خفايا ضابط

بارت٩ج٢

بــس مامبين عليهم عصابچيه ولا خطافين عصبولي عيوني طبعاً وسام تعاملهم كله بالجواريب اذا عندك واحد يشلع گلبك بالاعتراف بس خلي ع خشمه جاروبهم وعلي يصير ببغاء ويغرد الخايسين الله ياخذهم المهم شدو عيني بجاروب..

واخذوني الطريق كله يسولفون بيناتهم واني بالي مو يمهم ابد ‎بــس اللي ببالي شيردون من عندي وكفت السياره ونزلوني لازميني ثنين او اكثر ماعرف لان ماجنت اشوف دخلوني لغرفه ماسمعت الا رگعة الباب وقفله وكعدوني على كرسي إنشالت العصابه من عيوني ولگيت المكان بيه هواي زلم بيهم عشره ماحسبتهم

لزمني واحد من ياختي وجرني براجدي كلي انت التهدد بينا شرايد من عدنا وواحد كاللهم شكله مو غريب

كلتلهم شنو تهديد اني ممهدد احد كالولي انت اسمك سيف وحاي تهددنا من رقم رحنا بحثنا عليه يم ابو الشركه طلع اسمك ومعلوماتك ليش تچذب

ضليت احلفلهم مو اني ‎بــس هم عبالهم أجذب ودارو عليه من كل واحد ياخذله ضربه عبالك جاي ياخذون ثواب يردوني ‎بــس احجي وماحچيت بقيت يمهم لليل وهمه ماملو اجه واحد سمين كفخني على راسي ودفرني برجله على چتفي وكعت ليوره اني والكرسي وضرب راسي چلاق ابن الطرگه وبوكسات على خشمي

وسام:-الله يساعدك على هذا التعذيب وبعدين

سيف:-وبعدين وصلتلهم رسايل من وفس الرقم وكتها تأكدو مو اني الجاي اهددهم واجه رجال چبير بالعمر گلي يحيى شيعودلك كلتله بدون تردد يحيى اخوي التوأم كال نريد عنوان اهلك حتى نرجعك وعدنا وياكم فصل

اني نطيتهم عنوان اهلي وعنوان بيت جدي وعمامي ورقم تليفون ابوي ورقم رسلان ‎بــس هذني حافضهن تعاركت وياهم بعدين كلتلهم احنا القانون

وكلكم راح تطبون السجن اله اسجنكم واحد واحد وخلو الفصول لنماذجكم البطرانه نضربت من جديد وعلى نفس الأماكن اليوجعني فقدت الوعي وكعدت لكيت روحي هنا

وسام:-هذوله الخطفوك اهل البنيه الرادها يحيىى وهو اليهدد بيهم

سيف:-جنت شاك والله

وسام:-ومسوي السيم كارت بمعلوماتك وهويتك 

سيف:-اي ،وهيه اجو لاهلي لو بعدهم

وسام:-لا بعدهم هدوء ،وهسه اعوفك ترتاح ماتشوف الا العافيه وصير سبع حتى ترجعلنا مثل قبل واحسن...

سيف:-انشاءالله

وسام:-"طلعت لابو رسلان وگلتله الحجاه سيف ورجعت لدوامي بعدها"

.
ترف:-مر يومن وسيف طلع من المستشفى واليوم الكعده ببيت جدو اني بقيت بالبيت يم سيف اجه فهد ضربه ابرة مسكن لان جان يحس بألم ودنيا بارده الوجع يزيد نام سيف وبالأستقبال واني بالصاله العب اني وقاسم خابرت ڤيان استفسر منها