عشقت أوزعتي ❤ مكتملة (تم تعديلها)

بارت خاص 2

(جمهور عشقت أوزعتي الحبيب .. وحشتوني جداً .. رجعتلكم ببارت خاص جديد يارب يعجبكم كالعادة)

©©في قصر مراد المنشاوي .. بعد عودتهم ...
#في غرفة الفتيات سهيلة و فريدة .. كان مراد يحاول بكل قوته ليجعل الفتاتين تغرقان في النوم لكي يجلس قليلاً مع زوجته ولكن الفتيات يتذمرون وبشدة على أفعال والدهم ...
فريدة بغيظ :- مش عايزة أنام أنا دلوقتي يا بابي الله هتخليني أنام بالعافية يعني .
مراد بنفاذ صبر :- نامي يا لمضة عندك بكرة الصبح مدرسة و أه هتنامي بالعافية يا فري .
سهيلة الصغيرة بابتسامة :- طب ليه يا بابي عايزنا ننام دلوقتي وأنت أهو صاحي .
مراد بابتسامة مبادلة :- يا قلب بابي أنا كبير عادي أفضل صاحي إنما إنتي لسه صغيرة ومحتاجة ترتاحي وتنامي كويس فهمتي .
فريدة بحنق :- ولا قول إنك مش عارف تقعد مع مامي لوحدكم علشان إحنا لسه صاحيين وكاتمين على نفسكم قول قول ما تتكسفش إحنا بناتك برضو و ستر و غطا على بعض يا دادي .
مراد بصدمة وغيظ :- إنتي إيه يابت إنتي بطلي لماضة و طولة اللسان دي على أبوكي ده أنا أبوكي يا قردة ياللي مطلعتيش من البيضة أنا عارف نفسي إللي عملته ف سهيلة وياغيز بيطلع عليا منكم أنتو دلوقتي و إفرضي إن كلامك صح خلي عندك دم بقى ونامي خليني أقعد معاها شويه .
سهيلة الصغيرة بتذمر :- أنا مش عايزة أنام أنا عايزة أسمع كارتون يووه مش هنام دلوقتي أنا عايزة أسمع الكارتون يا بابي بلييز خليني أسمعه .
فريدة بغمزة وابتسامة :- لا لا يا سولي مينفعش أصل كده هنقطع على بابي حديثه الرومانسي مع مامي وكده عيب صح يا بابي .
مراد وهو يمسك ابنته من ملابسها :- إنتي يابت إيه حكايتك معايا حد صلَّتك عليا ولا إيه مش فاهم أكيد القردة سهيلة هي السبب .
سهيلة الصغيرة وهي تقف على سريرها :- وأنا مالي بقى ياحج مراد وبعدين لو قصدك على سوو إنها قردة أنا هقول لآدم ابنها وهو يقول لعمو ياغيز وهو يتصرف معاك براحته بقى .
مراد بغيظ والتفت لابنته الأخرى :- لا والله يا أوزعة وإيه يعني ياختي قوليله مش بخاف من حد أنا قولي بس خليكي فاكرة الفتنة أشد من القتل وكده هتبقي فتانة وده غلط وربنا يزعل منك .
فريدة بضحك :- ههههههههههههههههه طب مشعلقني ليه يا بابي نزلني بقى وكده كده إحنا عارفين إنك مش بتخاف من أي حد يبقى دلوقتي متغاظ ليه وبتقول إننا فتّانين لو قولنا لأونكل ياغيز .
مراد بابتسامة باردة :- إنتي بالذات يا فري مش هنزلك غير لما تقولي حقي برقبتي وحرمت ومش هعمل كده تاني ساعتها بس هفكر إذا كنت هنزلك ولا لأ وإنتي يا ست سهيلة إتمسي وقولي يا مسا أحسن أشعلقك إنتي كمان زي أختك .
أسماء من خلفهم وهي مستندة على باب الغرفة بمرح :- ويهون عليك بناتك فلذات كبدك تعمل فيهم كده لمجرد إنك خايف يتفتن عليك ونقول لسهيلة الكبيرة على إللي أنت بتقوله عليها .
مراد وهو ينظر خلفه بغيظ وحنق :- أسماء هانم إنتي بتقوي البنات عليا ومش عارف أخد منهم لا حق ولا باطل من وراكي إنتي وصحبتك هقول إيه ما أنا الغلبان إللي وسطكم إخص بجد .
فريدة بنصف عين :- يا راجل بقى أنت غلبان يا بابي أنت أكتر حد شقي أنا شوفته بعد عمو ياغيز و عمو آدم النمر بصراحة بقى أنت بتفتي أوي .
سهيلة الصغيرة بضحك :- ههههههههههههههههه فري عندها حق يا بابي أنت شقي أوي أوي وبتستغل الفرص لما بنكون إحنا برا البيت وتعمل إللي أنت عايزه مع مامي و إوعى تنكر .
أسماء بضحك وإحتضنت ابنتها الصغيرة :- عيب يا سوسو كده بابي يزعل ويتقمص ههههههههههههههههه البنات ضيعوا جبهتك على الآخر يا مرادي والله معلش بقى متزعلش منهم .
مراد بغيظ وأنزل ابنته على السرير :- بقولكم إيه أنا ماشي قبل ما أتنقط فقعتوا مراراتي كلكم رايح أنام عندي شغل الصبح مع نمر مبيرحمش .
(آدم النمر ملعلع ف كل الروايات 😂 آدم النمر مفيش حد يقدر يقوله لأ أبداً حتى ياغيز إيجمان 😂)
أسماء بضحك شديد :- هههههههههههههههههههه اووه اووه خلاص يا ميرو متزعلش إحنا بنهزر معاك يا قلب سمكة بس بقى يا بنات عيب كده ويلا كل واحدة على سريرها عندنا مدرسة الصبح .
فريدة بحنق :- مش هنام دلوقتي يا مامي الساعة 8 دلوقتي ومعاد نومي بعد ساعة يبقى أنام ليه قبل موعد نومي الأصلي هااا .
سهيلة الصغيرة بإيماءة :- أيوة يا مامي أنا مش عايزة أنام برضو أنا هلعب بعروستي شوية صغننين وبعدين هنام اوك يا مامي .
مراد بسخرية ونظر إليهم من خلف الباب :- إشربي بقى يا مدام المنشاوي خليهم يناموا لو عرفتي تعملي كده معاهم تصبحي على خير .
#رحل مراد وذهب إلى غرفتهم .. أما أسماء تنظر في أثره بغيظ شديد وأبدلت نظرها بين الفتاتين وكلتاهما تنظران إليها ببراءة وابتسامة خفيفة ...
أسماء بغيظ :- عاجبكم كده تريقة أبوكم دي يلا يابت إنتي وهي ناموا عندكم مدارس بكرة .
فريدة بابتسامة :- ليه بقى عايزانا ننام يا مامي روحي إنتي ورا بابي وإحنا هنلعب شويه وبعدين هنروح ننام إجري إنتي وراه علشان تصالحيه .
سهيلة الصغيرة بغمزة :- فري عندها حق يا مامتي يلا روحي ورا بابي وصالحيه بسرعة قبل ما ينام .
أسماء بغيظ :- حرام عليكم إللي بتعملوه فيا ده أنا هروح أشوف حكايته إيه وجاية تاني .
#تركت أسماء الفتيات بغرفتهم وذهبت إلى زوجها مراد والذي كان يمثل بأنه نائم ويبتسم بخفوت ...
أسماء بابتسامة واقتربت منه :- مرادي حبيبي بناتك الأشقياء غلبوني سبتهم وجيت أصالحك قبل ما تنام وبطل تعمل فيها نايم علشان أنت صاحي وأنا عارفاك كويس لما تعمل فيها نايم ووشك بيضحك .
مراد وهو يمثل أنه نائم :- هممم عايزة إيه يا سمكة روحي يا حبيبتي شوفي بناتك ونامي معاهم أنا هنام لوحدي وهحضن المخدة يا بختك يا ياغيز زمانك هايص مع القردة سهيلة وأنا متنيل على عيني وحاضن المخدة بدل مراتي .
(بتنق علينا يابن الجزمة 😂😂 شوفي جوزك يا مدام أسماء الله بقى 😂😂 خليه يتلم شوية)
أسماء بابتسامة وصعدت فوقه :- يا مراد متقلش دمك بقى الشربات ده يا حبيبي الله بقيت شبه الأطفال وأنا راكبة على صدرك كده .
مراد بتأوه وغيظ :- اااه يانا يا جسمي ياما إرحميني يا سمكة وإنزلي يا حبيبتي ده صدري مش مرتبة سوست ياروحي لو البنات شافوكي هيعملوا زيك وهيطلعوا عليا يموتوني تنطيط .
أسماء بضحك وقبلت رقبته :- ههههههههههههههههههه وماله خليهم يشوفوني وأنا بلعب مع أبوهم براحتي وبتنطط عليه وهو ميقدرش يتكلم معايا .
فريدة و سهيلة من الخلف بابتسامة خبيثة :- ما إحنا شوفنا كل حاجة يا مامي بالأمارة كان في قلة أدب ف النص مش عيب تعملوا كده وإحنا لسه صغيرين وقدامنا كمان عيب أوي كده .
مراد وهو ينظر تجاه الفتيات بغيظ :- إنتي يابت منك ليها ليها بطلوا لماضة وتعالوا ناموا يلا .
أسماء باستغراب :- يناموا هتخليهم يناموا هنا يا مراد غريبة إنتي معملتهاش من يوم ما إتولدوا وكبروا وهما دايما بيناموا ف أوضتهم .
سهيلة الصغيرة وهي تقفز فوق السرير :- وماله يا مامي عادي بقى خلينا ننام معاكم النهاردة ده حتى آدم قالي إنه هيعمل كده مع أونكل ياغيز ولولي وهينام معاهم هو و سمكة الصغيرة .
فريدة وهي تصعد على جسد والدها :- عادي يا مامي ومتقطعيش علينا بقى أخيرا هننام سوا كلنا إهمدي يلا وروحي إطفي النور .
أسماء بغيظ وحنق وأمسكت بفريدة :- جرالك إيه يابت مراد بتقوليلي أهمد وأطفي النور لا ياروح أمك أنا مكاني هنا الأول من زمان وأنتو جيتوا بوظتوا النظام بتاعي أنا وجوزي إهمدي إنتي وروحي نامي إنتي وأختك ف أوضتكم .
سهيلة وهي تحتضن أسماء من الخلف بابتسامة :- تؤ يا مامي إحنا هنفضل هنا معاكم زي آدومة وسمكة اوك حبيبتي وإنتي كمان نامي معانا ف حضن بابي وإحنا ف حضنكم أنتو الاتنين إيه رأيك .
مراد بتساؤل ونظر إلى ابنته سهيلة :- وإنتي عرفتي إزاي إن آدم ناوي ينام مع أبوه وأمه يعني مين قالك كده مهو يمكن بيهزر لأن عمك ياغيز مستحيل يوافق على كده أصلا ده ممكن يقتلهم ومراته متنامش بعيد عن حضنه أنا متأكد من كلامي كويس .
سهيلة الصغيرة بضحك طفولي وركبت فوقه :- أنا إللي متأكدة يا بابي هههههههههههههههههه لأنه آدم هو بنفسه قالي هيعمل كده وطالما دومة قال كده يبقى عمل كده وبكرة هعرف منه لما أشوفه ف المدرسة أنا متأكده من كلامي يا بابي المرادي .
مراد بصدمة وغيظ من كلام ابنته الصغيرة :- بقى إنتي يا مفعوصة تعرفي ده كله عن آدم ابن ياغيز يا خوفي تتدبسي وتاخديه يابت مراد يا خوفي بجد أنا مش مطمن والله والأيام جاية .
أسماء بضحك وقبلت رأس ابنتها :- هههههههههههههه ياقلبي مامي إنتي وفيها إيه يعني يا مرادي لو إتجوزوا لما يكبروا آدم بيخاف على بنتك وبيحبها وكل الخناقات والمشاكل بيعملوها سوا .
مراد بخفوت :- سيبيها على ربنا يا حبيبتي وهو يدبرها من عنده ونسبق الأحداث ليه خليها بنصيبها أحسن مين عارف لما يكبر مين هتكون نصيبه .
أسماء بابتسامة :- عندك حق خليها على ربنا أحسن ويلا بقى بطلوا دوشة وخلينا ننام عندنا مشاغل الصبح بدري أنت عندك شغل وهما مدارس .
فريدة وهي تنام على ذراع والدها :- طيب حِيث كده بقى أنا هنام على دراع بابي وإنتي يا سوو تعالي يلا على الدراع التاني ومامي تنام على الناحية التانية .
أسماء بغيظ ونامت على ذراع مراد :- نعم يا روح أمك أنا إللي هنام هنا وإنتي يا سوو تعالي على دراعي أنا اوك وإنتي يابت مراد عدي ليلتك على خير أحسنلك سامعة ولا لأ .
مراد بصياح طفولي غاضب :- بسسس عاااااااااااااااا كفااااااية أنااااا هنااااااام لوحديييي على الكنبــةةةة وأنتوووو ناااامووااا على السرييييرررر .
أسماء وهي تكتم ضحكها هي والفتيات :- خلاث يوه قصدي خلاص يا مرادي نام براحتك ف الحتة إللي تعجبك وأنا والبنات هننام على السرير براحتنا برضو تصبح على خير يا حبيبي يارب .
فريدة بابتسامة مرحة :- أه أه يا بابي روح نام أنت على الصوفة وإحنا هنفضل ف حضن مامي .
سهيلة الصغيرة بإيماءة ومرح :- صح يا مامي عندك حق روح أنت يا بابي نام على ال couch براحتك وأنا هنام ف حضني ماميتي أنا و فري .
مراد نهض من مكانه ووقف أمامهم بغضب :- روحوا إطلعوا كلكم براا وناموا ف أوضتكم مع بعض وخدوا أمكم معاكم أنا هنام هنا لوحدي برااااا .
#نهضت أسماء بسرعة وأنهضت الفتيات وهم يضحكون بخفوت خوفا من والدهم الغاضب وخرجوا خلف بعضهم متجهين إلى غرفة الأطفال .. أما مراد زفر بحنق وغيظ ونام مرة أخرى على السرير وهو يتوعدهم بالعقاب الشديد إذا اقتربوا منه مجددا ليضايقوه وهو نائم ...
فريدة وهي تنظر من طرف باب الغرفة بهمس :- ده شكله نام يا مامي هندخل إزاي بقى عنده .
أسماء بهمس أيضاً :- مش عارفة والله يا فري نستنى شويه طيب وندخل يكون راح ف النوم .
سهيلة الصغيرة بخفوت :- طب أنا هدخل عنده ولو لقيته تمام ومش حاسس بيا هناديلكم تدخلوا ورايا وتطلعوا على السرير براحة من غير ما يحس .
أسماء بإيماءة وهمس :- ماشي ماشي روحي إنتي و إحنا وراكي بس براحة وبشويش .
مراد بنوم :- هووف بقى بطلوا دوشة خلوني أنام أنا عندي شغل الصبح تعالوا ناموا وإنجزوا بقى .
#ركض الفتيات بسعادة إلى حضن والدهم الذي نظر إليهم بابتسامة حنونة .. فاقتربت منهم أسماء هي الأخرى وجلست جانبهم على السرير .. وفجأة نظرت فريدة لسهيلة أختها وغمزوا لبعضهم ثم أمسكوا بالوسائد وبدأوا بضرب والدهم و والدتهم ويلعبون معهم بها .. إندمج مراد و أسماء باللعب معهم وأمسكوا وسائد أيضاً وبدأوا بضرب بعضهم ويضحكون بشدة وبعد قليل ذهبوا في ثبات عميق وهم يضمون بناتهم لأحضانهم ...

(اوووبس .. البارت خلص 😂 .. وإحتمال يكون في بارت خاص جديد ينزل بس مش عارفة إمتى .. فوت بقى وكومنت وبلاش قراءة ف صمت ممكن)
#عشقت-أوزعتي
بقلمي سهيلة محمد
هتوحشوني أوي أوي والله
فووووت و كومنتتتت بليييييزززز 🥺
أراكم قريبا