عشقت أوزعتي ❤ مكتملة (تم تعديلها)

راح يتقدملها ❤🌹

*قبل دخول شادي المطبخ أمسك هاتفه وبعث لوالده رسالة وفيها عنوان منزل حبيبته وعنوان مقر عمل والدها وبعدها أغلق هاتفه ووضعه على المنضدة في غرفة الجلوس .. واتجه لاخته في المطبخ لكي يساعدها ...
شادي :- عاليااا عملتي ايه ولسه فاضلك ايه .
عاليا وهي تمسك المغرفة :- انا عملت بانيه ومكرونة و لحمة محمرة زي ما بتحبها بالظبط وفاضلي السلطة وتوضيب السفرة وترتيبها .
شادي وهو يأكل قطعة خيار صغيرة :- طيب خلاص هاتي أعملك السلطة انا وبعدين اعمل معاكي السفرة .
عاليا :- أهم عندك في الطبق اعملها يلا .
شادي وهو يمسك السكينة ويبدأ في تقطيع السلطة وقال :- مش عايزة تعرفي ايه هو الخبر اللي هيفرحك جدا .
عاليا بفضول وهي تنظر له :- طبعاااااااااا انا هطق واعرف ايه هو .
شادي بجدية :- انا قررت اتجوز مجنونتي خلاص وفاتحت بابا ف الموضوع ووافق خلاص يا عاليا .
عاليا بفرحة شديدة لأخاها :- بيجااااااد .. وربنا وافق وهتتفقوا خلاص مع أهلها .
شادي بسعادة :- اه يا عاليا خلاص .. انا بعت ل بابا عنوانهم وعنوان شغل باباها علشان عايز يسأل عليهم وبعدين هروح اتقدملها رسمي فهمي نظمي .
عاليا وهي تحتضن اخاها :- بجد الف مبروك ياحبيبي وبجد هي دي الأخبار اللي تفرح ولا بلاش .
شادي بارتياح وهو يخرج من حضن أخته :- الله يبارك فيكي ياحبيبتي وعبالك يارب انتي كمان .
عاليا بابتسامة صافية :- حبيبي ربنا يخليك ليا يارب وميحرمنيش منك ابدااااا انت وبابا .. المهم خلينا ف موضوعك انت وعشقك .. كلمتها وقولتلها ان بابا موافق .
شادي :- اه كلمتها وقولتلها .. في البداية هي اتصدمت وبعدين قالت إنه مش هيوافق بعدين لما يعرف بالفرق بين الطبقات الاجتماعية اللي مابينا وكده .. بس انا قولتلها وطمنتها أن بابا موافق ومش معترض ابدا وكمان شاف صورتها وعجبته اوي وارتاح ليها جدا كمان .. بس ياستي آدي كل الحكاية .
عاليا :- طب الحمد لله خلاص ودي أحسن حاجة بابا عملها انه مش بيشوف أن الطبقات الاجتماعية مهمة للدرجادي وإن كفاية أخلاقها وتربيتها وإنها تصونك وتحبك وطبعا هي فيها كل الصفات دي اللي مخلياك متمسك بيها وانا كمان بحبها اوي .
شادي :- فعلا دي أحسن حاجة بابا عملها والله وغير كده انتي عارفة أخلاقها وتربيتها كويس أوي وانا بالنسبالي مش مهم عندي حكاية الطبقات وكده .
عاليا :- طب يلا روح جهز السفرة لأن بابا على وصول يعني حوالي 5 دقائق ويبقى هنا .
شادي وهو يخرج من المطبخ :- طيب ماشي .
*بعد عدة دقائق كان وصل كمال وهدان للمنزل وسلم على أولاده واتجه ل غرفته لتبديل ثيابه بأخرى منزلية مريحة .. وجلسوا على سفرة الطعام لتناول الطعام ...
شادي وهو يسأل والده :- بابا حضرتك عملت ايه ف حكاية العنوان وكده سألت ولا لسه .
كمال وهو ينظر تجاه ابنه :- اه يا شادي سألت وعرفت انهم ناس ذوق ومحترمين ومن عيلة كبيرة كمان وفروعها في كل البلاد و جذور عليتها صعيدية وهما ناس أخلاق فعلا وتربية وهي محترمة وهادية ومؤدبة كمان جدا .. وباباها شخص محترم كمان ومعروف بأخلاقه العالية ف شغله .. انا عايزك تكلمها وتقولها تكلم باباها وتاخدلنا معاد معاه علشان تتقدملها رسمي يا شادي .
شادي وهو يشعر بأنه على وشك الطيران من السعادة :- بجد يا بابا يعني معندكش أي مانع اني أتجوزها بجد وتبقى معايا طول العمر .
كمال وهو سعيد لسعادة ابنه :- اه يابني والله موافق ومعنديش أي اعتراضات كمان وخلاص هتبقى معاك .
عاليا وهي تبارك ل اخوها :- الف مليووووون مبرووووووك يا شادي ياحبيبي وعبال ليلتكم الكبيرة يارب .
شادي وهو سعيد جدا :- الله يبارك فيكي يا لولو وعبالك ياحبيبتي يارب .. يعني أقوم اكلمها واقولها دلوقتي .
كمال بضحك :- هههههه لا مش دلوقتي .. علشان ده وقت غداء .. بعدين أبقى اتصل بيها وبلغها بقى .
شادي :- اوكي ماشي يا بابا اللي تشوفه .
(نسيب دول ياكلوا ونروح لمكان تاني بعيد شوية من هنا 🏃🚗)