لطفاً للنساء فقط
"الدين لا يعني الابتعاد عن الحياة❤"
__نصائح ،نقاشات،تطوير ،عناية،مهام ..
كل ما يخصكِ..
تنويه:مايذكر منقول 🌱
تجدونها ايضا في تليجرام 👇
@halabnatt
@rasel313
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ريام اريد اسمن بس بشكل حلو ريام انا نحيفة اريد ازيد وزني ويكون متناسق ريام اريد نظام يخلي جسمي تمام لا سمين وترهلات ولا ضعيف كلششش ريام شكد مااكل ما اسمن شسوي
قد تكون زيادة الوزن بشكل الصحيح والصحي صعبة بس مو مستحيلة ❌ بالإرادة ماكو مستحيل
اولا خلوني اكلكم اسباب عدم زيادة الوزن
1️⃣المشكلة بأكثر المرات تكون نابعة من عدم تمييز الشعور بالجوع، اذا معندج تمييز جيد للشعور بالجوع فعلاج التغذية يركز على تمارين تساعدج تميزين بين الجوع والشبع
2️⃣ عملية التمثيل الغذائي السريع
3️⃣مشاكل الغدة الدرقية وفرط نشاطها.
4️⃣مشاكل الامتصاص المختلفة.
5️⃣أسباب نفسية، مثل الاكتئاب وانخفاض الشهية للاكل، القلق، الضغط. وهنا من الافضل بالاضافة الى العلاج الغذائي التوجه ايضا الى جهة مهنية - طبيب نفساني / عامل اجتماعي / اخصائي نفسي.
ويوصى بالتوجه إلى الطبيب فوراً عند ظهور الأعراض التالية: الألم، الغثيان، فقدان الشهية، الاسهال، الامساك، البراز الدموي وغيرها من الظواهر في الجهاز الهضمي.
اعادة توجيه للفائدة @rasel313
زيادة الوزن الصحية
لما تردين تبلشين بعملية زيادة الوزن وبشكل صحي، وصحيح وتحصلين شكل جسم حلو وبيرفكت😍😉
لازم تمشين على هاي النصائح:
لازم تعرفين شكد محتاج جسمج سعرات حرارية بوزنج الحالي وبعدين ابدي شتغلي على زيادة كميات سعراتج الحرارية اليومية بالتدريج، ابدي بزيادة 500 سعرة حرارية يوميا لمدة اسبوع بعدين زيديها الى 700 او 1000 سعرة حرارية باليوم.
اول ما تحسين بالجوع اكلي لا تأخرين وقت اكلج لان تأخير الوجبة يخلي الشعور بالجوع يقل مثل ما نكول فاتتني الجوعة
زيدي وجباتج الى خمس او ست وجبات(ثلاث وجبات رئيسية و 2-3 وجبات خفيفة) حتى يبقى شعور انك شبعانة.
حاولي استهلاك سعرات حرارية باليوم اكثر من الي تحركيهن، من خلال التركيز على الاغذية الصحية العالية بالسعرات الحرارية، مثل: الحليب كامل الدسم. كوب من العصير الطازج. الكوكتيل المخلوط بالحليب والفواكه. زبدة الفول السوداني، المربى، العسل. ركزي على تناول حصص عالية من الكربوهيدرات، مثل: الارز، الخبز، البطاطا، المعكرونة والحبوب الكاملة.(حسب معدل السعرات العندج)
ركزي على البروتينات المنوعة والقليلة بالدهون، مثل: اللحوم، الدواجن، الاسماك والبقوليات.
لما تآكلين وتحسين نفسج شبعتي خلاص توقفي لا تآكلين بالكوة، لأن الجسم يعرف حدوده.
آكلي الاشياء الغنية بالدهون المفيدة والصحية غير المشبعة، مثل: الزيت، البذور، المكسرات، الحمص، الطحينة،، الافوكادو.
ابتعدي عن الوجبات السريعة والاطعمة عالية السعرات والفقيرة بالقيم الغذائية، مثل: المشروبات الغازية والكعك. وتكدرين تآكلي قطعة حلوى وحدة يومياً..
لما تسوين جدول لوجباتج خلي بي وجباتج المفضلة ورتبيها بشكل حلو حتى يصيرلج واهس للآكل وهمين ضيفي للوجبات بهارات فلفل اسود فواتح للشهية
قبل الوجبة لا ترسين معدتج مي او اي سوائل، لأن راح تحسسج بالشبع
بالنسبة للرياضة تكدرين تضيفين نشاط بدني هوائي خفيف، يساعدج بفتح شهيتج وزيادة بناء العضل وبالتالي زيادة الوزن 💪🏼
