عشق في بلاد حروبها لا تنتهي 5 ( شهيد الواجب )

الـــمُقدمـــة

_
_
عِــشق فـي بِـلاد حُـروُبِهـــا لا تنتّٰــهي 5
ورجعنا ورجعتنا مميزه جداً بـ جزء حـ يكون قريب علي القلب مثل أبطاله لأنهم أبطال حقيقيين ، أبطال واقعنا وحياتنا ، وأصبحو رموز البطوله في بلادنا قدام العالم والكون كله ، جزء خفيف بـ حلاوت أبطاله ، وثقيل في حزنه الشديد ، " الجزاء الخامس تحت عنوان "
#شهيــد_الواجــب
.
#الـــمُقدمـــة
حُـب الــوطَـن لـا تُـغَـيـره الــمـحـن ... 🇱🇾
حُـب الــوطَـن لـا يُـواريـه لـا ثَـري ولـا كَـفـن ... 🇱🇾
حُـب الــوطَـن لـيـنـا كــ الــروح بـ الــبَـدن ... 🇱🇾
.
.
#مُــنذر ، موليد "96" حلم حياته يكون ملازم اول او ضابط عسكري واخيرا اليوم واقف قدام الكليه بعيون مليانه سعاده يشبح للكليه وكـ انه يشبح لـ طموحه لـ بدي يلتمس فيه ، حلم الوطنيه ، حلم الدفاع علي ارضه ، المساوات والعدل بين ناس شعبه ، يحكم رعاته بـ نظام بـ عدل بـ قانون سوي .
.
#مُصعب ، موليد "2000" وطني لدرجه ماتستوعبهاش ، العشق والحب والغرام عنده ليبيا 🇱🇾 ، والحبيبه الاولي هيا ليبيا 🇱🇾 ، طموحه لمسه وهوا يشبح لروحه في المراية بـ بتسامة طفوليه زي ملامحه وهوا يلمس في راسه لـ محلق علي الصفر ، طبس خدي الطاقيه لـ البسها وهوا يشبح لـ الباس الطلبه العسكريين بـ ضحكه تعلت منه لـ بداية اكمال الحلم .
.
#هَــارون موليد "97" حياته كلها بين الملشيات برغم صغر سنه ، الاسليحه لكلاشنات الرصاص وبـ انواعهم حافظهم صم لعشقه ليهم وأي نوع مايصلحش وأي اخطر والاصابات اللي ينتج من انواع الرصاص هدا كله يعرفه وفاهمه بـ مهاره محترفه ، وكان سبب دخوله للكلية بـ هدف تقوية مركزه في عالم السياسه ، بـ هدف يترقي لمستوي يخليه يمنع الخراب والفساد لصاير في الوزارات ، بـ هدف انه لما يكون ضابظ او ملازم او عسكري يقدر ينهيء علي هديكا الحاجه ، ويأمر بـ ديران هديكا الحاجه ، ويحط قيود تقلل من الفساد لشافه في طيلت سنوات خدمته بين الملشيات وفي الوزارات المختلفه .
.
#جَــابر موليد "99" حلمه متعلق بـ بوه الله يرحمه ، طول عمره يتمني يكون زي بوه ضابظ شرطه وقعد هدا الحلم يكبر معاه اكتر وكتر برغم معارضة امه وخوته بس سكر راسه وخش للكليه ، وها هو اليوم واقف في ساحة الكليه وحاس بـ روح بوه محاوطاته ، وتوصي فيه بـ الاتزان ، بـ الوعي ، بـ العقل ، برغم الاتزان والعقل والوعي والرزانه لـ في الدنيا  كلها في جابر اللي برغم صغر سنه الا انه عقله كبير ، ومتزن في كلمته ، و واعي في كلامه ، ومحترف في الكتابه ، واحترافه في مزج الشعر الغزلي لوطنه المحبوب الاول ليه .
.
#قَــاسم موليد "2001" احدا اسبب دخوله هوا خوه المتوفي في الحرب ، خوه كان عسكري من النظام السابق ، علي حسب مايُحكي عليه لـ قاسم انه وطني هلبا يحب بلاده وكان عسكري في الدفاع الجوي كان لما يستهدفو المناطق السكنيه العشوائيه ويعلم بـ الاستهداف طول يأمر بـ إلغاء القصف ، وغيره من الحكاوي عنه ، بس للاسف لما طاح النظام السابق تم اغتياله وقعدت ذكراه في العيله ومن بينهم قاسم لكل مايكبر وبوه يحكيله عليه يتمني يكبر ويخش للكلية العسكريه ويولي زي خوه ، وجي اليوم لخطي اول خطوات لـ الوصول لـ امنيته .
.
#رَواد موليد "98" اكتر انسان ضارب الوطانيه في البلاط ، ومغرقها سبان ، واخر همه لبلاد والحرب وليبيا بـ صفه عامه ، ولو كان في يده يطلع برا ويعيش في اي بلاد تانيه ، بس للاسف حتي خدمه مايخدمش ورقبته تحت بوه ، بوه ضابظ شرطه قديم متقعد ، وطبعا زي اي بو يحلم ولده يكون زيه ويعيد شبابه في ولده ، فـ اجبر رواد انه يخش للكلية العسكريه بعد عدت مناقشات او بـ الاحري عركات وطردات من الحوش وتمرميد رواد في البيته في جنان ومرات في كوفني بوه اللي مايتسكرش ههههه ، وبعد جهد جهيد من بوه او مش جهد اكتر ماهوا تهديد و وعيود بـ التبري منه وقلت سماحه اللي ماتهم رواد بس خاف يقطع عليه مصروفه ويلزه من محل قطع الغيار فـ ستسلم لـ حكم بوه وخش للكليه بـ عيون كارها الكليه والوطن بزياده .
.
.
وطنــي عِـشقي ، والــعشق وطنــي ، ولا يصلـح أن أعَشـق غيـر وطنـي 🇱🇾✨
.
.
تنهد مصعب وهوا يتلفت يبعد علي الزحمه ورد مجيب علي لـ معاه في الخط :باهي ياامي باهي حاضر
جاه صوت امه حسناء : وخلي تليفونك جنبك سلم ولدي وماتخليش بالي مشغول باهي ياامي
مصعب :حاضر ياامي يانور عويناتي انتي ارتاحي امتي اني ماردش عليك
بتسمت حسناء :ربي يفتحها في وجهك وينور دربك
ضحك مصعب وهوا يسمع في صفارة ولـ صوت أمر الدفعه يتكلم في الميقروفون :عسكر حاضرين
رد مصعب علي امه :ان شاءالله ياامي هي لازم نسكر اني
وسكر منها واول ماتلفت انخلع من رواد لـ واقف وراه وهوا حاط يديه في جيوبه ، وضحك اول ماتلفتله مصعب وقال :ياحبيب الماما انت ههههه اني شكلي غالط جاي للحضانه مش لـ كلية عسكريه ههههههه
رفع مصعب حاجبه :خير خونا فيه حاجه
وقبل مارواد يكلمه جاهم صوت أمر الدفعه وهوا ينادي :عسكر اصطفو امامي هيا الرجاء الاسراع
نفخ رواد بـ يأس ورجع تلفت لـ مصعب لـ شبحله من فوق لا لوطه بـ احتقار وتخطاه ومشي لين خلا رواد لـ رفع حواجبه بـ فتحت فم لـ تواني قبل مايهز راسه وهوا يتلفت يتبع فيه بهمسات توعد ليه خلاته يتبعه لـ الطبور لوقف فيه وكان بيوقف وراه بس جي هارون ووقف بينهم خلا رواد يضيق عيونه وهوا يخبط علي كتف هارون بـ القوه :هي انت حول مكاني
تلفتله هارون بـ رفعت حاجب وقال :مكتوب بـ اسمك
ضحك رواد بـ ستهزاء :ايه مكتوب بـ اسمي
طبس هارون لوطه وهوا يرفع في رجله ليسار بشويه ورجع حطها علي الارض ورفع رجله الايمين ورجع حطها علي الارض وبعدها رفع راسه وشبح لـ رواد وقال بـ رفعت كتاف :وينه اسمك ماشفتاش
قرن رواد حواجبه وقرب من هارون بـ اعصاب :تستزرف انت ، حول خير تو مانفسدلك خريطة وجهك
هارون زاد قرب وتكي جبهته علي جبهت رواد وقال بـ تهديد :فسد هي وشوف شن يصيرلك
وقبل مايرفع رواد يده ويضرب هارون حس بـ حد شدله يده وهوا يرجع فيه التالي :العسكر يشبحولكم ياشباب خلاص ستهدو بـ الله
فك رواد يده من جابر وهوا يتلفتله بـ صيح بس جت عينه في عين العسكري لـ قرب وهوا يصيح :خيرك انت وياه
تلفتله جابر وهوا يرفع في يده :لالا سوء تفاهم يافندي مافيه شي
العسكري :اوقف انت وياه يلا كل واحد في مكانه
هز جابر راسه وكيف بـ يتلفت لـ رواد عثر فيهم منذر وخلا رواد يصيح :تي خير ......
بعد منذر وهوا يرفع في يديه :بالله سامحوني خيوط البوتيل مدايرين فيا حالا
ضحك جابر عليه وهوا يشبح في خيوط البوتيل العسكري لـ طبس منذر يربط فيهم علي صوت رواد لـ ينفخ بـ اعصاب وهوا يتلفت يقرب من هارون لـ تلفتله بـ نظرت استحقار خلت رواد يشد روحه بـ السيف وهوا يتلفت لـ جابر ليضحك علي منذر لوقف وراه وهوا يتأفف ويقول :تي حاله ياراجل تقول خيوط نشر حوايج مش بوتيل
جابر :ههههه اسكت ماضحكنيش تو يجونا
بتسم منذر وميل راسه وهوا يشبح لـ الطبور قدامه وجت عينه في عين قاسم لـ تلفت لـ مصعب لواقف وراه وقال :بالله عندك كلينكس
مصعب دخل يديه في جيوب جيبوطي العسكري وقال :لا والله ماعندي
وتلفت لـ هارون لـ واقف وراه وقال نفس جملة قاسم :بالله عندك كلينكس
طلع هارون من جيبه باكو كلينكس وطلع منه طرف بس رفع راسه علي صوت قاسم لقال وهوا يرشف في خشمه وقال :طرفين باللهي خشمي يسيل تقول نهر النيل
ضحك مصعب لـ رجع تلفت قدامه وخلا هارون لـ مد البكو كله لـ قاسم وقال :ياالله يسدك الباكو اماله هههه
ضحك قاسم :تو اردهولك لما تنزكم ان شاءالله
قرن هارون حواجبه :فال الله ولا فالك ياراجل كان انت خشمك نهر النيل اني خشمي بحر الابيض المتوسط
رفع مصعب يده حطها علي فمه وهوا يضحك:ههههه تي اسكتو الامر يشبحنا
تلفت قاسم قدامه طول وعتدل  في وقفته زي مصعب وهارون اللي خبط بـ رجله رواد لـ نابش فيه بـ رجليه وخلاه يوقف بـ قرنت حواجب علي صوت الأمر لـ خلا جابر ومنذر يسكتو وهما يعدلو في وقفتهم ويشبحو قدامهم لـ المنصه لـ واقف عليها الأمر لـ صيح :عســاكر
ردو عليه الطلبه لـ واقفيين صفوف مصطفه بترتيب ونظام بـ صوت واحد :نعم فندي
الأمر :عاودو وراي
وصيح في الميقروفون :مستعدون
الطلبه :مستعدون
الامر :تقسمو بـ ان تفدو بـ ارواحكم وطنكم ليبيا
الطلبه :نقسم ان نفدو بـ ارواحنا وطننا ليبيا
الامر :وان لا تستسلمو امام العدوء والا تخونو وطنكم ليبيا
الطلبه :وان لا نستسلم  امام العدوء والا نخون وطننا ليبيا
الامر :وان لا امامكم غير النصر او الاستشهاد
الطلبه : وان لا امامنا غير النصر او الاستشهاد
رفع الامر يده وقال :انتم حمات الوطن الان ليبيا امكم وبوكم وخوتكم وهيا اولا بيكم من عائلاتكم ، من توا انتم مش شباب عاديين او مدانيين ، انتم عسكر ، ارواحكم مش ملك لكم ، ملك ليبيا ، ودمائكم ليس من وظيفتها ان تجري في عروقكم ، بل يجب ان تسقي عروق ارض الوطن ، من توا ومن اللحظه هدي انتم تبرعتم بـ حياتكم لوطنكم ليبيا ، يعني الموت قريب ليكم ، يعني الحرب بيوتكم ، يعني الدفاع سبيلكم ، والاستشهاد مصيركم ، مفهوم عسكر
الطلبه :مفهوم
.
.
المُــوت مٌُخيف بـنسبه لنــا ، وبـنسبه لـ العسكـري سعـاده مُنتظــره 💛🥀
.
.
.
#يتبـــع لـ البـــ{ 1 }ــــارت
#لـيبيـا_وطني🇱🇾
عِــشق فـي بِـلاد حُـروُبِهـــا لا تنتّٰــهي الجزء الخامس و المميز تحت عنوان ...
{ شُهــيد الواجــب }
__________________________________
عِــشق فـي بِـلاد حُـروُبِهـــا لا تنتّٰــهي 5
بداء كتابه الروايـة في 2020/أغســ8ٰـــطس/19
تم تجهيز الـمقدمة في 2020 / أكتـــ10ــوبر / 16
عدد كلمات الـمقدمة 1418
من كتــابة #اليَــاقُــوت
نبي انوه علي شي مهم ، انا معلوماتي اقل من بسيطه علي قوانين وقواعد ومبادئ الكليات العسكريه ، وماعنديش المعرفة الكامله علي اجرائتهم وحياتهم ، فـ كل اللي كتبته ولـ بيوصللكم شي تقريبي عن القوانين والقواعد والمبادئ متعهم 💛