My Hiraeth Epiphany

2. Sorry

2.  Sorry

Tulad ng inaasahan, niyaya niya ako sa bahay nila.

"Nandito ba mga kapatid mo?" Tanong ko at umupo sa couch nila.

"Oo. Ay, ewan. Sabi nila, uuwi sila ngayong hapon." Kibit-balikat nito.

"Ate Keyle!!!!!!!!" Lumingon ako sa tumawag sa'kin, si baby Matheson, bunsong kapatid nila Ylever. And yeah, halata namang lalaki ang kanina ko pa kasama at tinatawag akong babes.

"Babyyy Matheson!!!" Natawa ako ng sumimangot si Khael, ayaw niya daw na tinatawag siyang Matheson at lalo na kung baby Matheson pa. Mas gusto niya daw ang second name niyang Khael, parehas lang sila ng Kuya niya.

"Shian!!!" At ayaw ko rin na tinatawag ako sa first name kong Shian, I prefer my second name na Keyle.

"Ates naman. Keyle nga." Tinawanan lang nila ako.

"Wow, sabay lang tayo nakarating." Tumatangong sabi ni Ate Laurhyl, ang pinakapanganay sakanilang apat at ayaw niya ring tinatawag siya sa first name niyang Ysabelle.

"Saan kayo galing?" Tanong naman ni Ate Laureth, kakambal ni Ate Lauhryl. And as usual? Ayaw niya ring tinatawag sa first name niyang Yselle.

Funny pero doon mo malalamang magkakapatid nga talaga sila. Pfft. Mga Villaceran nga sila. Well, ganoon rin naman kaming magkakapatid, ewan ko ba kung bakit ayaw namin sa first names namin.

"Sa park lang, saka sa mall." Kibit-balikat ni Ylever.

"Naks. Nayaman ka ata, Khean?" Pang-aasar ni Ate Laurhyl na ikinatawa namin maliban sa sumimangot na si Ylever.

"Kakasweldo lang niya kasi, Ate. Sabi, uubusin daw sa gala namin ang sweldo niya." Ngumisi si Ate Laurhyl at umiling ang kakambal nito.

"Gustong magsaya, Ate Keyle. Na-reject daw siya ng crush niya." Natitigilan kong tinignan si Khael at gulat na sinulyapan si Ylever na napapaiwas ng tingin.

"Hoy! Bakit hindi ko iyon alam?!" Nakasimangot na tanong ko kay Ylever matapos naming makarating sa kwarto niya, aniya'y dito na naman kami tatambay, lagi naman.

"Baka pagtawanan mo naman ako. Kilala kaya kita." Napaiwas ako ng tingin at patagong bumuntong-hininga sa pilit na tumawa.

"Hindi sana ako mase-stress sa activities ko kung sinabi mo sa'kin 'yun!" Sumimangot siya.

"Oh, kita mo na. Natawa ka." Tumalikod ako sakaniya at napailing.

"Tss." Naibulong ko.

"Sino ba namang hindi tatawa? Ang isang Ylever na first time nagkagusto sa babae ay na-reject agad!" Pilit akong tumawa.

"Sama mo, babes."

"Sino ba 'yan para makilatis ko na." Hinarap ko siya at tinanong.

"Si Shane, babes." Napasalubong ang kilay ko at tumawa siya na tila masaya kahit na ni-reject siya ni Shane.

"Si Shane, pfft. Babes, ilakad mo naman ako doon. Kaibigan mo naman 'yon, eh." Tinalikuran ko siya at iniwan sa kwarto niya.

"Keyle, kain ka?" Umupo ako sa tabi ni Khael at binigyan niya ako ng makakakain na kinain ko naman kahit kakakain ko lang.

"Babes! Dali na!" Tumawa yung tatlo dahil alam agad nila ang pinakikiusap ng kapatid nila.

"Bahala ka diyan. Uuwi na po ako, Ates, Baby Matheson." Binesuhan ko sila at diretsong naglakad palabas ng bahay nila.

Nagpara ako ng jeep at sumunod doon si Ylever na ikinailing ko, magsasayang pa siya ng pamasahe.

"Babes. Dali na kasi." Inirapan ko lang siya at hinintay na makarating sa bahay namin kahit na panay ang pangungulit niya.