بين رجُليـن

14

‏"الأشياء التي نُحب، معرضةٌ للفقدان دوماً، لكن الحب سيعودُ دوماً بشكلٍ مختلف"
– فرانز كافكا

#أنـَـس؛

••••••••••••••••••••~

بغداد سابعة صباحًا....

بين كُل الأمور طيحت حظي وگشفت للكُل إني غبية..هاي الفعلة أثبت جرم علية انو انـي على كـولت مخُلد المطي متمددة بـرأسي... ضحكوأ علية بكُل سهولة... وجابوني لهنا... ربطُو أدياناتي وسُدو حلگي وانـي اباوعلهم كاتمين ضحكتهم بصعوبة! خـزرتة لـ علي بحدة! ما تحمل وگع بالكاع يضحك! الكُل موجود فاروق ومحمد.. والبلوة مالتي مخُلد الخبل... لأبسين كُلهم مال نـوم تخيلوأ! اكـو بهذا الكوكب كُلة زواج مثل مالتي! بملابس النوم والعروس ياحظها ! انـدگ الباب وگام فتحة مخُلد فتحت عيوني واني اشوف... الشيخ وذولة الأثنين اليم بيتي جانوا! عـزا جان مراقبني مخُلد!
درت عيوني بقسوة وخـزرتة ابتسم بكـل برود بوجهي! بسيطه مخُلد الخبل ابو نسوان ابو العرك ابو المشاكل طاح حظك !! انـي الك!! إجـة كعد بصفي شيخ وقبل هذاً كُلة لبسني مخُلد على شعري شي مثل الحجاب ... حجه الشيخ وهو يباوعلي( إكـول انتو متأكدين هذاً الزواج وعقد القران بموافقة الطرفين؟)

هـزيت راسي بسرعة بـ لا بسرعة گال مخُلد ( شيخنا مثل ما فهمتك بالموبايل! الحالة شؤية صعبة انـي اكول خلي نلبش واعقدنا وعلى بركة الله)
رجعت عيوني لـ علي وهـو يبتسم مثل الغبي( وأحنا شهود وإذاً تـريد تلاثة يشهدون ماعدنه مانع ههههه) لا ياغبي! على هاي سالفة! رجع حجه الشيخ( بـس أبني اني اعرف انت فهمتني وگتلي شغلة مستعجلة وضرورية كلش هم وأنَت لأزم تعقدنا بأسرع وقت گلت ميخالف ، بـس وضع العروس ابداً ما عاجبني!احتاج تبرير إعتقد) واخيراً بديت تفهم شيخ! هـزيت راسي إلة بـ اي...!

انتبهت علىٰ مخُلد وهـو يرفع شعرة ليفوك بأهمال( بصراحة ، انـي احبها لهاي البنية وجنا قبل مزوجين وعايشين أحلى عيشة، بـس اني اعترف الك شيخنة انـي عندي سؤالف مكسرة شوية وهي تغار هواي! علية لهكذا طلبت طلاق وتطلگنا ! و... و ها ! اي ورأ فترة عرفت هيَ حامل، ورحت اعتذرت منها وكتلها حتوب بعد لوجة الله والخاطرج والخاطر طفلنا سامحيني! واجيت حتى ابوسها أيدها بـس هي مثل الحجر ما تحس اني تغيرت وفـوك هذا كُلّة تريد تحرمني من أبني!!!) فتحت عيوني بدهشة..! باع الجذب المسطرة تسطر ياربي! بسرعه درت وجهي لشيخ وانـي اهز راسي بقوة بـ لآ....

ليدخل يحجي مخُلد مرة ثانية بنبرة حزينة( وفـوك هذاً كُلّة تخيل! حالتها صارت مستعصية وشوية بعقلها) أشر علىٰ عقلة بحركة دائرية! طلعني مخبلة ونـبي! اخ منك مخُلد الخبل! انتبة علية شيخ عاقد حاجبة( والله يابني انـي راح اعقد الكـم مدأم شغلة هيچ ! ومبينة هي مرتاحة ، عبالي مخطوفة او مجبورةبسَ ماكو بعيونها إي خوف، فـ افتحوا حلگها خلي نتوگل باسم الله) لا ياحظي! كملت ! أباوعلة فتح كتابة وأقترب مني مخُلد يريد يفتح حلگي.... حسيّت بـ أنفاسة الحارة داخـل أذُني... ( كلمة ورد غطاهـا، إذاً فتحتي حلكچ واعترضي علىٰ هذا الزواج كلة ! احلف بروح إمـي انـسَ أخذج غصبً عنج ولـو اعرف أغتصبج إنـوب اعقد عليج! فـ صيري طفلة مطيعة حتى يتم الزواج على خيـر وانتي تعرفين مخُلد زيـن خبل ويسوي كلشي)