LOVE, BUT HURT (Season 3)_ The Last Begin_[Completed]

Part 44 ( သူနိုးလာတော့ အန်းလုကအနားမှာမရှိဘူး)

အပိုင်း ၄၄ ( သူနိုးလာတော့ အန်းလုကအနားမှာမရှိဘူး)

" အကုန်လုံးအသင့်ပြင်ထားတယ်မလား။ နယ်စပ်တွေကို သတင်းဖြန့်တာကရော ဘယ်လိုနေလဲ။ "

ရှန်ဖန်းက ပုလ္လင်ထက်တွင်သူ၏ဝတ်ရုံကိုတချက်ခါလိုက်ရင်း ထိုင်သည်။ ဝူနန်နယ်စားသည် သူ၏ရှေ့တွင် ခါးကိုကိုင်းကာ ရိုကျိုးစွာဖြေနေ၏။ ဘေးတွင် သူ၏သားသုံးယောက်ကလည်း သူ၏နောက်တွင် အလျားလိုက်တန်းစီးကာပင် ရပ်နေသည်။

" အားလုံးအဆင်သင့်ပြင်ထားပြီးပါပြီ။ တခြားလက်အောက်ခံ နယ်စားတစ်ချို့နဲ့ဘုရင်ခံတွေလည်းစုရုံးပြီးထားပြီမလို့ စစ်အင်အားကိုစောင့်နေဖို့ပဲလိုပါတော့တယ်။ "

လွန်ခဲ့သောလက ဝူနန်နယ်စားသည်အမှန်တကယ်ကိုပင် ပုန်ကန်လိမ့်မည်ဟူသောကောလဟာလကိုလွှင့်ကာ လီချီရှန်းအားဤနေရာသို့ရောက်အောင် မြှားခေါ်ခဲ့သည်။ အားလုံး၏အစသည် ရှန်ဖန်း၏အကြံဉာဏ်ဖြစ်သော်လည်း ဝူနန်နယ်စားသည်ကပင် ပုန်ကန်ချင်စိတ်ရှိနေသောကြောင့်လည်းဖြစ်သည်။

ထို့နောက်ရှန်ဖန်းက သူ့အားချိုက်အန်းကိုသိမ်းပေးမည်ဟူသောအပေးအယူလုပ်ခဲ့သည်။ သူ့ဘက်အပေးအယူသည်က လီချီရှန်းကိုသတ်ရန်တစ်ခုတည်းသာ။ ထို့ကြောင့် ယခုကဲ့သို့ ချိုက်အန်းအရှင်ဘုရင်က အသက်အန္တရာယ်နှင့်​ကြုံတွေ့နေရချိန်တွင် သူအခွင့်ကောင်းယူကာ ချိုက်အန်းကို စစ်ချီလို့ရပါသော်လည်း အင်အားကရှိသေးတာမို့ ချန်ဖန်း၏အမိန့်အတိုင်း စောင့်ဆိုင်းနေခြင်းပင်။

နောက်ထပ်အပေးအယူအနေဖြင့် ရှန်ဖန်းက ဝူနန်နယ်စားအား သူ၏ရောဂါကိုသက်သာစေနိုင်သော ဆေးလုံးများကိုလည်း ပေးထားသေးသည်။

" ဒါပေမဲ့...."

ဝူနန်နယ်စား၏ အနည်းငယ်စိုးထိတ်နေသောအသံထပ်ထွက်လာသည်။ ရှန်းဖန်းက မျက်မှောင်ကြုတ်လိုက်ပြီး

" ဒါပေမဲ့ဘာဖြစ်လဲ။ မြန်မြန်ပြော..."

" ဘုရင်လီချီရှန်းရဲ့နောက်မှာ အင်အားတောင့်တင်းတဲ့စစ်တပ်အပြင် သူ့ရဲ့ယောက္ခမတော်ရဲ့ တိုင်းပြည်ဟာလည်း စစ်အင်အားမနည်းတဲ့ပမာဏမှာရှိပါတယ်။ အကယ်၍သူသာ အကူအညီတောင်းခဲ့ရင် ဆက်ဆံရေးကောင်းတဲ့သူရဲ့ယောက္ခမတော်က ပါဝင်လာမှာပါ။