بين رجُليـن

١٢

الاشياء السمراء دوماً فاتنة، كالقهوه والشوكولاته وأحدهم !؟ ♥️

# بين رجُلين

_____________

احـد المستشفيات في العاصمة بغداد..

وكـف كدامة بزي الابيض ... وايـدة تقيس نبضات القلب.. وعيونة تراقب جهاز النبضات ليقرأ نبضات قلبة... كاتب عَلى دفـترة الخاصة ... حالتة
لمـس بـ اصبعة ... مكان النبض ليتأكد من دقات قلبة... خاتم شغلة بـ بحقنة بأبرة المخـدر بـ محلول المغذي... كدام نظرات الثاني... الباردة
فـ سألة بعد مدة " شنو الوضع ؟ اكـو تحّسن بصحتة؟" هـز راسة طبيب بـ لا ليرد" ، حالتة مـثل هي بأختصار مراح يكعد هسة يعني أبر المخدرة تخلي مستحيل يكـُعد حالياً ! الا اذا وقفنة إبر تخدير" هـز راسة بتفهم وعيونـة علية.... بصمت وهـدوء ( لا .... لآ توقفها وخلي هيچ ) تفهم دكتور الأمر بطاعة ... ( تطلب مني شي ثاني ... استاذ ؟) أشر بيدة يطلع ... هـز راسة بطاعة الدكتـور طالع من الغرفة .... ثواني ودكـات خفيفة على باب ليسمح الة بدخول ( تفضل)

استاذ رفيق.. اني اعتـذر منك بس إتصلت بيك كم مرة ما رديت علية، وعرفت مكانك هنا واجيتك.. كُلش أعتذر...

هـز راسة بتفهم وعيونة يرفعها الة ليرد بصـوتة الأجش( شنو صار؟)
فـ رد رفيق( عَلى حسب علمي طائرتهم بعد ساعة وتهبط ! وعرفت هـم جابوا هذا الغبي! وياهم بس بطيارة ثانية خاصة! انـي حظرت كُلشي و اول ما يحط رجلة بغداد راح ينتهي إمرة) قاطعة ( ما اريد بس كلام! على حسب علمي جنت متاكد مية بالمية! راح يقتل انـس! ويخلصني منها بس شنو صار! الغبي الـزم وهـسة جايبينة لهنا! واكـيد هذا الحمار كُلشي حجة الهم! واكيد قادر عرف اني وانت سبب بعملية مخلد وحاولنا قتل انس حتى! وعرف گلشي ! وهسة جايني تكلي ! حظرت كُلشي! من خرب بيك!)

دنـك راسة رفيق وهـو يأكد إلة ( أعرف الصار بيروت غلط! بس هذا الغبي لزمة قادر على" غفلة" ومجنت أتخيل هـو راح ورا انس .. عبالي بس هي! وگـلت خطتي كاملة ومابيها غلط! هم اخلصك من انس! وهـم ورا العملية اتخلص من هذا! بس كُلشي صار بعدين خربة قادر! ومـكدرت حتى إعرف وين ساكـن بس من اجـة بالمطار عرفت هو جابة ويّاه فـ اطمئن اول ما ينزل من طيارة راح يمـوت )

ابـو كرم.. وإذا خـربت هالمرة! واذا قـادر سلمة للقضاء العراقي!؟ تخيل بـس! وهذاك اعترف بكـلشي ! وجاب إسمي واني على باب إنتخابات جديدة ورشحت نفسي هم! يعني شنو تخـيل! يصير بية!!! جاوب