هذا هو بخير..ابليس يصور لنا اشياء ويشطح فينا.. واحنا ضعوف.. ياقليبي..
تمسك بيدها.. ورجع لشروده..
طالعت ساعتها.. وهي تلقي نظره على سيف.. اللي يبتسم لسيف.. وهو في عالم ثاني..من وصل هالخبر وهو في حالة غصة وصمت مهيبه ورهيبه..
صوت نواف وهو يرد على شاهين ويقول بعصبيه:
بالمطار لسى..
وبعدين يقول :احلفك بالله شاهين.. امي على الدنيا ولاصار فيها شي.. قلبي ماكلني اقسم بالله..
شاهين :نواف تعرفني على بلاطه وماراح الف وادور.. عمتي تعبانه.. واليوم سو لها قسطرة وانجحت.. في العناية لانها مافاقت الى الان.. على وصولكم ان شاء الله تكون صحت..
نواف بغضب :الحيوانه بلقيس.. العبت باعصابنا.. الا تبي تشككنا ان امي..
وماكمل الكلمة.. وابوي يقول انها بخير.. ويقول لاتطيع بلقيس لانها شايله عليكم وزعلانه.. ولاعرفت من اصدق.. وهادي نفس كلام ابوي..

شاهين: خذها مني.. عمتي ان شاء الله بخير..هدو وتراكم في رحلة طويلة.. مايصير تقضونها وسوسة..
نواف :الله يسهلها.. خلكم مع ابوي ياشاهين لاتخلونه..
شاهين: لاتوصي..كلنا حوله..انتبهوا لحالكم وتوصلون بالسلامه..

قفل نواف..
رفع سيف عيونه:وش يقول..؟!
نواف:كلام شاهين يطمن.. وحتى سولها قسطره بالقلب.. نجحت الحمدلله.. بس مافاقت الى الان..
مهره:مالها شر ان شاء الله.. كثفو دعاء وانتوا مسافرين.. دعائكم مستجاب..
نواف:اللهم ان استودعناك امي.. ياربي خذ من عمري واعطيها..
فارس برجاء:الله يحفظها ومانشوف فيها مكروه..
مهره ابتسمت ومسحت  على راسه وربتت على يده اللي بكفها..
وسيف يطالع ساعته ويتنهد بحرارة.. وصمت..
رغم المتر اللي بينهم.. الا ان مهره حست زفرته حرقت روحها..!