مبعثر فيك ماللحزن لايشفى

البارت الحادي عشر

البارت الحادي عشر

متسنده ع الباب .. وهو يطق .. ويتوسلها : تكفين زينه .. اجي يمك ..والله اضمك بس ..
زينه بحده:
فكني واللي يرحم والديك .. ترى انا طالعه من ذمتك .يابن الناس.. لاتقعد تنفس على مخي طول اليوم .. وتضربني .. وتجي تلصق فيني اخر الليل ..
عبد الإله يطق الباب بقوه وبحده: ماانتي طالعه من ذمتي .. والله بس لساني يقولها .. احبك زينه .. احبك والله العظيم لاتكسريني ..
زينه:
شهالحب .. اللي تفتش في جوالاتي وتشك في حركاتي .. شهالحب اللي مافيه ثقه .. تنزلني المزرعه وتتصل على جديده .. تتأكد ..
عبد الإله: صدقيني كنت مكلمها اسلم عليها ..ليش تفكرين هالتفكير زينه ..
زينه بعصبية :
ايه صدقتك .. ياخي انا شسويت لك .. ليش تسوي فيني كذا ... انا مادفع ثمن احساسك في النقص .. ماهو ذنبي والله ماهو ذنبي ..
عبد الإله .. طق الباب بعنف :
لاتقولين عني ناقص .. فتحي هالباب لاكسره ..
زينه بعصبيه وغضب : اقسم بالله .. وراس جديده وخواتي لو ظليت تضرب هالباب .. والله افتح النافذه وارمي نفسي مع الدريشه ..

عبد الإله بخوف : لاعاد .. ماتسوينها .. لاتقولين كذا الله يهداك ..
صرخت : والله اطب .. واخلص من هالدنيا .. انا ساكته وصامله ومتحمله غثاك .. وجورك .. وانت جالس تصعبها علي .. خلني في حالي .. لابركة في ساعه ارتبطتني فيك ..

عبد الإله .. اسند جبينه بضعف على الباب ..: لاتقسين علي يازينه .. قدري ظروفي اللي امر فيها ..
زينه بكت : كنت مقدره .. وكنت عادي .. وكنت مابي منك شي الا الحب والاحترام .. بس انت مريض .. تفكرني ماسكه عليك ممسك وبفضحك .. ماهو انا من هالنوع ياعبد الإله .. لو بتخلى عنك تخليت من اول ماعرفت حالتك ..
بضعف :انتِ حلوه .. وجميله .. وماراح ترضين تكملين معي .. ادري بيجي يوم وتنسحبين .. ولابتخونيني .. وبتعشقين غيري ..
زينه .. حطت كفوفها على الباب وبقسوة :
اي والله اني واجد عليك .. بس ماللبلاوي الا الصبر ..
طق الباب بعنف .. وهو يسبها ويشتمها ..
وزينه ابتعدت عن الباب .. وسدت اذانها .. وهي تمتم: الله يسامحك ياجديده .. الله يسامحك .. على اللي سويتيه فيني وفي مهير .. !!!
.......

سيف عقد حواجبه :
عساف .. حي .. وهنا ..خبله انتي ..
مهره بانهيار : اقسم بالله طلعت من المطبخ وشفته .. عاد انا ماني نايمه واحلم ..والله شفته ..
سيف مسك راسها وطالع عيونها .. وبحزم : مهره خلاااص .. ركزي معي .. انتي فاهمه الموضوع غلط .. شكلك شفتي احد يشبهه ..

مهره انصدمت وبانفعال: سيف وش فيك .. اقولك عساف .. مب شبه .. رح شوفه .. والله هو ..
سيف مسك ذرعانها :
اهدي وبشرح لك كل شي ..
مهره بانفعال راحت دفته ..وصاحت : لاتعاملني كني خبله .. انا ماتوهم .. لاتشرح لي شي رح شفه .. لايروح .. ويشككم اني مجنونه .. ترى عاد عساف يقدر يوهم اللي حوله بكل شي ..

صاح فيها : مهره سمعيني ..
سدت اذانها : مابي اسمع شي .. اول تطلع تشوفه .. بعدين اسمعك .. سيف تكفى ..
سيف ويجاريها :
طيب اهدي انا رايح .. اشوف وجايك .. اهدي ولا ماراح اروح ..
مهره تبلع ريقها وتمسك راسها وبرجفه: هديت .. والله هديت .. روح سيف روح ..
طلع سيف وسكر الباب وتنهد  ..راح يمشي في ممر الدور الثاني متوجه لأحد الغرف ..
شارد وتسائل هايل في ذهنه : ايش العلاقة بالضبط .. اللي كانت تجمع عساف بمهره .. امشي مسئلة انها انصدمت ان فارس ولدي .. اول ماجات ..
مسك مقبض احد الغرف وافتحه واهو يقول بداخله : بس كيف ماتدري ان نواف توأم عساف ..!!!!!!!