Unicode
တတ တစ်ယောက် ညက စောစောအိပ်ရာ ဝင်ခဲ့သည်မို့ စောစောနိုးလာတယ်.......................
လို့ မထင်ပါနဲ့ ၉နာရီ ၁၀မိနစ်မှ နိုးလာခဲ့လေသည်။
ဝှား...
" အင်း... အိပ်လို့်ကောင်းလိုက်တာ "
နာရီအား အကြည့်ပို့မိလိုက်တော့
" အမလေး ၉နာရီကျော်နေပြီ ဟာ နောက်ကျတော့မှာပဲ နောက်ကျရင် ငတ်မှာ အား......"
အိပ်ရာထဲက အမြန်ကုန်းထရင်း မျက် နှာသစ်ရင်း ရေပါတစ်ခါတည်း ချိူးရန် ပြင်ရတော့သည်။ တစ်ယောက်ထဲ ပြာယာခတ်နေပြီး
ဝရုန်းသုန်းကား ဖြစ်နေသည်ကို ကြည့်မရတော့ဘူးထင်ပါသည်။ အဘတစ်ယောက် မနေနိုင်စွာ
လှမ်းမေးတော့သည်။
" မြေး ဘယ်သွားဖို့ရှိလို့ အခုလို အလျင်လိုနေတာတုန်း "
" အလှူ အဘရေ အလှူ သား အလှူသွားရမှာမို့လို့ အခု နောက်တောင်ကျနေပြီ "
အဘကို ပြန်အော်ရင်း ကျောက်စည်ပိုင်းတွင် ရေအမြန်ချိူးရတော့သည်။ အရင်လို မကြိုက်တာတွေ၊ အဆင်မပြေတာတွေ ဘာမှ မတွေးမိတော့ပါ။ အမြန်ချိူးပြီး အိမ်ပေါ် အမြန်ပြန်တက်လာပြီး အိတ်ထဲက ပါလာသော စတစ်လက်ရှည် အညိုရောင်လေးနှင့် ပုဆိုးအနက်အကွက်စိတ်လေးတွေပါသည်ကို ရွေးချယ်ကာ ထုတ်လိုက်သည်။ အင်္ကျီဝတ်ရင်း ကြယ်သီးတွေ တပ်ရတာ စိတ်မရှည်သဖြင့် အမေ့အား ခေါ်ရတော့သည်။
" အမေရေ လာပါအုံး သားကို ဒီကြယ်သီးတွေ လာတပ်ပေးပါအုံး "
" အော် သားရယ် နေပါအုံး ဘယ်သွားမလို့လဲ ဒီလို ဝတ်ပြီး "
မီးဖိုချောင်ထဲက ထွက်လာသော အမေက မေးလေသည်။
" အလှူ အမေရ သားကို ဖိတ်ထားလို့ အမေရာ မြန်မြန်လုပ်ပါ သား နောက်ကျရင် ငတ်မှာ "
" အေးပါ လုပ်နေတယ်လေ ငြိမ်ငြိမ်နေပေး "
ပြောလိုက်တော့မှ ပါးစပ်ရော ခန္ဓာကိုယ်ရော ငြိမ်သွားတော့သည်။ ကြယ်သီးတွေ အားလုံး တပ်လို့ပြီးတော့ တတ ဖုန်းလေး မြည်လာတော့သည်။
အမြန်ကိုင်လိုက်ပြီး ပြန်ထူးလိုက်တော့သည်။
YOU ARE READING
𝑴𝒚 𝑰𝒏𝒗𝒂𝒍𝒖𝒂𝒃𝒍𝒆 𝑭𝒂𝒏 (𝐶𝑜𝑚𝑝𝑙𝑒𝑡𝑒𝑑)
Romanceအေးချမ်းရာကို ဖန်တီးပေးသည်မို့ မင်းဟာ ကိုယ့်ရဲ့ အေးမြရိပ်မြုံကလေး...။ ကိုယ့်နှလုံးသားရဲ့ အဖိုးမဖြတ်နိုင်တဲ့ ပန်ကာကလေး....။ ေအးခ်မ္းရာကို ဖန္တီးေပးသည္မို႔ မင္းဟာ ကိုယ့္ရဲ႕ ေအးျမရိပ္ၿမဳံကေလး...။ ကိုယ့္ႏွလုံးသားရဲ႕ အဖိုးမျဖတ္နိုင္တဲ့ ပန္ကာကေလး....။...
